( قراءه ممتعه 🎉 ~ )
🌹🌾 بيت العيله 🌾🌹
🌺 الحلقة : السادسه و الاربعون 🌺
_________________________
في حوشنا .. ✨
مع الساعه 5 كانو بابا وماما وسومه يشرب في شاهي في وسط الحوش ويتفرجوا ع الاخبار .. ✨
شويه وطقطق الباب وناضت اسماء نزلت و فتحت .. ✨
ولقتت ... ✨
اسماء ؛ 😨😨
ااا
عمي ؛ اهلين يا بنتي كيف الحال !
اسماء ؛ ااا بخير اا تفضل تبي حاجه ؟
مرت عمي ؛ متبوش ادخلونا ؟ 😏
اسماء خافت من بابا ؛ ااا لا مش هكي اا اتفضلوواا 😰
وخشوا وسكرت وراهم الباب وكانوا جايبين معاهم حلويات .. ✨
ركبت وخشت هيا الاوله .. ✨
ماما : من جي ؟
اسماء ؛ ااا ضيوف 😰
ماما حطت شاربتها علي راسها ؛ منوو ؟؟
بابا شبخلها ؛ منن هماا الضيوف خليهم يخشواا !!
اسماء : لكنن اا ، تفضلوواا خشواا !
واول ماخشوا ماما انصدمت وبابا وقف و شبحلهم ... ✨
وقال بتعفليق ؛ هاددمم منن دخللهمم 😡
اسماء شبحتله .. ✨
عمي ؛ خير يا علي كيف الحال !
بابا ؛ شنن جيبكك انتت ؟؟
شنن جااي تبيي !!
عمي : جاي مش نرجعوا زي الاول !!
بابا ؛ ايي اوولل !!
اطلعع منن حوشيي !! 😡
فاطمه ؛ خيرك يا علي متنفخش علينا احني خدينا حقنا واعطيناك حقك !! 😌
بابا ؛ انتي تسكريي فمكك ولا نعطييككك كفف 😡😡
فاطمه شبحتله ومصدومه ✨
ماما ؛ اهدا يا علي !
بابا : اسكنتييي انتيي 😡
اطلعع برااا !!
عمي ؛ اسمعني يا علي !
بابا : تي ياااا وسكتت .. اطلعع منبييش نتسفهه 😡
عمي ؛ اوك تمام وطلع .. ✨
.
.
.
فاطمه : هكي باهيي هزئنااا عنددكك لبااهي اولل واخرر مرره !! 😡
مصح وجهه لا وقالي منضربك !
هه شن يسحاب روحه !! 😒
لكن الححمدد الله شفت رده فعله مش معش تقول نبي نتاسفله !!
ريتت خووك شنن داار ههه 😏
عمي ؛ هادا خووي ومنرجعله مره تانيه ! 😤
مرت عمي ؛ ششنوو معنددكشش كراامهه ياارااجلل !!
عمي ؛ متدخليش انتي !!
.
.
.
ماما : علاش درت هكيي ؟
هادم ضيوف ميتعاملوش هكي !
عمي ؛ متددخليشش انتتيي !
وانتت ياا اسماء مش يليي يجيي تفتحيلهه !! 😡
اسماء ؛ مانندريش لكن 😰
ماما ؛ عيبب عيبب يليي درتهه وهاداا خوكك جااي يتااسف !
مفروض تسامحه !
بابا ؛ اني ماااسامحتت بنتي منسامحه هو ؟
ماما ؛ عيب عليك ياراجـ😩
بابا قطع عليها ؛ اسسكتييي ومتتدخلييش 😡
.
.
.
~
.
.
.
رتاج ✨
كانت مقعمزه في دارها وسرحانه .. 💕
هههه صبرت ونلت ههه ربي ماضيعش دعائي ههه الله 🙈
نتصل بيه زعما توا .. لا لا شن تتصلي شن جو الخفف يلي اديري فيه يا رتاج ارزني !
لا لا به امتي منكلمه هي !
اووف رتاج وقفي بلا براده نوضي شوفي بوك بالك يبي حاجه نوضي !
اييي بابا مش اهني ايي به منقعد هكي !
خلي نمشي نقعمز مع دنيا ولا دانيه ! 😩
وطلعت .. ✨
.
.
.
~
.
.
.
عندي 🌟
بعد ماطلع زياد قعمزت انضم ضمه قويه من الطاقه الايجابيه يلي عنديي وجوي الحلو ومبيتش نشوف لي اي مرايه مش منشوفش الرشاقه يلي اني فيها 😂
كملت ضمان نضت درت رز بالبصله .. وقرضت بطاطا وفلفل اخضر وخليتهم علي جنب مش يجي زياد نقليهم .. ✨
مشيت قعمزت في الصالون ووفتحت التيفي .. شويه واتصلت بزياد ✨
اني : الوو
زياد ؛ انعم شن تبيي
اني ؛ اني شن نبي ؟
لا شي قلت نتصل نسال عليك لكن شكلك مش فاضي !
زياد : والله اي شويه تانيه عندي عمليه !!
اني : اااه به تمام منعطلش عليك امتي مروح !
زياد : مزااال !
اني ؛ اوك
باي
زياد : باي
وسكرت ✨
اني : اووف ويقول فيها هكي باااي 😒😒
وقعمزت فتحت نت .. ✨
وقعدت نتفرج .. شويه وتجي قدامي صوره #ابراهيم و امير .. 💔
اني ؛ هههه تت تخرج !
هه م معقوله !
لا لازم انباركله !
وطلعت وخشيت ع الفايبر .. ✨
اني ؛ اهلين كيف حالك ❤️
الف الف مبروك التخرج يا كبتن ههه ، وعقبال مانفرحوا بيك انت و سوار ❤️ !
وبعته واني دمعتي في عيني .. فوق من نفسي ، ههه قالي نسافرر نكمل قرايتي ونرجع مش نتزوجوا !
كان المفروض ان توا نتزوج !
كان المفروض ان نجهز لي عرسي وفيلواا و مكياجي وكله يلي كنت نبي نديره ومشرف عليه اني !
المفروض اني يلي منكون في مكان سوار مشش هياا 💔
.
.
.
امير ؛ وصلك مسج !
ابراهيم : فوته !
امير ؛ به اني منطلب تبي نطلبلك معاي !؟
ابراهيم شاف فونه وناض : ااا لا اني شويه نايض منتمشي .. ✨
وشافه لقاني باعتتله مسج خش يجري وقلبه يرف .. فتح المسج .. وشافه ✨
ابراهيم تفكر لما قتله كيف منتحمل من غيرك وكيف منصبر .. اتفكرت لما قاللها نكمل ونروحلك .. وقاللها :
" الله يبارك فيك سلمك ان شاء لله وعقبان مانشوف صغارك انتي وخوي ❤️ "
.
.
اني شبحت للمسج وقعدت نبكي وقتله :
" ههه اي ان شاء لله وصغارك انت وسوار ❤️ "
.
.
ابراهيم شافها وحك عينه مش متنزلش دمعته ؛ قضاء وقدر الله غالب !
خلي نسال علي راجل #حبيبتي قصدي خوي ! 💔
" ان شاء لله شن حال زياد شن وينه ؟ "
.
.
اني نمسح في دموعي ؛" في العياده "
.
.
ابراهيم ؛
" اوك اماله يروح سلميلي عليه "
.
.
اني " يوصل "
وقعدت نستنا يبعت تمنيت الحديت ميتمش رغم ان الحديت في وجع والم .. 💔 وقعدت نستنا فيه يبعت لكن مبعتش .. ✨
.
.
ابراهيم .. تمينيت كلامنا ميتمش نتمني والايام ترجع بينا ومخليتش هادا كله صار استاحشتها هيا وصوتها وضحكتها وجوها وكلها علي بعضها ياربي مدامها مش نصيبي نسيني فيها راني نتعدبب في غيابهااا والله العظيم 💔
.
.
.
~
.
.
.
حوش عمي ✨
في الجنان ⛲
عمي : هاداا خوويي فاهمهه ولهه !!
فاطمه : ههه شويه وصدقت كان مدكرتش انك لزيته من الحوووشش !!
عمي : مليزيتااش هادي ورته !
فاطمه ؛ والحوش هادا ورته !!
عمي : امي متبيش تبيعه وبعدين امور مش ليك متتدخليش !
فاطمه : المشكله امور مش ليا ادفدف فيا بسيف لي حوش خوك وتبيني نسكت !
عمي : وبالسسف عليك مش عاجبك بري حوش اماليك !! 😡
فاطمه ناضت من جنبه وخشت ... ✨
شويه وطلعت اميمه وجت قعمزت جنبه .. ✨
عمي : يما شن حالك ؟
امه : كويسه
عمي ؛ يما منكلمك !
امه ؛ شنوو ؟
عمي ؛ اني اليوم مشيت لي علي و شكله زعلان مناا هلبا !
نبو نمشوله اني وياك !
ونردوا العيله كيف ماكانت !
اميمه دمعت عينها ؛ ا ااي نمشوو !
وهيا من اول ما غاب الغالي الحوش ادمر 💔
عمي ؛ تمام هي نوضي وتي روحك 😄
اميمه ؛ توا ؟
عمي : اب توا هي !
اميمه ؛ هي هي !
.
.
.
~
.
.
.
.
.
.
~
.
.
.
حوشنا ✨
ماما : علي !
بابا يشرب في الشاهي ويتفرج : شنوو !
ماما ؛ توا بتقعد هكي متكلمش في اماليك !
علي : شن دخلك !
ماما ؛ قصدي مهما كان هادا خوتك وامك !
علي : متدخليش !
ماما ؛ به سامحهم وقلل علاقتك بيهم !
علي ؛ نوضي من جنبي ! 😡
ماما شبحتله وناضت .. ✨
.
.
اسماء و انس ✨
اسماء ؛ انس اني منمشي حوشنا اليوم ! ا
انس ؛ امله توا نرفعك !
اسماء : امبه !
.
.
.
~
.
.
.
احمد شاف الساعه لقاها ال 5 ونص .. ✨
احمد ؛اوووف معقوله لي توا متصلت زعما مش فاضيه !!
ايح ياريت اني اخديت رقمها ! 😔..
وقام فونه لقاها متصلتش .. : ايحح 😤
.
.
.
رتاج ؛ زعما نتصل توا !
تي لا توا يقول خفيفه !
استني استني اتصلي بيه في الليل وخلاص ! 😔
خلي انوض انلهي روحي وندير كيكه 😪
.
.
.
~
.
.
.
اني ✨
كلمت زياد مردش .. كلمت بلقيس تركب تهدرز معاي من الكساد .. ✨
اني : لا مزال مخديتش !
بلقيس : نهاار حرفف مزاال اقل من 8 اياام ع العرس !
اني ؛ كنتت عابيه علي خوك اليوم وشوفتي مزال مجاش !
بلقيس ؛ مش حتسافروا فراس السنه !
اني : مش عارف !
بلقيس ؛ اووف
زين يتصل اني في دار انرد ونجيك !
اني : اوك
ومشت واني اتصلت بزياد .. ✨
اني ؛ الوو
زياد ؛ الوو حبيبي
اني ؛ كيف حالك !!
زياد ؛ بخير وانتي
اني ؛ كويس شن وينك !
زياد ؛ والله مالياش 5 دقايق خاش مكتبي وتوا منمشي للولاد !
اني ؛ واني امتي ناوي تجيني ان شاء لله نشوفك لما نرقد وخلاص ولا كيف 😒
زياد ؛ ههههه يا حبيبي شنن منديرر لياا هلبااا معش طلعتت !
اني ؛ اييي علينا به به خلاص باي !
زياد ؛ نحبكك ❤️
اني ؛ منحبكش ياشين 💔
زياد ؛ اي وهادا كله الصبح مقطعتيني وتوا طلعتلك شين ايييح 😌
تقدريش اصلاا واقرب دليل الصبح ! 😂
اني ؛ اممم مدامك عارف علاش تعطل !
زياد ؛ به خلاص مع العشره نكون في الحوش !
اني ؛ لا ونبي زيد شويه متسدكش العشره !!
شنن عندك مراا تانيه ولا شنوو 😡
زياد ؛ 😂😂😂
هيا عاد حبيبتي ❤️
اني ؛ به به تركب السياره كلمني واوقف خود حاجه تاكلها ! 😒
زيلد ؛ حاضر !
اني ؛ اوك تمام ❤️
دير بالك علي روحك ❤️
زياد ؛ حاضر 😘
.
.
وجت بلقيس وسكرت وقعمزنا نهدرزوا ..✨
.
.
.
~
.
.
.
سوار ✨
اتصلت بي ابراهيم .. ✨
سوار : الو
ابراهيم : ايواا
سوار ؛ كيف حال حبيبي الكابتن ❤️
ابراهيم : الحمد الله !
سوار ؛ خيرك خيره صوتك !
ابراهيم : شي !
سوار ؛ اممم به استاحشتك ❤️
ابراهيم : اوك تببي شي ؟
سوار : ااا لا لا قتلك انت مرا قتلي بتكمل قرايه وبتروح وله بدير زياره عهههه !
ابراهيم ؛ اي مروح الفتره الجايه !
منحضر عرس بلقيس !
سوار : امم كويس !
امتي احني ؟
تبراهيم : احني شنوو ؟؟
سوار : هههه عرسنا !
ابراهيم : مزاال مزاال !
سوار ؛ تمام اوك !
ابراهيم : اي تبي حاجه ؟
سوار : اا نبي نهدرز عليك لكن شكلك مش فاضي انكلمك بعدين ! 💔
ابراهيم ؛ اوك بااي !
سوار : بتسكر ؟ 💔
ابراهيم : اي مش فاضي نتكالموا في الليل ! سوار ؛ اوك انحبك هلباا تمام !
ابراهيم ؛ تمام هي سلام
وسكر .. ✨
.
.
اساور خشت عليها في الدار : اووو شكلك كنتي تكلمي فحبيب الآلب ! 😂
سوار ؛ هه كيف عرفتي ! 😒
اساور ؛ ماهو وجهك منكد وكنتي نايضه وجوك حلو 😏
سوار : هاها هه شن دخلك انتي وبعدين بالعكس جوي حلوو لان مروح !
اساور ؛ بيروح !!
سوار ؛ اي بيروح الفتره هادي !
بيحضر عرس اخته !
اساور : من قالك ؟
سوار : هو قالي !
اساور : كويس مش هادا وين تبدي تندبي !
سوار ؛ وعلااش؟؟
اساور : شي شي !
امتي عرسكم كمل قرايته هو !
خلاص تخرج !!
سوار ؛ مزاال مزاال !
منبيش توا اصلا مزال مش مستعده !
اساور ؛ وعلاش مدامه هو كمل قرايته !
سوار تعفلقت ؛ خلاص خلاص اني منززل جنب ماما وناضت من جنبها ونزلت .. ✨
.
.
.
.
~
.
.
.
اميمه & عمي ✨
اميمه ؛ هي ننزل !
عمي : اي انزلي !
ونزلوا .. ✨
اميمه : وينه الحوش هادا !
عمي ؛ ايه
وجو يشرينوا ..✨
.
.
بابا كان مقعمز ماباش يرص البطمه من داخل مش ينفتح الباب لا انزل وفتح الباب .. ✨
بابا ؛ 😨😨
اميمه حضتاته طول ؛ وليديي ساامحنيي يا وليدديي كيفف حاللكك حاللك باهيي !
بابا ؛ شن جاينن تبو ؟
اميمه ؛ نردوا العيله زي ماكانت !!
بابا ؛ انتم خربتوها !
وبعدين انتم محترمتونيش رغم اني كبير العيله !!
كان بوي اهني راهو مرضاش شن صاار !!
عمي ؛ عارفين احني غالطين وجاين نصححوا في الغلطه !
ماما نزلت ؛ ااا يا اهلا نورتونا تفضلواا
وجت سلمت وركبتهم .. ✨
بابا شبحلها قتله ؛ شنن قتلك امبكري خلاص عاد !!
بابا ؛ استغغفر الله !
وركب
المهم ماما ضيفتهم شاهي وقهوه و سومه مدايره بسبوسه جابتها وقعدوا يهدرزوا وبابا كان جاف بارد معاهم قعدوا ساعه وروحوا .. ✨
وبعدها بابا صلي العشي وخش رقد طول .. ✨
.
.
.
~
.
.
.
المهم زياد مشي تلاقا مع احمد وروح مع ال9 ونص .. دخل السياره وجي ركب .. ✨
فتح الباب ومشي خش للدار لقاني اني وبلقيس راقدين ع السرير.. ✨
زياد ؛ لا حول ولا قوه الا بالله 😐
وجي طبس عليها ؛ بلقيس !
بلقيس ؛ انعم ! 😞
زياد ؛ نوضي راقده في سريري راك 😒
بلقيس : همم همم منرقدد ! 💔
زياد ؛ نوضي !
اني فتحت عيوني ؛ حبيبي جيت 😶
وشفت لقيت بلقيس راقده جنبي .. : ههههه رقدت !
زياد ؛ اي رقدت !
اني ؛ معناها برا ارقد في الصالون انت جيت متاخر 😌
زياد شبحلي وقاملي حاجبه وهزلي راسه متع توا تشوفي ؛ بلقيسس يلاا !
بلقيس ناضت تتكسل ؛ تيي هااا شنن جيبك اهنييي انتت اطلعع !!
وشبحت لقت روحها فدارنا ؛ اااوبس سوري نسحاب روحي فدااري ! 🙊
وناضت .. تعالا اوقفلي في الدروج انخاف 😁
زياد ؛ هي !
اني : اقعدي وين بتنزلي توا !
زياد شبحلي ؛ بتعطيها مكانك ! ؟😌
اني شبحتله وضحكت .. ✨
بلقيس : هياا تعالاا !
ومشيي نزلها و ركب لقاني نحط في الطنجره فالتلاجه !
جي ضمني من الخلف وجي باسني من رقبتي .. ؛ صار قلتيلي امشي ارقد فالصالون !
تقدري تنوضي وتلقيني مش جنبك ! ❤️
اني شبحتله وقمت حاجبي ؛ ايي نقدر !!
زياد ؛ به نقولوا صدقناك لكن اني منقدرش ! 😘
اني : اي ماهو تقدر تشوفني الصبح والليل بس ومش لازم الساعات التانيه !
زياد ؛ كان عندي شغل !
اني : شن هو الشغل
زياد ؛ غدوا تعرفيه 😘
اني ؛ 😒😒
زياد ؛ هياا تعالي اللداار خلي منرقدوا!!
اني؛ هئه لا !
زياد قامني ورفعني الدار .. ✨
وقعد يستنشق فريحتي : اااااه محلاا ريحتك استاحشتك !!
اني ؛ به حول خلاص !
زياد ؛ قعده متعصبه !
اني : اي 😒
.
.
.
~
.
.
.
رتاج ✨
كانت متكيه علي سريرها بعتت لي احمد مسج :
" تصبح علي خير ❤️ "
.
.
هو شافه نط .. منو زعما هياا ؟
" رتاج وله !
لا مررقدتش نستني فيك تتصلي ❤️"
رتاج ؛ " امم اي رتاج "
هههههه 🙈
احمد اتصل بيها .. ✨
احمد ؛ الوو
رتاج ؛ الو
احمد ؛ شن حالك ؟
رتاج ؛ والله اهو بخير ❤️
وقعدوا يهدرزوا شويه وسكروا .. مرو ايام وسافرت اني وزيزوا لي لبنان 🇱🇧 راس السنه وشريت قفطانين نازكات وجي يوم الحنه متع رتو .. ❤️
.
.
.
.
" الادمونه ؛ نختصر في الاحدات مش انكمل الروايه بسرعه راه 🌚 "
.
.
.
.
يوم الحنه روحنا في الليل بعد ماتمت الهيصه ولا واحد شبحنا كنت حاجزه في مزين قبل ما نسافر وطبعا درت وجهي وحواجبي في لبنان وااه غيرت شعري قصيته لي نص الظهر ودرت فيه خصلات هههه 😂❤️
جي روح بينا انس ودوشنا ورقدنا طول .. ✨
.
.
.
جي الصبح ✨
.
.
.
كنا راقدين نضت علي صوت فون زياد ✨
اني ؛ زيزوو زياد !😩
زياد ؛ 😴😴
اني ؛ اووف ونضت شفت واني مصخصخه لما شفت الاسم صحصحت عيوني من الصدمه قريب طاحو ع الفون .... 😨 ووو #يتبع ✨
_______________________
رايكم وتوقعاتكم ❤️
نبي كومنتات طويله وراهو الروايه في حلقاتها الاخيره 🙈
# 🌸
