( قراءه ممتعه 🎉 ~ )
🌹🌾 بيت العيله 🌾🌹
🌺 الحلقة : الثالثه الثلاثون 🌺
______________________
زياد شد ايدي وايده التانيه يرقص فيها وبدي يغني معاه ويقولي : تجاوزتي حدودك في بقلبي تجاوزتي حدودك ❤️
صارت حياتي معلقه فيكي وبوجودك ❤️😘
اني شبحتله وبديت نضحك : ههههه ركز في الطريق توا ترزينا في عمرنا !
زياد ؛ لا متخافيش مركز 😍
اني : هههه خلاص عادد ❤️
زياد ؛ دخيلوو انا الخجلان 😂
اني : هههه يا بارد 🙈
.
.
.
#فجأة ✨
.
.
( يديروا حادث 😨
انبصر انبصر متخافوش ماداروش 😂😂 )
المهم فجاءة .. ✨
تلفون زياد يشرين .. 📲
زياد : طلعه ورد ونقص الاغاني ، ان شاء لله خير ورد .. والو
امير : الو زياد !
زياد : شن في ؟
امير : اني بايت برا !
زياد : وين برااا وينن ؟
امير : عند الولد !
زياد : عند امك تعرفها روح الحوش !
امير : تيي معنديش المفاتيح !
زياد : اقعد عندك حناك اني قريب نوصل !
امير : الززززفتتت بااهي الننم 😡
زياد : شن هيا ياهي بهه !
اني جايك !
وسكر عليه .. ✨
اني : شن غي ؟؟
زياد : بي بات برا !
اني : وعادي شن فيها ولد عادي !
زياد : لا مش عادي ميباتش !
اني : زياد هو مش صغير معش تتضغطوا عليه !
توا يدير حاجه اكبر من راسه لما تشدوه هلبا !
زياد : يا بيسان صحابه فاسدين !
اني : قوله معش اتبعهم وخلاص متشدش عليه هلبا !
زياد : كان كنت منديرلاش هكي راه كان هادا توا متصل وقالي منبات برا !
اني : اي ومره تانيه مش حيتصل حيبات برا و كان تقوله علاش بايت برا حيقولك لانك تقولي لا !
امير كبر يا زياد !
زياد : ان شاء لله خير !
وتلفتلي , باهي قيمي وشاحك قيمي !!! 😒
اني : ايي علييناا 😒
.
.
.
~
.
.
.
اسماء و انس ✨
اسماء : احمدد خليني في حالي منيش راقده 😡
انس : به بنت بزعت علي روحها اميه نوضي غيريلها !
اسماء ناضت ضربتها علي يديها وتكشخ عليها .. : علاااششش هكييي علاااش 😡
انس : خيررر عممكك انتتيي خيرر عمك حولي معش تمسيهاا توا انغيرلها اني البهيمه هادي 😡
معقوله هكيي !! 😡
اسماء : ماتتدخللشش فياااااا ! 😠
انس : شنن صايررللك انتيي تقول اول وحده يموتلهاا بووهاا ! 😡
اسماء : ممكن متتدخلش وخشت للصالون وسكرت هلي روحها وقعدت تبكي 💔 ...
.
.
.
~
.
.
.
وصلنا للحوش نزلنا .. لقينا امير في الجنان زياد هزبه وفتحله الحوش وركبنا .. ✨
اني ؛ خيرك عاد علاش متعفلق !
زياد ؛ مولي قليل الادب ومايحترمم في حد !
اني : خلاص !
زياد : انتي تندري اني شميت عليه صنه دخان !
ومبيتش نتكلم !
اني : -.-
زياد قعمز ع الصالون .. اني نحيت عبايتي ووشاحي وخشيت للمطبخ نشرب .. ✨
وطلعت وشاده الطاسه وزياد يشبحلي طبست ع الصالون مناخد عبايتيي ووشاحي وشنطي .. يجي يشدني زياد من يدي .. ✨
وناض خدي مني الطاسه وحطها ع الطاوله .. اني قعدت نشوفله .. ✨
زياد : شن ندير فيك توا ؟
اني ؛ شنو ؟
زياد حطلي شعري ورا ودني وباسني من خدي ؛ طالعه تهبلي ❤️
اني ضحكت وطبست راسي .. ✨
زياد شدلي دقني وقاملي وجهيي .. ؛ انحبك ❤️
اني شبحتله وضحكتله وحطيت ايدي ورا رقبته : زياد 💖
زباد داب وحط ايديه علي خصري : ياعيونه !
اني : نببي نسوق !
زياد ضحك : ههه عرفتها الشده هادي وراها شي !
اني : هههههه ❤️
زياد : حاضر ❤️
اني : ومنكمل قرايتي !
زياد ؛ تمام لكن بعد ما تولدي !
اني : لا زيزوو 😔
في الامتحانات بس نمشي !
زياد ضحكلي ؛ متاكده !
اني : ايه !
زباد : به خلاص !
اني حضنته : سلملي راجلي ياربي !
زياد ؛ به توا دوري !
اني : همم في شنو ؟
زباد طبس عليا وباسني : اوسكتي خلاص !
اني : عيبب عاد !
زياد قامني وقعد يصخك : مش هكي العيب توا انوريك كيف 😂😂
اني : زياد : والله قفطاني يفسد منبدل نزلني !!
زياد : لو كان يتقطع توا 😂 !
وخش الدار وسكرها برجله
وووووووو 🙈
.
.
.
~
.
.
.
جي اليوم التاني 🌅
ايناس و مروان ❤️
ايناس : مرواااان مرووواااان نوض ووووه عليااا مرواان منمووت 😭😭
اااااه ااااهه شنن هااداا ياربييي مروااان 😭
مروان : ناض مخلوع .. خخخ خيرك شنن فيي 😱
ايناس شاده بطنها ؛ منمووت خلاصص منموووت مرواان 😭
مروان : تي موعد جيابك مزاال !
ياربي سترك !
ايناس : ااااااااه ااااااااه 😭
ناض مروان جابلها عبايتها ووشحها وطلعوا .. ✨
ايناس شاده يد مروان وتعض وتخبش وتقرص فيها وتبكي : مروان اجريي بالله علليكك اجريييي منموووت 😭😭
معش قادره خلللااااص يا مااامااا يااا ممااامااا اااااااهئ 😭💔
.
.
.
~
.
.
.
عند حوش عمتي حنان ❤️
بلقيس : تي يا دانيه نوضي الزفتت وقتت !
دانيه : النفخخ هااا نضتت شنوو !
بلقيس : تي الجامعه خيركك الزفت !
دانيه : حي علياا الساعه كم وناضت تجري خشت للحمام .. ✨
.
.
.
~
.
.
.
اني وزياد ❤️
اني : زياد ❤️
زياد : همممم 😣
اني : تي هيا نوض وقت واطلقني مندوش ومنصلي قبل الظهر مابيخش !
زياد فتح عيونه وقام فونه لقاها الساعه ١٠ وربع ؛ صباح الورد ❤️
اني بسته من دقنه : صباح الخير حبيبي 💋
زياد فتح اعيونه هكي وانصدم 😳 ؛ ههههه ش شن قلتي !
اني : هههه شن قلت ؟
زياد : حبيبي قلتي !
اني : هههه ايه قلتها مش انتي راجلي وحبيبي ؟ 🙈
زياد جي مقابلني و باسني : نحبك 💖
اني : نوض وقت علي خدمتك !
زياد : خلاص مش مهم خليني 😍
وووووووو 😋
.
.
.
~
.
.
.
في حوشنا .. ✨
بابا : نوضي خلي نمشوا حوش امي !
ماما : تمام هي !
عمر : شنن هادا ! 😨
ماما : شن في !
عمر ؛ ماتسمعيش في صوت العياط !
ماما : بسم الله الرحمان الرحيم !
وطلعت .. شن هادا !
بابا ؛ خليهم ومتتدخليش يتعاركوا اكيد !
ماما : لا منقدرش منركب !!
وركبت .. ✨
طقطقطقطق طقططقططقطق
انس ؛ فددتيننيي كرهتيينيي في حيااة ام امييي 😡
اسماء : متتدخلشش فياااا مشكلتتك 😭😭
انس : تيي ضمييي فمككك !!
اسماء : مااانبيشش ماانبيشش !
خيركك انتت نبيي نمشي لي حوشناا في حرام ولا عيببب !
.
.
ططقطقطقطقطق 🚪
.
.
انس فتح الباب لقاها ماما .. ✨
انس خش خدي مفاتيحه وتلفونه وطلع .. ✨
ماما خشت لقت اسماء تبكي ؛ شنن في خيركمم ؟
اسماء ضمتها : اعينت يامرتت عميي اعيتتت نبي نطلقق 😭
حتي البنت معش نبيهاا !
ماما : خخ خخيرك يا بنتي شن اتقولي استهدي بالله ! 😰
اسماء : اني معش نبي نقعد كل مانقولا منمشي لي حوشنا يقولي لا اعييت منهه والله العظيم ! 😭
ماما ؛ توا الهيصه هادي كلها علي خاطر حوشكم !
خلاص نرفعك اني حوشكم لكن علاش !
اسماء ؛ 😔😔
مش عارفه نبي نرتاح !
ماما : مش حاسه اننك زايديها حبتين !
رااه الراجل قداش ما بيتحمل !
يعيي رااه !
اسماء : معش متحمله نتحمل المسؤليه 😭
ماما ؛ يابنتي اني عارفه هادا كله علي خاطر بوك تحسابي كان عايش بيرضي بيلي صاير ؟؟!
خلاص هدا يومه يابنتي ادعيله بالرحمه !!
اسماء قعدت تبكي .. وماما تهدي فيها و.تفهم فيها ان يلي ادير فيه غلط ! 💔
.
.
.
~
.
.
.
في المستشفي 🏥
مروان : يا دكتور مزال موعد ولادتها !
الدكتوره ؛ صارتلها ولاده مبكره هو ع الاغلب مزال شهر عادي تصير بس لازم تقعد عندنا هي والبيبي الفتره هادي !
" الدكتوره تتدوي خليجي طبعا غير اني مش خاطري انشغل دماغي وانغير اللكنه 😂😂 "
مروان : تمام بارك الله فيك نقدر انشوفها توا !
الدكتوره : خلي تصحصح لانها امبنجه حاليا !
مروان : تمام تمام !
.
.
.
~
.
.
.
ابراهيم .. مقعمز وفاتح النت .. ✨
فتح الفايبر لقاني حاطه الصوره صورة ايدي وايد زياد شادين في بعض 💔
ابراهيم دمعته جت في عينه ؛ ههه قداش ما اخي الدنياا في لحضه تاخد منك انسان وفي نفس اللحضه تجيبلك غيرهم ومن المفروض ينحطوا في نفس مكانهم !
ههه لكن متقدرش تحطهم لان هما واخدين التوب في قلبك !!
تقعد تفكر غير كيف بتنساهم غير كيف بتسيبهم تي كيف بطلعهم من قلبك ..💔
تقدر !
تقدر؟
ههههه ايه تقعد تسال في روحك و ادور في اجابه مع نفسك لكن مش حتقدر !
تندري علاش !
لانك انت حبيتهم حب حقيقي بجديات حبيتهم بكل حواسك !
لانكك انتت متشوفشش في غيررهم !
لانكك يا ابرااهيمم هيااا كل يووم في وجهك فهمتت علاشش !! 💔
هه علااش ليي امتيي ليي امتي منقعد هكي خلاص يا ابراهيم !
ربي يسامح يلي كان السبب ربي يسامحه ! 💔
ويقطع كلامه مع نفسه اتصال من سوار .. ✨
ابراهيم شاف الرقم وتنهد : اوووف ورد .. الو
سوار : يا احلا الو سمعتها في حياتي كيف حالك اليوم حبيبي ❤️
ابراهيم ؛ كويس !
سوار : حتي اني كويسه بسماع صوتك ! 🙈
ابراهيم : سالتك ؟
سوار : كانك سالت هكي ! 😋
ابراهيم : امتي بتبطليها هالعاده اني مسالتش مش لازم تعلميني خلاص !
سوار : وووك عليك قداش ما منكدي العفو تقول مغصبينك عليا 😒
ابراهيم ' ياربيي ، به شن تبي تواا ؟
سوار : نبيك نبي نسمع صوتك ، اي حقا ونبي نشوفك !
اا لانك بتسافر !
اليوم حجزت في الروبيان نتعشوا مع بعض تمام !
ابراهيم : لا مولي معش نتعشي !
سوار : خلاص غدي !
ابراهيم في قلبه شن هالحصله .. : توا انشوف !
سوار ؛ هياا عاد !
ابراهيم ؛ به تمام خلاص !!
سوار ؛ اي منقولك مش اتجيبلي حاجه نتفكرك بيها ومتنساش هادا اول لقاء لينا 🙈
ابراهيم : كان العزي بالطلبه ! ههههه
سوار ضحكت : شنن منديرلك ماديرش في الحاجه الا لما يقولولك ! 😂
ابراهيم ضحك : هههه به بري توا !
سوار : وين ماشي ؟
ابراهيم : عندي حاجات ناقصيني مناخدهم قبل ما بنسافر !
سوار : تمام باي دير بالك علي روحك ! 💖
ابراهيم : باي ✨
وسكر .. وقعد يشبح لي تلفونه .. : سوار !
سوار .. اني منحبكش !
وطلعتله صووره الفايبر مره تانيه 💔
كنت انخااف منن هالشيي !
كنتت نخاف تحطي ايدك في ايد غيري وهاا صارت !
و و حامل من خوي 💔
#حبيبتي_حبيبة_خوي 🍃
يلا سخرية القدر 😔
.
.
.
~
.
.
.
عند سوار .. ✨
سوار : والله حبيته هالولد ❤️
اساور : ماهو اختي وعارفاتك تحبي من يهينك ويهزي عليك ! 😌
زي هداكا يلي يطلع في لسانه 😂
سوار : زيك قصدك 😂
سوار : ها ها ها ها ها !
به غر هيا شن نلبس !
اساور ؛ فوتيه سوار حسيته مش ماشي معاك !
سوار : تعرفي والله بديت نتعود عليه !
اساور ؛ مش منه من فلوسه 😂
سوار : والله لو كان اغني الاغنياء غيره 🙈
واصلا احني حالتنا خير منهم !
اساور : اضربب شكلك بديتي تحبي فيه 😂
سوار : هههه بجديات راه !
بدات لما يقولي شن تبي توا ! 😂
اساور ' وانتي عالقه فيه زي القراده كان تندري ماما انه يجافي فيك لما توريك وتقولك سيبيه ! 😂
سوار ؛ اصلا كان منقعدوا علي ماما منعنسوا 😂
اساور : به شن بتقوليلها اليوم !
سوار ؛ منعرفش نقوللها البنات عازميني !
الههم اي حاجه غر هيا شن نلبس ! 😍
.
.
.
~
.
.
.
عندي اني و زياد 🙈
زياد : بيبي ترا نوضي ديريلي قهوه مابين مادوشت !
اني : تمام هي !
زياد : متاكده بيجيبك عمر بعدين !
اني : ايه كلمته وقالي اوكي !
زياد يلبس في ساعته : تمام !
اني : صليت ؟
زياد قرب مني وشدلي خدي ؛ سلملي مرتي يا ربي ، اي صليت يا شيخه 😘
اني ضحكتله ؛ هههه ❤️
المهم لبس كندرته وصبيتله قهوه في المق متعه .. وطلع .. ✨
.
.
.
خشيت لي داري قعمزت ع السرير وتنهدت .. ✨
وقعدت نفكر .. 💔
هل ان يلي درته صح هل اني لما سلمت قلبي لي زياد اصبت ؟!
اني ندير في الصح ؟
منخونش في ابراهيم باهي !
هيي بيسا شن اتقولي انتي زياد راجلك !
بيسان متخليش روحك حقيره تبيهم الزوز !
اخي انتي بعين روحك خاينه لي زوجك طلعي ابراهيم من راسك انسيه !
ساهله راه !
زي مانساك وطلعك من راسه خلاص هه مش بهديكه الصعوبه قوي قلبك وديريها !
انتي متزوجه وبيجيك بيبي من شخص يحبكك ويموتت علييك 💔
اني نزلت دمعتي ، كيف مننساه وهو عم صغاريي كيفف مننساه واني كل ششويه انشوف فيه كييف !!
بيسان خلاص انتي ششبه انسيتيه شن نسيتيتي !
اي اي صح خلاص اصلا نسيته واصلا اني مرت زياد هه وعيب يلي اندير فيه ! 💔
وناضت .. خلي اندوش ونضم وندير الغدي ونكلم عمر يجيني ! 😅
.
.
.
~
.
.
.
ابراهيم و مهاب ✨
ابراهيم نزل للقهوه هو و صحابه . . شويه ويجي مهاب ✨
ابراهيم : اوو مهاب كيف الحال !
مهاب : كويس الحمد الله !
ابراهيم : شن تعالا قعمز !
مهاب ؛ لا نبيك شويه بس !
ابراهيم فهم : تمام
وناض .. ✨
مهاب : اا اني مش عارف من وين منبدا لكن اني نبي اختك بالحلال !
ابراهيم : البنتت ماتبيكشش راه متبييكش !
واني الحق منجبرش حاجه عليها !
هيا كان وافقت علي عيني وراسي لكن كان متبيكش الله غالب يا مهاب ربي يعطيك بنت الحلال !
مهاب شافله : تيي هادا كلام جدي !
ابراهيم : وجدك ماتت !
مهاب شافله : اااه انت لازم انكلمك بالطريقه التانيه اني جاي نستر علي اختك يلي تتلاقي مع الرجاله في الجامعه !
ابراهيم ستك وبعدها شده من كتفه ؛ كان الستره جت منك معشش نبوها !!
ومشي وخلاه واقف .. ✨
ابراهيم في داخله : تتلاقي مع الرجاله !
!؟؟
.
.
.
~
.
.
.
ايناس ومروان .. ✨
ايناس : شننن صارليي انييي شنن صارليي وشن صايرليي 😭😭
مروان : اوووش اهدي خلاص اهدي .. مافيك شي !
ايناس ؛ من اهني كله يسطرر اااه اللم يا مرواان المم ! 😭
مروان : حبيبتي من الولاده شي طبيعي هادا ❤️
ايناس : قصدك ولدت 😨
مروان : ههههه ايه اماله بطنك وين مشت !
ايناس : اا مفقتش بيها 😰
ولديي وين بهه ؟
مروان : هههه بنتك وانتي الصادقه ❤️
في الحضانه توا !
ايناس نست المها : كلمهم يجيبوها منشوفها !
مروان : ميقدروش توا !
ايناس : علاش فيها حاجه 😱
مروان : لا حالتها باهيه غير قالوا لازم تقعد وتقعدي حتي انتي ٣ اياام !
ايناس : ااااه به 😣
.
.
.
~
.
.
.
عندي اني 💖
جت الساعه 1.30 وتيت روحي وجاني عمر نزلت و مشينا .. ✨
اني : صار متعاركين !
لكن انس مفروض يصبر روحه عليها عاد بوها توفي !
عمر : شن دخلناا احني !
اني : اي شن جو ماما وبابا
عمر : خليتهم كيف طالعين بيديروا دوره وبيجوا لي حوش اميمه !
اني : اهاا !
.
.
.
~
.
.
.
زياد 🍃
زياد : دخلي الحاله يلي بعدها !
بشري : ماجتش مزال !
زياد ؛ به مجتش بيسان ####
بشري : لا لا !
دكتور منكلمك !
زياد : شنو في ؟
بشري : ا ااا اني اني معجبه بيك و و ووونحبك ! 😰
زياد انصدم : بشري اطلعي براا !
بشري : اا اسقهه اسفهه 😰😰
زياد : به اطلعي قلنا ! 😠
بشري قربت منه و شدتله ايده وفي هديكه اللحضه .. انفتح الباب وكنت اني !
اني : 😱😱
زياد : اااا
بشري : منن انتييي مش اتخشيي من غيرر ما اطقطقيي ع الدكتوورر ؟
زياد : بشري ضميي فمكك 😡
اني : اا ا
زياد شبحلي : ح ح حب ، ا اا بشري اطلعي !
اني : ل للا اني منطلع !
زياد شدني من ايدي .. : ل لاا اقعدي متفهميشش غلط مافي شي من يلي في راسك !
بشري : زياد من هادي ؟
اني شبحتلها : مرته ا انيي مرته !!
انتتيي من تكونيي ؟
بشري انصدمت وانحطت في موقف وطلعت تجري زياد سكر الباب .. ✨
اني : مدايرني اني في الحوش وفي الخدمه هيا ؟
زياد : شنت اتقولليي انتيي ؟؟
والله مافي منها الدوه !!
اني : بههه يليي شفتهه تواا شنوو شنوو بعيوننيي منكدبب عيوونيي ؟؟؟ 😢
زياد : لا متكدبيهمش لكن والله الا هيا شدتلي ايدي و وقتلي نحبك وخشيتي انتي قلتلها اطلعي مابتش قسما بالله !
اني : والمفروض ان نصدقك توا !
زياد : ايه لان نقول في يلي صار !
والله العظيم مانكدب عليك والله العظيم ورحمه جدي !
اني شبحتله وقتله .... #يتبع ✨
__________________
