رهنت شوقي وبايع الناس لرضاك وإنهد حيلي من غرايب طبوعك

الدقة الثالثه

بالمستشفى
الساعه 3:30

بغرفة الملاحظه

جنا منسدحه وويهها شاحب وابرة الدريب بيدها واخوانها كانوا قاعدين يمها لان الجناح فاضي..

زياد ماسك ايدها: حمدلله على سلامتج جنووون
جنا بتعب: الله يسلمك
رائد ابتسم: خرعتينا عليج..
جنا غمضت عيونها ودموعها نزلت: ......
زياد ورائد : .............................................

زياد قام وقعد يمها: جنا حالتج مو طبيعيه..مو معقوله كل هذا من السخونه.
جنا ببحه: طلعوني..
رائد: بنطلعج بس يخلص الدريب وتيي امي وتيبب لج ملابس بس بالاول قوليلي شحقه كنتي تبجين
جنا بهدوء: ما حضرت الكويز
زياد بعدم تصديق: اوووف لا تقولين كل هالبجي عشانج ما حضرتي الكويز
رائد : جنا الدكتور يقول تعرضتي لضغط عصبي و
جنا غمضت عيونها: عفيه رائد انا تعبانه الحين اجل الكلام لوقت ثاني..
رائد تنهد : اوكي على راحتج..

بهاللحظه دخلت ام زياد ومعاها ساره

ام زياد ركضت لبنتها وحضنتها: يمه بنتي اشلونج انتي بخير..شقالولج؟؟ شـ..

زياد وقف: لا تحاتين يما حرارتها مرتفعه من الجو وبس..عطوها خافض حراره ومع هالدريب بترتاح إن شاء الله
ام زياد: الحمدلله
رائد : ابوي وين؟؟
ساره : برا روحوا له
زياد ورائد طلعوا: اوكي ناطرينكم برا

ام زياد طلعت الجينز والبلوزه البينك اللي يابتهم لبنتها: قومي يما لبسي

وبرا كان ابوزياد وعياله واقفين

ابوزياد : اشلونها؟؟
زياد: تطمن يبه..حراره عاديه وإن شاء الله بتحسن
رائد : شكلك تعبان يبه امش اوديك البيت

ابوزياد : ئي والله اني تعبان وابي ارتاح لي ساعتين قبل ما يصير المغرب وييون الناس

زياد ورائد باستغراب: اي ناس؟؟
ابوزياد : ابوعبدالعزيز جارنا وتوه بعد ريل عمتكم بوناصر دق علي هم بيي..إن شاء الله خير..

+
+
+
+

بيت ابوجوري
الساعه 4:40

بالصاله

جوري منسدحه عالقنفه وشبه نايمه: ................

ابوجوري طلع وشافها: جوري جوري يبه

جوري فتحت عيونها: همممم

ابوجوري ابتسم: قووومي يبه نامي بفراشج
جوري وقفت وهي تتمايل: ئي والله يبه حدي تعبانه..