..
"ဘာ!! အဲ့ဒီတော့ မင်းက လူသတ်လိုက်တယ်ပေါ့!"
"မှန်ပါတယ် အရှင်.."
ငွေရောင် အရောင်အဝါတို့နှင့်တောက်ပနေသော ပုလ္လင်ထက်မှ သူအား ဒူးထောက်ခစားကာ လျှောက်တင်လိုက်သည်
'သူက နတ်သူငယ်တို့ရဲ့ ဘုရင်လား...?'
"အရှင် Oberon! ကျွန်တော်မျိုးရှင်းပြပါရစေ..."
ဘေးနားမှ ခစားနေသော ယောင်းကစိုးထိတ်မှုအပြည့်နှင့်ထပြောလိုက်သည်
အရှင်က Heather ကိုအကြီးအကျယ် ဒေါသထွက်နေလေပြီ...
"တိတ်စမ်း! ဒီနေရာမှာ မင်းတို့ပြောချင်တိုင်းပြောခွင့်ရမယ်လို့ထင်နေတာလား?"
"ပြောစမ်း Heather မင်းဘာကြောင့် အခုလိုလုပ်လိုက်ရတာလဲ"
"တောင်းပန်ပါတယ် အရှင် ဒါပေမယ့်သူက နတ်သူငယ် Xanthor ကိုအရင်ရန်ပြုခဲ့တာကြောင့် အခုလိုတုံ့ပြန်လိုက်ရတာပါ.."
"ခိုင်လုံတဲ့အကြောင်းပြချက်တော့ မဟုတ်ဘူးပဲ Heather! နတ်သူငယ်တွေရဲ့အလုပ်က လူသားတွေကိုစောင့်ရှောက်ဖို့ သူတို့ကနာကျင်စေခဲ့ရင်တောင် သူတို့ကိုတော့ပြန်နာကျင်အောင်လုပ်ခွင့်မရှိဘူး "
'ဘယ်လိုအကြောင်းပြချက်ကမှ ခိုင်လုံနိုင်မှာလဲ? ယောင်းကိုထိခိုက်အောင်လုပ်လို့ပြန်လုပ်တာက မဖြစ်သင့်ဘူးတဲ့လား...?'
ယောင်းကိုလှည့်ကြည့်လိုက်မိတော့ ယောင်းရဲ့မျက်နှာလေးက ငုံလို့.. နားလေးတွေလည်း နီမြန်းလို့...
'ယောင်းငိုနေတာများလား?'
"ဒါပေမယ့်... ဒါပေမယ့် အဲ့ဒီလူသားတွေက သူတို့ရဲ့လောဘနဲ့လိုအင်ဖြည့်ဆည်းဖို့အတွက် နတ်သူငယ် Xanthor ကိုနာကျင်အောင်လုပ်ဖို့..."
"တော်သင့်ပြီ! မင်းလူသားတွေအကြောင်းကို ဘာမှမသိပါဘူး အဲ့ဒီလောဘတွေက လူသားတွေတည်ရှိနေရတဲ့အကြောင်းအရင်းပဲ ပြီးတော့ငါတို့ရဲ့တာဝန်က အဲ့ဒီလိုအင်လောဘတွေကိုဖြည့်ဆည်းပေးဖို့ပဲ မင်းကိုယ်တိုင်လူသားအဖြစ်မွေးဖွားလာမှ လူသားတွေအကြောင်းကို ပိုနားလည်လာလိမ့်မယ် Heather!"
