🌾 بيت العيله 🌾
الحلقة : الخامسه 🐛
____________________________
المهم جو الولاد و قالوا ان ركب ع المهم. . بابا قال هيا وتينا روحنا واني كيف طالعه من الباب للجنان تجي دانيا تنضرب فيا وهيا تبكي ومنهاره. .،
اني : دندن شن في خيرك ؟؟؟؟
دانيا : مشت تجري خشت الدار اني لحقتها : شن في ؟؟؟
دانيا ضمتني وقتلي : سمعته سمعته قاللها نحبك سمعته قاللها نعشقك زياد ميفكرش فيا ميفكرش
اني سخفتني ع الاخر وجعتلي قلبي مشي قلتلها : طزز فيه يملح اصلا انتي حلوه ومشاء لله عليك وتستاهلي خير منه!
دانيا : مستحيلل ننساه انحبه اني نحبه
اني : به كيف سمعتيه ؟؟
دانيا : ك ك كنت واقفه منخش منكلمه ع الموضوع ، م مشي سمعته يضحك و يحلف ان يحبها شن مندير اني
خشت بلقيس .. : خيرك شن في ؟؟
وانتي قالولك هيا
اني حكيتلها. .... : ووووه عليا طالعه بيقصفوني بأي كلميني دندن في الليل
وطلعت. ...
بلقيس : كم مره انقولك خوي صايع متبيش تفهمي راهوا فاسد يحب البنات حتي كان كلمك بيلعب بيك! !
صوريلي وابصر شنو وابصر شنو رغم ان كبير ومزال مدارش عقله في راسه! !
دانيا : به اني نحبه شن اندير مش قادره ننساه
بلقيس : خلاص حبي اصلا هو مايستاهلكش! !
دانيا :اوس اوس ماما!
حنان : نوضوا يا بنات ديرولنا عشي! !
بلقيس : حاضر هي
نوضي!
دنيا دارت شعرها علي وجهه : نايضه!
وناضوا. .
بلقيس :نوضي نمشوا حوشنا احسن ع الاقل ناخدوا راحتنا في التهدريز!
دنيا : اي هي نوضوا!
سحر : اي عادي
موده : وين سارحه دانيا ؟
دنيا : يا سلم من واخد عقلها
دانيا دارتلها شبحه. . دنيا : خيرك ؟؟
بلقيس : هي نوضوا. .سحر ونبي قوليلهم احني في حوشنا!
دانيا : اني راسي يوجع منبيش نمشي!
بلقيس : غر تعالي!
دانيا فنصت. . المهم هما مشوا ودانيا قعدت مقعزه مع النسوين. ..
فاطمه :خيرك بنيتي من مزعلك امشي معاهم!
دانيا :ههه شي
حنان : خيرك يا بنت؟؟
نجاه : سمله عليك خيرك مش معاهم! !
دانيا : شي شيي شن فيها لو قعدت اهني وممسيتش معاهم!
جدو : في حد مزعلك ؟
دانيا : هههه لا لا
اميمه : هههه خلو البنت عاد في حالها
رقيه : هادي مرت ولدي مجد
فاطمه : وين بتلقي خير منها عاد هههه
رقيه : اماله شنو
دانيا ضحت ضحكه خفيفه وناضت عرفتهم بينفخوها مشت للجنان. . وقعدت تلود مشت جيه الدرجيحه وقعمزت عليها وقعدت تتدرجح و دمعاتها ينزلوا بروحهم. ..
دانيا. .. لازم تنسيه لازم مش معقوله هكي خلاص دانيا متقعديش لصقه ولازم اتخلي الولد يحبك فوتيه خلاص طزز فيه دانيا انسي خلاص عاد وقعدت تمسح في دموعها. .ياربي ساعدني ننساه مش قادره ننساه واعره والله انحبه شن مندير
.
.
زياد : دانيا ؟
دانيا تحساب روحها تتخيل. .
زياد جي يدف بيها : انت يا حلو خيرك ؟
دانيا غمضت عيونها متبيش توريله انها تبكي تبي تتلفتله وتقوله بس مش قادره كرامتها
زياد : خيرك يا بنت ، وين هايمه ؟؟
دانيا بلعت ريقها : وقف زياد الدايخه
زياد وقفها : خيرك ؟
دانيا : مريضه شويه. .
زياد : اها به خشي بالك صقع عليك ؟
دانيا : لالا عادي
زياد : خيرك متخشيش الداخل ؟
دانيا : مخاطريش
زياد : به ومع البنات اطيبي العشي !
دانيا : هما هلبا ماعندي ما بندرير معاهم!
زياد : ههه اي صح
دانيا : وانت علاش جاي اهني ؟
زياد : الحق كنت نبي نولع سبسي لان جدي قدام و لقيتك اهني !
دانيا : اها معناها نمشي !
زياد : لالا اقعدي توا نطلع حتي الشارع !
دانيا : لالا عادي .. وناضت ومشت ..
زياد طلع دخانه وبدي يدخن ويفكر في الموضوع يلي شاغل باله من فتره ..
.
.
.
~
.
.
.
كنت راقده فجأة يجيني مسج ..
برهومتي " عيوني اني وصلت اكيد رقدتي تصبحي علي خير نوم العوافي
انحبك قتوستي بيسو "
اني فتحت عين والعين التانيه مسكره ههههه ابتسمت .. " نضت من نومي توا الحمد لله علي سلامتك ارقد وارتاح انحبك حتي اني تصبح علي خير "
وجو 10 د ورد بس اني كنت راقده ..
" سوري يا عمري كنت اندوش وانتي من اهله حاضر "
____________
ايناس و مروان
مروان : هيا ارقدي سادك
ايناس : اممم هئه مانبيش نبي نتفرج مزال
مروان طبس عليها وباسها .. : نحبك اني
ايناس : نعشقك ونموت فيك يا اغلي شي في حياتي ربي ما يحرمني منك
مروان : لا هكي حيصير كلام تاني
ايناس : هههههه
ووووووو
____________
حوش اميمه كانوا كلهم راقدين .. بس كان في شخص واحد مجاشي النوم وهو زعلان وقلبه مكسور .. #دندن
تبي اتقوله تبي اتكلمه بس مش قادره قلبها واجعها اخي لما اتكوني تحبي حد وهو مش عاطيك انتباه ويحسبك زي اخته
اخي لما متكونيش ماتفكريش الا فيه وهو يفكرفي غيرك
تكوني مش قادره اطلعي فكره حبه من راسك
وهدا يلي كان صاير لي دانيا بدات لما سمعاته يحلف ويقول نحبك
حست بذل حتي بينها وبين نفسها
.
.
الله اكبر الله اكبر
اشهد ان لا اله الا الله
اشهد ان محمد رسول الله
حي علي الصلاه
حي علي الفلاح
الله اكبر الله اكبر
.
.
دانيا ناضت توضت وطلعت بتصلي وسط الحوش القت جدو كيف ماشي الجامع ولقت اميمه وعمتي نجااة يصلوا جت صلت وخشت لي فراشها ..
دانيا : يااربيي نسينيي فيه ياربي نسيينيي فيهه
يارب بعدني عليه وبعده عليا يارب اني اعيت خلاص
وشويه وخداها النعاس ..
.
.
.
جي الصبح
طقطقططقطق
اني فتحت عيوني : منوو
عمر : افتحي بسرعهه افتحيي !!!
اني : نضت فتحت شن في ؟؟؟
عمر : هاك حداديها بسرعه عطلت ع الجامعه !!
اني : واااك مبردك 😑
عمر : به بسرعه حداديها !
اني : باهي
ومشي المهم ححدله سوريته ونضت خشيت الحمام غسلت وجهي وتوضيت وصليت صلاتي ومكانش خاطري نمشي الجامعه خشيت المطبخ وقعمزت نفطر ...
ماما : اليوم ديري دوره ع المطبخ ، ولمعي الصالون !!!
وانشري الحوايج !!
اني : ماما متعيش
ماما : اللطف يا بايرده شن اديري انتي ؟
ااني : لا سلامتك ما ندير في شي بس خلي الاتيوبيه يلي عندك تفطر !!
ماما : به يا اتيوبيه خودي راحتك
المهم خديت طاوه ودرت دحيه و طلعت طن وزيتون وجبنه وقعمزت نفطر طبعا كانوا كلهم فاطرين ...
وبديت نضم ..
ماما : طلعي الماعين من الغساله !
اني : ماما
به افتحي الباب
ماما فتحت الباب .. : اهلين سومه
اسماء : اهلا صباح الخير
ماما : صباح الورد
اني : شن الجو
اسماء : تمام وانتي
اني : الحمد الله شن بطنك طلعت خلاص
اسماء : اي تعرفي تعبانه لين خلاص توا كسدت بروحي قلت خلي ننزل نكسد لوطه !
ماما : مرحبتين
انوض اندير القهوه ونجيك !
اسماء : لالا مش لازم يا اللاي ، اصلا انس مانعها عليا
ماما : هههه تي هو فنجيل صغير ماعنده مابيدير
اسماء : ههههه تمام خلاص
شن وين سيدي ؟
اني : طلع من بكري
هاك انتي مقعمزه مقعمزه طبقي الحوايج !
اسماء : ههههه هاتي هي
اني : ههههههه به
_________
في حوش جدو ✨
جدو : شن رايك يا عزوز نمشوا اسبوعين لي تونس ؟
اميمه : اي يا ريت انغير جوي
دانيا .. : صباح الحير ❤
اميمه : صباح الورد يا بنتي
دانيا : شن اني بس في الحوش ؟
اميمه : اي كلهم طلعوا خالتك قالت ماشيه بتحجم وبتروح وامك طلعت هيا واختك !
دانيا : اها
جدو : جيبيلي حبتي يا بنتي
دانيا : حاضر هي
وجابتله حبته .. ✨
و طلعت بريوش وشكلاته ودارت نسكافي وقعمزت تفطر .. ✨
اميمه : ترا امشي لي مرت خالك فاطمه وقوليلها بتمشي بعدين لي العزي وقوليلها راهي رقيه و حواء ماشين !
دانيا : اوك
وكملت فطور وناضت مشت لي حوش عمي وطقطقت فتحتلها مرت عمي .. ✨
فاطمه : مرحبتيين صباح الخير صباح الخير ❤
دانيا : صباح النور مرت خالي
فاطمه : خششي خشيي
دانيا : لا جايه منقولك ان اميمه قتلك بتمشي بعدين لي عزي ولا لا
فاطمه : ااااه يعطيك السلامه فكرتيني اي اي منمشي شن رقيه و حواء بيمشوا ؟
دانيا : قتلك اي
بلقيس : دندن خشي شن واقفه برا !
دانيا : لالا اميمه تبني !
بلقيس فهمت عليا .. : اوك تمام ننشر الحوايج ونجيك
دانيا : به اوك
وطلعت مشت قعمزت في الدار وقعدت سرحانه وتفكر في امس .. ✨
.
.
.
زياد : خيرك يا بنت ، وين هايمه ؟؟
دانيا بلعت ريقها : وقف زياد الدايخه
زياد وقفها : خيرك ؟
دانيا : مريضه شويه. .
زياد : اها به خشي بالك صقع عليك ؟
دانيا : لالا عادي
زياد : خيرك متخشيش الداخل ؟
دانيا : مخاطريش
زياد : به ومع البنات اطيبي العشي !
دانيا : هما هلبا ماعندي ما بندرير معاهم!
زياد : ههه اي صح
دانيا : وانت علاش جاي اهني ؟
زياد : الحق كنت نبي نولع سبسي لان جدي قدام و لقيتك اهني !
دانيا : اها معناها نمشي !
زياد : لالا اقعدي توا نطلع حتي الشارع !
دانيا : لالا عادي .. وناضت ومشت ..
.
.
زياد : وراسك انحبك ونموت فيك تهبلي انتي تجنني ، تي شنو نكدب عليك اني من امتي ؟
تي نعشقك يا بنت الناس والله نحبك ❤
دانيا دانيا انتي مش حتقدري تنسيه لازم اتكلميه وطلعي في يلي داخلك !
لكن يا نخسر كرامتي يا نرتاح !!
لا انتي حتفكري في طريقه تانيه من غير ما تخسري كرامتك !!
.
.
بلقيس : ياا بلوه انتيي وينن مشيتيي !
دانيا : هااا هااا وين وين مشيت قاعده قدامك 😳
بلقيس : خير مصيبتك انتي متصندله من امس !
خلاص خوي واحد صايع افهمي !
اماله كان تشدي فونه وتفتحيه وتفتشي حيجيك التوحد هادا كله علي خاطر سمعتيه هكي يقول !
عنده مراهقه متأخره راه 😂😂
دانيا : ههه مبردك لكن مش هكي انتي تخيلي زين تسمعيه هكي يقول واعره توجع انحبه والله انحبه ومش قادره ننساه راه !! 😞
بلقيس : لكن اني وزين مش هكي !!
زين يحبني !
لكن انتي زياد يعتبر فيك زيي !!
دانيا بلعت ريقها .. : به منرقد خلاص سكري الضي !
بلقيش : اللطف كيف نضنا نوضي البسي خلي انقولوا لي زياد يحدفنا في جرابه خلي ندهوروا !
دانيا : نفسيتي مسدوده !
بلقيس : هيا نوضيي !!
زياد بيرفعنا راه هههه
دانيا : ههههه به ❤
المهم ناضوا لبست دانيا سروال دجينز سماوي وسوريه حمراء .. وكعب اسود .. وقعمزت دارت ايلاينر و روج احمر دمي و احمر خدود .. وماسكرا .. ولبست وشاحها وكندرتها واخدت شنطتها .. وبلقيس لبست سوريه سماويه في الابيض و سروال بيج .. ودارت ميكب خفيف ولبست وشاحها وكندرتها وطلعوا .. ✨
لقت زياد مقعمز .. ناضت قالتله ارفعني لي جرابه منشري حوايج .. ✨
زياد : سواق بوك ؟
بلقيس : تي نوض بلا براده هيا ونبي وراس وخيي 😽😽
زياد : به هي اطلعي واخر مره اديريها الغمه هادي
بلقيس : به به 😌
وطلعوا وركبوا السياره ... ✨
زياد : حي حي حي حي شن مقايلك علي في ظوافرك اني ؟
بلقيس : ونبي زياد بلا جو امشي دير روحك احوال !!
زياد مد لي دانيا كلينكس .. : امسحي يلي في فمك انتي التانيه !!!
مصدرات !!
بلقيس شفاته فات نص الطريق مشي قتله : كان بتنق ولي بينا ايوا 😏
زياد : به به 😒
وبدي يسوق ولاحض ان دنيا محولتش عيونها من عليه في المرايا ... زياد مره يشبحلها ومره يدير في الحوله .. ✨
المهم وصلهم ونزلوا وهوا خش للقهوه وخلاهم يلودوا .. ✨
.
.
.
~
.
.
.
عند انس .. ✨
كان يكلم في زياد .. ✨
زياد : ها يا انوس شن صار يا راس في الموضوع !!
انس : اما موضوع اااه هداكا .. غر اسمع انت جيت للعياده اليوم ؟
زياد : لالا معنديش !
انس : به ان شاء لله اليوم انروح ونكلم العويله ونقولك به هو ع الاغلب اي ، لكن مرات مش اليوم انرد عليك خلي انشوف وبعدين ساهل
زياد : منور يا قدر تمام اماله نعبي عليك ؟
انس : تم يا حبي
زياد : تمام يا غالي هي تشاو
انس : تشاو
وسكر .. ✨
انس : نسيت الزح !
وحط فونه وناض لبس دجاكته و خدي فونه وطلع .. ✨
.
.
ركب سيارته واتصل بي مرته سومه وقاللها وتيلي الغدي اني في الطريق .. ✨
.
.
.
~
.
.
.
اني : 😹😹😹
مستحيل فضيع الصراحه
اسماء : حاله تعرفي ههههه هي اني راكبه انس في الطريق !
اني : ههه تمام
ماما : العفو علاش بتركبي ؟
اسماء : والله منفتح ع الطنجره !
ماما : اهو تغدوا معانا
اسماء : لالا مره تانيه هي مع السلامه
وركبت .. ✨
اني : اني في داري
ومشيت .. ✨
خشيت وسكرت الدار وقعمزت فتحت نت لقيت حبيبي باعتلي مسجات 😻
اتصلت بيه .. ✨
اني : حبيبي ❤
ابراهيم : عيونه انتي شن الجو 😘
اني : الحمد الله مستاحشاتك ع الاخر ❤
ابراهيم : كان اتشوفي اني ❤
امتي نشوفك بس
اني : منكلم بابا انقوله خلي نجوك في العيد ❤
ولا كان هادا منمشي مع بوك ههه ❤
ابراهيم : الله الله 😍
اني : اي قولي شن درت اليوم ؟ 😘😘
ابراهيم : والله تعب قرايه ودسامه هلبا 😣
اني : ربي يعاونك حبيبي 😽
ابراهيم : نجيهولي يا ربي ، تعرفي غدوا منحول من الاستوديوا منمشي لي شقه 😫
وعندي قرايه من الصبح تعرفي حشيه للنم 😣
اني : حبيبي شن هالاسلوب ههه عيب -.-
ابراهيم : هههه حاضر يا عمري حاضر اني تعبان وصوتك راحتي ❤
نسمع صوتك نرتاح ع الاخير نحبك ياا احلا شي في حياتي 😽
اني : والله حتي اني استاحشتك ❤
وقعدنا شويه وسكرنا .. ✨
وكلمت بلقيس .. ✨
طوووط طووط
اني : الو
بلقيس : يا اهلا يا اهلا كيف حالك 😂
اني : وين يا حقيره من وراي في صوت سيارت !! 😱😱
بلقيس : طالعين ندهوروا اني ودانيا يا حنه !
اني : تفوو يا كلبه والله لما اتشوفواا خزيي يا خيناتت 😣
بلقيس : هههههه صقع عليك
اني : من رفعكم ؟
بلقيس : زياد حطني وخش للقهوه !
اني : به في حاجات حلوات ؟
بلقيس : اي في 😻
اني : شن جو دندن ؟
بلقيس : والله ماشي حالك مرات مع ريح الهواء ومرات لا 😂
اني : 😂😂
يا حقيره خزيي حرام عليك سلميلي عليها
بلقيس : يوصل يوصل 😂😂
وسكرنا ✨
وقعمزت طلعت شيتاتي وقعمزت نقري ✨
___________
وفي مكان تاني ووقت تاني وبلاد تانيه يلي هيا دبي ❤
اينااس : معشش نبيي نقعد خلاصص اعيتت بااش تفهمم !!
مروان : تييي يا هممم انتيي بااش تفهميي عنديي شويهه خدمهه !!
ايناس : انيي استااحشتت اماالههه رااه !!
مروان : ماعندي مابنديرلك النمم اطلعي الواحد عن طوره ترا فكيني من نككدكك الزحح 😡
ايناس : معشش تعليي صوتك علياا 😭😭
مروان : ايح 😡
وطلع وقربع الباب ..
ايناس قعمزت تبكي ، يا ريتني ما تزوجتت يا ريتني ما تزوجت 😭💔
__________
نرجعوا ليبيا ❤
.
.
في حوشنا ✨
روح انس وركب لي حوشه و اتغدا ورقد ... ✨
.
.
~
.
.
عمر : قاعده بروحك في الحوش ؟
اني نقرا : اي
عمر : وين امك و بوك ؟
اني : بمشت تعزي بابا رفعها !
عمر : به نوضي البسي
خلي نطلعوا نتعشوا برا
اني نطيت : شنو بجديات 😻😻
عمر : تشبحي فيا انبصر بسرعه متعطليش !
اني : حاضر خمسه بس 😻
و طلع وسكر الباب ونضت لبست قفطان اسود ومالييه بودريه ووشاح اسود ليكرا وفيه فصوص بيض و كعب فلانتينوا وودرت ميكب خفيف .. ✨
وطلعت .. ✨
اني : وتيت رااهو هيا نوض 😻
عمر : هي هي
وطلعنا 😻
.
.
.
~
.
.
.
المهم مع ال8ونص زياد قاللهم تعالوا هيا منروحوا وكانوا معبين شكاير ركبوا و قاللهم نتعشوا برا قالوله لا .. روح بيهم ونفس الشي لاحظ ان نفس الشي دانيا منحت عيونه من عليها حس ان في حاجه المهم وصل للحوش ونزلت بلقيس ونزلت شكايرها ونزلت دانيا ونزل وراهم زياد فتحت بلقيس الباب وخشت و كيف بتخش وراها دانيا .. مشي زياد قاللها .. ✨
دانيا : اااا ا ...#يتبع ✨
___________
رايكم وتوقعاتكم طبعا امس نزلتها والنت كان ضعيف مشي اليوم نضت القيت العيله مبضعين وهكي علقت .. واهو زدلكم عليها ونزلتها 💋💋
نبي تفاعل مش انزل يلي بعدها في اسرع وقت دعمكم هو يلي نستمد منه في القوه وهو يلي ننحبط منه 💔
تفاعلوا 😣
#الادمونه 💋💋
