ام الافاعي ( بص في ورقتك)
الحلقه الثامنه.
#مثيره_للكبار 🔞
........
في شركه منير.. يجلس اثنين من الموظفين في مكتب فخم يبدو انهم مسؤلين مهمين في هذه الشركه يوجد اسم علي المكتب استاذ ماجد المدير المالي..
ماجد.. يا بشمهندس ضياء انا مش عارف منير متغير ليه بقاله فتره..
ضياء... انا ملاحظ كده فعلاً بقي بيعمل حاجات عمره ما كان بيعملها...
ماجد... حتي معاكو في المواقع
ضياء... اه انا اقصد المواقع انت تقصد ايه؟
ماجد... لا فيه في الحسابات اهمال رهيب...
ضياء... اهمال؟؟ ازاي..
ماجد... مافيش اي سداد للمستحقات الموردين بقالهم فتره ماحدش اخد فلوس.. و الضرائب.. التأمينات.. البنوك.. حتي المكافأت بتاعت العمال مافيش اي سداد...
المشكله انه مش مهتم..
ضياء... معقول ؟ هو في ايه..
ماجد.. و في المواقع بيعمل ايه..
ضياء.. بقت تصرفاته غريبه و بقي جريئ علي الغلط جدا
ماجد... جريئ علي الغلط؟ ازاي
ضياء... الشغل كله بقي حديد هدد ( حديد من انقاض المباني القديمه) الاسمنت بقي اسمنت عدي عليه شهر و شهرين...
الشغل اللي مطلوب بزلط بقي بيستبدل الزلط بسن...
التسليح بقي خفيف جدا...
مش عارف بصراحه ماكنش كده ااه كنا بنخف التسليح بس مش كده...
ماجد... انا مش عارف هو بيعمل كده ليه؟
ضياء... يمكن بيعمل مشروع تاني واخد كل فلوسه... او اشتري ڤيلا او حاجه... هي، اللي، ضغط عليه
ماجد... لا بالعكس فيه فلوس انا كشوف حساب البنك قدامي...
بس فيه حاجه غريبه؟
ضياء... ايه..
ماجد... بقي.. بيحط اي فلوس، في حسابه الشخصي.. و حول كل الفلوس اللي بإسم الشركه لحسابه الشخصي..
ضياء... و ده معناه ايه
ماجد... مش عارف.. بس هو كده فيه حاجه مش، طبيعيه
ضياء... ربنا يستر... عشان بس الناس اللي بتاكل عيش من الشركه دي...
.....
تنزل عنايات من باب الفيلا كان في انتظارها نبيل و كان يجلس سليم بعيدا لكنه عندما رأها وقف لها...
عنايات... ايه يا نبيل عملت ايه مع سليم..
نبيل... هانت عملنا الكشف الطبي و لسه وقت بسيط و الرخصه تكون معاه..
عنايات... طيب تمام.. تمام.. و هو بيعرف يسوق يعني ولا محتاج تدريب..
نبيل... لا بيسوق كويس.. بس لسه عايز شويه تدريب علي، البلد انتي فاهمه البلد زحمه و هو مش، واخد علي كده...
عنايات... ماشي... ابقي كل يوم الصبح او بليل زي دلوقتي كده خليه يركب العربيه الصغيره و يلف بيها و عرفه الاماكن..
نبيل... حاضر...( يسرع ليفتح لها العربيه...) هتروح فين يا هانم..
عنايات.. لا مافيش هروح لدكتور الاسنان...
قبل ان يركب نبيل..( تأتي فكره في رأس عنايات..) نبيل... خلاص
طلع العربيه الصغيره و خلي نبيل هو اللي يوصلني..
نبيل... بس..
عنايات...( بقوه) بس ايه؟
نبيل... مافيش معاه رخصه
عنايات... هو احنا رايحين اسوان... ده اخر الشارع.. و لو فيه حاجه هبقي اركب انا و اطلع رخصتي...
نبيل... تحت امرك...( ينده علي سليم) تعالي... تعالي...
سليم...( يأتي مسرعا) نعم
نبيل...( يخرج من جيبه مفاتيح) خد طلع العربيه من الجراج و شوف المدام راحه فين...
يدخل سليم مسرعا الي الجراج و يخرج السياره و ينزل ليفتح الباب لعنايات تدخل امامه عنايات و يهف عليه رائحتها التي لم تمر امام انفه رائحه مثلها طول حياته...
يغلق الباب و يجري يجلس مكانه و يمسك عجله القياده و ينطلق و يترك عم نبيل واقف يشعر بالحسره و كأنه لاعب جديد اخذ مكانه....
عنايات... سليم..
سليم... نعم يا هانم...
عنايات.. انت من هنا و رايح هتكون السواق بتاعي.
سليم... ده شرف ليا...
عنايات... طيب.. فيه حاجه مهمه لازم تعرفها... السوق بتاعي ده يعني رجلي... فاهم..
سليم... لا مش فاهم حضرتك تقصدي ايه؟...
عنايات... يعني.. انت هتبقي رجلي اللي بمشي بيها... مطرح ما اروح انت اللي هتوديني..
سليم... اه فهمت...
عنايات... لا لسه. مافهمتش
سليم... طيب فهميني..
عنايات... انا رجلي بتتكلم... رجلي بتعقد علي القهوه تحكي... بتعقد مع امك تحكي... بتعقد مع فتحيه و نبيل... تحكي..
سليم..... اه فهمت لا من الناحيه دي اطمني... انا مش هفتح بوقي لحد...
عنايات... يبقي انت ايه؟
سليم... رجلك يا هانم...
عنايات..( تشعر بالانتصار) ماشي
سليم... هنروح فين يا هانم
عنايات... انا خارجه انهارده عشانك...
سليم... عشاني؟؟؟
عنايات... ااه... انت دلوقتي بقيت رجلي... صح
سليم... ااه
عنايات... و انا بهتم برجلي... لازم تبقي ناعمه...( مش انت فاكر)
سليم... خلاص بقي يا هانم.. انا قولت لك كانت لحظه شيطان
عنايات... اركن هنا عند المحل ده..
سليم...( يركن و يقف بجوار محل ملابس رجالي شهير ...) عنايات... انزل و ابعت لي الولد اللي بيبيع ده
يأتي لها الولد البائع..
الولد... اهلا اهلا يا عنايات هانم
عنايات... ازيك عامل ايه انت كويس
الولد.. بخير و الله تحت امرك
عنايات... خد سليم.. و اختار له كام طقم كلاسك علي كاچول بس حاجه كويسه بلاش الحاجات المقطعه دي
(؛ كان يقف سليم و كأنه في حلم غير مستوعب ما يحدث)
يدخل سليم...
عنايات...( تنده له) سليم
سليم... نعم يا هانم..
عنايات... هات ملابس داخليه.. اقل حاجه دسته...
سليم... كده كتير...
عنايات... لا مش، كتير
( اشترت عنايات لسليم ملابس و غيارات داخليه و احذيه رياضيه و كلاسك و برفانات و كريمات شعر و بشره و شاور چيل و شامبوهات...)
سليم... شكرا جدا يا هانم انا مش، عارف اقول لحضرتك ايه..
عنايات... انا بحب النظافه جدا و انتي دلوقتي بقيت وجهه ليا ممكن ابعت لك لحد او توصل حد احب دايما يبقي اللي شغال معايا نظيف..
سليم... حاضر..
عنايات... نضيف دي يعني بره و جو فاهم
سليم... يعني يبقي شكلي و لبسي حلو و اخلاقي حلوه
عنايات... لا... يعني جسمك نظيف.. واخد شاور حاطط معطر جسم. مزيل عرق.. مافيش شعر في اي حته فاهم
سليم... حاضر فاهم...
عنايات... ده مهم جدا يا سليم
.......
فلاش باك عبد الرحمن يتذكر ف هو لم يعد يملك غير ذكرياته فقط هي الشئ الوحيد الذي تؤنس وحدته..
يجلس عبد الرحمن مع فردوس علي البحر في احدي شواطئ اسكندريه...
عبد الرحمن... هانت انا دبرت لحد دلوقتي 2 مليون كلها اسبوع ولا اتنين و هيكون معايا باقي المبلغ او يكون في اسوء الاحوال قربنا
فردوس... انا مش عارفه اقولك ايه؟ انت بتعمل كل ده عشاني..
عبد الرحمن... و اكتر.. انا ابيع عمري كله بس اشوفك سعيده
فردوس... انت راجل بجد... انت اللي زيك مافيش منه في الزمن ده...
عبد الرحمن... انا بعمل كل ده مش عشان اي حاجه غير عشانك
انا بعمل كده عشان بحبك...
فردوس... و انت هتسفاد ايه لما تعطيني مبلغ كبير زي ده و انت عارف اني مش هقدر اسدده بسرعه هحتاج سنين...
عبد الرحمن... مين قالك اني عايزك تسدديه
فردوس... لا انا لازم اسدده و انا هكتب ورق يثبت كل قرش اخدته منك... انا مش هقبل اني اخد فلوس ولادك...
عبد الرحمن... دي فلوسي و تعبي مش تعب ولادي..
فردوس... كلنا بنتعب عشان ولادنا... هو انا جايه ابيع كل ما املك عشان مين؟ ما هو عشان بنتي تعيشي في امان..
عبد الرحمن... بس انا بعمل لك عشان عايز اسعدك نفسي اشوفك حاسه بأمان..
فردوس... بجد.. انا من ساعه ما قبلتك و فعلاً انت طمنتني انا بقيت بنام.. انا ماكنتش بنام يا عبد الرحمن..
عبد الرحمن... و ان شاء الله انا هعملك حاجات كتير تسعدك
فردوس... لا كفايه عليك قوي تسدد القروض دي و انا هبقي، سعيده جدا...
( ياتي لعبد الرحمن تليفون الاسم خالد عوضين)
عبد الرحمن..( يفتح الهاتف و يمشي بعيدا عن فردوس) الو يا استاذ خالد..
خالد... دلوقتي انا بحاول مع العملاء انهم يدفعوا مبالغ مقدم و نققل الاقساط العدد اللي وافق مش هيغطي المبلغ اللي حضرتك عايزة
عبد الرحمن... يعني اللي وافق تقدر تجمع منهم كام..
خالد.. بالكتير 250 الف..
عبد الرحمن.. بس... و دول يعملوا ايه؟ انا عايز 3 مليون كاش في خلال شهر..
خالد... طيب اعمل ايه..
عبد الرحمن... خد قرض بضمان ارض وادي النطرون
خالد... حضرتك عارف ان ارض وادي النطرون كلها بمليون جنيه بالكتير مستحيل ناخد 3 مليون بضمانها..
عبد الرحمن.. خالد اتصرف... خد قرض بضمان الشركه.. بضمان الفيلا.. اي حاجه... انا في خلال شهر عايز 3 مليون
خالد... حاضر... هروح بكره البنك و اشوف مطلوب ايه و هرتب، مع حضرتك
عبد الرحمن... بكره الصبح... علي، طول
خالد... تمام... حاضر
( يعود عبد الرحمن لفردوس)
فردوس.. مالك شكلك متغير ليه كده
عبد الرحمن... لا مافيش مشاكل شغل
فردوس... انا جيت قلبت لك حياتك
عبد الرحمن... لا لا بالعكس انتي عدلتي حياتي... اللي كانت مقلوبه..( ينظر الي عينها) فردوس...
فردوس.. نعم..
عبد الرحمن... احنا لازم نتجوز
فردوس... ازاي بس،..
عبد الرحمن... زي النااس.. نتجوز و اجيب لك شقه في احسن مكان
فردوس... و بنتي و حفيدتي..
عبد الرحمن... روحي لهم اي وقت و هما يجولك اي وقت
فردوس... لا مستحيل ماقدرش اعيش بعيد عنهم ما اقدرش
عبد الرحمن... طيب... نتجوز و انا اللي اجيلك هناك..
فردوس... ده ينفع...
عبد الرحمن... اه طبعا.. ليه لاء بس يا تري بنتك هتوافق
فردوس... و هي مالها.. بس هي عمرها ما هتقولي لاء.. ده كفايه اللي انت عملته..
عبد الرحمن... يعني مش هتقول حد هياخد مكان بابا
فردوس... الكلام ده هنا... نور عايشه في امريكا الثقافه مختلفه مافيش هناك الكلام ده
عبد الرحمن... ماشي.. كلميها و عرفيني..
فردوس... انا كلمتها عليك و علي موقفك معانا و حكيت لها كل حاجه...
عبد الرحمن...( يمسك يدها و يقبلها) هانت يا فردوس...
فردوس...
........
يجلس منير في غرفه كشف لعياده دكتور ذكوره شهير..
الدكتور بعد الكشف...
الدكتور... ايه خير..
منير... بصراحه انا مش عارف اقول ايه...
الطبيب.. لا اتكلم عادي ما فيش داعي للكسوف..
منير... انا حاولت كتير اني امارس العلاقه مع بنت بس مش بقدر خالص..
الدكتور... مع بنت.. زوجتك تقصد
منير... لا انا لسه ما تجوزتش.. بنات... اصدقاء.. او بنات دي شغلتهم..
الدكتور... مش بتقدر ازاي ايه اللي بيحصل بتحس انك مش راضي بأدئك
منير... مافيش اداء اصلا... انا...
الدكتور... قول.. مافيش داعي للخجل كل كلمه هتقولها او تفصيله مهمه جدا للعلاج
منير... انا.. العضو.. عندي اصغر من الطبيعي و مافيش اي انتصاب خالص..
الدكتور... مافيش انتصاب.. انت مش بتحس انه بينتصب ولا فعلاً مافيش انتصاب..
منير... لا مافيش..
الدكتور.. طيب فيه الانتصاب الصباحي..
منير... ايه الانتصاب الصباحي، ده
الدكتور... انت ماحصلش لك اصلا انتصاب صباحي
منير... انا مش عارف يعني ايه
الدكتور... اي شاب في سنك لازم كل يوم الصبح يحدث له انتصاب و دي علامه علي سلامه الجهاز التناسلي...
منير... لا ماحصلش، نهائي...
الدكتور.. ولا حصل.. احتلام
منير.. بيحصل بس برضه مش بقدر اكمل العلاقه و بيتحول لكابوس...
الدكتور...( ينهض) طيب تعالي نكشف و نشوف...
يجلس الطبيب علي مكتبه..
و يعدل منير ملابسه و يجلس امام الطبيب...
منير... خير يا دكتور..
الدكتور... الواضح قدامي ان فيه مشكله من الطفوله بس ما تعلجتش من بدايتها...
منير... طيب و فيه علاج
الدكتور...( يكتب علي ورق امامه) احنا بس نعمل الاشاعات دي و التحاليل و نشوف..
منير...( ياخذ الورقه) حاضر
الدكتور... بس في اسرع وقت هستناك يوم الثلاث في نفس الميعاد...
منير... حاضر ( و ينصرف)
........
تجلس مع نبيل علي سلم الفيلا
نبيل.. انا تعبت من البيت ده و الشغل هنا.
فتحيه... و انا و الله مش عارفه البيت ده بقي ماله..
نبيل... الست عنايات بقت معتمده علي سليم.. منير داخل خارج سرحان و لمياء من ساعه ما جت من بره و قاعده في اوضتها لو خرجت تتخانق مع امها
فتحيه... طيب تعرف ان منير ما بصش في عين لمياء من ساعه ماجت من بره
نبيل... يا بنتي ما انا اللي رايح اجيبها من المطار.. و دي اول مره تكون جايه من بره و منير بيه ما يروحش بنفسه يجيبها..
فتحيه... انا سمعت مدام عنايات بتقول له انت ما بتكلمش اختك ليه قالها انا ماليش اخوات..
نبيل... طيب ليه..
فتحيه... هتلاقيها عايزة فلوس ولا عايزه تسافر و هو مش راضي قامت مطوله لسانها عليه...
نبيل... ممكن...
فتحيه... و الاستاذ سليم اللي لسه جاى و عنايات يركبته علي الكل..
نبيل... اه ده مش سواق... دي خلته باشا..
فتحيه... عارف.. امبارح عملت ايه
نبيل.. عملت ايه...
فتحيه... لقيتها بتتصل بيا بتقولي هو سليم اتغدي؟ قولت لسه؟
لقيتها قامت فيا و شتيمه و تقولي انزلي شوفيه عايز اكل ايه و اعملي اللي يطلبه
نبيل... مش الواد ده اللي كان عايز يتحرش بيها
عنايات... انا عارف الواد و امه شربوها سحر ولا ايه دي الوليه اتبدلت...
نبيل... هو الواد بيطلع اوضتها يا فتحيه
فتحيه... تقصد يكون بينهم حاجه شمال
نبيل... يمكن
فتحيه... لا لا ما بيطلعش خالص
تدخل عنايات النادي و تترك سليم في الخارج...
عنايات... انا داخله جوا اشرب قهوه و هتمشي شويه...
سليم... ماشي...
عنايات... انا قدامي ساعتين لو عايز تروح او تعقد في حته براحتك..
سليم... خلاص... هعقد علي كفايه هتفرج علي، الماتش و حضرتك اول ما تخلصي كلميني...
عنايات... طيب.. هات الشنطه بتاعت الملابس الرياضيه ( وقتها تلاحظ صديقتها داليا تدخل النادي) اعطي الشنط للولد بتاع الامن... داليا داليا..
( تقف داليا و تلتفت خلفها تجد عنايات و من خلفها سليم يحمل شنطه)
داليا... عنايات ازيك
عنايات...( تسلم عليها و تقبلها) بخير...( لفرد الامن) خد الشنطه من سليم و حطها في دولابي في الجيم ( و تعطي، له مفتاح)
داليا... مين الولد ده
عنايات... ده السواق الجديد
داليا... فين عم نبيل
عنايات. موجود.. بس مشغول مع منير...
داليا... اااه.... ماشي...
عنايات... تعالي نشرب قهوه الاول و بعدين.. عايزه اجري شويه و عايزه ادخل السونا...
داليا... تعالي يلا...
(تجلس داليا و عنايات و تطلب عنايات قهوه و تطلب داليا عصير ليمون...)
داليا... بس هو انتي مشاوريك محتاجه سواق مخصوص..
عنايات... ما هو موجود... انا لمياء اي مشوار و خلاص
داليا... اااه... بس مين جابه لك..
عنايات... ما انا كلمتك عنه
داليا... امتي،؟
عنايات... ما هو الولد... اللي، كان جاي يركب التريدميل
داليا... الواد اللي كان هاايج عليكي
عنايات... مش قوي...
داليا.... ده انتي سمعتي كلامي بقي
عنايات... مش عارفه بس الواد ده انا عايزاه جنبي،... بس مش عارفه ليه
داليا... يعني...
عنايات...( تقاطعها) عارفه دماغك... ماحصلش اي، حاجه بينا ولا حتي بينت له اي اهتمام بس انا فعلا عايزاه جنبي
داليا.... عايزاه ازاي..
عنايات... مش عارفه... بس بحبه جنبي... مش حب.. بس تملك
عايزاه معايا و يسمع كلامي
داليا... برغم اني مش فاهمه.. بس، اعملي اللي انتي حباه بس المهم تكوني عمله حساباتك كويس
عنايات.. لا من النحيه دي اطمني
تدخل عنايات النادي و تترك سليم في الخارج...
عنايات... انا داخله جوا اشرب قهوه و هتمشي شويه...
سليم... ماشي...
عنايات... انا قدامي ساعتين لو عايز تروح او تعقد في حته براحتك..
سليم... خلاص... هعقد علي كفايه هتفرج علي، الماتش و حضرتك اول ما تخلصي كلميني...
عنايات... طيب.. هات الشنطه بتاعت الملابس الرياضيه ( وقتها تلاحظ صديقتها داليا تدخل النادي) اعطي الشنط للولد بتاع الامن... داليا داليا..
( تقف داليا و تلتفت خلفها تجد عنايات و من خلفها سليم يحمل شنطه)
داليا... عنايات ازيك
عنايات...( تسلم عليها و تقبلها) بخير...( لفرد الامن) خد الشنطه من سليم و حطها في دولابي في الجيم ( و تعطي، له مفتاح)
داليا... مين الولد ده
عنايات... ده السواق الجديد
داليا... فين عم نبيل
عنايات. موجود.. بس مشغول مع منير...
داليا... اااه.... ماشي...
عنايات... تعالي نشرب قهوه الاول و بعدين.. عايزه اجري شويه و عايزه ادخل السونا...
داليا... تعالي يلا...
(تجلس داليا و عنايات و تطلب عنايات قهوه و تطلب داليا عصير ليمون...)
داليا... بس هو انتي مشاوريك محتاجه سواق مخصوص..
عنايات... ما هو موجود... انا لمياء اي مشوار و خلاص
داليا... اااه... بس مين جابه لك..
عنايات... ما انا كلمتك عنه
داليا... امتي،؟
عنايات... ما هو الولد... اللي، كان جاي يركب التريدميل
داليا... الواد اللي كان هاايج عليكي
عنايات... مش قوي...
داليا.... ده انتي سمعتي كلامي بقي
عنايات... مش عارفه بس الواد ده انا عايزاه جنبي،... بس مش عارفه ليه
داليا... يعني...
عنايات...( تقاطعها) عارفه دماغك... ماحصلش اي، حاجه بينا ولا حتي بينت له اي اهتمام بس انا فعلا عايزاه جنبي
داليا.... عايزاه ازاي..
عنايات... مش عارفه... بس بحبه جنبي... مش حب.. بس تملك
عايزاه معايا و يسمع كلامي
داليا... برغم اني مش فاهمه.. بس، اعملي اللي انتي حباه بس المهم تكوني عمله حساباتك كويس
عنايات.. لا من النحيه دي اطمني
( تقوم عنايات و تتجه الي الچيم و تختمر في رأسها فكره ترفع تليفونها و تتصل ب فتحيه)
عنايات... الو يا فتحيه
فتحيه... ايوه يا ست هانم
عنايات... انا هتأخر انهارده... جهزي العشا... و شوفي لمياء محتاجه ايه... و لو عايزة تروحي روحي...
فتحيه... حاضر... هكون عندك بكره من بدري
عنايات... لا خليكي و انا هتصل بيكي عشان محتاجه حاجات من وسط البلد
فتحيه... حاضر...
عنايات... خلي نبيل يوصلك و قولي له انه هيجيبك بكره لما اتصل بيكي...
فتحيه...(؛ بسعاده) ربنا يعمر بيتك....
تغلق عنايات الهاتف... و تلمع عيناها.....
عمك شيكوو
.....
الحلقه طويله اهي عشان ماحدش يزعل 😚
