رهنت شوقي وبايع الناس لرضاك وإنهد حيلي من غرايب طبوعك

الدقة الأخيرةة

(كآآآن الرجوله خآنته لحظة الخوف..لبسني الغتره وابشر بعزك..)

*آسف إذا قلتلك انسى زمآني
مهو بيدي قلبي اليوم نآسيك*

فيلا نوآف ابواحمد
السآآآعه 12 الفير

بغرفة جنآآآ

طلعت من حمامها لابسه روبهآ وتفآجأت بأبوها قآعد ينطرها

جنا باستغراب: بآآبا

نوآف بهدوء : لبسي ونزلي تحت بالحديقه ابيج بسآلفه
جنآ باستغراب اكثر: إن شآآآآء الله

طلع ابوها واهي بسرعه حطت كريماتها ولبست بيجامتها النوم احمر تفآحي برمودا للركبه مع بلوزه علاق بنفس اللون..
مشطت شعرها عالسريع وخلته نآزل وتعطرت ونزلت الحديقه

بالحديقه

جنا ترجف: وآآآآآآي الجو بآآآرد بالليل
نوآف ابتسم : ليش ما لبستي شي دافي
جنا ابتسمت وقعدت: لاآآ عادي
نواف بدى كلامه قبل ما يتوتز: للحين تفكرين باللي صار الصبح
جنآ ابتسمت: لا مو وآيد..بس افكر بموقف البنت واشلون كسرت خآطري..تخيل لو انا ضآيعه منك من عشرين سنه شتسوي..يمآآآآ والله اين
نوآف بقلبه(صعبتيها وانا توني ما تكلمت): انزين بقولج سآلفه وانتي حكمي ولا تتكلمين الا بالنهآيه
جنآ ابتسمت: قووول اسمعك..
نوآف صد عنها: اعرف وآحد كان يحب وحده معاه بالجآمعه قبل اكثر من خمس وعشرين سنه..ثلاث سنين من اول ما دشت الجآمعه واهو يحبها ويشوفها بالكلاسآت بس ولا مره اعترفلها..لانها يمكن ما حسسته بشي او اهو ظن انه علاقتهم اكثر من زميل وزميله او حبها ويبيها تفكر نفسه..المهم بيوم من الايآم سمع انها انخطبت وملجت على وآحد تحبه..واهو لمآ عرف طآر عقله..ولا مره بحيآته تخيل انه حبيبته تروح لغيره او تكون له بهالطريقه او يجمعهم بيت وآحد او ينآمون بفرآش واحد
(وسكت شوي)

جنآ استحت من كلامه الاخير وفضلت السكوت والاكتفاء بالاستماع: .........

نوآف كمل وجنه قاعد يشوف المآضي جدام عيونه: مرت الايآم والشهور واهو حآبس القهر بقلبه وما يآكل ولا ينآم الا على طآريها..بس قبل عرسها بجم يوم ما قدر يقعد بالديره واقترحوا عليه ربعه انه يسآفر يدرس برآ يمكن ينسآها او يحب غيرها ويكتشف انه كان إعجاب مو حب..لكنه سآفر وما نسآآها..مر شهر وبآلصدفه واهو يسأل عن اخبارها من رفيجه عرف انها حآمل من زوجها معنه ما طآف عليهم اكثر من ثلاث اسآبيع..وقتها صج ين..ين بطريقه ما تخيلينها..وفكر اشلون يفرق بينهم او عالاقل يكون عنده شي من ريحتها او طاريها او ذكرى منها..وما لقى الا يتزوج ويخلي مرته تحمل وبوقت ولادة مرته مع ولادة البنت اللي يحبها يخطف بنتها وينسبها له مع ولده اللي يابته مرته ويصيرون جنهم توم..