عيون
الحلقه الرابعه
نزلو جهاد و نوره و وراهم صالحه ووصال للمول
جهاد عند وذن نوره : حبيبي انا نمشي نحجز للعشاء تمام ؟
نوره ابتسمت : باه حبيبي
عدا جهاد للمطعم
وصال عدت جنب نوره : تعالي جاي خاطري ناخذ هديه لفوفو
نوره بحتت فيها : تعالي هيا نشوفو محل المستلزمات بعدها الملابس
وصال ضحكت : باه هيا
نوره : ماما هيا تمشي معانا
صالحه لا انا خلوني نقعد في المكان السمح هذ وانتن بعد تحن تلقني هن
نوره ابتسمت : باهي يا ماما
للكاتبه ريان الزوي
وعدن لمحل الملابس الرجاليه
__________________________________
وفاق : فادي خلينا نمشو للمحل هذا
فادي : من جدكم انتوو عنجد نبو نمشو للمحل هذ تحقيش في الرجاله قدامهه ؟؟
نعيمه : خوذهن يا وليدي و فكنا من الحس معاها هذي ام لسان
فادي عصب : قلتت لاء انا
وفاق غمزت لدعاء .
دعاء بزعل : فادي انا خاطري نمشيله نبي نشوفه
جهاد حسها زعلانه : باه هيا وراي تعالن
وفاق و دعاء ضحكن
نعيمه هابا منكن انتن : نمشي نقعد انا عالكرسي هذ
وفاق : هيا معانا يا ماما
نعيمه حقت صالحه : لالا اهي اصلوحه قاعده غادي ريتيها نمشي معاها انا و عدتت
عدن وفاق و دعاء مع فادي للمحل
—————————————————
نعيمه : خير يا اصلوحه ايش الاخبار
صالحه كانت تقرا في مجله فوق الطاوله : نعومه اهلين كيف حالك
سلمن على بعضهن و قعمزن
نعيمه : شن جايه تغيري جو بروحك ؟
صالحه ضحكت : لاوالله من امتى نغير جو بروحي جايه مع نوره وراجلها قالو نغيرو جو هيا معانا
للكاتبه ريان الزوي
نعيمه : باهي بارك الله فيه والله شن اخبارها نوره
صالحه : تمام الحمدلله كويسه شن اخبار وفاق و فادي ؟
نعيمه : كويسين الحمدلله ، هذا يا حنه صار موضوع الايام اللي فاتو
صالحه استغربت : خير انشالله
نعيمه : لا خير خير وحكتلها
صالحه ابتسمت : من يوم يومك اديري زينة العقل احسن حاجه جبتيها معاك انا لو مكانك جبتها
