صراع الحب

الحلقة التانية

رواية : صراع الحب(حب مابعد الزواج)
للكاتبة : Nona Alsebhawy

               "الجزء التاني"
الحلقة التانية"

روان : ولله ياريت بس حنحاول انا
انا : ضحكت : قعد عندي تلفون امتا ماتبي خشيلي يحنه
روان: ضحكت : لالا من توا التفشيك عاد
انا : انبصر عليك حبب نحبك انا
روان : حت انا
انا : تلفونك يرن?
روان : اهو تلفوني ف جيبي اه تلفونك لجديد هدا
انا : مشيت جبته وجيت ..
روان : من?
انا : بدران مكتوب بخط كبير وضحكت
روان : ضحكت : خيره سامط كاتبها بدون حت قلب
انا : ايييه
روان : ردي ردي
انا : ايواا
بدران : اهلا وين مالا
انا : كنت مش فاضيه والتلفون فالشحن مسمعتاش
بدران : اها باهي ربي يعاون
انا : سلمك
بدران : يلا هي سلام قلت خلي انشوفها
انا : صحيت بارك الله فيك
بدران : سلمك وسكر الخط
انا : قنين الله بس ميبيش يخش فيا واجد حسيته جدي مش متاع بصاره
روان : واااهه سامط
انا : تعرفي  امبدري حت عينه مارفعها فيا يتجاهل يشوفني
روان : فوتيه توا يندم بعدين ورديله الحركه
انا : اكييده
روان : ضحكت
انا : انقولك توا رني ع ناصر راجلك ديريله الحركات واسأليه وين انت وشن داير وتغديت ماتغديت وهك وخليه يفقدك ويحس انه مقصر معاك ليين يوم ايروحو بيا الخميس واتروحي وراي
روان : زعما
انا : جربي
روان : ترن .....الو
ناصر : ايوا
روان : كيف حالك اليوم من امس وقت حطيتني عند هلي مرنيتش عليا قلت خلي انكمل الحوسه ونرن عليه
ناصر : الحمدلله بخير وامس كاين عندي خدمه مفضيتش
روان : وين قاعد
ناصر : في الحوش
روان : وين عند هلك
ناصر : لا قاعد فحوشنا
روان : تغديت
ناصر : اي عند امي
روان : اها باهي صحتين
ناصر : سلمك
انا : نأشرلها بمعنى خلاص سكري..
روان : هيا توا نخليك اكيد بترقد بس قلت خلي انرن انشوفه علشان مدورنيش امس واليوم ونسألك تغديت ولا
ناصر : اوك تمام هي
روان : سلام وفصلت الخط
انا : خيره ياروان ولله اسلوبه قنين
روان : سكري فمك حت انا استغربت هدا علاش سألته وين قاعد كانه مع امه راه ينبح عليا
انا : لاحول الله ربي يهدي
روان : هيا نمشو للمحلات
انا : تاعبه بنرقد
روان : مافيش وقت راه
انا : باهي انقولو لبابا
المهم رنينا عليه وقلناله وطلعنا للسوق
روان : انخشو ع المحل هدا اشري لخطيبك هديه
انا : فوتي
روان : شني فوتي اهيا يابايخه عيب وبتشري لامه وخوه زياده خشيلي للمحل توا
وخشينااا وشريتله توته وعطر ..ولخوه ساعه وطلعنا لمحل تاني شريتله زبون وطلعنا لمحل تاني شريت لامه هديه ولفينا ع محلات وصينا ع حلو للرجاله و روحنا تعبانين خليت روان اطيب ف العشي ركبت رقدت وخليتها

المهم بعد مرور يومين جي اليوم اللي بيقرو فيه فاتحتي وعيت نا واختي من صبح ربي وتينا سفر الرجاله التمر ولحليب والحلو والهدايه والشي البايخ انه معزمناش حد لعيلتنا كانو متعاركين مع بوي ومجاناش حد ودرنا كل شي بروحنا وركبت لبست قفطان ابيض بسيط ومكيجتني الكوافير ودارتلي شعري فلو
وكملت حوستي وانقرت فاتحتي وخوتي باركولي وبابا وبكيت وخطرت عليا ماما حبيبتي رحمة الله عليها وبعدها جت السيارتين ونزلت عمتي سالمه تباركلي وشويه ولبست عبايه عرايسيه وبخرتني روان وتبكي وحضنتني وطلعو شناطي متاعي وروحو بيا ودخلت وفيه شويه معازيم قعمزت وسلمو عليا واغاني وهرجه وراسي يوجع فيا لييين بعد المغرب خش بدران وسلم عليا وطلعني وركبنا فوق لحوشنا كان في قمه الذوق بسيط وجميل
بدران : تفضلي
انا : تسلم وخشيت حولت عبايتي وانشوف للحوش ولفيت لقيت بدران يتبع فيا بعيونه توترت
بدران : عجبك الحوش
انا : اي حلو
بدران : يشوفلي
انا : توترت : معلش وين شنطة حوايجي
بدران : كله ف دار النوم
انا : خشيت و قعمزت انرتب ف حوايجي كلهم ولقيت هداياهم ..
انا : بدران! 
بدران : خش : نعم
انا : هديه بسيطه
بدران : ليا نا
انا : اي
بدران : صحيتي بارك الله فيك
انا : سلمك
بدران : انتعشو!  العشي واتي
انا : تمام
وطلعنا نتعشو فالمطبخ ع الطاوله
بدران : وصلاته رساله فتحها كأنه انصدم وسكر التلفونه اشويه: اا ياا
انا : رونق
بدران : رونق بكرا الصبح مسافر
انا : انصدمت : قعدت انشوفله !!
بدران : عارف بروحي انصدمت بس الخدمه الجماعه يبوني فالشرق
انا : غصه ف قلبي اكتفيت ب هز راسي
بدران : انا ضابظ فالجيش وخدمتي فجأة اتجي معليش سامحيني
انا : ولا يهمك ووقفت
بدران : خيرك كملي عشاك
انا : شبعت الحمدلله ورفعت صحني وطاستي غسلتهم وخشيت لدار انرتب ف دولابي وخانقتني العبره ..قصدي من اول يوم هكي حت ساعه مادرناها بيسافر طول قصدي بايخه مش حلوه ف حقي..
خش بدران طلع شنطه وقعمز
انا : تعشيت
بدران : اي الحمدلله
انا : باهي صحه
بدران : سلمك
انا : انطلعلك دبشك! 
بدران : ع راحتك
انا : مطول?
بدران : مش عارف
انا : هزيت راسي وطلعتله كم توته وحوايجه وعطر وهك وسكرت الشنطه ورفعت توتتي وخشيت للحمام نغير وغسلت جسمي ودرت لوشن رفعت شعري ع فوق درت روج ومسكره وطلعت لقيته راقد
انا : ضحكت ع روحي وحطيت عليه غطا ورقدت ....
............
الصبح ساعه 7:20
وعيت قبل بدران غسلت وجهي وصليت الصبح ووعيته
انا : بدران
بدران :....
انا : هزيته بشويه : بدران
بدران : همم
انا : اوعا وراك سفر
بدران : حط يده ع عيونه وبكسل : كم الساعه
انا : السبعه وربع
بدران : حول يده ويشوفلي : صباح النور
انا : صباح الخير ساعه كم مسافر
بدران : الـ8 يوصلو جماعتي اللي مسافر معاهم
انا : باهي نوض صحصح دابين وتيتلك فطورك وطلعت درتله فطور ودرت الشاهي طلع بالعسكري محلاااه في خاطري ..
بدران : قعمز : يسلمو
انا : سلمك يلا افطر وقت عليك
بدران : مش فاطر بروحي قعمزي سايريني
انا : قعمزت وكليت شوي وهو يفطر بدون صوت مره مره يشوفلي بنضرات لين نتوتر ورن تلفونه
بدران : ايوا ..اها تمام دقايق ونازل مش مطول وفصل الخط ووقف وقفت معاه غسل يديه وخشيت جبتله شنطته ابتسملي
بدران : يلا توا ماشي نا
انا : ابتسمت : في حفظ الله
بدران : حط يده ع كتفي بحنيه : منوصيك ب أمي ردي بالك عليها
انا : ان شاءلله متشغلش بالك
بدران : حضني شوي ووخر ابتسم : سلام
انا : رد بالك ع روحك
بدران : ان شاءلله وطلع وسكر الباب
ونا خشيت غسلت حوسه لفطور ودخلت رقدت للـ10 وعيت غسلت و غيرت حوايجي ونزلت لتحت ومعاي الهدايا  لقيت الحوش هادي و عمتي خاشه للمطبخ
انا : ابتسمت : صباح الورد اعميمه
ع سالمه : ابتسمت : هلا بالعروسه الحلوا هلا نورتي يبنيتي
انا : سلمك عمتي النور نورك ها شن فطرتو
ع سالمه : لا ولله توا وعيت باسم باش نفطرو
انا : اها هي تو انوتيه معاك
ع سالمه : لا متعبيش روحك
انا : لا يمي مافيهاش تعب كيف امي راك
ع سالمه : نجك ليا بنيتي
انا : سلمك واهيا هديه بسيطه مني ليك وهدي لباسم
ع سالمه : صحيتي حبيبتي من ذوقك هدا
المهم خشينا المطبخ وانحوسو ع الفطور
انا : الحوش هادي حلو
ع سالمه: اييي محلا الهدوء لكن تعالي شوفي باسم وبدران بعد يوعو من النوم دوشه وعناد وضرب وتكشيخ وبصاره ولعب وعياط وكله
انا : ضحكت : ربي يخليهم لك يارب
ع سالمه : امين يارب
انا : اليوم سافر بدران
ع سالمه : تنهدت : ايه نزل سلم عليا ولله مش هاين عليا عريس دوبه ماشي مسافر ولله
انا : لا يمي متفهمته وسيوره حيجي ويقعد معانا ويهدرز مابيغيب سنين هوا
ع سالمه : ربي يكملك بعقلك يابنتي ماشاءلله بنت ناس ولله تربيتي صح
انا : سلمك ياعمتي
ع سالمه : مبتسمه ....
انا : عمتي بدران وباسم مواليد الكم
ع سالمه : بدران مواليد 94 و باسم مواليد 2002
انا : ماشاءلله بطوله عمرهم بس فرق سنوات بينهم صح
ع سالمه : جبت بدران بعدها بدر مواليد 96 متوفي وبلقاسم مواليد99حت هو متوفي و بعدها باسم الصغير وباتهم متوفي من زماان وقت نا حامل بـ باسم
انا : تأترت : لاحول الله رحمة الله عليهم
ع سالمه : اي ولله
انا : شن سبب وفاتهم
ع سالمه : في الاحدات ناتو توفا بدر و باتهم عمر توفا بـ جلطه و بلقاسم فالجيش حرب طرابلس والزوز خوت شهداء
انا : ربي يرحمهم ويغفرلهم ويسكنهم في فسيح جناته
ع سالمه : امين يارب
باسم : صباح الخير
انا وامه : صباح النور
باسم : اووووووو مرت خوي ..وسلم عليا ..الف مبروك بسم الله ماشاءلله
انا : ابتسمت : تسلم يارب
باسم : اميي
ع سالمه : نعم
باسم : نبي عروستي تشبه مرت خوي
انا : ضحكت...
ع سالمه : كان عندها اخت مش متجوزه راه جبتها لك
باسم : ضحك : الدنيا حظوظ
ع سالمه : اي ولله
باسم : ومانحساب حظ بدران حلو
ع سالمه : خزي معدش فيه حشمه
انا : ضحكت : ...
باسم : قعمز : مرت خووي
انا : ابتسمت : نعمم
باسم : شن اسمك
انا : اسمي رونق
باسم : الله الله ع الاسم جميل
انا : ضحكت : من ذوقك.. وحطينا لفطور وقعمزنا ع الطاوله نفطرو
باسم : مواليد الكم انتي
انا : 2001
باسم : ضحك : حيي يما اكبر مني بـ سنه مرت خوي
انا : نضحك ....
ع سالمه : اي عارفه
باسم : وين بدران اليوم وعيت ع صوت امي لحنينه مش هالغجري كل شي بالضرب حت اللي فالحلم ينفجعو
ع سالمه : سافر
باسم : رفع حاجبه : وين?  وامتا
ع سالمه : اليوم الصبح
باسم : قرن حواجبه : كيف صاار
انا : وقفت نغسل فالمواعين....

........
عند روان
ناصر : صباح الخير
روان : صباح النور
ناصر : علاش مافيقتيني من النوم
روان : معندكش شغل ليوم قلت خليه يرتاح ف نومته
ناصر : روان جيعان اعطيني نفطر
روان : استغربت وفرحت : اه تمام ..وفي خاطرها الله ع الدنيا اول مره ناصر ميفطرش مع امه..حطيتله الفطور والشاهي وبنخش..
ناصر : تعالي افطري
روان : مكنتش نفطر قبل
ناصر : قعمزي
روان : قعمزت : اوك
ناصر : علاش متفطريش
روان : منحبش ناكل بروحي
ناصر : سكت وعرف انه الدوه عليه...
روان : افطر انت باش نغسل المواعين
ناصر : تفطري نفطر
روان : ضحكت : باهي
وفطرو وغسلت روان حوسه لفطور وناصر خش يدوش باش يمشي للجمعه وروان لمت الحوش وبخراته وطلع ناصر وخشت غيرت حوايجها لبست توته صوف واسعه تهبل ومكيجت وخلت شعرها مفتوح وطلعت لقت ناصر بيطلع.
ناصر : ابتسم : وتي لغدي ماشي للجمعه ومروح
روان : اوكي تمام
ناصر : ضحك وطلع وسكر الباب
روان : مصدومه رفعت تلفونها ترن .....
روان : ايوااا عروستنا
انا : نضحك: لا عروسه لا همي اوينه سافر من صبح ربي امس غير خشيت للحمام وطلعت لقينه راقد
روان : تبصريي
انا : وربي باهي
روان : مصح وجهه وين مشي
انا : قال عنده شغل يبوه الجماعه فالشرق وهو يشتغل ضابط فالجيش
روان : اهااا صح عنده عدر
انا : فوتيني وقوليلي وين ناصر
روان : الله يارونق تغير 180 درجه توا قبل لايطلع للجمعه قالي متغدي هنا وحت الفطور فطر معاي ويهدرز ويضحك
انا : فرحتلك يابقرا قلتلك حتغيريه وعامليه كويس
روان : شن غداكم
انا : نازله بنتغدا مع عمتي دايره كسكسو ومحشي عصبان
روان : الله خاطري ف عصبان اتصدقي
انا : عدي طيبيه لراجلك دلعيه اول مره يتغدا عندك دلعيله السفره
روان : تي مش حنلحق
انا : شوفي ع السريع بري اصلا نازله انا
روان : باهي هي
وسكرت الخط ونزلت عند عمتي طيبنا لغدي وتغدينا وهدرزنا وووو

بعـد مرور اسبوعين ...
الساعه 11 ليلآ
انا : تلفوني يرن استغربت : من اللي يرن ف هالوقت انشالله خير . لقيته بدران قلبي قعد يدق بسرعه مشعارفه علاش
انا : ايوا
بدران : رونق
انا : اهلا بدران
بدران : كيف حالك
انا : الحمدلله
بدران : خيره صوتك
انا : محصله برده الجو مسقع هنا
بدران : ردي بالك البسي كويس وتغطي
انا : ان شاءلله
بدران : شن دايره
انا : وينك مدورش لك اسبوعين قلت انشالله غير مصايرتله حاجه بس وحت امك تسأل عليك
بدران : ولله عارف واسف وحقك عليا ولله الشغل بكل ضغوطات وتوا حصلت انرن كنا منفتحوش ف تلفوناتنا بكل واول مافتحت رنيت عليك
انا : اها باهي ربي يكون فعونكم
بدران : يارب
انا : .....
بدران : خيرك
انا : شي
بدران : وين شن امورك شن دايره انشالله تأقلمتي مع امي وخوي
انا : ولله يهبلو اعميمه وباسم جوهم حلو حبيتهم
بدران : ضحك : مالا باسم شن داير
انا : نضحك : قنين جوه حلو بالعكس
بدران : اي باهي انتي شن دايره انشالله ماناقصك شي
انا : لا الحمدلله
بدران : باهي كويس
انا : شن داير انت كيف صحتك انشالله مش صقع بس
بدران : صقع بكل ولله
المهم قعدنا نحكو كم ساعه ورقدنا

........
الصبح
روان : توتي فالفطور حضنها ناصر من ورا
ناصر : صباح الورد
روان : ابتسمت : صباح النور

تابعـووو.......
Instagram: n6.ll_
Watbad : Nonalsebhawy