أسرت قلبي ذات النقاب

١٩

جاتنا أمي قالت لي يابت أنت ما جعتي ما تقومي تاكلي فيفو قال ليها يا أمي بتك الزي السوط دي ما عارفاها أنت بدل تقوم تأكل جات قضتا ونسة يوسف قال ليها كمان ياخالتي في المستشفى الا الزها لز للأكل ومرات الا ااكلا عديل عاينتا ليهو نظام دي انا ولا أنت و وجهتا نظري لي فيفو أنا سوط مش ماشة اتملي طاقة وجاية أوريك السوط منو وبعدين غلطانة انا اجي اشوفكم لي شنو هدا اي واحد لسانو مترين ما شاء الله فيفو قام على حيلو طلعني برا وقال لي امشي اكلي أول امي كانت مشت قدامي صريت ليهو ومشيت اكلتا وجيت داخلة على غرفتي فيفو قال لي معقولة بس تكون في مزة في البيت ونزعلا قلت ليهو اها عايز مني شنو انا عارفاك قال لي يخس عليك ياخ أنا مصلحجي قصدك لالا ياخ العندو المزة دي ما بقدر يكون مصلحجي قلت ليهو زفتي قال لي عيونو قلت ليهو اها قول سامعاك قال لي امممم ممكن تسوي لينا فشار وفنكوش عندنا انمي ضابط بعد شوية قلت ليهو اصدمني وقول لي يوسف بحبهم بس قال لي عشقو الأول صريت ليهو ضحك وقال لي خلاص عشقو التاني بقا قلت ليهو لازم +دي مشكلة كدي امشي اسوي الحاجات دي واجي مشيت سويتهم وجيبتهم وطوالي عاينتا لي يوسف الكان منتبهة شديد ختيتهم وقعتا قلت كدي اشوف اخرتم شنو يوسف قال لي دي العشق ياخ اكيد بتحبيها صاح قلت ليهو اكيد بكرها بس بجاملكم ساي ضحك وقال لي هي زاتا شينة وما ح نحضرا تاني اسي دي حلوة دي شنو دي يازول فيفو قال ليهو احم احم انا موجود + ماقلت ليك بقت عشقو التاني والأول معروف وغمز لي عاينتا لي يوسف قال ليهو بقت ماعشق اساسا فيفو ضحك وقال اييي روميو السوداني كيف الحال قلت ليهو بطل تشغيلات +ممكن نتفق يوسف قال لي مش ما بتحبيهم ما مشكلة يازولة ولا نتفق زاتو ماف داعي احضرهم فيفو قال ليهو معناها استعد من الخميس للسبت من الساعة السادسة مساء وحتى الثامنة مساء ساعتين زي العامين يوسف ضحك ومسح وشو وقال لي اوعا تكوني من متابعين هي وبس قلت ليهو اكيد طبعا رضوى الشربيني لا تقاوم قال لي يا نهار أبيض القال ليك بكره الانيمي دا منو ضحكت وقلت ليهو ماف داعي تتجنتل ساي عارفة اصلا الاولاد ما بحبو يحضروها لانها بتقول الحقيقة حقتهم طيب بحضر معاك فيلمين تحضر معاي الثلاثة حلقات موافق فيفو قال لي دا ظلم يازولة انت زولتك دي ساعتين قلت ليهو اصبر انت لو ما جبت ليك وحدا بتحب هي وبس والستات ما يعروفش يكدبوا تبقى مشكلة قال لي لالا انا بجيب وحدة بتحب الانيمي لاني حنيت على حالة يوسف الصراحة يوسف ضحك وقال لي خلاص يازولة اتفقنا سكتنا بعدها وبقيت بحضر معاهم رغم اني ما مستمتعة شوية وشلتا اقرب تلفون جنبي لقيتو تلفون يوسف فتحتو وبقيت بلعب عندو لعبات كتيرة زي الشافع تلفونو كلو لعبات 😂😂🙊 فيفو قال لي يوسف هي مكان الخطر أمسك تلفونك دا قال ليهو يازول شافتو كلو لو ما اتفحصو التلفونات البنات ديل ما برتاحو الوحدة الا بنفسها تتفقد الحاصل شنو قلبتا ليهم التلفون بمعنى شوفو وما تحكمو ساي وطلعتا من اللعبة وقفلتها وختيتو في الطربيزة يوسف قال لي لالا ياخ معقولة بس بنهظر والله شيليهو ساي ولو دايرة مرة واحدة تشيلهو عندي كم نعمة أنا قلت ليهو اي بتعرفو للبكش دا كويس +صحي صوري وينا كدي اتفرج فيفو قال لي متين بقت ماعندك كرامة كدا وضحك 🙊😂 قلت ليهو يازول دي قصتو هو لي جايب لي تلفون بشبه تلفونو انا اعرف كيف مثلا وشلتو واتصورتا وهو كان عارف وبتبسم ساي ولا قال لي دا تلفوني قال لي ماف داعي للفضايح +أنت ناسية إنك مرتي يعني اتصوري بي كيفك بعد دا ناس مصطفى ديل مادايرين صورم زاتو التلفون مليان عذابة خلي يتملي بي المدام أحسن فيفو قال ليهو تكرنا يخس عليك خوتك خوة حبش يلا انا ماشي منك البس انت بعدين ماتجي تقول لي انت غشيتني اديتني وحدة كلاما أكتر منها براك اتعابطا لمن حصلت عليها يلا البس بس بعد دا ضحك وقال ليهو احلى لبسه صدقني قال لينا يلا يا روميو السوداني وقريبا جوليت السودانية انا ماشي انوم انتو عواطليا تقعدو تتغزلو لي في بعض ونحنا تخلونا للشغل قلت ليهو صبر ببل الابري ما عندك بتجي ايامك وتاني لو ما شفتك بتنسى اي حاجة اصبر بس ضحك وقال لينا تصبحو على خير وطلع يوسف من غير مقدمات قال لي نعمة اسي كان وافقتي كنا في بيتنا حاليا قلت ليهو بي تكشيرة ما تستعجل مش قلت حياه نكد جاياك ومن اسي بدت ما تستعجل ساي قال لي وهو بضحك قلت ليك المرة الفاتت يامرحب بالنكد اذا منك اقتنعي بس وانا بستحمل ياستي قلت ليهو طيب بي شرط قال لي أأمري أمر أنت قلت ليهو تساعدني في شغل البيت واهم حاجة العدة قال لي اعتبريهو منتهي اي حاجة تانية عاينتا ليهو بي استغراب نظام أنت جادي قال لي جادي وشديد كمان سكتا مسافة واتذكرتا يوسف ومواقفو معاي ماحصل زعلني نهاي وحتى لو زعلتا بعرف كيف يراضيني وبعرف كيف يخجلني وكمان بفهمني من أبسط تفاصيل وشي بفهم انا مالي وحتى حاول يتخلى عن حاجة كانت بالنسبة ليهو عشق عشاني يعني انا لو كنت مكانو هل كنت ح أعمل كدا صعبة شديد في النهاية اكتشفتا انو يوسف يستاهل اوافق عشانو بعد لحظات من السكوت وهو قاعد متشوق شديد قلت ليهو موافقة قال لي نعمة جادة انت ولا بتمشي فيني ساي قلت ليهو جادة والله قال لي ياسلام ياخ أنا اسي امشي وين وابدا من طيب اضرب لي محمد وماشي على التلفون مسكتو منو قلت ليهو ياولد انت ما نصيح الساعة اتنين صباحا تضرب لي واحد متزوج زي الزمن دا بكونو في الحلم العاشر قعد يضحك وقال لي والله لو شفتي السعادة الانا فيها يعني اخيرا ح نتلمى في بيت واحد قلت ليهو على فكرة الفترة الفاتت دي كنا الابعة وعشرين ساعة في وش بعض😂😂🙊 قال لي اسي بي زمتك دا ( واشر على)وش يملو منو انا لو قعتا اعاين ليك طول الدهر ما بمل ولا بكل منك قلت ليهو مانفسك تسالني وافقتا لي قال لي ما عشان انا سمح وخايفاني اتشلب منك حمرتا ليهو وقلت ليهو والله دا شلب دا كدي بس خلي وحدة الله غضبان عليها تفكر تعاين ليك عشان تلقى روحا ميته ضحك وقال لي بتعرفي تغيري كدي وريني كيف كيف قلت ليهو بطل سخف جادة انا وبعدين لي ما اغير أنت من شدة غيرتك ايام المستشفى لمن بتقول ما تطلعي اصبري خلي مصطفى يجي معاك وتقعد تخاف على من اي حاجة يعني انت عندك الاذن وانا لا يعني قال لي اسي في شنو طيب غلطان انا يعني يا ستي عندك الصلاحية تغيري عندي منو غيرك اصلا غيري بي كيفك قلت ليهو يوسف في فرق كبير ما بين الغيرة والشك والانا بعمل فيهو دا دي اسمها غيرة قال لي عارف وربي تعالي هنا كدي قعتا قدامو قال لي حبيبي ليك الحق وكامل الحق تغيري تمام ما تزعلى ياخ انت عارفة اكتر حاجة بحبها فيك شنو نقتك وفلسفتك دي قعتا اضحك قلت ليهو حتى أنت بتقول دي فلسفة قال لي ما بجد لكن هي فلسفة اغشك يعني + صحي التغيرات المفاجاة دي شنو لي وافقتي رغم انو مفروض العرس يكون بعد الجامعة او يوم التخريج ضحكتا وقلت ليهو ما لقيتك متلهف للعرس كدا واصلا شايفاك متحمس شديد وغير كدا ممكن ح أعرف انظم وقتي رغم انها ح تكون ضغطة بس كلو لي خير باس راسي وقال لي أنت عارفة إنو أنا محظوظ يعني واحد لقى ليهو وحدة ح تضغط نفسها عشانو وح تخلى جزء من اولوياتا الزمان وتتفرغ ليهو ولي اولوياتو داير شنو تاني ومن غير مقدمات جراني لي صدرو بقيت راقدة مسافة بعدين قمتا قال لي اسي كدا نحنا ما كويسين كنا ماشه وين قلت ليهو انت ناسي جرحك يادوب بدا يبرا وغير كدا يدك دي يا داب بدت تتحسن اصلا كدا كدا هو لي يعني ماف وحدة ح تقدر تحصل عليهو قعد يضحك قال لي خايفة على يعني و اقعدي استنتجي لي كدا لحدي ما اقتنع ليك ضحكتا وقلت ليهو أكيد طبعا خايفة ودا كلو ما اقنعك قال لي ولو اقتنعتا دا مكانك ولحدي ما نمشي بيتنا مفروض تكوني فيهو قلت ليهو اتقل شوية +ما نعسان أنت اتسآب وقال لي نعسان لكن شكلك ما ناوية تنومي قلت ليهو في زول نومني النهار كلو وعايز ينوم ويخليني هل ياربي ح يجيهو قلب قال لي وهو بضحك اكيد ما ح يجيهو قلب الواحد لازم يستحمل نعمل شنو يعني معاكم وبجد صحا معاي لحدي ما صلينا الصبح لانو لسه ممنوع من الحركة الكثيرة خليتو رقد ينوم وانا مشيت غرفتي نمتا صحيت الساعة تمنية كدا قمت استحميت ونزلتا لي ناس أمي لقيتهم بشربو في الشاي صبحتا عليهم وقعتا اشرب معاهم امي قالت لي يابت راجلك وين بتشربي براك قلت ليها نايم بكون امبارح ساهرتا بيهم وفيفو مشا نام ويوسف جراها معاي لحدي الصبح ابوي قعد يضحك وقال لي خلاص بديتي الولد تعبان كان تخليهو ينوم قلت ليهو براهو قال لي نومي بالنهار يلا يستحمل بس أبوي قعد يضحك شوية وسمعنا صوت فيفو ويوسف بتكلمو وهم نازلين فيفو قال لي شايفة بي سببك ح اتأخر مساهرة بي كدا قلت ليهو ناسي الانيمي البايخ الحضرتني ليهو اكيد ح تتعاقب بالمقابل يوسف قال ليهو ايوة اي زول غلط يتعاقب قال ليهو عارفك ح تنكرني عشان مرتك اصبرو بس بجيب ليكم البتقيف معاي ضدكم قلت ليهو ما تحلم ح تقيف مع حماتا طبعا امي قالت ليهو دا يوم المنى جيبا ساي ابوي قال ليهو شكلكم عارفنها أنت واختك دي يوسف قال ليهو وتقول لي خوتك خوة حبش انت الطلعتا خوتك خوة حبش قلت ليعو ياخ ما تشنو عليهو حرب ح تعرفو والله اصبروا لينا بس (فيفو عايز وفاء صحبتي وكلم أخوها وقال ليهو انا يادوب بادي حياتي ما جاهز بس انا عايز أختك وبجد كان مجتهد شديد وبدا يجيب في العفش اصلا ابوي عامل لي كل واحد شقة من الأولاد اما انا قلت ليهو ماتعمل لي) فيفو قال لي وهو بعاين للساعة لا اله الا الله منك انت الواحد ينسى اسمو زاتو قلت ليهو والله غلطانة أنا البدافع ليك استاهل قال لي اتاخرتا ياخ قلت ليهو اقيف طيب الشاي ح تصدع انتظر ح اكوبو ليك في الساخن بارد حقتي مشيت كبيتو ليهو وجبتو باسني في راسي وقال لي يلا يا مزتي وباس امي في راسا وقال ليها يلا يا غاليتنا دعواتك وقال لي ابوي ويوسف يلا مع السلامة وطلع يوسف قال لي البشوفكم بتتناقشو ما يشوف الحنية دي ابوي قال ليهو بتتعود اصلا ديل يومي نقار يوسف ما صدق كلم ابوي طوالي ابوي قال لي تعالي عايزك يوسف قال ليهو امشي اكلم امي قلت ليهو براحة الجرح يا أستاذ ضحك وقال لي حاضر ابوي اتكلم معاي مسافة والغير راي شنو وهل انا موافقة ولا في حاجة جبرتني اتكلمتا معاهو كتير (من هنا حابة اوصيكم يا بنات خلي دائما كلامك مع أبوك وموافقتو جزء لا يتجزء من حياتك بذات في المواضيع الزي دي صدقيني ح يسندك وما ح يقصر معاك عشان كدا ما تعملي حاجة من غير رضاهو رضاهو دا يا جنة يا نار عشان ما تندمي بعدين💜) نرجع....

مشيت لي أمي ويوسف لقيتهم بتكلمو برضو في الموضوع امي قالت لي مالك ما كلمتيني قلت ليها الشفقة تطير بس ضحك وقال لي ناس امي كلمتهم قالو لي زينب في المستشفى قلت ليهو كيف يعني هي مش في السابع قال لي جاتا موية ما ح تقدر تقعد لحدي التاسع قلت ليهو يازول ربنا يحلها بالسلامة امي قالت ليهو كدي امشي أشوف ايمان واتكلم معاها ومشت قلت ليهو الشفقة تطير اصبر انت وبعدين حمادة ما جا احدد عرسي كيف قبل ما يجي قال لي منتظرو لكن شقتنا محتاجة صيانة محمد قال لي بجهزا ليك قلت ليهو يعني مصر تضرب وضربتا في النهاية قال لي وهو بضحك ما بقدر انتظر يمكن تغيري رايك قلت ليهو لالا انا ثابتة في موقفي و واصلنا ونسة طول اليوم لحدي ما فيفو جا وكلمناهو بقى بتعاور معانا ويتراقص فرحان اكتر مني 😂😂🙊

يتبع🌺
فرحة الاسرة بي بتهم وهي عروس مافي زيها فإنت ما تحرميهم من الفرحة دي وتمشي تعرسي من غير رضاهم صدقيني مهما ما كان راجلك دا محترم ح يعايرك بي اهلك الما عقدو ليك صدقيني ما ح تسعدي نهاي معاهو ما تحاولي تمشي من غير أهل العز أهل ما تنسى الجملة دي نهاي.

.........العز أهل.........

بتمنى حياة حلوة لكل البنات وموفقين في حياتكم وكذلك الشباب موفقين يارب💜