(Unicode)
စက္ကမင်းမြတ်သည် ရှော့ပင်းစင်တာထဲ၌ အရှေ့က သူဌေးသားနောက်ကိုလိုက်၍ အထုပ်ဆွဲပေးနေရပြီး ကြာတော့ လက်အံသေလာသည်။
" ခင်ဗျား ဝယ်လို့ မပြီးသေးဘူးလား၊ သည်မှာ အထုပ်တွေလည်း အများကြီး နည်းနည်းပါးပါး ကူသယ်ပေးပါဦး"
" ဒါတွေက မင်းအတွက် ဝယ်တာလေ၊ မင်း သယ်ရမှာပေါ့"
" ခင်ဗျားကို ကျွန်တော် ဝယ်ခိုင်းလား"
" စက္က လူမြင်ကွင်းကြီးမှာ မရိုင်းစမ်းနဲ့"
" ရပါတယ်၊ ခင်ဗျားက ပိုက်ဆံပေါလို့ ဝယ်ပေးတာဆိုတော့လည်း လက်ခံပေးရမှာပေါ့"
" မဝယ်ပေးပါဘူး၊ ဒါတွေ မင်း ပြန်ရှင်းရမှာ"
" ဘာ ခင်ဗျား!"
ဟန်လင်းညိုကို စက္ကမင်းမြတ်လည်း အတော်စိတ်ရှုပ်နေပြီ။ ဘုရားသခင်က သည်လူ့ကို သူ့ဆီ ဒုက္ခပေးဖို့များ စေလွှတ်လိုက်လေသလား။
" သည်လို hotel တစ်ခုလုံးကို ဦးစီးပြီး လမ်းသရဲပုံစံဝတ်နေလို့ မင်းကို ဘယ်သူက လေးစားမလဲ၊ ဝတ်ပုံစားပုံ သေသေသပ်သပ်ဝတ်စမ်းပါကွ၊ ငါ ဝယ်ပေးလိုက်တာတွေ ဝတ်နော်၊ သိမ်းမထားနဲ့၊ နောက်နေ့ ငါ လာရင် မင်းကို အဲ့အဝတ်အစားတွေနဲ့ မြင်ချင်တယ်"
" သည်မှာ ခင်ဗျား အရမ်းအားနေတာလား၊ ဘာလဲ၊ ဆေးမှားကုပြီး ဆရာဝန်လိုင်စင်ပြန်သိမ်းခံရလို့ ကျွန်တော့်ကို ဆရာကြီးလာလုပ်နေတာလား"
" ဟားဟား အေးပါ၊ မင်း ပြောချင်ရာသာပြော၊ မင်းက လူငယ်လေးမို့ ငါ ခွင့်လွှတ်တယ်"
ဟန်လင်းညိုက ပြုံးလျက်သာရှိနေသည်မို့ စက္ကမှာ ပိုခံပြင်းရသည်။ မျက်မှန်အောက်ရှိ မျက်လုံးတွေကလည်း ပြုံးလျက် ရှိ၏။
" ဟယ်...ကိုကိုပါလား"
" နွယ်"
သူတို့အနားရောက်လာသောမြန်မာဆန်ဆန်မိန်းကလေးက ဟန်လင်းညို၏လက်မောင်းကို ပြေးဖက်သည်။ သည်လူ့မှာ ချစ်သူရှိတာလားဟု စက္က အံ့သြရပြန်သည်။ အင်းပေါ့လေ။ အသက်ကဖြင့် ဖင်စောင့်နေပြီမို့ ချစ်သူတောင်မရှိဘူးဆိုလျှင် ရှက်စရာမလား။
YOU ARE READING
မောင့်ခြေဖျားကအထက်တန်းစားဝိုင် (Completed)
RomanceGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
