رواية : صراع الحب(الادمان)
للكاتبة : Nona Alsebhawy
"الجزء الاول"
الحلقة 2"
دنيا : شن اللي مضايقك
انا : مش عارفه
دنيا : تعاليلي هنا
انا قعمزت : هاا
دنيا : احكي بصدق
انا : دودي نبي نمشي فتره عن حوشنا منقدرش نتحمل انشوف عزو بدون مانحكيله شي ولا نعبرله ولله واعر الحب من طرف واحد صارلي اكتئاب
دنيا : تعالي كسدي عندي شهر فحوشنا
انا : اكيده
دنيا : شن الصندوق اللي ف يدك
انا : ابتسمت : هدا عزو حدفه ليا وهو سكران
دنيا : فنصت : مقوا قلبك يافرخه وبعدين يعاكس فيك وهدايا ومتقوليش
انا : بالله يادودي شن ينفع راه مش ع وعيه هوا ميندريش ع روحه
دنيا : ترا انشوفها
انا : مديتها لها : اهيا
دنيا : شافتها : حيي تهبل خيرها تقيله العفو
انا : الباين فضه وتوا ينوض الصبح حي وين حديدتي
دنيا : تشوفلها : الله جمييله تعطيهالي
انا : عدي العبي بعيد
دنيا : ركزت فالحديده : ترا شوفي شن مكتوب عليها
انا : خديتها وركزت فيها : الله ياربي
دنيا : شن مكتوب
انا : مكتوب وعلى العهد باقون
دنيا : ابتسمت : يحليلي
انا : تعرفي يادودي نبي نحكي معاه
دنيا : شن انديرلك نا مافيش حلول
انا : الله غالب نحاول ننساه
دنيا : ربي معاك
انا : جيعانه
دنيا : حت نا هي نمشو انديرو بيتزا
انا : هيا
ونزلنا لبزنا هديك العجينه والمكونات ودرناها وحطيناه فالكوشه نرجو فيه
انا : ياهم افتحي المسكر من برا
دنيا : مدخلنيش لين تطلعي معاي
انا : ضلام يختي
دنيا : هيا ومسكتني من يدي وطلعنا نرجفو
انا : عطك الخير ووه ظلام
دنيا : ويين مشيتي
انا : فتحت الضي : هيا بسرعه اولعيه وتعالي
دنيا : هي ومشت تجري فتحت الطوبو وخشينا......
انا : اييي البيتزا
دنيا : طلعتها : لا ماصارلها شي
انا : هيا جوعت
حطيناها ف صحون ومع الكاتشب والمانيونيز والمشروب وغسلنا باقي الحوسه وركبنا بالسفره
دنيا : شنرايك نركبو انكسدو فالسطح ع الطاوله
انا : عادي ورفعت بطانيه وركبنا للسطح
دنيا : فمها معبي : ااحح مطيبها النم
انا : ضحكت: صحتين يحنه
دنيا : مديلي المشروب
انا : هاك
دنيا : ولاء
انا : نعم
دنيا : الو
انا :?
دنيا : عادل خيرك .. ايواا ..علاش صوتك هكي..شن تحكي مفهمتش حاجه
انا : رفعت منها التلفون : ايواا
عادل : يضحك ويتكلم مرخي
انا : فصلت الخط وشبحت ف دنيا
دنيا : ترجف : ولاء خيره
انا : تي صوته سكران علاش ماقلتيلي يسكر
دنيا :مصدومه : حي وربي منعلمش ياولوش
انا : باهي خلاص متفكريش والصباح رباح
دنيا : تعيط : كيف مايقولي التافه الحقير الزفت انا شن درت ف حياتي باش يديرلي هكيي ومن امته يشرب
انا : سكري فمك ياخرا متعيطيش بكرا احكي معاه متكبريش الموضوع
دنيا : شن منظري بالله انحب واحد يشرب نقعد اكبر فاسده
انا : انصدمت : تي شني اللي تحكي فيه هدا انتي صح اول ماتعرفتي عليه كاين ميشربش وبعدها خش ع الجو هدا قصدي مرات مش منه اكيد مش منه لانه شخص كويس وفيه حد دخله ع الطريق هدا وبعدين شني تقعدي اكبر فاسده لما تحبي شخص بتطلعي فاسده مالا انا اتشوفي فيا فاسده ولا شني قصدي مهيش حلوه راه
دنيا : تبكي : متوقعتهاش منه وربي
انا : اوقفي ع حيلك انزلي ارقدي وتو نغسل المواعين وانجي
نزلت دنيا وانا مشيت للمطبخ غسلت وركبت لقيت دنيا راقده غطيتها ورقدت حت نا
أنت تقرأ
صراع الحب
General Fictionرواية : صراع الحب(الادمان) للكاتبة : Nona Alsebhawy الرواية حتكون اجزاء وكل جزء بعنوان واسم الروايه *صراع الحب* والجزء الاول يحكي ع قصة حب من طرف واحد وبعدها يصيرو احدات و يحبو بعض رغم ضروف الشاب يعني خاش في حاجات محرمه وهك والبنت حباته رغم كل اللي...
