السحر الاسود بلحم الخنزير

مشاركه ضروري تقروها ❤️❤️

اني متابعه للقصه من البدايه الاخيرتها ، احنه 6 بنات وعندي اخوان اثنين واحد مواليد 1993 شهر 2 /1 والثاني هوه الجبير مواليد 1988شهر 7 /25

الجبير موظف صيدلا، عاف الوظيفه وصار يشتغل ب الصفاء صار بليوم يجيب 8 ملاين او 9 ملاين صرنا ناس اغنياء وعايشين حياتنه والكل يحسدنه على عيشتنه معروفن على مستوه العالم والفضل الاخويه الجبير اسمه(طارق) والثاني(زيد) مدللنه اي شغله نريدها يجيبها النه وكل جمعه الازم نطلع بابا مكتفي على صفحه مرتاح لا يشتغل ولا يتعب كلشي يجي لحد باب بيته وكلشي كدامه ينطرح شنو يريد بابا وشنو الي بال بابا يجيبه اله سيارة موديل جديد جابها وخلاها بيد ابويه وسيارة موديل جديد جابها وخلاها بيد اخويه ، يتامرون ومن غير احنه البنات  احنه 6 بنات اتخيلو ستتنه جابنه تاجات ذهب ولبسنه ويكول النه انتن اميراتنه ماانطيج ال حي الله واحد، اتزوجن اخواتي، 3 والله ماخلاهن يدفعن من جيبهن شي كله منه هوه يجيب مهرهن ماصرفن منه ربع، كله من اخويه ب 2004 حب بنيه حب جنوني دللها شنو تريد وشنو اتحب ، بس رفض الها طلب كال بيت الحالج ماكو بيتج مع بيت اهلي،
صارت تاكل براسه ويوميه تطلب شغله صارت العلاقتهم سنه ب 2005 تقدم لها ورحنه خطبناها ماقبلت تطلع النه ف كلنه عادي هيه تحب اخويه وعدها علاقه معا يجوز تستحي، رجعنه للبيت اجت رساله اليه مكتوب بيها (حبيبتي اني احب ابن عمي وماريد اخوج جان وقت تسلايه مع اخوج واني اريد ابن عمي ) اتصلت عليها اول ماشفت المسج وخابرتها كالتلي امي وابوي جبروني لن شافو ابوج واخوج عدهم فلوس جبروني عليه سديت منها ورحت الاخويه ضحك كال جذب وين اكو هيج شي بله اتصلي عليها خل اسمعها اتصلت بيها اكثر من مره ماردت عليه ورا يوم رحنه عقدنه قران جانت كلش ضايجه بلعقد رجعنه احنه وبقه اخويه وياها  بليل اجه اخويه، ورا 5 ايام صار العرس وهوسه وعالم ماخلانه نشتري فساتين كال اجيب الجن بضاعه من الخارج اتشوفن ملابس حلوه ولبسنه احلى لبس بعرسه وصدك طلعنه اميرات ، يوم ثاني العرس وجه اخويه مايتفسر ، مطنكر ومايحجي ويانه راح للعمل اجه جايب 10 ملاين شمرهن كدام بابه وراح الغرفته

صار على هاي الرنه 10 ايام ميحاجينه شكله زعلان علينه ومايكعد ويانه ، شبيك خويه ميجاوب منو وياك ميجاوب صار بين يوم ويوم يطلع للشغل تارك مع العمال وكلها شردت منه مر شهر على وضعه طلعت زوجته حامل، لزمها موتها اتموت ، واخذ فلوس وطلع ب 6 اشهر مانعرف عنه اي شي اندور عليه وماكو ، كل زاويه وكل مكان ماكو كل اقاربنه وكل اصدقائه نسالهم ماكو خلال ل 6 اشهر اندور بلمستشفيات اخويه فص ملح وذاب ماخلينه مكان يعتب علينه رجع النه ب 1 بليل مبهذل والكفشه شكبرها ولملابس مشككه دخل للحمام سبح وطلع اتلاكينا وخايفين عليه اكلوبنه مرعوبه عليه اجت امي شبكته دفع امي وضربها راشدي احنه من الموقف اتصدمنه اخوي عمره كله مامسوي هيج اغلاط بلبيت احنه اخواته مستحيل يحاجينه حت صوته مايعلي علينه بابا من شاف الموقف ماتحمل اضربه راشدي، فتح الباب اخويه وشرد ومن بعدها اختفى لمن جابت زوجته وهوه ماكو جابت بنيه وسميناها احنه واخويه مختفي صار عمر البنيه 3 اشهر رجع اخويه للبيت والله حاله ينبجي عليه دخل للبيت مدنك ومايرفع راسه، دخل على زوجته اخذ الي يريده وطلع بره البيت هم اختفى ب 4 اشهر طلعت زوجت حامل بولد وهوه ماكو رجع النه من بعد 5 اشهر، هنا بابا كال لو رجع لزمو لا تخلونه يطلع وفعلا اجه ولزمنا  بنته بعدها طفله عمرها 7 اشهر من اتشوفه اتكوم تبجي تخاف منه ماتعرفه ، لزمناه كوه كام يكسر شغلات البيت لزمنه احنه اخواته موتنه اتموت وحده من اخواتي كامت ترفس جواه لن خنكها اجه ابويه تعارك مع ابويه وشرد مااجه لحد مجابت مرته ولد وسمينا ولدها (ايمن) وهوه ماكو صار عمر الولد 5 اشهر واجه طارق للبيت دخل الغرفته اخذ الي يريده من مرته ويريد يشرد لزمه ابويه وقفل الغرفه عليه ماخله شي بلغرفه ماكسرة كام يصيح ويدفر اباب الغرفه لحد ماتكسر الباب مال الغرفه وطاح، كوة لزمو واخذو الدكتور نفسي، كال بي حالة نفسيه انطانه علاجات و ادوية، صرنه ننطي حبوب اتخلي 24 ساعه نايم ، طلعت مرته حامل مره ثالثه وجابت ولد ثاني وسميناه(امين) كعد من النوم ولكا بنته واكفه عد راسه، لزم البنت براشديات وهيه من اتشوفه تخاف منه خله بيها نزه وخوفه كوة خلصنه البنيه منه ، صارت البنت بيها خوفه 24 ساعه تبجي امها اتبهذلت بيوم من الايام اتجمعنه كل احنه بغرفه، وناسينه مامنطي طارق حبايه منوم، اجه بابا مالكا طارق اتخبل علينه كام يصيح راح طارق راح ابني عصب علينه وكتل امي وضربني وضرب اختي ابويه صارت بي حالة نفسيه من ورا طارق، بيوم من الايام اتلبس ابويه وراح للحسين ابا عبد الله يبجي ومعاتبه كايل ها يلحسين لو تموت طارق لو تشافي  ونايم بضريحه بلحلم (يكول دخلت ب مضيف بي عالم هوايه وهاذه المضيف للحسين ابا عبد الله وبلحلم جاي الحسين الابويه كايله شتريد بابا كايم يبجي وكايل للحسين ابني شالع كلبي لو تموته لو تشافي كايل جيبلي ابنك بلحلم بابا جايب طارق يكول قرا الحسين عليه وضربه على ظهره وبلحلم اخوي مزوع دود وجن اكو شي جبير ماكدر يطلعه غاص بي بلعومه، فز ابوي من الحلم واجانه من كربلاء وثاني يوم اجانه طارق ، كلشي مابي رجع اخويه القبل النه صارت يشتغل ويبوس ب اولاده يموت عليهم استمر اخويه 5 سنوات كلشي مابي  بيوم من الايام طلعنه غرفته انظف بيها لكينا لاعبه جوه جربايته بيها دنابيس وملعوب بشكلها مخيفه كلش رجع اخويه للبيت شاد راسه ب حزام فلت الحزام من راسه وجابنه ضرب وضرب حت اطفاله الزغار موتهم اتموت وشرد من البيت غاب عن البيت 3 اشهر اتصلو علينه كالو لكينه طارق بلزباله نايم رحنه بليل جبناه وكوة اجه ويانه مربطينه ، عرفنا اخويه مسحور اله ، اخذنا السيد كال مايصير اله علاج ، كالو اكو سيد يعرف منو المسوي السحر ، اجت مرته تبجي وكعدت يمنه كالت اني سويت سحر الطارق كنالها شلون انتي سويتي كالت اني اخذته مجبوره عليه وبليله العرس سويت بس هسه لا والله احبه واموت عليه ومستعده اتعاقبوني كلشي اسوه بيه طردناها الاهلها وجهال خليناهم يمنه هسه ابوهم شارد مانعرف اخباره وين وامهم عد اهلها

هاي مواقف قليل ذكرتها اكو مصايب مااكدر احجيها طولت عليكم بيها اريدكم اتدعون الاخويه