السحر الاسود بلحم الخنزير

حلقه 7 جز ثاني

بقلمي زهره البصري……

﴿ إلا بّذكر الله‌ تطمئن ‌القلوبّ ﴾ .💛

تدنه يمي احمد ، باوعتله بعصبيه احمد الله يخليك عوفي تعبانه مالي خلك

احمد: بيج شي نسرين

نسرين: احمد فدوه نام ماريد اباوع بوجهك، غمضت عيوني واستغفرت شكثر وقريت ايات وباوعت اله وجها مخيف وحش بشكل ، شلون راح تكدر عيني اتغمض ، روحي مكدرت الزمها، ذبيت الملابس الي عليه طلعت مثل مااخلقني ربي،  اخذت جهازي يك الميز مشيت فتحت باب الغرفه، وصعدت فوك،  السطح روحي ، ادور على رقم اي واحد من اهلي،

رويدة: دك جهازي منو يدك نص لليل اكيد صاير شي لكيت نسرين جاي تتصل، كمت مرعوبه، خفت اهلي صار بيهم شي ، رديت

نسرين: حجيت بصوت ناصي، رويدة خيه تعاليلي

رويدة: نسرين بيج شي خيه انتي صاحيه شوفي ساعه

نسرين: رويدة هسه تجيني هسه اريدج،

رويدة:نسرين خيه شبيج اتخبلتي، شنو اجيج زوجج وين

نسرين: هاذه مو احمد هاذه وحش، رويدة اكلج خيه تتتعاليلي،

رويدة: استغفر الله شنو وحش ماتعرفينه انتي شنو استغفري ربج خيه وصلي ركعتين روحي نامي والصباح رباح

نسرين: مكاعده اتفهمين علينه اكلج تعاااااااااااي زمخت حيل بلجهاز،

رويدة: اي هسه جايتج ، سديت الجهاز منها، رجعت اتصلت على احمد،

احمد:  بسابع نومه، نايم، رن جهازي اول ماخليته صامت ماباوعت منو المتصل، بعدين اتذكرت اهلي، كلت اخاف صار بيهم شي، رفعت راسي واخذت الموبايل. رويدة، بهيج وقت !! رديت عليها،، هلا روده

رويدة: شلونك حمودي،

احمد: الحمد الله خو ماكو شي رويدة

رويدة: الله عليك احمد نسرين شبيها

احمد: اتفاجت بهيج وقت تتصل واتكول نسرين شبيها، رديت عليها بعجب ، نسرين!! مابيها شي

رويدة: شنو مابيها هسه اتصلت بيه اذا يمك اسالها شوفها شبيه شلعت كلبي دكت عليه واني نايمه، اتكلي تعاليلي،

احمد: باوعت بصفي مالكيتها يمي، بكلبي كلت اكيد تضايقت من روحتنه للدكتور ومابينت اليه، هسه اشوفها، اي يمي،

رويدة: راح اجيكم هسه

احمد: لا يمعوده المن تجين انشاء الله ماكو شي، ارتاحي رويدة، خويه تصبحين على خير، كمت اشوفها وين، دورت البيت عليها كله ماكو، حت الحمامات، وين راحت هاي، صحت نسرين بصوت ناصي ماكو، هاي وين رجعت، اتصلت عليها اترفضه، رحت فتحت الباب الخارجي ماكو احد بلشارع، وين راحت هاي وشبيها، رجعت كلت ابدل واطلع ادورها، باوعت باب البيتونه مفتوح، عرفتها فوك السطح، صعدت واني صيح نسرين بصوت ناصي،