أسرت قلبي ذات النقاب

البارت الثاني عشر

صباح الجمعة انتظرتا صحباتي لحدي ما جو ومعزة بت عمتي مريم وطلعنا اجبرتا فطومة تجي كانت محبوسة بس برضو اجبرتها، ولما جو مشينا الكوافير عملنا حنة وقالو الا أعمل مكياج لكن ما مفروض اعمل مكياج لانو يوسف لسه انا شرعا ما بقيت ليهو حاجة وقلت ماعايزة أعمل حنة لكن كوركو فيني وزلوني زلة في النهاية عملتا 😂😹😹المهم رجعنا البيت بعد العصر البنات نزلو ساعدو ناس أمي معاي تتو بس(متذكرنها صاح) وفيفو كل دقيقة يضرب لي ما تعملي حاجة ويدك وووو..... طبعا فيفو مشى لي صحبو وخلاني 😭 وانا حزرتهم انو انا ما بطلع لو ما جوني وأحمد يحليلو من تجهيزات عرسو لي الخطوبة بعد كدا جوني الرباعي المرح(تتو وفاء بلسم ايه) وقالو لي يلا البسي بقيت بلبس كان فستاني سماوي بي فضي والجزمة فضي بي كعب والاكسسوار فضي والطرحة سماوي طبعا الطرحة دي لفوها لي وفاء وايه اللفه طلعت خطيرة وتتو دي تشيل وتصور فينا وبلسم تنظر دي شلتا طبعا من الأساس جو البنات وشغالين لي ما شفتي اخواتو قرض ولا الفساتين ولا التياب يخلوها ليهم بعد شوية بقو يعلقو عليهم تاني ميار طلعت وجات قالت لي وبعلي يا نعمة أنت الولد دا جبتيهو من وين واخوانك المزز ديل وبعلي منهم بس مثاني صحبتي قالت ليها دكتارة ياااخ 😍😍قلت ليهم وانا بضحك بالمناسبة يعني فطومة خطيبه حمادة وعرسهم الجمعة الجاية ومصطفى دا دربو مرق لكن لسه ما خطى خطوة جادة عشان كدا بطلو انبراش رناد قالت لي غايتو أنت و فطومة اقبضو فيهم قوي عشان ما يتشلبو وصحي أنتو متفقين ولا شنو العريس مطقم معاك، قلت ليهم والله ولا متفقين ولا عارفاهو زاتو لابس شنو زاتو طبعا شغلوها لي وقالو لي انزلي طبعا انا منتظرة حمادة وفيفو يجو وفاء قالت لي يابت ح يجو كيف والغرفة كلها بنات قلت ليها ما بعرف بس قالو جاين يجو قبل ما ترد باب الغرفة دق طوالي مشيت فتحتا الباب اتخيلوا بس القى حمادة وفيفو في وشي وكمان مطقمين لابسين قمصان بني فاتح والبناطلين بني غامق ومسكوني واحد باليمين واحد بالشمال ونزلنا والبنات ديل يشيلو ويزغرتو وأول مانزلنا امي دي بدت تزغرت هي وعماتي وخالتي قعدتا قصاد يوسف وانا قلبي بضرب بي طريقة فظيعة ويوسف ما عاين لي كتير نظرة واحدة بس وانا نازلة وتاني عينو ما رفعا عاين لي وفعلا كان مطقم معاي لابس بنطلون كحلي وقميص سماوي بعد شوية مصطفى طلع الدبلة وكانت نفسها العجبتني ديك(نظام ممثل وزير العريس يعني 😂😂) وبي جاي مدو لي الدبلة صحباتي مدها فيفو لي يوسف ويوسف مداها لي اختو لبستني ليها (جرجرة مش 😂😂) وانا مدوها لي مديتا لي اخت يوسف لبستها ليهو والبنات ديل يشيلو ويزغرتو بعد كم دقيقة كدا يوسف طلع صندوق فاتح فيهو ست فضي وصندوق صغير مقفول. وتاني ما اتواصلنا نهاي فيفو كان بقول لي يوسف بسلم عليك وبرد ليهو السلام بس.
عدت الخطوبة على خير والبنات ديل لمن مشو مشغلنها لي هم مشو تاني يوم😂😂 انا طوالي فتحتا الصندوق لقيت فيهو سلسل فضي مكتوب فيهو A for ever Y طبعا عجبني عجب لبستو طوالي والاسبوع كلو نحنا نجري تجهيزات لي عرس حمادة يوم الثلاثاء أبوي ساقني بعيد وبقى يتكلم معاي في موضوع العقد وانو لو ما نافع معاي نفسخ الخطوبة ولو نافع نعقد طوالي قلت ليهو والله يا أبوي نفعو وعدم نفعو دا الا بعد اقعد معاهو رؤية شرعية قال لي ما مشكلة تمشو انت ومصطفى تلاقوهو بره البيت عشان البيت جايط بي العرس فيفو قال لي ابوي اسي ارح ولا مشكلة ضرب لي يوسف كلمو قاليهو طوالي اجيكم وين(يوسفنا والخفة😂😂) قال ليهو الكافي(....) وفعلا جينا كلنا واتقابلنا رؤية شرعية يوسف بدا يتونس معاي حتى بدا يسالني قال لي طيب يا نعمة سبق وقلتي لي انك موضوع الطلعات دا ما بتحبيهو واهو نحنا بنقدم على خطوة جادة لو حاسه نفسك ما جاهزة ما مشكلة نأجل العقد قلت ليهو ممكن اسالك عدة أسئلة وبعد كدا نتفق قال لي اتفضلي طوالي قلت ليهو طيب انت كراجل شايف انو مساعتك لي زوجتك دي حاجة بتقلل من رجالتك أو بتنقص منها قال لي ابدا دي ماحاجة بتنقص من رجالتي يمكن تكوني شايفة كل الرجال كدا لكن أنا ما عندي مانع اساعد ابدا وامي ما ربتني على كدا ابدا والله انا اخو بنات وبالرغم من انو عندي خمسة اخوات ربنا يحفظهم الا اني كنت بساعدهم عشان اديهم احساس اني معاهم في اي حاجة وبسندهم قلت ليهو والله ما شاء الله لكن ما كل الرجال لانو ابوي واخواني بساعدونا عادي قال لي مصطفى وانا بعرفو من زمان كان بحب يساعد امو طوالي كان بقول لي انا مستعجل عندي شغل وبالذات لما تكوني ممتحنة انا الوحيد الكان بوريني انو ماشي عشان يساعد امو ويخليك تقري المهم طيب ممكن اسالك قلت ليهو اتفضل قال لي اذا بيتك اطلب انك تخلى احلامك وانا عارف انك طموحة جدا ح تعملي شنو قلت ليهو اولا احلامي ما ح اخليها بل ح أأجلها لحدي ما بيتي امورو تظبط وبعد كدا ح ارجع واحقق احلامي وزوجي ح يساعدني قال لي يعني واثقة فيهو قلت ليهو الصراحة واثقة في نفسي وفي اختياري 😂🙈قعد يضحك وقال لي والله أنا ما بتذكر إني شفتا بت محجبة وشخصيتها قوية في نفس الوقت قريب قلت ليهو أنا قوية بي ايماني واي وحدة ملتزمة لازم تكون قوية عشان تقدر تستحمل كلام الناس عليها وما تنهار قدامهم لما يقولو ليها كلام جارح عمل لي حركة بي راسو وقال لي عظيم والله طيب ممكن سؤال قلت ليهو اتفضل(قربتا اتهور واقول ليهو انا ما بحب الجو دا ماممكن كدا شنو كل دقيقة ممكن أسئل ممكن أسئل بس مسكتا نفسي وقلت ما اتهور😂😂😂) قال لي طيب نظرتك للراجل البغير على مرتو وبيأمرها دا من حقو ولا لا قلت ليهو عايزة أقول ليك حاجة مهمة شديد عايزاك تعرفها أنا ماسكة الدين صاح وماشايفه في حاجة بترفع من شأن المرأة حرج ليها ابدا وبعدين دي حاجة حلوة شديد وربنا ادانا ليها نقول ما دايرنها يمكن من الحاجات العودوكم عليها البنات إنهم يرفسو النعمة وانا صراحة كدا حاجة نزلها لينا ربنا البخليها ما تعجبني شنو وبي ياتو حق اصلا ما تعجبني وقصة الغيرة دي مافيها مشكلة بس ماتكون غيرة مرضية بتضرهم في حياتهم وبتوصلهم لي مرحلة الوسواس القهري
♡( شباب الغيرة أنواع في الغيرة اللطيفة البين الزوجين والطبيعية والفطرية في البشر وحتى زوجات الرسول (ص) كانوا بغيرو فكيف نحنا بس في غيرة مرضية كأنو الانسان البغار دا بتحكم في التاني لي يعني الحب ما كدا على فكرة الغيرة المرضية دي مرض نفسي ممكن نرجع للاطباء النفسيين وبنلقاها موجودة وصدقوني ح تحول حياتكم لي جحيم دائم ف ابعدو عنها)♡
نرجع لي نعمة ويوسف.....
قال لي والله ماشاء الله تبارك الرحمن 🌺 محظوظ ال حتكوني ليهو ست بيت قلت ليهو شكرا تسلم وسكتنا مسافة بعدين قال لي يعني يا انا أسئل يا اما تسكتي يعني😂😂 ضحكتا وقلت ليهو ما كدا لكن مابعرف ابدا مواضيع قال لي شكلك صريحة قلت ليهو وشديد كمان وبي مناسبة الصراحة دي أنابكره حاجتين ومستحيل اسامح فيهم الكذب والخيانة وصدقني ديل عندي خطوط حمراء اذا اتجاوزتها بتحصل حاجة ماحلوة واهو صراحتك قال لي ابشري والله مادام صارحتيني صدقني الاثنين مابعملهم وياريت تخليك واثقة فيني قلت ليهو مع الايام بإذن الله بنثق في بعض (بت الناس دي ما بتعرف تجامل مفروض تقول ليهو اي واثقة فيك وكدا يعني 😂😂) ومن خلال النقاش دا ممكن تقول انو انا بديت أثق فيك.
الرؤية الشرعية خلصت وعلى كدا كل زول مشى على مكان يوسف كان بقول في داخلو نعمة من خلال نقاشي معاها عرفتها انسانة واعية وعاقلة وبتنفع تكون لي ست بيت وانا وهي مؤكد ح نتفق وربنا يسهل لينا بس.
رجعنا البيت وطبعا امي عارفة قالت لي اها نقول مبروك قلت ليها شبه كدا بقو يباركو لي وفرحو لي واتفقتا مع فيفو انو العقد في صلاة الجمعة عشان حمادة عقدو في الصالة واقدر امشي لي فطومة في الكوافير وفيفو ح يودينا ليها بعد العقد مباشر وامي جابت لي توب كبدي قالت لي البسيهو دا حقي (تراث يا الغالية😂😂) ويلا بدت التجهيزات والتشغيلات وكل دقيقة يمسحو لي ماسك في وشي وفي شعري قلت ليهم عاينو انا اصلا كنت مهتمة بي شعري وبعدين انا سمحة من غير ماسك ميار قالت لي اقعدي اتعاوري كدا لمن يعقد على وحدة تانية ويخليك قلت ليها لو ما قبلني كدا يبقى أنا وهو ما بنفع لي بعض وفاء قالت لينا خلاص روقو يلا زاتو خلونا نتخمد ساعة ساعتين لانو ورانا قومة بدري كان بكرة الجمعة اللهو يوم العقد وفعلنا نمنا شوية وصحينا صحباتي مشو بيتنا يساعدو ناس أمي في التجهيزات معاي زوبة وتتو وحتى وفاء ومثاني مشو وأسماء متزوجة فما بتقدر تجي بدري كدا ويلا بدو لي تاني ماسكات وحاجات طبعا كنا في بيت خالي النعيم ومعاي بنات أهلي برضو.....

يتبع🌺
اعفو لي عليكم الله الناس الكانت متابعة وانقطعتا عنكم آسفة.🥺🥺💜💜
موضوعنا الليلة البت الملتزمة في المجتمع وعوض ربنا ليها طبعا ما عارفين أنها متهضه من غالبية المجتمع والناس بتحاول تطلع عيوبا وتشكك في ايمانا ماعشان هي كعبة عشان هم ماعايزين يظهرو كعبين فبيتخفو ورا المسكينة دي وتطلع هي الكلمة الشاذة رغم اننا دولة مسلمة ودا مفروض يكون الطبيعي عندنا بس للأسف دا عندا زي الكانك عاملة حاجة غلط الناس تتكلم فيك ولا يخلو ليك لا حق لاباطل. بس البصبر النوع دا من البنات عوض ربنا العظيم والعلي قدر صبرهم وهم مقتنعين و عارفين انو ربنا ما بظلم عبد من عبادو وكيف يظلمنا وهو القدرنا وعزانا وكيف يظلمنا وهو العادل الحكيم دائما العوض بتاع ربنا بكون حاجة أنت ما بتكوني متخيلاها بس نفسك فيها وأنت عفيفة وشايفة إنك مفروض تشكري ربك على النعم العندك وما تبقى طماعة وتطلبي تاني يعني بي اختصار خليتي الحاجة النفسك فيها لوجه الله وربنا اكرمك اخر كرم صدقوني ربنا كريم شدييييييد وعندو ما لا يوجد عند بشر ف خليكم واثقين في رب العزة والجلال❤❤