صراع الحب

الحلقة الرابعة

رواية : صراع الحب(حب مابعد الزواج)
للكاتبة : Nona Alsebhawy

               "الجزء التاني"
الحلقـة الرابعة"

لبست عبـايتي وطلعنـا للمحلات
بدران : شن تحسي روحك
انا : كويسه الحمدلله
بدران : به وين اين محل بالزبط تبي
انا : مشعارفه
بدران : ضحك : تم
انا : ابتسمت :...

المهم وقفنا ع مـول كبيير ونزلنـا وشريت هدايا لعمتـي (زوز قفاطين حوش وكندره وعطر ودرتهن ليها ف بكس ومبلغ 500د)  هدا اللي قدرت عليه وجت عيني ع توتـة رجاليه شريتها وبدران قالي تو انجيك وطلع .. وشريتله عطر وحطيتهم فالكيس ونزلنا وادهور بيا وروحنا للحوش
ع الغـدي طلبنا من برا
ونزلنا لحوش عمتي ...
ع سالمه : ياهلا بنيتي كيف حالك شن تحسي توا
انا : ابتسمت : الحمدلله كويسه
باسم: مرت خوي شنجوو
انا : كويسه وانت
بدران : باسم مالا ماتقرا
باسم : لالالا معنديش جو للقرايا بكل
ع سالمه : اصلا ماعمري ريتك تقرا وننصدم كيف تنجح الله اعلم
باسم : صقع عليك يمي مواهب راه
انا : ضحكت :...
بدران : وقف جاب الغدي وقعمز...
المهم تغدينا وشربنا الشاهي وكسدنا هدرزنا للعصر وع سالمه بتطلع للجيران عندهم عزومه وانا مخاطريش ركبت لحوشي ..

انا : نحس ف روحي بنسخن خلي اندوش ع السريع ...وفتحت دولابي طلعت قفطان صيفي قصير متاع حوش وملابسي الداخليه ومنشفي وخشيت للدوش
*طبعا لما بندوش نقعد ساعه فالحمام ..
وطلعت جففت شعري ودرت عطري وروج خفيف وطلعت للمطبخ درت عصير فراوله وطلعت اندور ع بدران لقيته راقد فالصاله استغربت
انا : بدراان بدراان
بدران : راقد....
انا : قربت منه :بدراان
بدران : ناعس : امم نعم
انا : عليش راقد فالصاله
بدران : ....
انا : نوض للدار باهي
بدران : صدااع راسي مشعارف خيره ..وبيقعمز
انا : ساعدته : بسم الله عليك
بدران : حط يده ع وجهه
انا : خليك تو انجيك ومشيت للمطبخ صبيتله عصير فراوله بارد مع شوية حليب وعسل وجيت...انا اشرب هدا
بدران : فتح عيونه : هدا شني
انا : حطيت يدي ع ظهره وشربته له...تو اتحس روحك كويس اكيد هبوط فالسكر ولا من الجو
بدران : هز راسه شوي قعد يشوفلي
انا : شنو تحس روحك توا
بدران : باهي الحمدلله
انا : الحمدلله
بدران : تلفونه شرين : الوو
..
..
وكمل المكالمه وحط تلفونه تنهد
انا : خيرك مالا
بدران :راقيله: وللهي مايتحشمو بكل ميخلوش الواحد يرتاح ف حوشه ومتزوج توا ياريت حت قاعد عزابي يشحطو فيا الهم
انا : خفت : شن فييه
بدران: كلموني فالشغل قالولي بيش بعد بكرا تجي صايره مشكله كبيره ودوشه وماعنديش ليهم خلوق ومش حلوه حت ف حقك انتي راجلك يبدا فالشغل ومزال عروسه وماقربتك وسكت
انا : انشوفله : بـاهي خلاص هدي اعصابك مافيش مشكله عادي متفهمتك انا بس ضروري تمشي للشغل وانت بتكلمني اكيد بعد بتمشي صح
بدران : هز راسه وساكت ...
انا : ساكته ونزلت راسي وانشوف لكرعيا ...
بعد هدوء استمر 3 دقايق
بدران : مالا اول مره اتشوفي لكرعيك
انا : ضحكت : لالا من زمان فيا الحركه هدي
بدران : يفصل فيا بعيونه : اممم
انا : تحشمت وتوترت : ..
بدران : يشوفلي ومبتسم : محلاك
انا : متحشمه : من ذوقك
بدران : خيره وجهك ولا احمر
انا : نزلت راسي : شي
بدران : ضحك :...
وقعد يحكي معاي وضحكنا وكله ورفعني لدار النوم ووو وكيف م تقولو (تهنيت)
.....
فاتـو الاحدات والايـام وجونـا حلووو وعلاقتي انا وبدران حلوووه وحبينا بعض ومحلا عيلته وكله وممشاش بدران للشغل لـ بعد اسبوع هوا سافر للشغل وانا مرضت
..
نزلت لعمتي ..
انا : تعباانه : كيف حالك اعميمه
ع سالمه : ياهلا بسم الله خيره وجهك رايح اصفر
انا : ولله ياعمتي حاسه روحي بتطلع انرجع وخلاص وبطني تلوي فيا ومره مره اتجيني دوخه
ع سالمه : سكتت وتشوفلي ومتوتره بعدها شافتلي كويييس: يابنتي
انا : ها يما نعم
ع سالمه : جاتك الدوره الشهريه
انا : تحششمتت : لالا الحق ع اساس الاسبوع هدا بس منزلتش
ع سالمه : باهي نوضي البسي عبايتك وانزليلي هي
انا : وين
ع سالمه : بنشيلك للدكتوره ومترفضيش راه هي سلم بنتي
انا : به حاضر
وركبت للحوش ولبست عبايتي ووشاحي ونزلت لقيتهم يرجو فيا ف السياره باسم وعمتي سالمه ركبت ومشينا للمستشفي وخشيت لدكتوره النساء وعمتي وباسم قعدو برا ....
دكتوره : شن تحسي
انا : بتعب : ولله يدكتوره ماسكني ترجيع واندوخ مره مره وبطني تلوي لوي
دكتوره : اها تمام نزلتلك الدوره الشهريه
انا : لا ع الاساس الاسبوع هدا مانزلتش وقلت يمكن تو بتنزل
دكتوره : تمام انا بنديرلك تحليل ومرات حيطول ومرات لا وفالشك تطلعي حامل بس اتشوفو التحاليل قبل
انا : انصدمت : حح حااملل وحطيت يدي ع فمي فرحانه ..
دكتوره : ابتسمت : ان شاءلله احتمالاتي يقولن هكي
انا : باهي امتا بيطلعن التحاليل
دكتوره : عطيني رقمك وانكلمك انا
انا : تم وطلعت ...
وروحنا حكيت لـ عميمه وفرحت والفرحه مش سايعتها وقالتلي...
ع سالمه: متحكيش لـ بدران لين يروح ديريها مفاجأه ينعلييي وليدي الحمدلله ياارب ..وقعدت تبكي ..
انا : حضنتها : اعميمه عليش الدموع باهي
ع سالمه : ولله يبنيتي الا دموع الفرح
انا : بستها ع راسها: انشالله ديما فرحانه يما
.......
منطولش عليكم ....
المهم بعد يومين طلعو التحاليل ليش تأخرو مشعارفه ومشيت للدكتوره وطلع صح حامل وكشفت عليا وكل شيي وروحت لـ اعميمه خبرتها وباسم عرف وباركلي حت هو فرحان عاد بيولي عم ومرو الايام وبطني تقعد تكبر وتعب وكله بسس لتوا بدران مكلمنييش?  .. وقلقنا عليه وقلنا تو يكلمنا ...فاتو اسابيع. شههررر?? ??
نزلت لعمتي : خايفه : اعميمه وين بدراان مكلمكش
ع سالمه : ولله يابنتي بروحي خايفه عليه مش من عوايده قلت لباسم يدير اتصالات لمركزهم غادي ..
جي باسم....
انا : ها شنو ي باسم
ع سالمه : خيره وجهك?...
باسم : قعمز مقابلني وبجنب عمتي ..: بنقوللكن
انا : هناا خففتت...: شنو ي باسم احكي
ع سالمه : خيره ولديي
باسم : احمم اا انا درت اتصالاتي وكل شي واللي عرفته انه بعد الحرب ف طرابلس اهيا مسكو بدران وبعض من جماعته وبعدها قعدو عندهم اسرى بس عايشين م عايشين الله اعلم ولله المليشيات كلاب وربي
ع سالمه : حطت يديها ع فمها : ووووك ينعليا ولييديي الغااالي
باسم : اسكتي يما متفاوليش عليه توا عندي صاحبي عنده رفقه فالمليشيات غادي انكلمه
انا : ???? كأنه حلم معادش قدرت طول اغمى عليا ........
بعد وعيت لقيت روحي فالمستشفي ومعاي اختي روان فرحت لما شفتها طول قعدت نبكي وحضنتها
انا : ااخ ي رواان وربي مانستاهل اناا شن دايره ف دنيتي يوخييتي قولييليي
روان : اش حبيبتي انشالله يطلع بالسلامه ومتخافيش هدي روحك علشان البيبي
انا : حطيت يديا ع بطني : حبيب ماما بابا عدا وسيبناا
روان : رووونق متقوليش هككييي تو يرجع بالسلاامه قلتلك انا خيرك هدي روحك واشربي ميه ....وشربتني.....
شويه انفتح الباب وخش بابا
انا : مش مصدقه عيوني انشوفله ودموعي ينزلو ..شويه وخشو وراه خوتي انا هنا انهرت ..ي انتمم مستااحشتهم من لما اتزوجت لا ريتهم لا كلمتهم
بابا : كيف حالك ي بنتي ..وحضني ..
انا : قعدت نعيط ونبكي بالعبره.......
....
المهم بابا وخوتي تأسفولي وهدوني وقعدو معايا يواسو فيا ويهدرزو معايا وقلت لبابا راني حامل من فرحته يبكي وحضني وخوتي باركولي وكله وهدا اللي خلاني نصبر شويه وانهدي ....بسسس بدو يمرو الايام والاشهر وانا روحت لحوش بابا وقعدت معاي روان واعميمه مره مره اتجيني مسكينه وانا ديما انرن عليها ونسأل عنهم والصراحه اتعبت والدكتوره قالتلي تبي راحه اي حركه هكي ولا هكي بيطيح الجنين لانه بعد بكيت وازمرت نفسيتي صارلي نزيف .. وبابا وخوتي وروان مانقصو عليا حاجه والحمدلله يارب تغيرت معاملتهم معانا للأحسن وبعد عرفت اني حامل ببنت بكيت شويه وفرحت وتمنيت ان بدران معايا فالوقت هدا وتعبت الصراحه جسديآ ونفسيآ وهديت وتفائلت خير وقلت مستحيل بيسيبني بدران بما انه مر ع اختفائه 9 شهور ف وقت حملي وما شي صبرني الا البنوته اللي ف بطني .......
فيه يوم طالعه نتمشى فالحوش
انا : روان ناصر وين مالا
روان : نعليا قااعد يهببل
انا : ابتسمت : ربي يخليكم ببعض ويرزقكم بأحلا بيبي
روان : انشالله يعمري انتي
انا : بطني كبييره حطيت يدي ع بطني : انشالله اتكون خير عليا هالبنوته
روان : انشالله حبي
انا : حسيت ب لوي قوي وظهري نخصني : اااااه
روان :خافت: خيرك
انا : ب وجع :شكلي بنوووولد ي روااان ااااه
روان : ي وااائل يي عدنان تعااالووو
طلع وائل يجري ..خيييرك شنفيه
روان : متوتره : اختكم بتولد بسررععه جيب السياره
وائل : هي ..وطلع يسخن فالسياره
روان : رونق حبيبتي خليك دقيييقه بس انجيب عبايتك وشنطتك وخشت تجري.. وانا مقدرتش نمسك روحي وانعيط ونحس ب ميه نزلت مني وزااد الوجع ونبكي خايفه تمنيت بدران معايا وجت روان لبستني عبايتي وطلعني وائل وكلمت روان اعميمه وقالت جايه فالطريق  .......ووصلنا للمستشفي والدكتوره استقبلتني ودخلتني لغرفه الولاده ومطولتش وولدت واغمى عليا والنفس انقطع عني واتشوف فيهم يجرو بيا وحطولي اكسجين ومعادش علمت ب ولا حااجه .........

بعد مرور ساعتين وعيت ولقيت عمتي وروان يشوفنلي وفرحانات
انا : وين بنيتي
روان : اهو توا بتجيبها الممرضه من الحضانه
انا : قعدت نبكي وحاطه يدي ع وجهي ..
ع سالمه : خيرك يبنيتي
انا : بدراااان ويين نببييه يشوف بنتناا تمنيته معاااي فاللحضه هدي ي عميمه اول طفل لينا راهوو حسو بيااا
ع سالمه : حضنتني : معلييش ياعمري انشالله يطلع بالسلامه ويشوفها
....شويه وجابو البنوته وحطوها ف غمري انشوفلها ونبكي
انا : شوفو خشمها وفمها صغيراات كيف باتهاا وبست يدها ..محلاك ي حبيبة ماما
وشويه خش بابا مسكها واذن ف وذنها وانا من التعب رقدت .......

تااابـعو البـارت الاخيـر ....