السحر الاسود بلحم الخنزير

حلقه 8 جز ثاني

بقلمي زهره البصري….

وقل ' الحمَدلله'  ليتسّع صدرُك للِحياة,
'واستغفِر' لتغُفر ذنوبك..

غطت وجها ونامت، حجيت تره والله جزعت بعد ماابقه هنا اشوفلي مكان بي ناس صاحيه، طلعت نمت، بلصاله، لحد ساعه 1 و30 كاعد منايم، بعدين منطاني كلبي انام بعيد عنها ، اجيت نمت بصفها،

كمت اتگلب، شفتها كامت سويت روحي نايم، ذبت الملابس كلهن ونفشي الشعر وطلعي، خليتها تصعد الدرج، صعدت وراها ، بس شافتني زمخت حيلل وحششششش انت وحششش

احمد: شنو الكلام هاذه نسرين

نسرين: وحشش، كامت اتدور واتردد وحش وحش اريد اتخلص من الوحش، بعدين باوعت للسماء واخذت نفس بعمق، وصرخت حيللل

احمد: ركضتلها، خليت ايديني على حلكها، وكوة كدرت عليها البنت تجيها قوة بحيث كوة الزمها ماكدرلها،نزلتها وهيه اتصيح، ترافس عوفني عوفني،

خليت ايديني على عيونها هدت وسكتت، اخذتها سحل للغرفه دخلتها وقفلت الباب كسرت الغراض الى الميز وكسرت الكناتير ، كعدت على الباب صافن بيها

اخذت مفتاح خليته جوه الباب، دنكت وخليت ايديني على راسي  واني افكر بيها، شنو يمكن اسويلها تعبت اني كل فترة يطيح واحد من اهلي ومسحورله، هم شنو هالضيم، لدرجه صار الي يطيح مااصدك بي ولا اومن بلسحر صرت اكول هاي حالة نفسية اتصير بيهم، ماحسيت الا وشي ضربني على ركبتي، بحيث شفت الغرفه صارت اتدور بيه، كوة سيطرت على وضع ، لاكن ماسيطرت على نفسي شلتها وركعتها، بلكاع، وضربتها على وجها ، ورا دقيقه، الدنيا صارت سودة بعيني وطحت،

علي: ها بتول

بتول: تعال اخذني للبيت

علي: توني غسلته بس ينشف اجيج ،

بتول: كعدت اكل ب اظافيري، والوم بروحي شنو الجابني مابقيت عد اهلي،

كعدت الم بغراضي، ور ثواني اجه علي وكال يلا للبيت،

ريماس: ها بابا رايح

علي: ابنيتي اخذ امكم الثانيه للبيت

ريماس: اجي اساعدكم بابا

بتول: باوعت ال علي، حجيت علي، ماعندي غراض بس ملابسي وملابس مجتبى

علي: ريموس ماعدنه شي،

بتول: وكفت بلباب اريد اعبر عتبت الباب واجتني نسمه هوى بارده احسها وصلت المعاديني ، طلعت ورحت اتمشه، والاعب ب مجتبى شايلته بيدي،

علي: هاي وصلنه، ثواني اطلع المفتاح،

بتول: رفعت راسي، باوعت للبيت، دخت واجت غشاوة على عيوني، كوة اباوع، ورجليني خدرن، اتعوذت الشيطان، وقريت اية الكرسي،دخلت جوة رجليني طاحن وكعدت بلباب، زحفت شوي عن الباب وركعته