السحر الاسود بلحم الخنزير

حلقه 6 جز ثاني

بقلمي زهره البصري…..

اللهم أخرج كل عين نظرت استحسنت وتمعنت وركزت، اللهم أخرج كل عين نظرت وأمرضت وأهلكت، وكل نظرة تكررت وما بركت.🤍🍃،

احمد: حكك يمه بس جبتلك مسواك كلت لا تروح وتتسوك هاذه الك

احمد: يمه اخذو الكم

ام احمد: اتسوكت علمودك والله يمه

احمد: اني توني مستلم الراتب طلعت 500 الف وانطيتها الها وحبيتها براسها صعدت المسواك بسيارتي وطلعت الاهلي،،

بتول: انحجرت بغرفه احمد ونسرين القديمه محد دخل عليه ولا واحد سالني شنو اريد واحس كلبي يرفرف من الخوف، لو بس يبجي مجتبى اني افز ، نومته كمت اريد اغسل لممه مالته، البيت صافي مابي احد رحت للمغسله غسلت لممة

ريماس: وللله وقوه عينج ورجعتي

بتول: التفت وراي لكيتها ريماس ، رديت عليها شلونج ريماس  .

ريماس: لا عبالج نسينه الحجي الي حجيتي علينه وتصيحين علينه احنه امهات السحورة واخذتي ابونه منه ، لا عبالج سكتنالج لو نسينه

بتول: ريماس خل نتصالح حبابه متكليلي شمسويتلج انه والله شفت الويل

ريماس: نتصالح!! شنو منو الغلطان انتي لو احنه

بتول: عفتها ومشيت وبكلبي اكول شلون راح اكسبها اني شلون راح اخليها تحبني وماتريد الاذية اليه،

دخلت الغرفه احمد وقفلت الغرفه عليه ، خليت الممة على الميز ونمت، سمعت الباب يندك شويه، بكلبي كلت هاذه علي، كمت عدلت روحي وفتحت الباب ، مالكيت احد باوعت الساعه ب ب 1 و 30 دقيقه، استغفر الله رجعت قفلت الباب، عيني مااخذت نوم خفت ضليت اتگلب بفراشي، شوي وانشمر شي من جوة الباب، ماتحركت ضليت صافنه بمكاني، اباوع للباب، ماحسيت الا وغافيه، انركع حيل الشباك، كمت على طولي ومجتبى صرخ وبجى كمت خليته على صدري ، استغفر الله ربي واتوبه اليه لا حول ولا قوة الا باالله العلي العظيم، ضليت اردد وخايفه، غفى مجتبى رجعت نومته،، رجعت نمت، اندك الباب شويه، كمت باوعت من جوة الباب، لكيت رجلين ، اتدك الباب وتشرد، يمه كلبي وكف ، اندك الباب فتحته بسرعه مالحكت، تشرد ، ريماس، عمه

ريماس:ها شكو

بتول: انتي عمه جاي ادكين بلباب شتردين، عافتني ومشت، رجعت سديت الباب ونمت،

نسرين: اتصلو عليه وكالولي ب فاطمه حامل فرحت وماصدكت اتصل بيها وماترد عليه ، ياله يجوز تعبانه، بقيت احوس بيتي ساعه اغير شي وساعه اطبخ شي وساعه امكيج بنفسي بعدين التجات السورة البقره، قريتها وكملت، كملت صليت صلاة الليل ، الساعه ب 2 و 1 دقيقه سمعت الباب انفتح، طلعت اتفاجت ب احمد ، اجيته ركض وشبكته،

احمد: اخ اخ اشكد ثكيله بويه راح تصفطين اعظامي

نسرين: احمدددد