اللهم صلي وسلم وبارك على سيدنا محمد صلاةً لا تنقطع الي يوم الدين 💙🤍
نبدأ بسم الله💚
༺༺༺༺༺༺༻༻༻༻༻༻
في مساء اليوم التالي تجهز الجميع للذهاب لمنزل ممدوح المليجي لخطبه شيرين ليونس
في جناح تميم ورهف
جلس تميم جوار رهف الذي تبكي بحزن:-رهف... كفايه عياط يا حبيبتي
رهف بغيظ:-انت بارد كده ازاي... ابنك بيضيع نفسه.. البنت دي مش شبهنا لا في العيش ولا في اسلوب حياتها
وهو اختار مش عيل علشان الملم وراه غلطه.. دي حياته وهو حر نطق تميم بهذه الكلمات بحزم
بس انا صعبانه عليا ديانا يا تميم يا حبيبي البنت من امبارح تحسها تايهه كده ومختفيه النهارده وكل ما نطلع نشوفها نلقيها نايمه انا خايفه عليها.. نطقت رهف هذه الكلمات بصوت مختنق حزين
احتضنها تميم بحزن وقال:-ابنك غبي.. ديانا لو ضاعت منه مش هليقي زيها لانه حمار وبيحبها بس بيعاند واخره عناده ده هيبقي وحش عليه اووي.
ابعد تميم رهف عن احضانه وقبل جبينها بحب وقال:-كفايه عياط بقي واهدي... وابنك ده هيتربي من اول وجديد وبكره تقولي تيمو حبيبك قال
ابتسمت رهف وابتعدت عن احضانه.. طيب انا هقوم البس اما اشوف اخرت عناده ده ايه
وذهبت لتكمل ملابسها ومازال تميم يراقبها بعشق لم ينفذ طوال هذه السنوات
༺༺༺༺༺༻༻༻༻༻༺༻
ذهبت سيدرا ناحيه غرفه ديانا طرقت الباب ودهلت وجدتها ترتدي احد اقراطها امام المرآه بوجه شحب حزين
سيدرا بحب:-الجميل زعلان ليه... مش قولنا هنأدبه
ابتسمت لها ديانا ابتسامه مرتعشه:-ولا زعلانه ولا حاجه ثم اخذت نفس عميق وقالت.. الفستان عجبك
سيدرا باعجاب:-الفستان وصاحب الفستان ياباشا والله يخربيت جمالك
ابتسمت لها ديانا بهدوء وقالت بعد ان ارتدت حزائها ذو الكعب:-يلاااا... تلقيهم مستنينا
وبالفعل امسكتها سيدرا ونزلوا الي الاسفل لفتين انظار شباب العائله ككل مرة
شهاب بمعاكسه:-ليه يارب ليه... ثم نظر لوالدته.. ليه رضعتيها بس كان زمانها خطيبتي دلوقتي
ضحك الجميع بما فيهم ديانا فشهاب الوحيد القادر علي اضحاكها
ادم بابتسامه:-عقبالكم يا قمرات.. ومعاكم لين
ابتسم الفتيات بخجل.. تقدم صُهيب وامسك زراع ديانا وغمز لها بعبث.. ابتسمت ديانا علي حنان اخيها الاكبر فهو مع الجميع شئ ومعها هي شي اخر
يوسف امسك زراع عشق:-خلينا متفقين انك زي القمر النهارده
ابتسمت عشق بخجل وحركت راسها للجهه الاخري
شهاب نظر لسيدرا ولين:-بصوا انتوا معندكمش غيري النهارده حظكم تروحوا مع اشيك واحد في العيله دي
أنت تقرأ
غرام اولاد البحراوي الجزئين
Romanceهي التي عاشت في ظلام حالك لسنوات بعد ان مات لها اعز الناس.. لياتي هو وينقذها من ظلام سنوات عاشتها في قسوة لتشعر معه وفقط بحياه افقدتها لسنوات
