عيون
الحلقه الثالثه عشر
طلعت نوره من الحمام : عيوني شن الجو و اضبطتها
وصال : بصفتي ان انا مرات فادي اطلعي من حياتي انا و حبيبي راجلي تمام احسن ما يصير شي يا دكتوره عيون
عيون ضحكت بإستفزاز : لو اللي في بالك تبي تبعديني من فادي فنحب نقولك يا سمحه راهه انا ما ناخذش فضلة حد ، يعني لو نبي ناخذه ناخذه نحطه في راسي ناخذه ناخذه ويجيني و انتي عارفه و غمزتلها .
وصال انصدمت و اضايقت
عيون : هيا فوفو مش قلتيلي تعالي خوذيني للصاله
وفاق : اها هيا ماما تبيني من بدري ترن وطلعن
وصال قريب تبكي : مش حنتريح منها حتى ليلة عرسي هذي شن هذا ؟
——————————————-
وفاق : متخلفه راهه تعدليش عليها
عيون وهي تسوق : والله ما مدورتها بس حبيت نوريها حجمها
وفاق : بس انتي دكتوره وواخذه دكتوراه برا خير منها عواطليه
عيون تضايقت : و انا ما نحبش نتباهى بروحي بس وريتها حجمها بطريقه اخرى
وفاق ضحكت : بس شفتيها كيف سكتت
عيون ضحكت : و كنها ما تسكت يا حنه
وفاق تضحك : هابا هابا
كملن سهاري في السياره و هن يضاحكن وماشياات للصاله
_____________________________
منصور : مبروك ي عريس طالع من الآخر
فادي متضايق : ها الله يبارك فيك سلمك عقبالك
منصور : اهو انا قريب خلاص
جهاد : شن في وحده فبالكك ؟
منصور : امي في بالها وحده
جهاد : و من هي من العيله ؟؟
منصور : دكتوره عيون
فادي انصدم : كيففف ؟ من جدكك ؟
جهاد : فِ بصاره الموضوع قاعد يحكي الراجل
فادي : سامعه شن قاعد يقول
منصور : كنك يا راجل شن في دكتوره زميلتي و حاب ناخذها حلالي لأن معجب بيها
فادي دفه لين راسه جا عالباب : والله نقتلك اديرها والله و طلع
جهاد مسك منصور : لا حول الله ، انت كان لازم تحكي ؟
منصور : ليش هو يحبها ؟
جهاد : مشعارف شن يحبها هذي ؟ ماعارفه يحب اختك كنك انت
منصور : تمام تمام عادي منكت متوتر هيا نمشو للشباب
جهاد ضحك : هيا دكتورنا
منصور ضحك : هيا يا دكتور
وطلعو
