السحر الاسود بلحم الخنزير

البارت العاشر

للكاتبه(Ali flower) (زهره)

هيج منتظرج مثل ذني العيون
اوووف يالموتج سلب عافيتي 😔

شيرجعج الي... والماخذج تابوت😔

ازغيروتني (نهروين
_____________للكاتبه(زهره االبدري) __________

السيد: باوع ال عماد كال عوفه لا معلي

مااحجه علي ابدا بقه ساكت فتح القران وباوع النه كال

اله طلاق.... اله تطلقون...

دك جهاز علي ورفع واسمعه يكول نهروين وطلع يركض.........

عماد: عليي عليي شنو

طلع يركض حت مالبس حذاء احنه وكفنه اباب السييد رجع علينه بسسسسسرعه بسسسرعه اصعد السيارة ركضنه صعدنه السيارة وطلعنه من السيد

عماد: شنوووو اشصاير

علي: اطلع البيت ابو ريم استعجل عماد

بقه علي يدك ع السيارة ويصيح استعجل

بتول: مانعرف شبيها نهروين وحت مافهمنه اذا نحاجي يعيط بينه دقايق ووصلنه يم بيت ابو ريم

نزلنه نركض نسوان وزلم العالم كلها ملتمه وريم بنص العالم اتصيح بس كاعدة مو كايمه واكفه ع اركب رجلينها واتصيح شبه الفاقدة دخلنه نركض للبيت عفنه ريم مع العالم والازماتها نسوان اثنين اول مادخلت للبيت

لاكتني نسرين اخدودها دم اطك ع اخدودها واتصيح

اكرم بلدوام وداكين عليه شاك زيجه ويدك ع صدرة ويصيح

اريد اعرف شنو الي صاير شفت دانيا ترجف وجها كله سواد من الدخان وام ريم شاكه زيجها وحت صدرها طالع وادك ع صدرها جانت عالم هواي كوة حشرت روحي بين العالم ودخلت شفت

جثه صايرة رماد يشبه جثه نهروين لالالاللا مو نهروين هاي فقدت كمت اصيح واكطع بروحي صايرة سووووده فحم حت شكلها رايحه اجو الشرطه واطلعونه

صارت النسوان كلها ادك واتلطم الشرطه اخذتها بعلاكه لن صايرة رماد صارو يشيلون برماد ويخلون بلعلاكه اخذوها صارت علاكه زغيرونه مااكون جثه بيها

احمد: انتصلو عليه واني بلدوام حوالي ب 6 ساعات يله اوصل خابرت عمي ابو ريم كلت اله لا تخليهم ياخذون نهروين اريد اجي اشمها

تواكف عمي مع الشرطه رغم انو الازم كل الي بلبيت يصيرون بلسجن بس عمي ابو ريم تواكف مع الشرطه وكال حت لو اتكتلوني هنا مااطلعون صارت ناس اتجر بناس لن اشرطه هواي تجاوزو ع عمي

احمد: اول مادخلت طلعت الجنسيه راويتها للشرطه بسرعه تراجعو ليورا

باوعت ماكو نهروين التعب يقرا الف عندي التفت علئ الضابط الي جاي معاهم وين الجثه