^^
( قراءه ممتعه ~ )
🌾 بيت العيله 🌾
🐛 الحلقة : الثامنه 🐛
____________________________
دانيا : تي خيرهم يزغرطوا هادمم !
بلقيس : ههه فوتيهم !
دانيا : بيسو خيرك ؟؟
طقطقطقطق
بلقيس : منو ؟
ع حنان : افتحوا افتحوا
اني قعدت نمسح في دموعي .. ✨
بلقيس فتحت .. ع حنان : اهلا اهلا بعروستنا 😻
اني شبحتلها وقعدت نشبح لي دانيا .. ✨
عمتي : اوو خيرك تبكي ههه عادي عادي تتعودي 😽
مبروك عليك وين بتلقي زيه انتي زياد راه ديمه انقول لي بناتي منزوجه لي واحد منكم وانتي سبقتيهم ههههه عادي اصلا انتي بنتي ❤
ربي يتتملك علي خير 😘😘
اني كله نشبح لي دانيا .. بلقيس فنصت في دنيا متع وزعي امك .. ✨
دنيا : ااا ماما ينادوا عليك !
ع حنان : هي جاايه ... وطلعت .. دنيا خشت وسكرت الباب ودانيا قعدت تشوفلي وبعدها قتلي ...: شنن يليي قالاته امي هههههههه اكيد تبصر وله اكيد قصدهم علي ابراهيم اصلا ديمه تتلخبط بينهم راه !!
اني : والله ما دخلنيي والله مادخلنيي
دانيا : شننوو شنن دخلكك انتيي شنن اتقوليي !! 😭
اني : 😭😭
دانيا : زياد اني انحبه اني يلي انحبه مش انتي انتي ابراهيم واني زياد !!
انتي ابراهيم واني زيااد فاهمه وله !! 😭
انتيي خناابههه انتيي خناابههه 😭😭
اني : امشيي كلميهمم متجييش تعيطيي عليااا انيي ماادرتت شي ميتههه عليههه اماالهه امشيي كلممي جدكك !! 😡
متزيديينييشش 😠
بلقيٍس : اسكتيي انتيي ويااهاا بلالا عرااك دانياا شوفيي !!
وورتلها مسجات الفايبر يلي باعهم لي ابراهيم .. ✨
هيا متبشي انتي بعقلك !
راه بيسو كل عقلها ابراهيم !
هما فارضين عليها ضرب عمي ضربها علي خاطر عارضت !
شن بدير !
دانيا : واني شن مندير بقلبي نشبح في اقرب بنت ليا زي اختي بتتزوج يلي انحبه !! 😭
ياربيي شنن مدايرره في حيااتي انيي 😭
اني حسيتها بتبدا تلوم فيا : بإرادتيي تشبحيي فيااا بييإراادتييي !!
وانيي شنن منديرر ليي ابرااهيمم !!
خوه خووه انتيي تحبيهه من غيرر مايندريي !!
لكنن ابراهيم يحبنيي ونحبهه شننن منديرر كيفف منقولهه فهميينيي شنن منديرر دانياا اني متحطمه بينن ناريين انتي وابرااهيمم !! 😭
يااربيي سااعدني 😭
دنيا : اسكتواا خلاصص اسكتواا 😢
بلقيس طلعت وجابتلنا اميه .. ✨
اني : منوض ومنكلمهم ومنقوللهم اني علي علاقه بي ابراهيم مفيش حل الا هاداا !
بلقيس ودنيا : شنوو 😨😨
تي والله يقتلووك انتيي وابرااهيمم والله يدبحووكمم منن غيرر قبلهه شنن اتقووليي بلالا هباال !!
اني : لوو حنقوللهمم حيزوجوونيي ابراهيمم بي السيف عليهم !!
دنيا : تيي شنن اتقوليي انتيي تحلمميي !!
بلقيس : ردد بالكك والله يشردووك !
اني : علاشش علاشش !
دانيا : كلميي امك قوليلها ماتبيشيي !!
اني : بعدد شنوو !!
بعد ماوصللت الدوه في جدك المهبووولل شيبااني الستووت عاااش حيااته وجااي يقربع فيهاا عليي امميي شنن دخلنيي فيي اممهه يتحككمم فيي حياتتيي شنن دخلهه فيااا 😭😭
بلقيس : غر اوسكتي توا يسمعك حد !
دانيا : اني منمشي للحمام !
وطلعت وهيا تبكي .. ✨
دنيا : حسبي الله ونعم الوكيل 😔
.
.
فاطمه : بلقيس بلقيسس تعالي انتي و بيسان قيموا السفر !
.
.
بلقيس : هيا جايه !
نوضي دودي !
دنيا : هي تعالي
وطلعوا .. ✨
اني شديت فوني وقعدت نتصل بي ابراهيم وهو فونه مسكر .. ومرات ميشدش ✨
اني : وينكك يا ابراهيمم ويننك ناقصهه انيي ناقصه 😭
شويه وخشت عليا مرت عمي فاطمه .. : كنتي خيرك ماجيتيش ؟
اني من غير مانشبحلها ونمسح في دموعي : وين ؟
مرت عمي : اتقيمي السفر !
اني : خدامه اني 😐
مرت عمي : ههههه لا حشاك ، شكلك قعده زعلانه 😘
وحضنتني وقعدت تمسح علي راسي .. : انتي زي بنيتي بلقيس غاليه علي قلبي ومنبيش نخسرك والله هدا من غير حلاوتك ماشاء لله عليك ❤
وبعدين هادا كلام جدك راجل كبير وعيب تكسري كلمته وتعرفيه ميحبش من يكسر كلمته !
❤
اني : الشيباني بدي يخررف شننن الجهلل والعبطط يليي عنده !!
شنن يحسااب روحهه شنن ليه دخلل بياا اصلا !!
موضوع الزواج هدااا موضوع يدخل فيهه بوي وامي لا اكتر ولا اقلل !!
فاطمه : اها وبوك وامك موافقين ع الموضوع هادي اولا وتانيا عيب اتقولي علي جدك هكي !
اني تلفتت من الجيهه التانيه : به لو سمحتي منوض باهي !
مرت عمي : لا اقعدي !
علاش متبيش ولدي !
اني : كبير يا مرت عمي اكبر منيي بهلباا اني نبي ابراهيمم منبيش زياد ابراهيم اصغر وعمره يناسبني به متبيش تخسريني زوجيني لي ابراهيم !
مرت عمي : ابراهيم !
مزال مش متخرج و زياد متخرج وندورله في عروسه وحوشه مزاله يزوق بعض الديار والاتات بس !
اني : اوك اوك تمام و نضت مش بالغصب الموضوع !
ومرت عمي : عيب يا بنت !
اني طلعت .. ومشيت للجنان من الخلف مش نبكي .. ونتلفت نلقا دانيا مقعمزه ع الدرجيحه وتبكي .. ✨
اني نضت مشيتلها وضميتها .. : دندن 😢
دانيا : بيسوو 😭😭
علاشش ميحسشش بياا علاشش شنن مدايره انيي اعيت ما نلمح ونتشبح ونبتسم وهادا كله محسشش بياا علاشش ميحبنيشش زيي مايحبكك علاشش 😭
اني قعدت نبكي : منبيشيي اني نبي ابرااهيمم شنن منديرر مشش معقوللههه والله ما معقووله 😭
.
.
مروا ايام واني ودانيا في تعاسه وبلقيس تعاني فينا مشيت بتت يومين في حوش جدو التاني .. ✨
وبعدها ماما خطمت عليا هيا ومرت عمي وقتلي منطلعوا منشروا حاجات البيان يلي هما محدادينه سكرت راسي بس بابا كان حالف يمين كان منطلعش !!
طلعت واني مطره فأكيد مش حنطلق بابا وماما علي خاطر حضرت جنانبي !
وطبعا طول هالفتره الاخ فوناته مسكرات الحق انشغلت عليه !
.
.
.
.
~
.
.
.
ومروا ايام ✨
in America 🏣
الدكتور : you are okay ?? 😄
ابراهيم : yes i'm fine thanks ❤
الدكتور :
وطلع الدكتور .. ✨
ابراهيم : اووف وين تلفوناتي ... وبعدين ادكر انهم انخنبوا .. !!
اوووف اوووف و قام راسه لقي التغديه قال خليها خلي اتم وبعدين ساههل !
.
.
.
جي الاسبوع يلي بعده .. يلي فيه البيان .. ✨
اني : شن اتقوليي انتتيي تيي منبييشش منبييشش !!
ماما : اوسكتيي ونوضيي ديري تشيك ع الحاجات واصلا عمامك لوطه !
اني : ههههه والمطلوب شن منديرلهم يعني !
جي بابا : بيسان انزلي واسعمي كلام امك !
عمر : ياابووي هيا ماتبيشش خلاص خيرككم عليهاا بالسيف تتزوج !!
بابا : اوسكت انت !
عمر : هادا زواج مش لعبب شنن بتزوجهاا شنن تبوو بزبطط !!
وبعدين زياد اني معنديش عليه ومتع دوشه وبنات شنن تبيي تعطووهولهاا ابرااهيمم استنوه لين يتخرج وجوزوهولها ولا مجدد و ايي حدد تانيي !
بابا : اوسكت انتت وانس يعرف زياد كويس واكيده مش حيضحي بي اخته !
اني : اتقرروا وهيا حياتي !
ماما : هيا يا بنتي انزلي !
.
.
اميمه : لولولووولولولولوليي 😻
يا اهلا يا اهلا مشاء لله ❤
.
.
اني : خلووني في حاللي ومنيشش نازله تراا !!
....... : مااامااا 😻
ماما تلفتت : نووسسسههه بنييتيي 😻
ايناس : ماماا استاحشتكك 😭
ماما : هههه حبيبتي انتي الف حمد الله ع السلامه الف حمد الله ع السلامه ❤😢
ايناس : بااباا ❤
بابا : اهلين اهلين نورتيي ❤
عمر قعد يشبحلهم وبعدين نزل .. وطلع .. ✨
ايناس : خيره هادا !!
بابا : متعدليش عليه !
شن حالك وين مروان ؟
ايناس : قال ماشي للولاد بعدين يجي !
ماما : امتي روحتوا !
ايناس : امس الساعه 7 !
وبعدين تلفتت وجت حضنتني .. ✨
ماما : اني نازله عيب قعدوا بروحهم لوطه وانتي الحفيني !
ونزلت .. وبابا نزل ✨
ايناس : الف مبروكك يا عيوني هههه ريتي قتلك اصبري وها خديتي ولد عمك ويلي تبيه 😻😻
اني : 😭😭😭😭
ايناس : تي خيرك بلا دموع عيونك قريب ينعموا !
هدا كله علي خاطر استحشتيني وله ههههه !
اني : 😭😭😭😭
ايناس : خيرك ؟
اني : منبيش اني منبيش منحبااش ! 😭
ايناس : متبيش ابراهيم !! 😳
اني : زياااد زياااد زياااد 😭
بيزوجووني ليهه شنن منديرر انيي شنن منديرر 😭
شنن منقولل لي ابرااهيم لااا ولي دانياا شنن منقولل ! 😭
ايناس : علاش خيرها دانياا شن دخلها !
اني : تحبب زيااد تحبه 😭
ايناس : شنوو !
اني : توا قوليلي شننن منديرر 😭
ايناس :غرر اووس خلاص 😭
اني : حداادوليي البياان حداادووهوليي ! 😭
ايناس : قوليلهم انك علي علاقه بي ابراهيم !
اني : مقدرتش مقدرتش !
انتي متعرفيهمش تي ولله يدبحونا !
ايناس : خلاص به توا اندوروا علي حل غر ساد دموع !
اني : به ودانيا شن حندير هااداا بيكونن راجليي بهه شنن منقولل لي ابراهيمم !
ايناس : كلميه ابراهيم كلميهه !!
اني : ليه قريب اسبوين ميردشش !!
خايفه صايرتله حاجه !
ايناس : ايح عاد شن بيصيرله غادي تلقيه هايص !!
اني : لا لا مستحيل !
وبعدها يجيني اتصال من رقم برا .. ✨
رديت طول اني : اللوو الوو
ابراهيم : مااي بيبي شنن الجو 😽😽
اني : بجدياااتت انتتت بعقللكك !!
علاششش متردشش علاشش متشووفشش في مسجااتكك مسكرر تلفوونااتكك معقولهه معقولهه !!
ابراهيم : تي خيرك شن في ؟
يا عمري انتي اكيد استاحشتيني والله حتي اني مستاحشك هلباا يا عيونيي 😽
اني : خيرككك مترددشش علياااا قتتلكك !
ابراهيم : بيبي بشوي ودني ههههه !
اني : كلمنيي علاش تتهرب !!
ابراهيم : اني تهربت !
يا ستي تلفوناتي واللابتوب وكل الاجهزه متعي انخنبوا !
اني : هه صدقت اكيد كنت ساهر و جوك حلو مع غيري واني اهني بلا كدب واتكلمم !!
ابراهيم : والله العظيم اليوم يلي منحول فيه خديت تاكسي المهم نزلت شنطي و حوايجي و تلفوناتي قعدوا قدام قعدت انقوله وقف استنه وهو شي شي !
مشيي !!
اني سكرت الكوفينوا وهو مشي والباب مفتوح !
حبيبي خلاص به خيرك تبكي انشغلتي عليا معقوله !!
اني : ابراهيم علاش ادير فياا هكي علاش 😭
ابراهيم : خلاص بيبي مستاحش صوتك ومستاحشك معقوله واني مستاحشك نسمع صوتك وانتي تبكي !
اني : به علاش مكلمتنيش من اي مكاان معقولهه !
ابراهيم : تي يا ودي انحبك وراسك نعشقك خلاص عاد ماهو دزدان فلوسي انخنب !
اني : به وانت وين قاعد توا !
ابراهيم : بالله قولي لي بلقيس اتقول لي بوي يبعتلي فلوس !
راه اني مش حافظ الا رقمك ههههه
اني : حاضر 😢
ابراهيم : امسحي دموعك عاد 😘
اني : حاضر ❤
اي انت المهم حالك باهي !
ابراهيم : اي حالي ميه ميه ! ❤
اني مقدرتش انقوله : تمام
تبي حاجه ؟
ابراهيم : لا سلامتك خلاص بري توا ومتعاوديش هادا رقم الولد !
اني : حاضر لكن نبي انكلمك !
ابراهيم : بري توا غدوا توا نتسلف ونشري تلفون ونكلمك هي باي توا
اني : باي
وسكرت .. ✨
ايناس : ابراهيم ؟
اني : اي
ايناس : شن وينه مغيب ؟
اني : تلفونه انخنب !
ايناس : وخيرك مقلتيلاش ع الموضوع ؟
اني بديت نبكي : مقدرتش و و واصلا حتي كان منقوله هو معطانيش المجال !! 😭
ايناس : ايااه ايااه بكلمه منه دموعك يتنحوا !
اني : قالي غدوا انكلمك غدوا بعد مايفوت الوقت !!
وانكون خطيبته !
.
.
ماما : بيساان انزلي انتي واختك !
.
.
ايناس : هي جااينن !!
اني : من قالك مننزلل !!
ايناس : انزلي خلاص توكلي علي ربي ومايصير الا كل خير انتي اهو كلمك ابراهيم واطمنتي عليه !
اني : وتوا مننزل نطمن علي خوه ؟؟
ايناس : هههه يا كلبه مبردك
غر بجديات !
اني : ايناس خيرك مش واخده الموضوع بمحور الجديه !!
ايناس : نبي نغيرلك جوك !
اني : كيف بتغيريه تي رااهوو بزوجووني !!
ايناس : ايي عادد انزلليي هياا !
بلقيس خشت وهيا دهشانه : نوسسههه جيتيي 😻😻
ايناس : ههههههههه اي جيت يا عيوني شنن الجو 😽😽
بلقيس : الحمد الله الحمدلله علي سلامتك ❤
ايناس : شنن جوك مع زين ؟
بلقيس : تمام الحمد الله
ايناس : ااا اني مننزل انشوفهم لوطه وغمزت لي بلقيس وقتلها انزلوا .. ✨
وطلعت .. ✨
بلقيس : يا حماره انتي !
اني : شنو ؟
بلقيس : نوضي ننزلوا !
اني : ابراهيم كلمني وقالك قولي لي بلقيس تقول بوي يبعتلي فلوس !
بلقيس : ردد قصدك احكيلي شن قالك تاني !
وعلاش ميردش !
اني .. حكيتلها .. ✨
بلقيس : باهي الحمد الله لكنن انيي نبيي نعرفف علاشش ماا قلتييلااش !!
اني : مقدرتش واصلا هو مش فاضي !!
ماهو يكلم فيا بفون الولد !
بلقيس : باهي نوضي ننزلوا !
اني : معنديش نيه انشوف خلايقهم !
بلقيس : علي فكره موليه زي العوده شن معش تاكلي !
اني : في نيه هيا
بلقيس : هيا غر نوضي ننزلوا !
اني : لا منيش نازله مانبيش ننزل !
بلقيس : تمام تمام
لكن منركب الماكله ناكلوا اهني !
اني تنهدت : تمام !
المهم نزلت بلقيس وجابت حاجات ناكلوها وولا واحد سالها عليا متجرؤش .. ✨
اني : شن مطيبين ؟
بلقيس : دجاج ورز وبطاطا !!
اني : من في لوطه !
بلقيس : عمي وصغاره و عمتي حنان وببناتها لكن دانيه ماجتش !
اني : و و وزياد ؟
بلقيس : جي لوطه !
اني : من مطيب ؟
بلقيس : حناك !
اني : منبيش ناكل !
بلقيس : اشيه اشيه معقوله بيسو ميغرهاش كل الماكله هادي لا لا توا كيف عرفت انك متأتره !
اني : هيهيهي مبردك !
بلقيس : تي هيا يا بارده تعالي !
اني غغطيت راسي بالبطانيه .. بلقيس جت نحتها : بيسو بسبس بيسو بسبس حماره قرده معفنه هياا نوضي هياا هياا هياا هياا هياا
اني : بلقيس والله نضربك !
بلقيس : به اضربيني غر تعالي سايريني مدخلينيش بيك اكيده لوطه كلوو منقدرش ننزل واني قتلهم مناكل معاك وتعرفيني منحبش ناكل بروحي !
اني : اووووووووف ياا بلقيس
بلقيس : هههههه هيا نوضي وجابت السفره فوق السرير وقعدت ناكل !!
بلقيس توكل فيا : هي اتخيليني ابراهيم ههههه
اني : هيهيههييهي تجي في ربع زويله اماله
بلقيس : يااااي 😒
ومر اليوم عادي وبعد ماروحوا ماما اعيت ما تهزب فيا وجي مروان و قالتله ايناس بايته وفتحتلها الدار ورقدت .. طوول ✨
اما اني كنت انفكر في عالم تاني تانيي كيف كنت ضحيه العادات الجاهله وياريت اني بس !
اني و دانيه و ابراهيم !!
.
.
.
~
.
.
.
حوش عمتي حنان ✨
" هيا عندها اكتر من ولد بس غلبيه ماليهمش فايده فأني مناخد منهم المهمين ومنعطيكم زوز منهم "
اوس الكبير متزوج .. ساره و عنده بنت عمرها سنتين م 87 ✨
عبيده م 91
.
.
دار دانيا ✨
عبيده خش عليها : دانيا يا حماره نوضي نطلعوا !
دانيا : لا مانبيش !
عبيده : العفو شن صايرلك !
دانيا : عبيده خليني في حالي شن بيصيرلي متلا !!
عبيده : مش من عوايدك كنتي ديمه تجري وراي وتقوليلي .. وقعد يقلد في صوتها .. " عووبيدهه ورااس وخيي حبيبي نوض طلعني نووض اامم به ارفعني حووش جدوو كسااد 😂
دانيا ضرباته : باارد راه !
عبيده : ههههه به ولله بجديات خيرك ؟
دانيه : شي مضايقه !
عبيده : اووو شن المهبوله بدت تحبب 😂😂
نقتلك ولله نقتلك !
اني : ياااباااباا ياا ماما تعاالوو لي ولدككمم
عبيده : عبد المهيمن " بوها " طالع واسلام مشي يجيب في امك وخواتك !
دانيا : وانت مش ناوي ادير خير في حياتكك وتطلع !
عبيده : تي خيرك ياا مهبوله والله بجديات نتكلم !
دانيا : معشش اتقوليي يا مهبوله !!
عبيده : هههههههه به يا مهبوله غر بجديات خيرها وخيتي !
دانيا بدت تبكي : شي يا عبيده اطلعع قتلك اطلع خلاص !!
عبيده : 😳😳
خيرها اهيا !
دانيا : اطلع !
عبيده : خزيي الحق مش فيك الحق فيلي جاي يراضي فيك 😒
وطلع .. دانيا بدت تبكي اكتر .. ✨
.
.
.
في داري .. ✨
كنت في عالم اخر بكل .. شويه نسمع في فون نوسه يشرين وكان مروان ناضت من نومها وردت عليه .. ✨
ايناس : الو حبيبي ❤
مروان : يا عيوني انتي مستاااحشكك مستااحشكك ❤
ايناس : هههه شن تبي ؟
مروان : مش قادر نرقد من غيرك !
ايناس : ههههه تعالا روح بيا امبه !
مروان : هههه متأكده بجديات !
ايناس : اي ههههه
مروان : تمام هههههه وسكر .. ✨
ايناس : هههههه عليك مهبول .. وكملت نومها وهكي 10 د واتصل مروان .. وناضت ردت ❤
اني في داخلي .. " ربي يهنيك يا وخيتي ويخليكم لي بعض ❤
وقعدت نتفكر في ايام برهومه ينوض فيا من نومي بي اتصالاته هههه ❤ "
نوسه : شننن اتقولل ننزل مش معقوله هههه مهبول !
مروان : تي انزلي اني لوطه قتلك !
ايناس : كداب 😳
مروان : اسمعي ها
بييييب
ايناس : يا مهبول المهابيلل شنن انت مجنون !
مروان : بيك ❤
ايناس : ههههه كيف مننزلك توا !
مروان : زي ما ينزلوا الناس
ايناس : ههههه به برا كان مقدرتش روح !
مروان : ههههه ملححي
ايناس : هههه خزي
وسكرت وناضت لمت شعرها ومشت لبست حوايجها و خدت حوايجها .. واني نشوفلها .. ✨
اني : وو وين ماشيه ؟
ايناس : مروان لوطه !
اني : وشن يبي ؟
ايناس : منروح ههههه
اني : عليك هبال وتوا جايك !
ايناس : شن منديرله هي قالي مقدرتش نرقد من غيرك ههههه 😂
اني : جدري هههههه
مستحيل بري بري تصبحي علي خير
ايناس : وانتي بخير انزلي سكري وراي الباب !
اني نضت : هههه به
وننزلت طلعت وسكرت الباب .. وركبت سيارتها ومشت قعدت انقول شن العيله المهبوله هادي هههه وركبت ❤
رقدت في سريري .. ✨
اني : ربي يخليهم لي بعض ويفرج عليا 🙌
.
.
.
في السياره ✨
ايناس : ياا مهبوول ياا مجنونن معقول
مروان : هههههه به شنن منديرر مقدرتش نرقد
ايناس : واني نجيب النوم هههه !
مروان : انتي تجيبي في كل شي 😜
ايناس : عليك مهبول وعمي مفاقش بيك ؟
مروان : ويفيق وانا مالي ماشي نجيب في مراتي !
ايناس : ههه والله مش طبيعي
به اني كيف منجيبلك النعاس متلا نقعد انهز بيك هههههه
مروان : توا تعرفي في الحوش 😝
وكان قريب يطير بيها اقل من 10 د ووصلوا الحوش وركبوا بشويه واول ماسكر بابا الشقه .. جي قامها .. ايناس : نزلي يا مجنون وخليلني نبدل 😂
مروان : اممم لاا
ومعش دخلنا فيهم .. ✨
_________
مر الوقت وادن الفجر ونضت نصلي .. ✨
وكانت تمر الدقيقه بسنه تمنيت ان الساعه توقف ومعش تمشي .. وطلعت الشمس .. نضت علي صوت ماما .. ✨
ماما : هيا المزينه كلمتني وقتلي قريب توصل !
اني : شنوو من قاللك نبيي مزينه والله !!
ماما : نوضيي بلا كتره دوه َ!!
اني : ماانبييشش !
ماما فتحت الروشن و جت اطبق في البطانيه وقعدت اضم في الدار .. ✨
اني : اوووف ونضت مشيت للحمام .. كنت مضايقه لقيت روحي تلقائي خاشه تحت الميه ودموعي ينزلووا .. ✨
طقطقطق
ماما : ياابنت وينن اختتك !!
اني : مننديرييش ! 😒
.
.
.
~
.
.
.
ايناس : به حول خلي انكلم ماما !
مروان : لا !
ايناس : تي نحي يا منجوه !
مروان : وووااك منك هاا !
وكلمت ماما وقتلها خطم عليا مروان في الصبح بكري وروحت .. وماما قتلها تعالي مش تشرف ع الجو .. ✨
.
.
وطلعت من الدوش وخشيت الدار بدلت علي جيت المزينه خشت وبدت اديرلي وكل ما اديرلي حاجه نقعد نبكي ونفكر في ابراهيم .. ✨
وبعدين خشت ماما وكانت واخدتلي قفطان عريان .. اني حلفت ماني لابساته .. مر الوقت وجت ال8 .. ✨
ايناس : تيي شنن بتنزليي بيي دجينزز !
به مكياجك ملبزز تعالي انواسيهولك !
اني : مانبيشش ننزل بااهي خلاص هي !
وخلييه مكياجيي خير مانمشي نغسلل وجهيي !
بلقيس : به غر البسي القفطان !
اني : ويحرم عليا ديني ماني لابساته !!
وفتحت الدولاب وطلعت قفطان بيج مستور نوعا ما كان كم و كان من قدام مستور وشيفون شويه و وعليه طبقه تانيه شفافه لكن مش شفون هكي كلها ورد ومطرز .. ✨
و فتحت تسريحيتي وخليت شعري مفتوح و ايناس تشوفلي ومصدومه .. ✨
اني حاولت انشين روحي بي اي طريقه .. ✨
ونزلوني .. ✨
المهم الناس جت تبارك وجو الخطوبه 😻
وكان زياد ميبيش يخش قال لي امه تلبسني واني عين تضحك وعين تبكي وكل شويه كل مانجي منركب يشدني حد .. وماما وتفنيصاتها 😪🙋
.
.
.
.
.
في امريكا ✨
ابراهيم : ايحح عاد خيرها متردش !!
ان شاء لله خير وخلاص !
.
.
.
~
.
.
.
المهم شويه وقاللهم زياد نبيها طبعا مقالوليش ان زياد يبي يشوفني .. ✨
ماما : ورااس بنيتي !
ايناس : ماما منقدرش !
ماما : بالله عليك متحشمينااش !
ايناس : مـ
ماما : برضاي عليك بنيتي لو سمحتي !
ايناس : ت تت مام !
وجتني ... ✨
ايناس : تعالي نبيك في الصالون شويه !
اني : به ! 😢
وكنت نبي نتهرب من الناس وفرصه وجتني ومشيت معاها .. ✨
خشيت للصالون .. ايناس : شويه نجيب فوني ونجي !
اني : به شنن تبي !
ايناس : استني !
وطلعت .. ✨
اني قعمزت وحطيت يديا علي وجهي وبديت نبكي .. شويه نشبح الباب انفتح نقيم راسي نلقاه زياد .. ✨
اني قعدت نشوفله 😳
زياد سكر الباب وجي وقف عليا .. ✨
زياد : مرحبتين خطيبتي 😍
اني : نحي من قدااميي من سمحلكك تخشش اتفضلل اطلعع !!
زياد : لاااا والله !
اني : ايي اطلعع قتـ
وقعده مكملتش يطبس و ... ✨
زياد : اووس الناس توا تسمعك !
اني وقفت وبديت نبكي : ياا حقيرر ياا حقيرر !!
شننن تبيي منيي حووول 😭😭
زياد شدني من خصري وقربني ليه .. : انتي خطيبتي اضني يعني مفيش شي نبيه منك غير مستاحشك وبعدين مفروض اتكوني فرحانه وجوك حلو مش تنكدي !
اني : منبيكشش منحبكشش بالسييفف هياا !
زياد : وتحبيي منيي به !
شنن مدايررلك اني العفو !!
اني : منحبكشش انيي مداايره علاقهه مع ... ✨
وفجأة ينفتح الباب اني شبحت للباب وقعدت مصدومه وزياد كان شادني ومقربني وو معش عرفت شن اندير وقعدت نشبح للباب ونبكيي و ..... #يتبع ✨
___________
