( قراءه ممتعه 🎡 ~ )
🌹🌾 بيت العيله 🌾🌹
🌺 الحلقة : السادسة و العشرون 🌺
______________________
اني تلفتت منمشي لي الدار لقيت ابراهيم واقف علي باب داره و يشبحلي .. ✨
اني : اا اا هلين !
لبراهيم ماردش .. ✨
اني بلعت ريقي ؛ تبي حاجه ؟
ابراهيم شافلي من فوق لي لوطه وخش وقربع في وجهي الباب .. ✨
اني بديت نبكي وخشيت للدار وسكرت علي روحي .. ✨
لبس شبشبه و بخ برفانه وطلع للجامع ... ✨
.
.
.
ويقطع بكاي خشت .. اني قمت راسي وعيوني هكي 😳 .. ✨
اني : د د انيه !
دانيه ابتسمت : ااممم دانيه !
اني جاتني زي الغصه في قلبي : ههه ش شن جيبك !
دانيه : شبحت الرجاله طلعوا جيتك في مانع 😕
اني : لا العفو ☺
دانيه : امم ايه شن جوك !
اني : كيف بيكون يعني !
دانيه : قصدي شن جوك مع زياد ؟
اني : الحمد الله
دانيه : انسيتي ابراهيم !!
اني قلبي وجعني حسيت زي المواس فيه 🔪 : ممكن متفتحيش معاي الموضوع هادا ! 😔
دانيه : هه يعني كرهنيه ؟؟
اني برهبه صديتها ونطيت وقلتلها : لل للااا مننن قااللل 😢
دانيه : لانك ديمه تحبي تدوي في المواضيع يلي تخص ابراهيمم !!
اني : دانيههه لوو سمحتيي اسكتيي خلاصص خلااص اعيت 😭
دانيه بدت تبكي : لااا مششش حنسكتتت لاانني نححببهه نحبب زيااد ومش قادره انصدق اقرب انسانه لياا خدااتهه !! 😭
اني : شننن كنتت منديرر شنن نديرر فهمييي !! 😭
خلاص مش لازم تفكريني كلل شوبهه اعيتتت اعيتتت 😭
دانيه تمسح في دموعها : بس لما ايكون موضوع زي هاداا مفيشيي خلااص !
ت تخيلييني اتزوجتت ابرااهيمم تخيليهااا شنن بيصيرلكك 😭
خيره ملامح وجهك تغيروا ، حسيتيي حسيتيه الشعوور 😢
اني : الله غالب مشش بي ايدي وضميتها انتيي عارفه جدوو 😭
بلقيس خشت علينا : خيركمم ؟؟
دانيه تمسح في دموعها : ش شش يي 😰
اني : اا ولا حاجه وشبحتلها شبحه بعدين نقولك !
بلقيس : اممم اوكي !
قوليي شنوو ؟ 😍
اني : اممم شنوو ؟
بلقبس تغيرلي في جوي : مشنشنه 😂😂
اني : ياا بيئه هههه غر هيا !
بلقيس : كلمت زين 😍😍
اني : هههه طيب فيك حنيتي عليه ❤️
دانيه : ان شاء لله قعده مترديش عليه !
.
.
.
~
.
.
.
رتاج و ايناس 💜
رتاج : تعبتت تعببتت والله !!
ايناس : كله نصيب يا عمري ربيي كبييرر ❤️
رتاج : حتي اقربب الناس لياا يعجبواا فياا !! 😭
صاحبااتيي خوااتيي كلهم كلهمم !
كل يلي ندادي تزوجوا معادا اني !
مضايقني الموضوع هلباا 😭
ايناس : انتي حلوه جمال ودوق وادب واخلاق ، مش ناقصك شي وبنيت ناس !!
رتاج : مضايقه منهه هلبا الموضوع 😭
ايناس : لا مضايقيش روحك !
وربي اكيد داسلك شي علي قيس نيتك 💋
رتاج ضمتها : والله انحبك 😘
ايناس : نعشقك ههه ❤️
مرت عمي : هيي تعاالوو الرجاله جو تعالوا عاونونا !
ايناس و رتاج : هي هي
عمتي نجاة : شنو مدات وجوهكم نوضوا ديروا البخش !
موده و سحر و دنيا : هياااا
وناضوا .. ✨
.
.
.
~
.
.
.
بلقيس : اهو يتصل اني طالعه في داري باهي ! 😍
اني : مهبوله 😂😂
دانيه : بري بري 😂😂
وطلعت ✨
اني : اووف كساد !
دانيه : اني اسفه متزعليش مني بالله عليك من غير قصد ! 😔
اني : لا لا عادي يا عمري ❤️
طق طق طق طق ✨
اني : هادي اطقطيقت زياد !
وفتح الباب .. ✨
زياد قام حاجبه : اووو دانيه شن الجو 😊
دانيه : ههههه بخير ، هي نستادن اني طالعه !
وطلعت وسكرت الباب .. ✨
زباد : اكيد مش من بكريي مقعمزه اهني !
اني هزيت راسي 🙈
زياد ضحك وبعدين شافلي : خيرك كنتي تبكي !
اني :. لا لا تعبانه بس !
زياد : جي طبس عليا : انحبك ❤️
شن ندير !
اني : غدوا عندك عياده ؟ 😶
زياد كرمش وجها : بدينا في تغيير المواضيع ايه عندي !! 😑
اني : امبه غدواا بتمشي لي متع الدار وله !
زياد يحول في سورته العربيه : اي غر فكريني !
اني : زياد ! 😔
زياد يلبس في تيشرته الاسود : همم عيونه 😀
اني : نبي نكلمك !
زياد يلبس في شورته : انعم !
اني وقفت قدامه : نبي نكمل قرايتي !! 😏
زياد : شنووو 😐
اني : منكمل قرايتي واضحه ! 😏
زياد : وتتامري !
امممم ، وقام حاجبه واشرلي بي صبعه علي خده : هاديي قبل !
اني : اييح عليك براده ! 😠
زياد : هههه حي ع الرديف 😂
هياا !
اني : لاا !
زياد : مفيش قرايه باهي !
اني : استغفر الله وقربت بسته .. وفي هديكه اللحضه تخش بلقيس ✨
بلقيس : اسمعي اسمعـ ..
بلقيس اتصندلت : 😮😮
اا اا اا
زياد شافلها اني طبست راسي وتحشمت 🙈
زياد : في باب اطقطقي عليه وله !
بلقيس : منندريش انكك جيتت !! 😳
وقعدت اتشوفلنا .. ✨
زياد : والله وتوا شن قعده تستني اطلعي !! 😒
بلقيس : امم ااه مزال مكملتوش -.-
به استعجلوا منكلمها 😂
وطلعت وسكرت الباب .. ✨
اني حاطه ايدي علي وجهي ومتحشمه 🙈
زياد : هههه متحشمه !!
ونحالي ايدي ، تندري هادي اول مره تبوسيني من خدي هههه 😂
اني قعمزت ع السرير : اووف انتت وبرادتكك شن مندير توا اوفف كله مننكك 😔
زياد : شن منديرلك انتي بستني محدش ضربك علي ايدك 😑
اني : لا والله 😑
زياد جي طبس عليا وقعد يشوفلي وشدلي خشمي بي صوابعه ؛ هههه شن فيها خيرك تعفلقتي ! 😂
اني : لا والله وقف وقف عااد 😒😒
زياد : به اسمعي ، لاا مفيشش تكميل قرايه 😂
اني ضربته علي كتفه : لاا لاا اصلاا اني الفالحهةجايه نستادن مننك 😠
زياد ناض وقف وهو يضحك : 😂😂
توا انفكر في الموضوع 😂😂
بلقيس طقطقت : ان شاء لله ماقطعتكمش ... تعالوا كولوا قالولكم !
زياد : هي وطلع وهو يضحك .. وضرب بلقيس علي ضهرها ومشي ..✨
بلقيس فقعدت تشوفلي : 😂😂😂😂😂
نوضيي كوليي !!
اني منبيش انشوفلها : لاا 🙈
بلقيس جتني : ههههه نوضي يا حماره نوضي !
اني ؛ ردد بالك اتقوليها لي حد 😰
بلقيس : اولا راجلك وتانيا ، توا انفكر 😂
اني : نقتلكك والله !!
وبعدين ااايي عليناا من توا انفكرر !
ونضت طلعت معاها .. اسمعي تفهميشش غلط ااا ا كنت انكلم فيه ع الجامعه !
بلقيس : صدقتك اي اي 😂
اني : والله الله بلقيس !
بلقيس : واني مصدقاتك خيرك 😂
اني : امبه امبه 😒😒
بلقيس : خيرنا عاد .. وقعمزنا ناكلوا .. وكان الغدي رز بالبصله و مسير و سلاطه✨ .
.
.
مر الوقت خشيت غسلت الماعين اني و بلقيس و نحكيلها علي صار بيني وبين دانيه .. واحكيتلها علي زياد كيف ميبيش يخليني انكمل قرايتي واني بجديات طول هالوقت كنت متعفلقه من هالبليد زياد .. ✨
عمتي نجاة : شن نوضوا حركوا يديكم ديروا شاهي ولا ايديكم محنيات !
عمتي حنان : حسيتهم الحق !
دنيا : ايح علينااا وناضوا
عمتي نجاة : سحر ، شاهي وقهوه وانتي يا موده النسكافي !
موده : باهي يا ماما 😔
عمتي نجاة : وانتي يا دنيا الصفره والبشكتي !
عمتي حنان : نوضي يا دانيا ديريلنا كيكه !
دانيا : وااك مش لازم !
عمتي حنان : نوضي يا بايره !
بلقيس : نوضي نوضي توا يقولونا ديروا حاجه !!
اني : هههههه حيوانه 😂
ونضنا .. ✨
مرت عمي فاطمه : شوفوا هي هاربات مش ميديروش 😂
ماما : انتم تعالوا جاي !!😂
بلقيس : احني غسلنا الماعين ايوا اخطونا 😒
وطلعنا .. قعمزنا في الجنان .. ✨
شويه ويخطم ابراهيم .. ✨
بلقيس ؛ برهوم !
ابراهيم : خيرك شنو ؟
بلقيس : تعالا قعمز !
ابراهيم : لا لا ماشي مندخن !
بلقيس : امبه !
ومشي ... ✨
اني : يي يدخن ! 😳
بلقبس هزت راسها : ايه !
اني : امتي ؟
بلقيس : من لما سيبتوا !
اني تنهدت : انحبهه 😔😔
بلقيس : لكن هو ما عتقدش مازالل !
اني : هفففف عارفه امبكري قربع في وجهي. باب الدار علي خاطر ... وحكيتلها😔
بلقيس ؛ هادا معناها مزال يحبكك 😳
اني : لا لا تحسيه مستحقرني هكي كيف نسيته بسرعه 😔
اني والله ما نسيته !
بلقيس : خ خخ يركك ؟؟
اووس توا يسمعك حد !
اني مسحت دمعتي .. : اوووف اووف خلاص اعيت نبي انطلع يلي في داخليي 😢
بلقيس ؛ مش اهني يا بهيمه 😒
وشويه وتخش علينا اسماء و سيدرا .. ✨
اني ضميتها : سوممهه شنن الجوو استااحشتتكك 😍😍
اسماء : ههههه يا عمريي انتي كيف الحال 😘
وسلمت علي بلقيس : اهلين شن الجو ❤️
بلقيس : تماام كويس يا وخيتي نجيهاا 😍
وقامتها وقعدت تبوس فيها 😘😘
اني : تي وينك ياهرابه من ايام العزي قلتي باي تشاو معش تجي خززي 😑
اسماء : شن منديرله انوس ميبش يجيبني 😂
اني : ههههههه يا روحي وخلاص 😂
اسماء ؛ هي اني خاشه انسلم جيبي سيدرا !
اني : لا لا خليها نبيها 😍
اسماء : امبه .. وخشت 💕
اني اخديتها من بلقيس : ياوخيتي جايبه الزين هادا كله من عمتها غزاللهه زييي 😍😍
بلقيس : لااا غر خفييي علينااا 😂
اني : هههههه نحبها تجنن زي البطه 😍
بلقيس : اي مبطبطه ماشاء لله 😍❤️
.
.
.
وشويه وطلعوا البنات جنبنا درنا نسكافي و دانيه دارت كيكتين وحده اعطتتها لي النساوين ووحده طلعتهولنا .. ✨
وقعمزنا ع الطاوله كلنا ونقرموا ونضحكوا .. ✨
اني وبلقيس وموده وسحر و دانيه ودنيا وايناس و رتاج 🙈
كلنا كنا مقعمزين وجونا عال العال .. ✨
موده ؛ ههههه اي بكل العزوزه هديكه مقعمزه في هالتركينه وخلاص اتقول هيا يلي راجلها مات ! 😂
بلقيس : اسكتي ساكته مشبحتيش هديكه يلي كل ما يخش حد تنوح اتقول مرت جدي التانيه ! 😒😒
اني : اتقول مستآجرينها 😂😂😂
دنيا : 😂😂😂
حيوانات 😂
لا الحق كله كوم والمرا يلي كل شويه اتقولي جيبيلي وجيبيلي كوم تاني ! 😂
سحر : تي انتي مشفتيش متع عجبتني الفطيره جيبيلي وحده لي راجلي كوم تاني 😂😂
الزفت موسع بالها واحد مشنوق وواحد باله في الحلوى 😒
رتاج : سادكم انتم وياهاا قرمه !!
دانيه : 😂😂
نوسه : خلي يطلعوا في اللي خاطرهم ياكبدي 😂
موده : بلقيس حقا شن صار في قصه مهاب !
بلقيس : ونبي ما تفكريني ومتنوضيش عليا المواجع لي توا الموضوع مسكر وان شاء الله ماعاد ينفتح 😔
شويه وتلفوني يشرين .. قمته وكان زياد .. ✨
اني نضت لان دانيه كانت مقعمزه و رديت :
اني : ايوا 🙈
زياد : ياساتر ع الايوا حليلي وخلاص 😍
اني ابتسمت لكن مابيتش انضيع هيبتي : شن تبي به ؟ 😑
زياد : فاضيه يا عمري !
اني : معش اتقولي المصطلحات هادي 😑
زياد من غير قصد : هههه به خلاص حبيبي 😂
اني : اووف زيااد شن تبيي 😒😒
زياد : والله من غير قصد 😂😂
قتلك جايني ولاد ونبيك اديريلي ٣ فناجين قهوه !
اني نطنفر : توا !!
زياد : لا لا ٥ تانيه !!
لاني مزال موصلتش !
اني : به 😒
زياد بصوت هادي : اسمعي ❤️
اني : هااا
زياد : ااوو من الها هادي معناها قعده متعفلقه مني !
اني ؛ به يلي عرفت !!
زياد ؛ انحبك يا مناكديتي 😍
اني ؛ مش عارفه من هو المنكدي 😏
هيي بااي
زياد : به معش تلزي بااي 😒
وسكر .. ✨
وجيت قعمزت لقيتهم يتكلموا ع القراية ✨
بلقيس : ايه اني غدوا ماشيه للجامعه !!
دانيه : مش عارفه كيف عندك جو ليها الصبح اني امشيتها كلها كورسات متع الدكاتره وفي الفاينل بس نمشي !
بلقيس : اهو منها نمشي في الجو ومنها درجات الحضور ومنها نشوف زين !
دنيا : واكيد السبب الرئيسي.زين 😂😂
بلقيس : اماله شنوو 😂
اني : نايضه مندير قهوه لي زياد جاينا ولاد !
سحر ؛ انوض انساعدك ؟ 🙈
اني : لا لا صحيتي ريت هالشي يلي منديره 😘
بلقيس : اضرب من وين جاك الادب 😂😂
موده : مفهمتش 😂😂
سحر : خزيي 😂😂
.
.
.
خشيت للمبطخ حطيت البكرج عالغاز وحطيت سفره ودرت شنتروا و٣فناجين ومترد فيه بشكتيات .. وطاسه اميه حطيت سكر وكاشيك .. وقعدت واقفه نستني في القهوي توتي .. ✨
وتت القهوه صبيت فيها زهر وتلفتت وبديت انصب فيها حطيت البكرج ع الغاز وتلفتت لي جيهت الباب ✨
اني نقزت : هيييئ خيرركك انتت خلعتنيي خلعتنيي معقوله هكي من غير صوت زي الخنابين !! 😠
زياد ضحك : هههههه محلاك كيف متعفلقه !
اني : اممم لاا والله 😒
زياد جي قرب مني ، وحط ايده علي دقني : انحبك انحبك انحبك !
اني : به حول ! 😒
زياد كيف بي بوسني اني وخرت .. : ااااااه معناها قعده متعفلقه !!
اني : انت راضيتني مش نقعد مش متعفلقه !! 😏
زياد غمزلي : تعالي تمشوا الدار وانرضيك 😉
اني : لا نبيك تراضيني بكلمه باهي توا انوصلك لي الجامعه !!
اني نبي انكمل قرايتي افهمم وبعدين سكتت ، اهني مش مكان لي النقاشش !!
زياد : هههههه به اسمعي والله قاعد انفكر !!
اني : به به وطلعت وخليته .. ✨
زياد : هههه انحبها ❤️
وقام السفره وطلعها .. ✨
اميمه : شنو وين مازاال بكريي !
ماما : لا لا خلاص هداكا هوو !
اسماء : هي تصبحوا علي خير ❤️
كلهم ؛ وانتم بخير ❤️
طلعت للبنات القيتهم نايضات يصلوا في العشي خشيت لقيت ماما كيف مروحه سلمت و طلعت سلمت علي بابا وخشيت نصلي ✨
المهم عماتي روحوا وقعدت معانا دانيه مروحتش لانها بتمشي الجامعه مع بلقيس .. ✨
اميمه طلعتنا في الجنان وجت قعمزت جنبنا : حليلي من صبايا توا مقعمزين غيرر حاطين روسكم في هالتليفونات !! 😒
بلقيس : شن متلا تبينا انوضوا نرعوا السعي !! 😂
اميمه : مش هكي تمشوا طيبوا ضموا نضفوا طبقوا اي شي ديروه !
دانيه : نطلعوا ☺؟
اميمه ؛ وين بتطلعي وين علي قطع رقبتك 😏
اني : 😂😂😂
انتي قلتي اي شي صح كلامها 😂
بلقيس ؛ 😂😂😂
اميمه ؛ غر ما عنديش جهد ليكم كان هادا وريتكم !!
بلقيس قامت حاجبها : ايح !
وتلقي شبشب جاي في وجهها .. ✨
اني ؛ تستاهلييي 😂
بلقيس ؛ منوره باهي دوري من يهدرز عليك لما يكون الحوش فااضي 😏
اميمه : تحسابيني نسمعلك اصلا اني 😒
وبعدين بالك مش عاجبك تقعمزي تهدرززي عليا ااه !
بلقيس ؛ لا الا لا لا لاا حشاك 😂😂
.
.
.
~
.
.
.
مهاب ؛ حنكلمهاا وحناقشها وبي ادن الله ناخدها !
اووف اووف ياجدي الله يرحمك وخلاص 😔
.
.
.
~
.
.
.
سلام & ابراهيم ✨
سلام : تي انتتت مهبوولل تعاملهاا هكيي تندريي انهاا حتوجعها توا تحسابك تكرهاا خلي الامورر طبيعيه حتي مش ميحسش خووك .. خلاص انتت انساهاا !!
ابراهيم : ننساها ههه !
ساهله الكلمه لكن كيف تتحسها صعبه .. تتندري اني مش قادر نصدق لياا شهرر كاره الحوش مشش قاادرر انشوفهمم معع بعضض يوجعننيي قلبي من ناحيه وخوي من الناحيه 💔
سلام : قضاء وقدر وهادا النصيب !! 😔
ابراهيم : واني منبيش نفهمم راسيي ميبيشش يستوعبب اني نحبهاا شنن نديرر !!
سلام : شوف يا ابراهيم منقولك هالحاجتين تبي تفهم تفهم متبيش خبط راسك في للحيط !!
جففتلي ريقي الحق .. يا راجل افهم هيا مش ليك !
ابراهيم : شنن منديرر !
سلام ؛ #شوف يا راجل #القدر ماتقدرش لا
#ترفض او #تختاره ، كل واحد حياخد #نصيبه حتي لو كان #عايفه !!
ابراهيم حط ايده علي وجهه وطبس راسه ✨
.
.
.
~
.
.
.
اني وبلقيس ودانيه في دار بلقيس .. ✨
بلقيس : 😂😂
لا لا تتدكروا كيف اول ماخشينا كيف كنا عبطاء 😂😂
اني : وووه علينا خيره شكلنا هكي في الصوره هادي !! 😂
دانيه ؛ االله لا يروعك !😂
شويه زياد اتصل بيا اني مارديتش .. ✨
اني : محلاي اهني 😍😍
بلقيس : يا راجل 😏
اني : خيرك😂
دانيه ؛ 😂😂
شويه ويتصل فوني ونسكر عليه ويتصل ومانردش .. ✨
بلقيس : ردي وريحينا !! 😪
اني : مانبيش 😒
باقيس : به ديريه سايلنت 😄
دانيه تتاوب : نعست 😩
بلقيس : حتي اني 😄
اني : مصحكم بتخلوني نايضه بروحي !
بلقيس تتاوب : طيري يلا 😂
اني : بليدات 😒😒
دانيه : ورانا جامعه احني مش زيك نرقدووا وخلاص يا ماما 😂😂
اني : 😂😂
خزي توا من بكري منردش عليه شن منقوله هي!
بلقيس : لزوني بسيطه 😏
اني لوحت عليهم لمخده : تفوو عليكم حيوانات 😒
وفتحت الدار اني : تصبحوا 😒
بلقيس : الضي !
اني : ملحيي 😒
بلقيس : هالمعفنه هادي 😒
اني مشيت للمطبخ صبيت طاسه اميه وطلعت .. علي خشت ابراهيم .. ✨
ابراهيم شافلي ؛ السلام عليكم
اني : وعليكم السلام وخش .. ✨
اني تنهدت وغمضت عيوني ومشيت خشيت لي الدار .. لقيت زياد يتفرج ع التلفزيون .. ✨
فتحت الضي .. وسكرت الباب .. وخشيت للحمام غسلت وجهي وطلعت ندير في كريمه .. ✨
زياد : ماشاء لله طيب فيك جيتي !
لني : شنن تبيي !
زياد : لا والله !
اني : ايه ، زياد راهوا مانضت وخليت البنات بسيف بتتبرد عليا خليني نمشي من بكري يقولولي اقعدي واني انقوللهم ابصر شن يبيي !
زياد : ههه يا سلام نتبرد صار خيررك مترديش !
اني وجيت رقدت في مكاني ؛ ماسمعتاش ! 😒
زياد ' والله وكاني مزصدقك توا !
اني ؛ زياد خلاص عاد !!
زياد : انتي يلي خلاص !
خيرك اننيي شنن صايرلكك !!
اني : شيي خلااص اوسككتت ونبيي ! 😒
زياد : مدامه انتي هكي من الاخير باهي هكي تبي انتي جامعه مفيش تمام !!
اني اعطيتها بي ظهري : عارفه اصلا وانت شن عندك غير تنكد وتحرق دمي وفوق
هادا كله تحرق فياا !! 😢
زياد علا التيفي وقعد يتفرج .. وولع دخانه ✨
اني قعدت نبكي .. علي حالي واجعني خاطري ع الاخر .. حتي كيف نتحسب مش قادره في جدو !
سااد ربي خدالي حقي وزياده 💔
شنن منديرر خلاصص تعببتت 💔
اني بي انفعال : ممكنن تسكر البليي منحبشش صنتتهه 😠
زياد مش معدل علليا .. وكان ، كان بيتكلم بيهزبنيي 🚬
اني : زيااد انكلمم فيكك ! 😭
زياد : بالله عليك فكني مننكك لان كان منتكلمم بتسمعيي كلام مش حلوو !! 😠
اني حطيت وجههي ع المخده وقعت نبكي .. زياد كسر عينه لقاني نبكي .. ✨
زياد شبجلي لقاني نبكي طفي دخانه : ايحح علينا عليك دلع خيركك تبكيي خيركك 😐
اني : مدخلكش فياا ! 😭
زياد جي قاملي راسي وحطه على صدره و باسني : نحبك ومنبيش نزعلك لكن انتي تحبي تعفلقيني توا اني من بكري نتصل ومترديش معقوله !!
اني : انتت شابح طريقه دوتتكك معاايي !! 😭
زياد : خيرها طريقه دوتي !
اني : اخييي !
زياد ضمني : ياروحي ع اللي واجعهاا حالهاا علي خاطر انعامل فيها اخي 😘
باهي يا عمري خلاص اسف شن تبي تاني هي ❤️
اني : انيي نبيي نكملل قرايتيي 😢
زياد : حاضر حاضر خلاص يصير خير !
تمام !
اني : 😔😔
زياد حط ايده علي خدي : مستاحشك ❤️
اني نضت من السرير : منشرب !
زياد ناض يلبس في تيشرته : واني جعان نبي ناكل !
اني تبوا الحق خفت ابراهيم يشوفنا مع بعض : توا انديرلك حاجه تاكلها 😥
زياد ؛ لا لا منوض معاك !
المهم وطلعنا ومشينا المطبخ صبيت اميه وشربت ودرت لي زياد تست بالجبنه والهريسه . . ✨
وحطيتهوله في صونيه .. وكانت في خصله من شعري نازله علي وجهي ✨
زياد جي وقف قدامي وقاملي قصتي وخدي مني الصونيه وباسلي خدي : محلاك ❤️
اني : خلاص توا يجي حد !
زياد : اووف به به تعالي الدار ! 😏
اني : احلف كنت ماشيه للحمام اني 😐
زياد : ههههه مبردك 😂
ومشينا خشينا الدار .. ✨
قعمزت في السرير وزياد مقعمز ياكل و يتفرج اني جيت قدامه ✨
اني ' بجديات تخليني نكمل قرايتي !!
زياد : قلت يصير خير خليني نتفرج توا !
اني : اووووففففففف 😠
زياد شبحلي وحط خشمي بين صوابعه : شنوو ؟
اني : تجريي بياا !!
زياد : 😂😂😂
والله لا 😂
اني : 😒
زياد : به علاش تبي تقري انتي !
اني : وعلاش انت متبينيش نقراا !!
زياد : يعني اني نخدمم مفيش علاش اتعبي روحك منقص عليك حاجه ؟!
تبي حاجه وقتلك لاا !
علاش اتعبي في روحك !
اني : اووووف به خلاص بليزز 😪
وخشيت رقدت .. ✨
.
.
.
~
.
.
.
ابراهيم ✨
ابراهیم : هههه والله لاا .. اوك تمام ان شاء لله تمام تمام بااي !
وسكر ✨
ابراهیم تنهد : اوفف غدوا لازمم انكلهماا لاازمم !
به كيفف !!
وتنهد .. ✨
.
.
.
~
.
.
.
جي الصبح 🌅
كنت راقده نضت علي تبربيش زياد وهو يلبس .. ✨
اني بصوت ناعس ؛ وينن ماشي ؟
زياد : للعياده !
نوضتك ؟
اني : لا لا
زياد : باهي صباح الخير ❤️
اني : صباح النور 😄
انوض انديرلك نسكافي ولا قهوه !
زياد طبس عليا وهو يلبس في ساعته وباسني من جبهتي ' متعبيش روحك توا نوقف علي كافي ! ❤️
اني ابتسمت : باهي متنساش السرير مش تمشي للمحل !
زياد : تمام تمام !
هي ماتبي شي 💕
اني : سلامتك
وطلع وسكر الباب .. ✨
بلقيس : زياد زياد باهي يلي نضت من بكري انوض في ابراهيم ماباش ترفعني الجامعه !
زياد : رانيي منيشش مستنيي هما خمسه دقايق تسخن فيهم السياره !
بلقيس : تمام تمام !
وخشت دارها .. ✨
.
.
.
~
.
.
.
مروان & ايناس 💙
ايناس : صحتين طالع توا !
مروان : اي ووتي الشناطي غدوا راجعين دبي !
ايناس : ااييي عليناا اتقوول قاطعينلك سرتتكك فيهاا خلااص عااد منبيشش انسافرر ! 😡
مروان : ماشيي نلعبب ماهوو انيي مااهوو ماشييي مش نخدمممم علييكك اااه 😠
نوسه : يلعن بو الخدمه يلي هكي خلاص الواحدد معش يقعد مع اماليه في بلاده 😡
مروان : نككددد منن امم الصبح متبيشش تمشيي اقعدديي فيها ، وخدي فونه ومفاتيحه وطلع وقربع باب الحوش ✨
.
.
" الادمونه : مروان تعالا اني نسافر معاك دبي 😂 "
.
.
حوش عمتي حنان ✨
عمتي حنان : ايي ع الاساس وانتي قاعديتيلي في الرقبه !
رتاج : ربي ماجابش نصيب !
عمتي حنان : هونا صاحب بوك جي خطبك مبيتيش :
رتاج : اي وباهي نصيم نصيم ونفطر علي بصله وياريت بصله مقومه مسد ما شيباني مسد ما مكحت !
دنيا : وخيرك انتي قعده في حوش بوها ليش بتتزوج ناقص غير تاخد شيباني !
عمتي : لا حتي اني منرضاش بنتي تاخد شيباني شن منلوحها لكن معش تفتح دلالا وتتشرط العمر يجريي !
رتاج اتعفلقت وزعلت : وشن يجري وراي !!
وناضت وخلتها .. ✨
.
.
.
~
.
.
.
عندي اني ✨
من اول ما طلع زياد وطار نومي فتحت نت شويه ونضت خشيت دوشت ولبست سروال دجينز وبلوزه سوده . وشديت شعري قرن ودرت كريمه ومسكرا وقلوس .. ✨
لبست شبشي اسود وطلعت من الدار .. واني كيف طالعه .. لقيت ابراهيم كيف طالع من داره .. ✨
اني ضحكتله : صباح الخير ! ❤️
زياد بدون مايشبحلي : صباح الخير
اني : اا ابراهيم !
ابراهيم : شنوو؟؟
اني شديتله يدي وخششته داره ؛ انتت علاش هكي اديرر ؟
زياد : شنن اندير !
اني : ما تشوفش في روحك كيف تعامل فياا 😢
ابراهیم : یا سلام !
ومحلاگ وانتی مرت خوی واني نكلم فيك زي ماتبي ! 😏
اني : شن درتلك اني شنن دنبيي !! 😢
اني زيك زيني ضحيه !
الله غالب عاملني زي قبل به مش تستحقرني !
انتت مزال تحبني ؟؟
ابراهيم : لا معش عندي اي مشاعر اتجاهك متزعليش بس هادا الحق !
نعاملك زي قبل !!
شن تبيني نقولك انحبك واني منحبكش !
شن تبيني نقولك نعشقك واني منعشقكش !
اني ؛ كداابب !
ابراهيم : هههه بجديات تاعبه انتي 😏
وطلع وخلاني .. ✨
اني مشيت لي داري وقعدت نبكي .. ✨
سمعت صوت امير ينادي مسحت دموعي ووسيت الماسكرا وطلعت . . ✨
ملقيتاش وقفت جيت منطلع من باب الحوش سمعت ابراهيم يكلم في امه ويقوللها .. #يتبع✨
_________________
رايكم وتوقعاتكم 💕
# ❤️
