💓
( قراءه ممتعه 🎡 ~ )
🌹🌾 بيت العيله 🌾🌹
🌺 الحلقة : الخامسة العشرون 🌺
______________________
مروا الساعات وبلقيس للفجر مرقدتش من البكي وتحسيب والدعاء .. وصلت وقعمزت تقرا في قرآن ✨
شويه تسمع صوت عياط خافت وطلعت من دارها و لقت .. ابراهیم كيف طالع من داره .. ✨
بلقيس : ش ششن في ؟
ابراهيم : مشش عارفف 😰
بابا يابس في شبشبه : صوت حناكم هادا وطلعوا يجروا ويلقوا .. ✨
.
.
.
احني كنا راقدين ومع جو الساعه ٦ الصبح فون زياد يشرين وموقفش .. ✨
اني : زياد فونك !
زياد : اووس الزحح
اني : باهي سكره خلي نرقد !!
زياد : .......
وشويه ورن تاني زياد : الننمممممم 😡
وقام فونه ولقاه .. امير ✨
زياد رد بتعصب : خيرك الـ .. وشافني نشبحله شدها .. ✨
امير يبكي : مااات يا زيااد ماات 😭
زياد : ياعنجدك شن تقول من ماات !! 😳
اني قلبي انقبض .. وخفت✨
امير : مشيي وخلااناا مشيي !!
زياد : تعرف يا ولد ال +:٪*##++ كان متتكلمش دوه واضحه تشوف !!
امير : جدديي جددي 😭💔
زياد : لا حول ولا قوه الا بالله 😰
امتي وكيف صاار ؟
امير : قبل نص ساعه تقريبا 😢
زياد : لا اله الا الله 💔
به به تمام سكر توا مروحين بعدين ان شاء لله !
وسكر ✨
اني : زياد شن فيه ! 😰
زياد مسح يده علي وجهه : جدي جدي ، جدي مااات 😔
" طبعا زياد وانس مربيهم جدوا بحكم اول اكبر ولدين في العيله .. يعني زي بوهم قبل يسفر فيهم معاه ، كانوا غالين عليه ❤️ *"
اني انصدمت و قتله بشهقه : ااااااه ، شنن تقووول !!! 😱
زياد : لا اله الا الله لا اله الا الله 💔
اني : لاا لااا زياااد علااشش مااتت حراام والله حراام علااش مااتت 💔
حيي عليياا كلهه منيي انيي ديمهه ندعيي علييه ، ياربيي مكانش قصديي هكيي زيااااادد اهىىى اهيييي 😭😭
زياد : اوسكتي متقوليش هكي حرام حكمه ربي ، وجي ضمني .. خلاص اسكتي عااد !! 😢
اني : مستحيلل باللكك يكدبووااا باللك يكدبواا 😭
زياد : استغفر الله ، خلاص اووس !!
اني قعدت متكيه عليه وهو مقعمز وحاضني و شاد فونه يتصل بي اماليه .. ✨
.
.
.
~
.
.
.
حوش جدو ✨
اميمه : نحووو من علليهه محددد يمسهه نحووو نحيي ايدكك هوو ماماااتششش واللع ماماات تي نوضض ياا شيبااتي بللاا تسهويكك 😭
تيي نوضض متخلينيشش بروحيي نوضضض 😭✨
نووض و الله ما نتحملل فرااقكك نوض 😭😭
بلقبس : جدووو جدييده نوضض بالله عليكك نووض متخوفنااش عليككك 😭
نوووووض خيره خيره 😭
ابرهيم : اهديي خلاص اهديي 💔
بابا وعمامي كانو مقعمزين يبكوا ✨
شويه تخش عليهم / عمتي نجاه : وبيييييي وبيييييي ااااه يا بووويي ااااه ياا غاللييي فييق فيييقق ااااااه وين مشيتتت وخليتنااااا اااااااه ااااااه شنن صاارلكككك نوووض 😭
.
.
.
~
.
.
.
اني & زياد ✨
اني : و وو ينن ماشي !!
زياد : منمشييي نشووف تتداكر !
اني ' شوف لي مروان وايناس ! 😢
زياد : ان شاء لله في شك هو ، غر وتي الشناطي !!
اني : به 😢
وطلع اني قعمزت انطبق في الحوايج ونبكي .. ونقول ، سامحنيي ساامحنيي ياا جدوو 💔
نضت قمت فوني وكلمت ايناس .. ✨
.
.
.
ايناس و مروان ✨
ايناس : هممم حبيبي مدلي فوني 😖
مروان فتح عيونه : هاك ، شن في اللطف !
ايناس قعمزت : هادي بيسا نهار بيض شن مدايرلها هداكا الحيوان زعماا ، وردت .. ✨
ايناس : الوو !
اني نبكي : نوسه 😭
ايناس انخلعت ؛ هاا خيركك شنن فيي ؟؟
اني : جدوو توفيي 💔
ايناس بعياط : شنووو اااه امتيي منن قاللك 😱😱
اني : اتصلوا بينا وتوا زياد طلع يشوف في تتداكر وقتله يشوفلكم معانا !!
ايناس : ياا ربيي به ب ه 😭😭
وسكرت .. ✨
مروان : شنن فبييي ؟؟
نوسه : جدوو توفي وحضناااهه 💔
يااربيي سامحه واغفرله 💔💔😭
مروان : لا حول ولا قوه الا بالله 😔
.
.
.
المهم جي زياد وفي يديه تتداكر ' واني كنت مجهزه الشناطي .. ومقعمزه نبكي ع السرير ✨
اني : لقيت ؟
زياد قعمز وحط ايديه علي ركابه : مش في الشور اليوم !
😭😭اني : اهىىى زيااد
زياد : خلاص يا عمري !
اني : زييادد 😭
زياد تنهد : انعمم
اني حضنته : استاحشتهه حراام ربيي يسامحهه 😭
زياد : ان شاء لله ان شاء لله 😢
مر الوقت و مشينا المطار تلاقينا مع مروان و نوسه قعدنا نستنوا ولحسن حضنا لقينا كراسي .. ✨
المهم وصلنا اني دخت زياد خدالي من كفيتريا متع المطار كيكه وعصير وقعد يوكل فيا .. جي صاحب مروان روح بينا .. نزلنا ونزلنا شناطينا وكان قدامه اشني تاني خيمه في حياتي 💔
الاوله عرسي وتانيه عزي جدي 💔..
اني حضنت زياد وقعدت نشوفله ونبكي : زياد منبيشش انخشش منقدررشش 😭
زياد شبحلي وسكت وقعد يمشي فيا واني نقوله : منبيش انخش منبيشش 💔😭
زياد : بلع ريقه .. وشويه تطلع عمتي حنان تجري في الشارع حفيانه وتخبط من غير شاربه ولابسه قفطان نص كم متع حوش .. ✨
عمتي : ووووووه عليااااا ووووووه 😭😭
وييينن مشييت وخلليتنييي وووك 😭
ياا مصيبتيي وياا سووااد ليلييييي 😭😭
زياد مشي يجري نححي سوريه وحطها علي راسها وغطاها بي يديه ودخلهاا ، ✨
اني اهني طحت وقعدت نبكي ونشهق بصووت عاليي جي مروان نوضني وخخشش الشناطي وخخششنا اني وايناس واحني نبكوا .. ✨
جي الغفير ودخل الشناطي في حوش عمي .. كانواا الناس معبين المكانن .. ويلي يطلع ويلي يخش وعياط ونديبب وصياح وبكي قعدت مسكره وداني معش قدرت قعدت نبكي ونعيط .. لقيت قدامي اميمه "جدتي" مشيت حضنتها وقعدت نبكي حطيت راسي علي ركابيها .. ✨
اني : كيفف صاار كيفف صاار قوليلي 😭
اميمه : اااااه يا بنيتيي اااه راقد شويه لقيته 😭 يرعش مع بعضه قتله خيرك ، معشش ردد 😭😭😭😭
اني بديت نبكي اكتر : وكل مره يجي حد يحضني مروات عمي ماما بنات عماتي عماتي واني نواسي وهما يواسوا .. ✨
نضت تلفتت لقيت بلقيس تتضرب في روحها وتقول كلهه منيي مشيت حضنتهاا .. ✨
اني : 😭😭
بلقيس : ريتيي شنن صار فينا من وراا دعااناا ريتيي 😭😭
اني : اوسكتي متزيدينيش تاانيببب 😭😭
وقعدنا انلوموا في بعض .. ✨
.
.
.
وقبل العصر بشويه دخلونا التابوت في الصالون الداخل وخشت العيله بس .. 💔
.
.
" ربي يبعد احبابنا من عليه ، ويحفظهم ويطولنا في عمرهم يا رب و ما يخلنا انشوفوا فيهم يوم شين " ❤️🙏✨
.
.
بلقيس مشت تجري لي " مع اني منحبش انقول اسمه " التابوت .. وفتحت عليه وكان وجهه ابيضض لين خلاص قعدت تبوس فيه .. ✨
بلقيس : جدووو سامحنييي يا جدووو ربييي يسامحككك 😭😭
اني : جدووو وحطيت يدي علي وجهاا لحمي ناض شوك شوك وخفت قعدت نشبحله ونهرت اكتر سامحننييي سامحنيي انيي مساامحااتكك مكانشش قصديي مكاانش قصديي مكنتش نبي هكي يصيررر وقعدت نرعش لاني بجد نخاف من هالحاجات .. ✨
بلقيس كانت حاطه راسها علي راسه وتبكي ✨
عمر خااف عليا لان عارفني خوافه وشبحني نهرت معش قدر : نوضووهااا هااديي طلعوهااا وجي جبدني من ايديي .. ✨
اني لقيت ابراهيم قدامي فكيت ايدي وضميته وهو كان يبكي .. ✨
اني قعدت ضاماته بالقوه ونبكي زياد قعد يشبحلي بعدها طبس علي جدو ومسح عليه : ربي يغفرلك ويجعل متوااك الجنهه 😢
انس يبكي جي طبس عليه وباسه : سامحنيي مكنتش نعرف ان العمر قصير والدنيا غداره فيسع ماكنت جنبنا امس واليوم خداتك ربي يرحمك يا جديي 😭😭
بابا وعمامي حطوا روسهم عليه وقعدوا يبكوا ومقدروش ينطقوا غير عيوننهم قالت كل شي اما ماما ونساوين عمي باسوا علي راسه وطلبوا السماح .. ✨
و اميمه جت تندب فوق راسه : ااااه اااااه شن درتت انتتت ششنن دررتت كييف قدررت تمشي وتخليينيي شننن بيصيرر في هالعيلهه منن بعددك شنن بيصيرر ياا عموود الحوشش ااااه ✨😭
عماتي مخلوهمش يخشوا .. لان كانوا منهارين وبنات عمتي حنان مقدروش يخشوا .. اما بنات عمتي نجاه كانت متحبش اتجيبهم للمنسابات الحزينه ✨
و طلعوه .. ✨
.
.
تمنيت نسمعه يقول : شنن اديررواا وينن رافعيينيي ؟؟
اني مايشيلني حدد حولواا !!
تيي ياا عزوزه وين رافعيني !!
تمنيته ينوض ويعيط عليهم يقوللهم حولواا خلونيي !
... اهني عرفت كيف الدنياا شينه اخيي ما ترحم حد لا تعرف كبير لا صغير لا تعرف قوي لا ضعيف بس تعرف وتاخد الناس وتوجعنا وتعدبناا 💔 !
.
.
.
مر الوقت رفعوه دفنوه 💔
وروحوا كانوا الطيابات مدايرين كسكسي .. 💔
حطوا لي الناس ياكلوا ويلي بات بات ويلي روح روح ..✨
خشت مرت عمي لي حوشها توتيلنا في دار زياد لان سريرنا في الشقه مزال ماوصلش .. ✨
بلقيس قعدت راقده في حجر اميمه واني خشيت لي حوش عمي منبدل .. ✨
مرت عمي وعيونها حمر : اكيد تعبانه يا بنتي خشي دوشي وارقدي !
اني : ان شاء لله 💔
.
.
.
~
.
.
.
ابراهيم وسلام 💔
ابراهيم. : كسرتي كسرتينن جتت هياا وجديي توفيي مش قادرر 💔😭
سلام : الله غالب ادعيله ربي يسامحه ❤️
ابراهیم : ان شاء الله 😭
نوض روح توا يفقدوك !
ابراهيم : منقدرشش منقدرشش😭😭
نقعدد معااهاا في نفسس المكاان 😭
سلام : ايح مفهمتكش جالي علي خاطرها ولا علي خاطر جدك !
ابراهيم : مكسورر من الزوز 😭
.
.
.
عندي اني ✨
طلعت من الدوش لقيت زياد يصلي ويدعي .. ✨
جيت لبست طرحه الصلاه قعدت نصلي وندعيله بالرحمه والجنه ونبكي ✨
كملت قمت راسي لقيت زياد متكي ويشبح لي الصقف .. ✨
اني جيت اتكيت وقعدت نشبح لي السقف زيه : الدنيا اخي هلببا !
زياد بهزوه ضحك : هه توا كيف عرفتي !
اني : مكنتش متخيله يجي يوم زي هادا علاش به. ؟؟
واعره العيشه !!
زياد : الدنيا غداره زي بحرها !
اني : معقولهه !!
دنيا تفرط في الناس يلي نحبوهم بي هل البساطه ، اصلا ربي عالم بينيتي لما كنتت ندعي والله نحبه في داخليي 😭
علاااش مشيي وخلاني استاحشته استاحشت صوته وعياطه متوقعتشش يجي يوم ونخش لي هالحوش ومنلقاشي 💔
زياد قربني وضمني ؛ خلاص اوووص 💔
.
.
.
~
.
.
.
مر شهر علي فراقه 💔
واميمه كل يوم اتقوللهم ارفعوني ليه 💔
ابراهيم مايباتش في الحوش 💔
... طبعا الناس روحوا ، وقعدت العيله ❤️
طبعا عارفتكم اتقولوا كيف روح بوها .. بابا كان في تونس ولما كلموه روح طول في اول طياره .. ✨
.
.
.
في يوم كان يوم جمعه كنا كلنا مقعمزين في الجنان ... ✨
اميمه : ههه ناقصاته التقعميزه شينه من غيره 💔
انس : وفاته كسرلنا ضهرنا 😔
بابا : مكنتش نسحاب يجي يوم وميكونش معانا 💔
ابراهيم يحك في لحيته : الله غالب 💔
اني نضت وناضت وراي بلقيس .. :
اني : كلمك زين !
بلقيس تنهدت : ايه ومارديتش !
اني : علاش !
بلقيس سكتت .. ✨
اني : خايفه ؟
بلقيس : جايني تانيب اتجاه جدي مش قادره 😭
اني : خلاص الله غالب ، وعلي. فكره مفروض تفرحي توا لانك بتاخدي يلي تحبيه مش زيي راحت عليا ههه 😔
بلقيس : عبيطه انتي هه انتي عارفه الامور توا كيف اتعقدت اكتر !!
حياخدوا بكلام جدوا وصيه وحيجوزوني انتي تندرييي 😭
اني : لاا مش حيصير خلاص اوسس 😢
زياد ناض : بيساان تعالييي !
وخش للحوش .. ✨
اني : نشوفه ونجيك !
بلقيس ؛ تمام خودي راحتك !
وخشيت لقيته كيف خاش بيدوش .. ✨
اني : انعم !
زياد ؛ حداديلي سوريتي العربيه بسرعه معش في وقت ع الصلاه !!
اني ؛ امبه !
.
.
~
.
.
مرت عمي رقيه ؛ لا لا اني توا انصبي ندير الغدي !
مرت عمي وماما : خنساعدوك وناضوا معاها .. ✨
.
.
.
زياد طلع من الدوش .. ✨
وبدي يلبس : حديدتيها !
اني : اممم ايه !
وقعد يلبس وبعدها وقف يدير في شعره .. اني جيت وقفت قدامه وقعدت انواسيله في رقبة السوريه .. : زياد امتي نركبوا حوشنا !
زياد : ووواك ايح توا كيف تفكرت فكريني غدوا نمشي للمحل ونكلمهم طولوا بيهم هلبا !!
اني : ايه !
زياد شافلي ؛ انتي في حد مضايقك !
اني : لل للا لكن انت مش شايف ابراهيم طول هالايام يبات برا !
زياد يبخ في البرفيوم ؛ تمام حبيبتي غدوا فكريني بس !
وباسني .. تبي حاجه !
اني ؛ لا سلامتك في الحفظ والصون ❤️
وطلع طلعت وراه من الدار .. ✨
اني : زياد !
زياد عارف ان بروحنا : نعم حبيبي !
اني ضحكتله : نسيت مفتاحك وفونك !
زياد : ايح نسيتهم بكل !
وخداهم ، صحيتي ❤️
وطلع .. ✨
اني تلفتت منمشي لي الدار لقيت ابراهيم واقف علي باب داره و يشبحلي .. ✨
اني : اا اا هلين !
ابراهيم ماردش .. ✨
اني بلعت ريقي ؛ تبي حاجه ؟
ابراهيم شافلي من فوق لي لوطه وخش وقربع في وجهي الباب .. ✨
اني بديت نبكي وخشيت للدار وسكرت علي روحي .. ✨
لبس شبشبه و بخ برفانه وطلع للجامع ... ✨
.
.
.
ويطع بكاي خشت .. اني قمت راسي وعيوني هكي 😳 من الصد.....#يتبع ✨
_____________________
رايكم وتوقعاتكم ❤️
