أسرت قلبي ذات النقاب

٢٠

فيفو كان فرحان أكثر مني وصحباتي لما كلمتهم فرحو شديد وكالعادة مستحيل يبطلو تشغيلات واحلى مافي الأمر اني ح أسكن جنب أسماء حتى يوسف قال لي انا ومحمد نستعد ساي لانو كل يوم لو سألتك ماشا وين ماشا ناس محمد جاية من وين جاية من ناس محمد وهي كذلك 😂😂🙊وكمان كلم ماما ايمان بي الحادث وصدما بالعرس ماصدقتو الا اداني ليها اتكلمتا معاها وحتى موضوع الحادث ما صدقتو قلت ليها كان بسيط (انتو ملاحظين لي انو انا بقول حادث ما ضربة 😂😂) وما حصلت لينا حاجة ماحبيت اخلعها قالت لي اها والعرس الولد دا ما يكون جبرك قال ليها اها يا أمي اتبريتي مني عديييل كدا يحليلك يا يوسف اتبرو منك رهام قالت ليهو عشان نعومة بنتبرا منك صدقني قال ليها انت اسكتي قعتا اضحك قال لي انت اكيد عاجبك الوضع قلت ليهو وشديد كمان لمن زهجناهو انا ورهام خلى لي التلفون وقام 😅 رهام قالت لي أحسن زاتو عشان نتونس بي راحتا اتونسنا مسافة واتكلمتا مع كل اخواتو حتى قفلنا هو كلهم بعد ما زينب ولدت وجابت جوان كنت معطلة اسبوعين يوسف كان جرحو برا عديل وقرب ينزل شغل وحتى بدينا نخطط لي عفشنا وكنت بشوف في الديكور وبعزل يوسف قال لي التصميم ح يكون مفاجأة تشوفيهو لمن تدخليهو عروس بس قلت ليهو كويس بس تعمل لي نفس الديكور البختارو قال لي غرفة النوم دي ما تحلمي اعملا ليك اسود حادة انت اسود شنو كمان قلت ليهو ياخ مالك انت انا عاجبني مش بيتي وغرفتي انا حرة قال لي خلاص رمادي قلت ليهو ماراضية عشان انت بتحب الرمادي تعملا لي رمادي قال لي ما لكن كمان الاسود دا ما بنفع في النهاية ثبتنا على أسود بي أبيض بعد نقاش طويل ولمن زعلتا منو حتى وافق وبرضو كان بقول لي اي اي اقعدي لي في سواد كدا دا شنو اسي وفي النهاية برضو ح يسوي لي نفس الديكور الاخترتو😎😂 .
جا اليوم المفروض أنزل فيهو جامعة يوسف برضو نزل لكن قبلي بي يومين امي قالت لي ماف زمن ضايقتونا تحددو العرس بعد شهر ونص اسي نحنا نعمل شنو ونخلي شنو المهم كان مفروض اتحبس طوالي لانو السمستر دا بسيط شديد والاجازة شهر وقبل النتيجة ح يكون العرس وماما ايمان جات خلت رنا مع زينب وجويرية ورهام ورونق جو معاها وامي ابت تشتري حاجة جاهزة قالت بعمل لي بتي اي شئ وماما ايمان طواعتا وقالت ليها من حقك بت واحدة وانا بوافقك وأول ما ماما ايمان جات بدو لي الحبسة بالمساء وبمشى الجامعة بالصباح يوم الخميس كنت ماشة لي يوسف في المستشفى اعزل العفش وصلتا المستشفى ودخلتا لقيت رأفة اتونستا معاها مسافة وتاني جات طفلة صغيرة كدا عيانة ابت تاكل لي امها قعتها في رجليني اكلتها وشريتها عصير ونامت في رجليني فجأة حسيت انو في زول بعاين لي ليهو مسافة اتلفتا لقيتو يوسف واقف وبعاين لي وبتبسم جا سلم على رأفة وقعد هي قامت والمرأة قالت لي ان شاء تأكلي بتك وشالت بتها ومشت يوسف قال لي صدقيني كل فترة والتانية بكتشف فيك ميزة جديدة وقدر ما أقول أنا حفظتك بلقى نفسي لسه ماعرفتك كويس ضحكت وقلت ليهو دي ميزة الواحد يعقد بدري كل يوم بكتشف يا ميزة جديدة او كارثة جديدة قعد يضحك وقال لي يامرحب بالكوراث لازم الواحد يتقبل مرتو بكل صفاتا ولو كانت هي مزة بس قاسية وما رومانسية قلت ليهو بطل مطاعنات والرومانسية أنت سيدا عشان كدا بخليها ليك وكمان أنت ماقاسي فلازم نكمل بعض لانو اشك لو جبنا طفل إنك تنهر ضحك وقال لي عشان كدا انا كل يوم بقول ياربي الاتغير فيني شنو وتاريهو كلامك دا كل يوم بأثر فيني بي حاجة وبعدين انا ماخايف على اولادي وعارف انو امهم ما شاء الله ما ح تقصر في تربيتهم ابتسمتا وسكتا قال لي مع إنو ما شايف ولا حاجة من وشك بس عارف انك ح تكوني ابتسمتي وخدودك بدو يحمرو من الخجل ضحكت وقلت ليهو النقاب دا رحمة والله (نظام الحبسة وهكذا يعني 😂😂🙊) قال لي طيب ما تعمليهو وتخليني براي استمتع بي الجمال دا سكتا مسافة وكان عندي فكرة في راسي بدور قال لي هناك جميلة تخطط لقتل زوجها الذى اغرم بزوجته قعتا اضحك لمن قحيت وحتى الناس انتبهت وبقو بتهامسو قلت ليهو وربي لو قعتا معاك الناس دي ح تموت ضحك من منظري انا ماشه لي زفتي وجاياك عشان نمشي قال لي زفتي بكون في مكتبو فوق قلت ليهو ما تلاحظ انا وفيفو مستحييل نتغير عادي زفتي وزفته دي ضحك وقال لي لالا عارف انتو البنات احيانا الوحدة بجيها شد عضلي في اللسان 😂😂 قلت ليهو وانا بضحك قاسي لكن رفع لي اكتافو ورسم بسمة جانبية على خدو ومشى وانا مشيت لي فيفو وانا ماشا وصلتا الطابق الأول طبعا امي محزراني من الاصانصير 😂😂 لقيت حلا ماشا وشايلا حاجات في يدها مشرط ومقص وغيرو دفرتني قاصدة و وقعت الحاجات اعتزرتا ليها ورفعتا ليها الحاجات وبرضو بقت تكورك وتجوط والناس اتلمو والمشكلة انو الطابق دا فيهو مرضى القلب واطفال كمان بقيت بسكت فيها وبحاول معاها وهي بتقول لي انت اصلا عندك مشكلة معاي وهي طبعا لقت فرصتها ومصرة انها تكورك وفي مرة كانت واقفة وبتكورك بتي واااي وتصرخ خليت حلا في حتها ديك ومشيت على المرأة كل القدرت تعملو انها ورتني البت مكانا وين كان نفسها مضايق شديد ركبتا ليها أكسجين وجرى على الاستقبال وندهتا بالمايك دكتور مصطفى عمار حصلت حالة طائرة في الطابق الأول عنبر رقم ٣ وكررتا مرتين الكلام دا لما طلعت للبت تاني لقيت مصطفى دا جاري على البت وبحاول يسعفا ولما شاف حالتا اتدهورت شالا ومشى بيها غرفة العمليات وكان بقول سرعة جهزو غرفة العمليات واندهو للدكاترة المعاي سرييع ولسه حلا كانت جايطة ومن شدة ما جايطة كانت رأفة شايلة الحاجات وبتحاول تهديها وهي دفرت الحاجات وجا مشرط في بطني قعتا على رجليني ومسكتا بطني شايفة رأفة طشاش طشاش وفجأة ماحسيت الابزول بسندني ودخلوني عملية مستعجلة (بي لسان يوسف) ما حسيت بي نفسي الا وانا شايل نعمة وبجري بيها ودكتور أشرف بقول لي وديها غرفة العمليات سريع دخلتها والدكاترة بحاولو يطلعوني برا وانا بكورك كيف يعني اطلع وماطالع ووو... دكتور أشرف ساقني وقفني على جنب وقال لي يا د.يوسف أنت عارف انو سلامة المريضة اهما من اي حاجة تانية وحاليا بدل ما انا اكون معاها انا بقنع في دكتور بعيدا عن كونك زوجها انت دكتور ما تنسى الجملة دي عارف قوانين المستشفى وعارف ممنوع تخش لي زول بهمك وانا عارف قدر شنو هي بتهمك وعشان كدا خليني اتصرف وانقذا من دون ما أحس قلت ليهو سلامة نعمة اهما (ويظهر حب الشخص لعمله الدكاترة من هنا بقول ليكم شكرا لكل دكتور أثبت انو بيستحق الشرف دا وبحي كل الكادر الطبي الناس البتساهر وتتعب عشان نبقى كويسين شكرا ليكم 💜) ضرب على كتفي وقال لي دا د.يوسف الانا بعرفو ودخل جوة والعملية بدت وانا بقيت زي المجنون ماشي جاي ماشي جاي لحدي ما لمحتا مصطفى دا جا جاري زي المجنون وبهز فيني أختي مالا أنا اسي خليتا كويسة وجات بي رجلينا مالا يا يوسف حضنتو مسافة واي واحد فينا كان محتاج يقوي التاني وماف واحد قادر يقوي التاني دي لو نعمة اكيد كانت ح تكون أقوى مني واسي ماعايز منك حاجة الا إنك تبقي قوية عشاني وعشان اهلك وتقومي لينا بالسلامة نعمة أنا منتظرك مصطفى قعد في الكرسي وختا يدينو في وشو ودموعو كانت بتنزل وكان بقول كلو بي سببي أنا الغلطان في داعي أقول ليها تعالي لي يوسف هنا بدل ما يجيك في الجامعة اما انا كنت بعمل فيها قوي عشان ما انهار بس أول ماجو أهل نعمة وامي واخواتي ورنا الوحيدة من اخواتي الجات وضمتني عليها رنا أكتر وحدة بتعرف تحتويني في اخواتي بتجي من دون مقدامات وبتغير حالتي النفسية الوحيدة المابعرف أمثل قداما اني قوي وعشان عارفة اني منهار وماقادر أنهار قدام الأهل عشان ما ينهارو اكثر جات وحضنتي وهنا يادوب انهرتا قلت ليها رنا نعمة لو حصلت ليها حاجة ح أكون انا السبب أنا راجل اسي ومرتي معاي في مكان واحد وقبل دقايق كانت معاي وبعد دا ما قدرتا احميها قالت لي يوسف أنت عارف نعمة قوية وكفاية هي مرتك ونحنا اتعلمنا نبقى قويين منك ما تضعف هي محتاجا لي دعواتك ما تخليها في أكتر لحظة محتاجاك فيها يمكن كلام رنا خلاني أفتح لي انو أنا فعلا مفروض أدعي ليها ودا الفي يدي اعملوا وزي ما بتقول نعمة الندم بعدين ما منو فايدة وبجد انا بستمد قوتي منها ومن رنا وخالتي اماني كانت بدوخ يدوها درب تصحى وتتمتم بي اسم نعمة وتاني تبكى ومره تمسك مصطفى وتقول ليهو أختك مالا أختك وينا وحتى عمو عمار حالتو كانت تحنن من الموقف دا عرفتا نعمة دي مصدر قوة بيتهم نعمة سندنا كلنا بالرغم من انها بت بس بتعرف تتصرف وبتعرف تكون سند وبعد مرور ساعتين من بداية العملية حتى دكتور أشرف طلع أول ما شفتو انا جريت عليهو قال لي.....

يتبع💜

الليلة حابة أتكلم عن قضية مجتمعية مهمة شديد فوق اتكلمتا عن الدكاترة العندهم ضمير وبجد يساتهلو ينالو الشرف دا أما في نوع تاني دا مابستاهل ينال ولا شرف اصلا وكذلك ناس مختبرات وناس تمريض وناس صيدلة من كل المجالات دي ومن مجالات الطب المختلفة بنلقى في ناس ماعندهم ضمير انا شفتا موقف اتحفر في ذاكرتي وما ح انساهو لحدي ما أموت كنا في مركز بعيدا عن ذكر اسمو لاقيت فيهو من الدكاترة أحسن معاملة وماكان زول انا مابعرفو لا ابدا كان زول قريب لي شديد كان تعبان وبتذكر الدكتور جا لحدي عندو وكشف عليهو اما الممرض (برضو بعيدا عن ذكر الاسم) كنا بنفتش فيهو عشان يديهو حقنة ودرب وكان تعبان شديد ما لقيناهو مشينا لي زميلو قال فلان دا بزعل اتخيلو بهذا الاسلوب انا في شنو وانت بتقول لي فلان يزعل ما يزعل كان زعلان تنقذ المريض الممكن لاقدر الله تحصل ليهو حاجة دا ولا تقعد تقول فلان بزعل لحدي ما جا الدكتور براهو وجا اداهو الحقنة والدرب يعني اتخيلو قدر شنو الدكتور دا يستاهل نقول عليهو دكتور ما اتكبر ولا قال انا مالي ومالو دي ما وظيفتي ياخ حتى الصيدلانية الدي ما وضيفتا جات وبقت تتكلم معانا وتسألنا عن حالتو وحتى البت بتاعت المعمل أسفه بس بطني طمت شديد من الممرض وما حبيت تعاملو السئ دا من هنا بقول لي الممرضين وطلاب تمريض ما تبقو زيو ياريت ما تبقو زيو دي روح ما لعبة عشان نحنا نقعد نصرف بالطريقة المامسؤولة دي .

أسفة انفعلت بس زعلتا الصراحة شديد آسفة اذا كان في حدة في الاسلوب 🌺