رواية : صراع الحب(الادمان)
للكاتبة : Nona Alsebhawy
"الجزء الاول"
الحلقة التالتة والاخيرة"
عزو : نحبك
انا : مصدومه وفرحانه : ....
عزو : شوفي لو خايفه واتقولي هدا يسكر ويحشش راه انا ف الـ3 شهور فالحبس. اللي قضيتهم رفعوني لإعادة التأهيل وتعالجت وانا كل يوم وكل دقيقه نفكر فيك كنت منرقدش الا لما انشوفك وولله ويشهد عليا ربي حبيتك وانحبك ونبيك ليا وانا عارفك اتحبيني من نظرة عيونك ليا و انا مش حناخد رايك ومش حنكلمك الفتره هدي لعند نتقدملك رسمي من باتك لاني راجل وبنجيك من عند الباب بنطلبك من عمي عامر ونا منحبش جو المكالمات والشات ولف ودوران .. لأنك انتي انسانه اللي لفتت نظري ومنبيش نخسرك لانك محترمه وكويسه وحبيتيني بعيوبي وانا طول عمري حبيتك بس نبي منك توقفي معاي موافقة? "
انا : ضحكت وهزيت راسي : اكيد
عزو : نفخ وضحك : الحمدلله ..ولله ليا شهر نتدرب ع اليوم اهوا ..وخش
انا : عطيت ظهري للروشن وحطيت يديا ع وجهي ونبكي مش عارفه علاش ..
فجأه نسمع ف صوت من البرا
عزو : مصدوم : خيرك تبكي
انا : لفيت بسرعه انصدمت :??????
عزو : ممكن!
انا : فكرت شويه وهزيت راسي ...
عزو : دخل من الروشن : علاش تبكي
انا : كأنه قاللي زيدي قعدت نبكي بصوت ..
عزو : يحول في يدي من ع وجهي : خيرك?
انا : حضنته بقوه : وين غبت عني وربي الا عشت ايامات اخخيييه بدونك كنت منقدرش نرقد الا لما انشوفك كنت نوعى ع شوفتك وكل مانطلع انقابلك كنت روتيني اليومي كنت النفس ليا ولله ويعلم الله بحالتي ثثفي ال3 شهور هادو حت ماما لاحضت وتسأل فيا خيرك شن فيه ومنقدرش نجاوب نبي انفرغ طاقتي نبي لمن نحكي وولله لو خالتي دنيا مش بجنبي كنت متت ولله وانا نحبك وربي انموت فيك وحت لو انت ماتبيني نا نبيك ونعشقك حتى لو كنت مدمن واكبر تاجر مخدرات انحبك انحبك انحبك
عزو : بحنيه والحب باين ف عيونه : ياحبيبي اسف ياعمري ولله ولله مش حتتعاود وانا مش حنرجع زي قبل بس حبك ف قلبي وعيوني وكل شي وانا مكدبتش لما قلتلك انحبك منقدرش نوصف ولا انعبر حبي لك بس مع الايام حتفهمي حبي وانا مش حنسيبك حنكون معااك يابعد عمري معادش ادموعك ينزلو وانا عندي شويه حاجات بسيطه ناقصات عندي ف حوشي انكملهم وحنتقدملك ووعد راجل وقتلك منحبش اللف والدوران وانا راجل وحندير المستحيل معاك اهم شي عبرتيلي عن مشاعرك وانا تفهمتك وانشالله ربي يقدرني انكمل معاك ويسهل عليا انكمل و انجي لباتك ونكلمه ....وباسني ع راسي وبعدها خدي
انا : عز الدين
عزو : ااااخخخ نعععمم يااعيووون عزالدين يااقلب عز الدين ياارووحه انتيي
انا : ابتسمت: انحبك
عزو : تي احرف منك نا نعششقك وربي يابنت
انا : انشوف لعيونه ومبتسمة..
عزو : هيا اهيا ليك ..ومدلي شوكلاته ..: وبنمشي لداري تواا ارتاحي تمام
انا : ضحكت : احليلي شكراا عزوو
عزو : يحك ف راسه ويبتسم : اسمعي خلي نمشي لداري خيرلي عما نرتكب جريمه
انا : ضحكت وبسته ع خده : يلا تصبح ع خيير
عزو : تلاقي الخير وغمزلي وطلع من الروشن .....
انا : بعتتله بوسه فالهوا وردهالي........
المهم سكرت الروشن فرحانه ورقدت مرتاحه ومش حنطول عليكم ونختصر ......
حكيت لدنيا وفرحانه ومرو الايام وعزو معادش انشوف فيه واجد بس واتقه فيه انه مش حيطول عليا وبعدها اسبوع مشفتاش سمعت من بابا انه ف تونس توترت وخفت وبعدها ب اسبوع اخرا رجع بس رجع ب قوة واندفاع طلبني من بابا ووافقنا وع اساس نظره شرعيه وضحكنا وخدينا راحتنا فالهدرزه وبعد شهر عرسنا طول وكانو احلا ايام ودلعني وسافر بيا لأماكن ماعمري حلمت اني نمشيلهم و
ربي رزقني ب 2 توأم فرح ومرح
وتوا نحكيلكم ف روايتي وانا فخوره انني تزوجت من اروع الرجال واحن راجل فالدنيا
..
..
..
دنيا تزوجت من حمزه بعدي بـ سنة وعندهم ولد اسمه سند وحت هيا عايشه احلا اياماتها معاه
..
..
..
انا حبيت انشارك روايتي وانغير طريقه تفكير بعض البنات انه مش اي حد يشرب مش كويس وهك وفي نفس الوقت انتي خودي الشخص الصح اللي تقدري تغيريه وتغيري من الوضع اللي هوا فيه وتبعديه عن الشي اهوا وتوتقي فيه واتحبيه واتحببيه فيك وتتحمليه ..
وكيف ماشفتو قصتي انا حبيته وبعد كم طلع الشعور متبادل وصبرت عليه وشفتو نهايه روايتي كانت حلوه
وشكراا ع حسن المتابعه ❤️❤️❤️✨
Nonalsebhawy
Instagram: n6.ll_
تـابعـوا الجـزء الـتاني مع قصـة جديده اكيد حتعجبـكم
*صراع الحب*(حب مابعد الزواج)
الجزء التانـي ...
ضيفو الصفحة وتابعو الاجزاء 🤍🤍🤍✨
أنت تقرأ
صراع الحب
Fiction généraleرواية : صراع الحب(الادمان) للكاتبة : Nona Alsebhawy الرواية حتكون اجزاء وكل جزء بعنوان واسم الروايه *صراع الحب* والجزء الاول يحكي ع قصة حب من طرف واحد وبعدها يصيرو احدات و يحبو بعض رغم ضروف الشاب يعني خاش في حاجات محرمه وهك والبنت حباته رغم كل اللي...
