السحر الاسود بلحم الخنزير

حلقه 3 جز ثاني

للكاتبه بقلمي زهره البصري.....

﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ» ♥️✨

الاقتباسات الي اخليهن بببداية القصه هي حماية لنا من الشعوذة وبعيده اتكون عن القصه

ام احمد: خذته ويا مرته راح للبصره

الاعرج: هاي شغلته سهله حت من اسويله عمل ماينخاف عليه مبين عليه نجر

ام احمد: واشكد تاخذ على شغله

الاعرج: شغله هاذه مو فلوس شغله.ذهب لو منام

فاطمه:كلمة طلعت من عندي بدون مااحس بيها ياااااح، باوعلي صفح

ريماس: عمي الاعرج اذا ذهب او منام عادي راضين بهالشي بس شلون اذا طلع شغلك ماشتغل صح كنالك احنه كبلك ماكو مكان مامشينه بي وكلهم توعودنه وجذابين ولا واحد بيهم اشتغل صح

احنه مسولفين الك اخوي الجبير اتسودن وابوي اتمرض واخوي الثالث صار مثل الجلب حشاك كله بسبب ناس جذاذبه وضحكت علينه

الاعرج: اني مجابر احد يجي يشتغل عندي تردين تشتغلين عندي اهلا وسهلا ماتردين اطلعي اكو الف واحد منتظرج اتكومين حت يجوني

ام احمد: مو قصورآ بيك بس احنه كنالك نخاف جا هيه بيها كلشي

الاعرج: شغلي انه من اشتغله اتعب عليه اذا مايشتغل الصوج يمجن انتن ياما تشربن ياما ماتشتغل عدل

هسه سالفتنه ابنج تردينه يجي يمج

ريماس: كل ام ماترضى اليوم ابنها يطلع منها اريدك اتريح كلبي منها اخذت اخوي وراحت واحنه ماعدنه غيره

الاعرج: والله الا اشوفها انجوم الظهر

ام احمد: فدوتك ماتكدر تطلكها

الاعرج: هههههه الطلاك سهل واسويلج انفع من الطلاك

فاطمه: من شفت هاذه حجيهن كمت ابلعم من الخوف وبكلبي اكول بعد حت نسرين اكطع وياج اخاف تطلع سالفه ويگلبن عليه بيها

كعدت سكته بس اباوع

الاعرج: بس اذا بعاد عنكم شلون راح اشتغلهم

ام احمد: يمك بعد انت اتشوفلي

ريماس: بس اخوي يروح ويرجع علينه مكاطع منه دوم

الاعرج: زين هسه هوه عدكم

ام احمد: اي عدنه

الاعرج: شوفو روحو للسوك اتسوكلي باجة ولحم وسمك يم السماكه اكو مرية عمارجية اسمها ام جواد بس كولن الها ودانه عليج الاعرج انريد دجاجه سودة هيه تنطيه الجن هاااااا بس تره غالية