أسرت قلبي ذات النقاب

٢١

جريت عليهو قال لي الحمد لله المدام كويسة بس لسه غايبة عن الوعى من دون ما أحس سجتا سجدة شكر لي ربنا في الأرض وبعد فتحت و ودوها الغرفة دخلو ليها خالتي أماني ومصطفى وكل الأهل  بس انا الوحيد المادخلتا معاهم ما كنت قادر أشوف نظراتا لي وانا بضيع فيها ماكنت قادر ادخل معاهم (بي لساني) أول ما فتحتا لقيت أمي قاعدا جنبي وبتبكى وابوي جنب راسي والخوف ظاهر في عينو وفيفو ماسك يدي و وشو كان مورم ومحمر وكل اهلي عماتي وخالتي صحباتي وحتى ماما ايمان واخوات يوسف وعمتو كان قاعدين الجو كان مكهرب شديد ما كان في زول قادر يتكلم شكلهم قايليني لسه ما صحيت كويس 😂😂🙊قلت ليهم يا جماعة أنا كويسة والله الحمد لله حتى كلهم بدو يكفرو لي وبسألوني هل انا كويسة في حاجة واجعاني😂🙊 وكلهم الخوف كان ظاهر عليهم بس كأنو عيوني كانت بتفتش على زول وحابة تشوف الخوف دا في عينو شوية كدا لما فيفو شافني بديت اتعب من الونسة قال ليهم يا جماعة نعمة لازم ترتاح ولو جو الدكاترة ولقو المنظر دا انا أول واحد بطرد برا المستشفى😂 ضحكو من كلامو وطلعو هو كان قاصد يخليني أرتاح وقالا لي الناس بي طريقة ظريفة وهو طالع مسكتو وقلت ليهو البت حصلت ليها حاجة يا مصطفى قال لي وهو ببوس راسي الحمد لله لا الفضل كلو ليك قلت ليهو الفضل لي ربنا بعدين ليك أنت قبل ما يرد الباب فتح ودا كان يوسف فيفو طلع وخلانا يوسف وشو ما كان بتفسر مع انو مشاعرو بتظهر في وشو بس لاول مرة ما اقدر احدد نوع مشاعر يوسف من لما عقدنا تما قعد جنبي ومسك يدي وقال لي نعمة قلت ليهو عيونا قال لي وهو منزل راسو ودموعو بتنقط في كفي أنت كويسة قلت ليهو وأنا بمد يدي وبرفع ليهو راسو ومسحتا دموعو حتى قلت ليهو انا كويسة طول ما أنت جنبي (طبعا من أصعب الحاجات إنك تشوف دموع راجل شرقي وبالذات رجالنا السودانين يعني لو ما وصلو الحد مستحيل ينزلو دمعة والدموع دي أكدت لي انا بعني لي يوسف حاجة مهمة شديد وصعب يخسرا ♡) قال لي وهو صوتو مبحوح ما قدرتا أحافظ عليك بالرغم من قربك مني يعني لو كنت بعيدة الكان ح يحصل شنو نعمة انا شكلي ما بستا.. قاطعتو وانا بخت يدي على شفايفو وبقول ليهو والله يا يوسف تاني تقول كدا أزعل منك وما ح اتكلم معاك نهاي وما زعل وبس اسي بغير راي وعرس زاتو ماف وبعدين ربنا ابتلاني عشان يشوف مقدرتي على الصبر ويختبرني مش لما ربنا بحب عبد بيبتليهو هز لي راسو بمعنى صح قلت ليهو طيب أنت مكسور لي مش ربنا بحبني ودي حاجة مفروض تفرحك وبالنسبة لي موضوع الحماية والانقاذ دا الانقذني الليلة ولما حازم حاول يتعدى على كان خيالك ولا تؤامك ضحك وقال لي حتى وأنا في أصعب حالاتي بتعرفي تخليني أضحك وبتعرفي تلعبي في الوتر الحساس أنت +والله مساختك دي مستحيل تخليها وربنا يحفظك لي بي مساختك دي قلت ليهو دا يادوب يوسف الانا بعرفو قطع اللحظات دي دخلة الممرضة حلا يوسف دا وشو اتغير ٣٦٠ درجة قالت ليهو دكتور يوسف أنا وهي بتبكى قاطعا وقال ليها بي نهرة اطلعي سريع قبل ما اتهور وأنسى إنك بت قلت ليهو يوسف براحة عليها قال لي انا لحدي الان هادي خليها تمرق قبل ما انا أفقد أعصابي أكتر  وهي بتحاول تتكلم معانا قال ليها قلت ليك اطلعي برا سريع البت طلعت وهي بترجف يوسف دا قعد وضغط على يدي شديد وبستغفر قلت ليهو يوسف رفع راسو بقلة حيلة وعاين لي بمعنى نعم قلت ليهو متين بقول أسمك وما بترد على وصريت ليهو وشي ابتسم وقال لي طيب ياروح وقلب وعيون يوسف أحكى قلت ليهو يادوب رجعتا طبيعي بقى بضحك قال لي والله أنت اها عايزا تقولي شنو سكتا مسافة وكاني بتذكر وقلت ليهو نسيتني عايزة اقول شنو زاتو عامل زي الشافع كدا مرة صاري ومره بتبتسم قال لي شافع مع مرتي من حقي على فكرة واحسن منكم الوحدة من غير سبب مقنع بتمد ليك بوز مترين + يحليك يايوسف وقعتا وقعة كعبة مرتك مخرفة من اسي اتفكفك ياربي🤔 فكيت يدي منو وانا بصر ليهو وبقول ليهو والله طيب اتفكفك من اسي وقبلتا على الجهة التانية بقى بدق في الطربيزة وبقى شغال سمحة سمحة مافي زول بشبها وتما الباقي من عندو وبقى بقول سمحة الغيورة سمحة سمحة ام عيون سود سمحة قلت ليهو اي اي بتعرف تتغزل كويس وتقول وقعتا قال وقعتا قال سبحان الله ضحك وقال لي كمان انت ما مفروض تتخلي عني بالسرعة دي اديتو نظرة على قول فيفو تخوف الما بخاف😂🙈 قال لي هي أنا بخاف قلبي الصغير لا يتحمل ابتسمتا بي تحت وكتمتا الضحكة يا الله وقلت ليهو كون نفسك وما تسرق جمل الناس قال لي لكن دي جملة مرتي يعني ما اي ناس وانا وهي واحد ولا كيف وغمز و واصل أنت طبيعي كدا يا بت الناس قلت ليهو لي مالي قال لي سمحة وكمان النظرات الحادة بتفقد الواحد المنطق عديييل كدا ضحكتا وعاينتا ليهو وصنيت مسافة قال لي مالك في حاجة واجعاك قلت ليهو لالا اتذكرتا قبيل كنت عايزة اقول ليك شنو ضحك وقال لي طيب الحقي قبل ما تنسي تاني صريت ليهو وقلت ليهو ماكان في داعي تكورك في بت الناس كدا قال لي بي حدة نعمة ما اعيد الجملة دي تاني البت دي انا حساب ما حاسبتها لحدى الآن عشان بس محترم انها بت فما تخليني أقوم وامشي اسجنا وما بتنازل لو عملتها صدقيني كان بتكلم بي طريقة حادة شديد قلت ليهو وانا بسحب يدي منو براحة طيب مسك يدي وفرد وشو وقال لي آسف بس صدقيني الموضوع لو بتعلق بي حاجة بتخصني ما بعرف اتحكم في نفسي وانت حاجة بتخصني ومن اولوياتي ومسؤوليتي قلت ليهو وانا عشرين مرة قلت ليك ما بحب يكوركو فيني وما بحب التحكم دا باسني في يدي وفي راسي وقال لي آسف طيب ما ح تنعاد تاني وانت كمان ما تقولي كلام بخليني افقد اعصابي قلت ليهو حاضر ضحك وقال لي أحسن اغير الموضوع لانو مابقدر اتحمل اكتر من كدا ماسك نفسي من قبيل انا ضحكتا فيهو وقلت ليهو وانا اقول يوسف دا مالو بتململ كدا مالو ضحك وقال لي رايك شنو نأجل العرس لحدي ما تبقي كويسة قلت ليهو ماف داعي اصلا العرس فضل ليهو اسبوعين ومعقولة بس بعد قربنا وبقينا على الحنة والعرس تقول كلامك دا قال لي وهو بضحك ما تستعجلي ما بشلبوني منك ما تخافي قلت ليهو بي حدة يوسف قال لي عيون وروح وحياة يوسف أنت قلت ليهو اول حاجة ماف وحدة بتقدر تشلبني تمام وتاني حاجة بطل سغالة وبعدين انا كويسة بالكتير تلاتة اربعة يوم وبخرجوني الموضوع ما مستهال كل دا قال لي ثقة لكن قلت لي ما بتتشلبي+ يلا بسم الله نخش على الجد أولا انا ماسغيل قالا بمدة لسان ضحكت (عندهم عوارة هو وفيفو بعرفوها براهم😂😂)وهو واصل ثانيا ودا الاهم لو وافقتا وخليت العرس في مواعيدو ما ح تعبي نفسك ولو على يسلموني مرتي كدا بس ما محتاج حاجة تانية لكن انا عارف ما بسلموني ليك كدا وعارف برضو انك ما ح تقعدي ساي ولو ما بتقعدي ساي عرس ماف قلت ليهو ما تهددني خلاص طيب موافقة حقار دا شايفاك اتعوتا على التهديد دا قال لي ما دا الأسلوب الوحيد النجح معاك اعمل ليك شنو اصلا انت من اعند البنات القابلتهم قلت ما بلقى اعند من رونق لقيتك اعند منها بي مراحل وعشان بكره العناد الله اداني وحدة اعند منها الله ما خلق قعتا اضحك لمن قحيت وكنت عايزة ارد بس قبل ما أرد سمعنا صوت دق على الباب يوسف قام وصلح لي طرحتي كويس