صراع الحب

الحلقة الاولى

رواية : صراع الحب(حب مابعد الزواج)
للكاتبة : Nona Alsebhawy

               "الجزء التاني"
الحلقة الاولى"

انا : يابابا منبييش افهمني علاش هكييي
بابا: بعصبيه: انا مجيتش علشان ناخد رايك جيت نعطيك علم
وائل: سمعتيه ولاا
انا : نبكي : مش متزوجه شخص منعرفااااش بلكي مش كويسس كييفف انتم متحسوش
وائل: ياباتي الولد صاحبي ومفيش احسن منه
بابا : اليوم شنو ف الايام
وائل: السبت
بابا : خلاص مالا قوله الخميس يقرو فاتحتها ويروح بيها وبعد بكرا التلبيسه
انا : نعيط : يابابا انا بنتك كيييف ادير فيا هكي انتم عزوتي انتم ضهري كيف وليييش انا شن درتلكم اااهه
بابا : طلع ......
وائل : مسكني من رقبتي : انتي حتتزوجي غصب عنك يافاسده
انا : حول عنيي ودفيته...
وائل : دفل وطلع
انا : بصوت عالي : حسسبي الله فيكم ربي ينتقم منكم وطربقت الباب وقفلته 3ساعات م طلعت لعند ادن المغرب نزلت نشرب
طارق : رونق يبيك باتي ف داره وطلعع...
انا : تنهدت من وسط قلبي ومشيتله....
دقيت الباب وخشيت
انا : نعم
بابا : وقف طلع ظرف من الدرج ومده ليا : بكرا اختك اتجيك وترفعك للمحلات تشري اللي ناقصك وتبي شي قولي
انا : نزلو دموعي : بابا ليش هكي
بابا : وخيرها اختك
انا : مسحت دموعي :شكرا وطلعت لداري قعمزت نفكر ونفكر ووكلت امري لله
وطلعت الشمس ومع الساعه 10 جت اختي روان وطلعنا للمحلات و خشيت عند مزين وبعد كملنا روحنا ولقيت بابا جايب الحلو والعصير
انا : تنهدت : رورو شفتي قداش بابا حنين بس ليش ميبيش يوضح لييش
روان : الله غالب
انا : وين ناصر راجلك
روان : ربي يهديه ولله الا منشوفش فيه من الشغل للحوش يروح موخر وبعد يضايق ولا حاجه يضربني ولله تعبت تعبت تعبت
انا : تصدقي انحس ف مستقبلي احرف منك
روان : هيا بالله امه بكرا بتجي
انا : وخواته وين
روان : ع حسب ماسمعت انه معنداش خوات
انا : اخخ ياارب كون معايا
روان : هيا هيا تعالي انوتو كل شي باش بكرا نفضولك
المهم وتينا كل شي ورتبنا ومسحنا ونضفنا ورقدنا وفالصبح نضنا درت دوش واستشورتلي روان شعري و رفعته ووتينا التقديم وتغدينا وو..وبعد شي ساعه دخلت لبست قفطان مجسم اسود وفردت شعري ع طوله ومكيجتني روان وخش وائل
وائل : شافلي بنص عين : قريب يوصلو وطربق الباب وطلع
انا : توترت : ووه ياروان خايفه
روان : انا معاك حب متخافيش ديما خليك واتقه من نفسك وضحكت.. المهم خشي وراسك مرفوع الله يبارك اصلا طالعه تححفه يبنت نياله اللي بياخدك
انا : تي بالله غصب عني ونياله قاتلك
روان : ضحكت : مايوجعك خاطرك يحنه
انا : الحمدلله ع كل حال
روان : وائل دار رنه شوره وصلو انزلي للمطبخ شوي وانادي عليك
انا : باهي ولبست الكعب ودرت عطري ونزلت بسرعه

.........
عند روان
روان : اهلا اهلا تفضلو زارتنا البركه
الحاجه : يبارك فعمرك يبنيتي صحيتي
المرا : تسلمي ..ودخلو الحوايج اللي جايبينهم من تسبيت وحركات كله للصاله...
وقعمزن يهدرزن وانا نسمع وخايفه نرجف شويه وجت روان
انا : شنو
روان : طحتي في عمه اسمها سالمه ماشاءلله اسلوب وذوق وكان تشوفي اللي جايبينه لك حي ياحي وخالته جايه معاها اسمها ورود حت هيا ماشاءلله وهوا اسمه بدران
انا : استغربت : بدران رسمي? ?
روان : حي عليك انتي متعرفيش تي عيله كلهم رقي الواضح
انا : هاهاها تي كان نلقا انموت
روان : بالله طلعي السفره متع العصير خلي انطلع الشوكلاطه
ورفعت سفره التقديم وطلعت وورايه روان
ع سالمه : ماشاءلله تبارك الله قل هو الله احد محلاها كنتي ياعليك حظ سمح ياعليك حظ سمح ماشاءلله
انا : بارك الله فيك عمتي هي تفضلي
ع سالمه : يزيد فضلك يابنتي صحيتي
انا : لفيت لورود : تفضلي
ورود : بسم الله ماشاءلله صحيتي يمي
انا : حطيت السفره وقعمزت مقابلهن
ع : سالمه : تعالي هنا بحداي علاش بعيده
انا : ف خاطري وااااك ..جيت قعمزت بجنبها ...
ع سالمه : كيف حالك انشالله بخير
انا : الحمدلله في نعمه شن حال صحتك انتي
ع سالمه : ابتسمت : الحمدلله بخير
انا : دومها يارب
ع سالمه : سلمك
ورود : اسفين ع الجيه المفاجئه ولله إلا زر علينا الوقت والحق بدران قال فيه بنت كدا وسمعتها ماشاءلله وتكون لصاحبي نبي نتقدملها ع السريع عنده موضوع وسفر وميبيش امه بروحها يبي من تونسها
انا : ابتسمت وهزيت راسي..
روان : لا عادي مافيهاش اسف ولله الدنيا نصيبات ووخيتي نصيبها جي في ناس كويسه وفي قمه الاحترام والدوق
ع سالمه : بارك الله فيك حبيبتي ولله حتى نسبتكم مافيش خير منها وبنات ماشاءلله احسن تربيه وربي يرحم اللي جابتكم ولله خلفت بنات زي لعسل دوق واسلوب وجمال الله يرحمها ويغفرلها
انا وروان -:خانقتنا العبره : اللهم امين يارب
ع سالمه : بنيتي رونق متخافيش وليدي مابينقص حاجه عنك ولا حيغلط فيك وسامحينا ع العرس ولله متحشمين بس بدران ميبيش ربي يهديه وانا ولله مش هاين عليا ياخد بدون زفه ولا هاين انه انتي متلبسيش الفيلو يبنتي بس الله غالب ماعندي مانديرله المهم هوا بيلبسك الدبله ونخلوكم تحكو ع راحتكم ويفهمك تمام
انا : شبحت لروان ...
روان : اكيد
انا : هزيت راسي ...
ع ورود : نرن عليه
ع سالمه : اي
ودارتله رنه شويه ودخلتني روان لدار الجلوس ووهوا شويه ودخل
انا : رفعت عيوني انشوفلك هضاااك الطرففف والعيون الوسيعه واللحيه المرسومه مع خصلات شيب وهضاااك الجسم وريحه العطر فاايحه مع الرسمي قريب دخت
بدران : شافلي ونزل عيونه : السلام عليكم
انا : صوتي تغير فجأه قعد رقيق سمح لين انصدمت : وعليكم السلام
قعمز بجنبي وروان دخلت عطتنا السبات اللي فيه التلبيسه وجابت العصير وتورته صغيره وطلعت ...
بدران : كيف حالك
انا : بخير في نعمه وانت
بدران : الحمدلله
انا :دومها يارب
بدران : سلمك
انا : ف خاطري خيره هكي ميعدلش تقولي يهدرز مع اخته ..
بدران : وين خالتي تجي اطلعلنا الدبل
انا : درت رنه لروان وجت : روان قولي لخالتي ورود يندهولك وطلعت وخشت ورود
بدران : وقف : وين التلبيسه
ورود : طلعتهم وابتسمت : هادو هما
ولبسني الدبله ولبسته وقصينا التورته وشربنا العصير وخالته مابطلت تصوير وبعد كملت
ورود : ابتسمت : يلا نستأدنكم خليكم براحتكم وطلعت
وسكتنا ومافيش واحد شاف للتاني شويه و ..
بدران : احمم اسمك معليش
انا : شبحتله : اسمي رونق
بدران : امم عاشت الاسامي
انا : تعيش
بدران : تسلمي ..وطلع فلوس من جيبه : معليش مش حنديرو زفه واكيد حكولك وضروف يحكمو وهدا مبلغ حتكملي بيه اللي ناقصك انتي شخصيآ اما الحوش كامل ب كل شي مش ناقصه حاجه وانتي هادو ديري بيهم رايك اللي تبيه خوديه واي شي ينقصك رني عليا وجبتلك شفره جديده فيها رقمي ف بوكس تلقيه واي شي ناقصك متتحشميش وانا حنسافر مده مش معروف امتا و تبيك بس تعتني ب امي وتردي بالك عليها و حوشي فوق هلي وخوي مش حينقص حاجه عليكم وانا مسافر شغل مش عارف امتا انروح ولو سمحتي ردي بالك عليها طلب وليس امر
انا : ان شاءلله ..: وفي خاطري مصح وجهه جايبني خدامه لامه غير خايفه من خوتي يدبحوني كان هدا رديت عليه ..
بدران : هيا نستأدنك ..ووقف ووقفت معاه.. وبارك الله فيك ع التفهم والذوق وطلع
انا : قريب بكيت : خيره يحكي بدون نيه ولله من الاول عرفت بختي العطيب يدوي فوق من نفسه ومشبحليش حت شوي..وطلعت
ع سالمه : ابتسمت : ها شني اتفقتو
انا : ان شاءلله
ع سالمه : ضحكت : باهي مبروك علينا وعليكم يبنيتي ولله من خيرة الناس
روان : ابتسمت : سلمك يعمتي ولله القلوب عند بعضها ومعرفه خير يارب
ع سالمه : اي ولله الحمدلله ووقفت
ورود : نمشو?
ع سالمه : اي
روان : وين العفو مزال دوبكم جيتو
ع سالمه : ولله هدا هو وانشالله فالجايات يارب
روان : انشالله يارب
ورود : ربي يتمم علينا بالخير يارب
كلنا : اللهم امين
المهم سلمو وطلعن وسكرنا الباب..  ونا وروان خشينا نجرو انشوفو شن جايبين
انا : وووه مكتره هدا وين بنحطوه
روان : ووه صحه لك يافرخه ماشاءلله
انا : هيا نركبو نتفرجو عليه ف داري
روان : اي بس خلي نلمو الحوسه وع راحتنا
المهم رفعنا كل شي جابوه لداري وخشيت غيرت حوايجي وغسلت وجهي ونزلت لمينا المواعين وكنسنا ومسحنا وغسلنا وبخرنا وركبنا لداري
روان : الله ولله نيالك في عرب هكي
انا : تنهدت : في هدي عندك الحق الحمدلله
روان : افتحي البوكس الاحمر اول شي
انا : فتحته وانصدمنا : محلااااه
روان : ياعيني ع الحركات
بوكس فيه مجموعه شوكلاطات و تلفون وكملياته ...
انا : خليه فالشحن انكملو ونرجعوله
روان : اي
وفتحنا بوكسات واجده .. بوكس للعطور ومواد التجميل.. بوكس خاص بالبشره والجسم ..وبوكس فيه 3 توت وشبشب ..وبوكس فيه بدلتين طلعه وشنطه واسبيدرو ..وبوكس في قفطان سهره .....
روان : لنقنهم دوق
انا : ايه
روان : شن صار وقت التلبيسه
انا : حكيتلها.....
روان : امم صح ره حسيته مش معدل ولا كيف
انا : اي وامه وخالته عكسه فرحانين
روان : صح
انا : روان من لما خديتي محكيناش واجد  نسألك سؤال محرج
روان : عيب انتي خيتي اسألي اللي تبيه كان ماسألتيني من بتسألي
انا : حملتي?
روان : لا هوا اصلا منشوفش فيه يروح المغرب و يقعد مع امه ويروح للحوش بعد لعشي ف بعد .ميتعشاش عندي لين كرهته حت بعد يروح اندير روحي راقده معادش نبيه يقرب مني ولله هوا كويس بس امه سوسه لعبتله بعقله قعد يشك فيا ويضرب فيا مرات وانا متحمله ونبيه يطلقني
انا : فكك مطلقيشي فكك من خوتك وباتك يفرموك فرم ياخدو حقك بس تروحيلهم يطلعو العيب فيك وماتنجيش منهم وراجلك تقدري تسيطري عليه وتغيريله طبعه بس تطلقي حت كلام الناس مايرحم وانتي حاولي تغيريه وغيري من نفسك شوفي هامله حت روحك امشي للمزينه تعدلك حواجبك واديرلك فتله و حلوة جسم و اصبغي ومكيجي ف حوشك دلعيه عامليه بهداوه وحب ولله حيغير رايه وانتي جربي ومش حتندمي

.....

تابعو ........