أسرت قلبي ذات النقاب

البارت الخامس عشر

بداية كدا الرواية دي العوارض المرت بيها ما بسيطة وانا فكرتا كم مره اني اجدعا واهملا بس في النهاية قلت يمكن دا اختبار من ربنا لي عشان يشوف مدى صبري وصبرتا واهو تاني بنزل بقيت ووقفتا كم مره وللأسف شديد بس كلو لي خير (وعسى أن تكرهوا شيئا وهو خير لكم) .
بعد شوية كدا أنا قلت ليهم أنا ماشه أشوف فستاني حق الجرتق جبتو ولالا وكمان جلابية حمادة اجهزا ضحكو وقالوا لي  عايزة تهربي مش قلت ليهم نعمة عمار ما بتهرب وكمان بقيت مدام يوسف واعتقد انو مستحيل اهرب انا 😎😎تتو قالت لي مدام يوسف قلت لي 😂😂 قلت ليها بي حدة تتو ضحكو وسكتو مشيت منهم كدا صاحب حمادة ناداني وبقى بتكلم معاي قال لي البنات ديلك زميلاتنا في الشركة شوفيهم مشيت منو عيني وقعت على يوسف ابتسم لي ابتسامة جانية وكان واضح شديد انو غيران 💜 مشيت سلمتا عليهم وقعتا شوية معاهم وقمتا يوسف لاقاني وقال لي ممكن دقائق بره عايزك في موضوع طلعتا معاهو بره قال لي انا ماشي من دون ما احس قلت ليهو لي مالك ابتسم وقال لي ماشي اودي ناس أمي المطار مسافرين زينب ح توضع بعد شهرين وماشا بكره الامارات وامي ورونق ما شين معاها ورنا ورهام ماشين مع جويرية السعودية ولما زينب تقرب توضع ح يمشو ليها قلت ليهو ما شاء الله والله يصلو بالسلامة وتتحلا بالسلامة كمان بس كان توريني قبل فتره كويسه ما حلوة يمشو ساي كدا وبقيت مرتك وبجد ح يزعلو وااي ياخ قال لي اهدي ماف زول ح يزعل وانا القلت ليهم اني ما كلمتا نعمة وما ح اكلملا الا يوم العرس قلت ليهو عماتك وخالاتك ح يزعلو يا يوسف ياخ انا جديدة عليهم مان مفروض اقل شئ اجيب لي ماما ايمان ضحك وقال لي كفاية الهدايا الجبتيها ليهم الليلة +بقت ماما ايمان قلتي لي 😂 قلت ليهو تستاهل اقول ليها ماما ايمان + مفروض امي تعرف لانها ح تزعل منك غايتو بي طريقتك معاها في اللحظة دي جا فيفو وقال لينا وانا اقول الثنائي الجميل دا مختفي وين تاريك بتخلط في أختي ضحك وقال ليهو حلالاي بقت بعد دا يازول قال ليهو سكتني ياخ كدي نتصور طيب😂 وشال التلفون صورنا قلت ليهم أنا داخلا ودخلت لي امي جوا وريتا مشت عليهم واعتذرت ليهم عشان ماجابت ليهم حاجة يعني وقعتا معاهم يوسف وفيفو دخلو وقعدو مع اصحابهم وبجد رهام اخت يوسف ظريفة شديد اما رنا شوية كدا انطوائية المهم اتونسنا شوية كدا يوسف جا قال ليهم يلا يا جماعة الزمن قومو امي قالت ليهو خلينا نعمة انا البتقول لي امي ما كنت توريني على الأقل يعني قال ليها والله يا امي الفيك مكفيك من عرس احمد لي نحنا جينا تمينا الناقصة وبيتك كان مليان وماعندك نفس اصلا وانا عارفك ما بتقصري ماما ايمان قالت ليها والله يا اماني عارفاك ما بتقصري وما اوصيك على مصطفى نمرة اتنين دا ضحكت وقالت ليها أكيد ما بتوصا عليهو قالت ليها والله مشي ماكنت عايزة امشي اخليهو بس بعد دا مرق مني بقى راجل وبي مرتو خلاص تاني ويابتي ما اوصيك الولد دا عبيط الا انتظرو لمن يجي بليل للاكل دا قال ليها امي انت اول حاجة اتبرتي مني وتاني حاجة جيتي فضحتيني قالت ليهو فضيحة ما لي غريب لي مرتك ابتسم طوالي وحك راسو وقال ليهم خلاص انا طالع وطلع ماما ايمان عسل ياخ حبيتا💜 وطلعو على كدا وطبعا اولاد اخواتو من شافهو جرو عليهو ظاهر عليهم بحبوهو وحتى بتشاكلو في يوسف شكل كنت بعاين للموقف بي ابتسامة وصنه كدا ودعناهم ومشو دخلتا تاني استلموني😂 الحفلة انتهت بعد ساعة تقريبا قمت وديت لي حمادة جلابية الجرتق وفستاني كان أبيض مشغول بي فركة ويلا فطومة لبست وبجد ما شاء الله عسل طلعت وعايزة تطلع قلت ليها وين يا السمحة رجلي من رجلك صحباتا قالو ليها بدت ليك تشغيل الحموات قلت ليهم لالا ياخ شوية وكدا وترتاح مني اصلا قالت لي ياخ انا لاقياك وين انا انتظرك طوالي البنات قالوا اتفاق الكنه والحمايه 😂 غيرتا وطلعتا اشوف ناس حمادة لقيتم بتصورو برة وقفتا في النص بقو بشاغلو فيني الاثنين في اللحظة دي جا يوسف فيفو قال ليهو ود حلال جيت في وقتك والله ضربتا في تلفوني ردت لي نبراس صحبت فطومة قلت ليها نحنا جاين عليك اثناء ما داخلين يوسف مسك يدي وقال لي عقبالنا ابتسمت وقلت ليهو امين الاولاد بقو بصفرو وحتى مجنونا (فيفو) كان بصفر معاهم 😂😂 المهم جرتقوهم وطلعو وبقو بودعو فينا عشان مسافرين ماليزيا واثناء ما بودع في حمادة دموعي بتزل شلال بس وحتى في الاخر ما قدرتا اودعو فزحيت منهم وهو دي اول مرة يسافر مننا قدر دا فجأة حسيت إنى معرقة شديد وماقادرة اتوازن ما حسيت الا بزول مسكني وقعدني في الكرسي بس هو يوسف وسريع شربني بارد واكلني جبنة وبقى بتكلم بي تعصيب وصوت عالى ما انت ما بتهتمي لي نفسك ومن الصباح ما اكلتي صاح قلت ليهو انا كويسة يا يوسف ما عندي حاجة قال لي بي تعصيب كويسة شنو وانت مهبطة كدا وتاني غير نبرة صوتو لي نبرة كلها حنية وقال لي حاسة نفسك أحسن ولا نمشي المستشفى قلت ليهو ماف داعي انا كويسة ناس حمادة مشو؟ قال لي اي مشو دموعي خانتي ونزلت شلال عديل يوسف قال لي يابت هو ماشي وين يعني بتبكى كدا حسستيني إنك طفلة مفرقنها من امها قلت ليهو بجد حمادة ما اخوي بس حمادة ابوي وسندي وراحتي حمادة سبب سعاتي انت عارف انو انا لمن كنت بتشاكل مع اي زول حمادة بقيف معاي بالرغم من اني بكون غلطانة مرات وبرضو بكون لي سند و.. ما قدرتا اتكلم تاني من شدة البكاء يوسف ضماني عليهو وقال لي خلاص يا روحي روقي اسف ما كان مفروض اخليك تبكى بالطريقة دي وكان بمسح على راسي وبهدي فيني 💜(دا هو الحب الحقيقي يا اخوانا ما تحبو في الحرام وما ترخصي نفسك لانو مهما ما كان الراجل كويس في اقل شكلة ليكم من غير ما يقصد ح يعايرك ما تقولو لي ماف مشاكل بينا ماف حياة مثالية تمام وصدقيني البنتظر لحدي ما يبقى راجلك ويعاملك بي رومانسية دا البنفع اما البطلب منك كدا ايام الخطوبة دا نهاي ما بنفع انا شخصيا ما بنفع معاي نهاي وما ترخصي مفسك مهما ما كنت بتحبيه وميته فيهو الحلال حلال يا اخوانا والحرام حرام وكلو واضح زي عين الشمس وما تقولي لي الحب بعمي ما تحبي الحب دا نهاي ولو قلبك حبا غلط طلعيهو من محلو و وقفيهو قبل ما تغرقي تمام اعرفي الحلال وامشي وراهو وصدقيني ح تلقي سعادة ما بتتخيليها نهاي) نرجع....
حسيت على نفسي واتفكيت منو قلت ليهو وانا بمسح في دموعي الكانت لسه بتنزل ضحك وقال لي ملامحك وانت خايفة حلوة شديد كمان كدا خجلني وحتى ظهر في وشي الخجل 😂 ضحك وقال لي يلا ارح طيب خجولة شديد طلعتي مسك يدي اتلفتا لقيت الحته خلا قلت ليهو الناس وين قال لي مشو وضربتا لي فيفو عرفك متاثرة عشان كدا قال لي خليها تروق وجيبا قلت ليهو كويس فتح لي الباب ركبتا واتحركنا لقينا زي حادث كدا الناس دي ملمومة يوسف وقف العربية وقال لي ينزل يشوف الحاصل شنو قلت ليهو والله الوضع دا ما طبيعي فكيف يعملو حادث والزلط بكون فاضي زي الوقت دا قال لي نعمة اسي خليك من عقلك البحكمك دا وشوفيها بي قلبك يمكن في زول محتاج مساعدة قلت ليهو يوسف منطقيا الكلام دا ما جاي ما تنزل ياخ ومسكتو من يدو باسني في يدي وقال لي امني العربية من جوة ثواني وبجيك ونزل بقيت مقلقة ومتوترة شدييييد وبهز في رجلي بعد شوية شايفة زول مرمي في الارض والناس جرت خلتو مرمي من دون ما احس فتحتا الباب سرعة وجريت عليهو لقيتو......

يتبع 💜
بعتذر كره تانية على التأخير الليلة حابة اقول للبنات ما ترخصي نفسك عشان زول والما عايز ينتظرك دا ما شبهك اذا اسي ما انتظرك وقدر يصبر معناتا في اول مشكلة ح يطلقك خليك غالية وخليهو يتعب عشان يصل ليك ما بصعب الامور بس نحنا ما بنشعر بي قيمة الذهب الفالصو لانو مافيهو قيمة اصلا بس بنشعر بي قيمة الذهب الاصلي لانو اصلي وغالي شوفي انت عايزة تكوني اي نوع.💜
اما بالنسبة للشباب انت عندك اخوات او حتى بنات اهلك فما تلعب بي بنات الناس لانو لو عملوها لي اختك ما ح ترضي فما تقبلا على بقية البنات وصدقني كل ما قربتا من ربنا خطوة بقرب منك خطوتين فطيعو عشان يهنيك ويسعدك وتنال سعادة الدنيا بالزوجة الصالحة وسعادة الأخرة بالحور العين في الجنة 💜