رهنت شوقي وبايع الناس لرضاك وإنهد حيلي من غرايب طبوعك

الدقة الثانية

اروقة الجامعة الامريكيه
الساعه 12:45

طلعت ساره من محاضراتها وبيدها كتبها

....... : قوه ساره
ساره رفعت راسها بهدوء: هلا نواف
نواف ارتبك: جنا وينها ما اشوفها وياج؟؟
ساره باستغراب: ليش بغيت شي؟؟
نواف مد لها الدفتر: آ آ لا سلامتج بس كنت بعطيها دفتر محاضراتها..خذته منها الصبح عشان اكتب منه اللي طافني بس ما ادري ليش فجاه طلـ..

ساره قاطعته وهي تاخذ الدفتر وتمشي عنه لان فونها رن: كا جنا..مشكووور نواف..مع السلامه..

مشت وظل نواف واقف مستغرب: شفيها مستعيله؟؟

قاطعه رفيجه مشعل وهو يبتسم بخبث ويطق جتفه بجتف نواف: هاا يالحبيب قلت لها ان الحب مايت الكويز
مازن يتسهبل: آوووووووووووووو
مشعل ومازن مع بعض: هههههههههههههه

نواف مشى وخلاهم: ..........................

مشعل راح وراه: طاع هذا مشى وخلانا
..نواف نوافوووه
مازن بضحك: هههههه وقف يابابا وقف..

نواف ما سمعهم لانه طلع عند البوابه وفجآه وقف

مشعل ومازن وقفوا معاه وشافوه يطالع جنا اللي نزلت من سيارة واحد ومشت لسيارتها: ........................
نواف بنفسه: وانا اقول ليش ما تعطيني ويه..اثاريج منتي هينه ياجنا
مشعل مسك جتفه: نووووا
نواف مشى عنه: وخر عني مو محتاج شفقه من احد..
مشعل ومازن: اووووووووف

اما عند ساره كانت تمشي وهي منزله راسها وتدور بشنطتها عشان جذي ما انتبهت لناصر وبنفس الوقت كانت تتكلم بفونها: امممم ئي جنووو كاني طلعت بس شسوي وقفني نواف يقول انتي معطيته دفتر محاضراتج يكتب منه المحاضرات اللي طافته

جنا تسكتها وهي حدها مغلقه: امم ئي انا عطيته..بس بسرعه ساروو حدي مصدعه ومالي خلق اسوق..ناطرتج
وقفلت بويهها
ودزت لناصر مسج سريع: شوف دفتري عند ساره نواف عطاها اياه عشان تعرف ان مو انا اللي تشك فيني..
وبعدها حطته سايلنت وكانت ساره بهاللحظه توها واصله

ساره باستغراب وهي تشوفها مسنده راسها ورا ومغمضه عيونها وقاعده يم السايق..: جنووو شفيج؟؟

جنا بهدوء بدون ما تبطل عيونها: قتلج مصدعه ومالي خلق شي

ساره سكتت وحطت الكتب ورا وشغلت السياره وبطلت الدرايش: تبين اشغل التكييف؟؟

جنا باستغراب بطلت عيونها: ينيتي تكييف بعز الشتا احنا بيناير

ساره بهدوء: ادري بس مو شايفه نفسج اشلوون معرقه