ام الأفاعي..( ترتيب الاوراق)
الحلقه السابعه..
#مثيره_للكبار 🔞
....
عندما عرفت من فتحيه
عنايات ان سليم و امه تحت..
قالت لها اتركيهم في الخارج مش عايزه الاشكال دي تدخل الفيلا
نزلت عنايات... و جلست معهم علي الانتريه الخوص امام باب الفيلا...
عنايات... تنظر الي ام سليم.. خير؟
ام سليم...( بضعف): انا جايه استسمحك يا هانم
عنايات... و تستسمحيني ليه؟
هو انا بيني و بينك ايه؟
ام سليم... عشان اللي عمله سليم
عنايات..( وقتها تتذكر ما فعله سليم و تشعر بنبض غريب يسري في عروقها لم تشعر به من قبل و عندما نظرت الي سليم ذاد هذا الاحساس قوه):
تحول عنايات ان تستجمع قوها
عنايات... هو قالك عمل ايه الوسسخ ده..
أم سليم... قالي يا هانم.. و هو عيل صغير معلش..
عنايات... ما انا قدرت انه عيل صغير عشان كده معملتش معاه حاجه...
ام سليم...( تخرج من بوك نقود قديم لفه نقود صغيره) اتفضلي يا هانم...
عنايات... ايه ده؟
ام سليم... ده 1000 جنيه اللي حضرتك عطيتيه لسليم
عنايات... مين قالك اني عيزاه
ام سليم... ده حقك يا هانم
عنايات... لا لا مش عايزه حاجه
ام سليم... طيب يعني لو تسمحي احنا كنا عايزين الوصل
عنايات... اااااه قولي بقي انك جايه عشان الوصل
سليم... و الله انا قولت لامي انه معاكي امان.. بس هي قالت تيجي تستسمحك..
ام سليم... و الله يا هانم انا متأكده انك عمرك ما هتأذي سليم
عنايات.. طيب بدل انتي واثقه فيا كده ما تقلاقيش انا اول لما اطمن ان سليم اتغير انا بنفسي هقولك تعالي خدي الوصل
ام سليم...بس احنا.....
تقطعها عنايات... خلاص بقي يا ام سليم..( توجه كلمها لسليم) انت عامل ايه في شغلك
سليم... كويس..
( هنا تدخل سياره منير و تقف امام مدخل الڤيلا و ينزل منها منير و يدخل الي الڤيلا و ينظر الي سليم و امه ولا يهتم نهائي)
منير... ازيك يا ماما
عنايات... بخير يا حبيبي...
منير...( يهمس في اذن عنايات) ايه دول
عنايات.... لا لا مافيش اطلع و انا هطلع اقولك..
منير.... انا هنام... نبقي نتكلم وقت تاني.
عنايات... ماشي ياقلبي...
( تعدل عنايات في جلستها و تنظر الي سليم) انت بتعرف تسوق...؟
سليم... اه بعرف
عنايات... معاك رخصه..
سليم... لا... محتاجه مصاريف
عنايات.... طيب ماشي ( تنده علي نبيل) نبيل نبيل
يخرج نبيل مسرع
نبيل.. تحت امرك يا هانم...
عنايات... من بكره.. تاخد سليم و تعمل له رخصه...
نبيل... حاضر... حاضر
عنايات...( ساخره) ما تخافش انا عايزة سليم يركب العربيه التانيه عشان الساحل... انا عايزة سواق معايا هناك...
نبيل... حاضر...
عنايات... خد سليم بقي و الحاجه و شوفهم هيروحوا فين ( و كأنه تعطي اذن بنهايه الزياره و غلق اي حوار اخر)
تنهض ام سليم ماوصكيش علي سليم يا هانم...
عنايات تومئ برأسها فقط و تنصرف تدخل الي فيلاتها..
....
في غرفه نوم منال حوالي الساعه الرابعه عصرا..
تنهض لمياء بصعوبه جدا و كانها كانت في غيبوبه تجد منال نائمه بجوارها و جميع ملابسهم علي الارض تجد نفسها عاريه تماماً
لمياء...( تحاول ان توقظ منال) منال منال...
منال...( بصعوبه هي الاخري) ايه يا بنتي فيه ايه؟.
لمياء... انا ايه اللي جبني هنا...
منال... و الله ما انا فاكره ايه اللي حصل..
لمياء... ايه اللي حصل... و قلعنا كده..
منال.... اتصلي بس... خليهم يطلعوا لنا اتنين قهوه عشان انا دماغي هتفرقع..
لمياء...( تتصل..، 2 قهوه دبل بسرعه) احنا بعد ما رقصنا ايه اللي حصل
منال... احنا خرجنا مع الواد القمر ده و مش فاكره حاجه...
لمياء.... اااااه انا فاكره...( تخبط علي صدرها) يا لهوووي
منال... ايه.
لمياء... زي ما يكون شوفت حد اعرفه من مصر...
منال... انتي عبيطه... هو فيه حد هيعرفك
لمياء.. اااااه طبعا..
منال... لا ما تخافش المكياج بتاعك و المكان مستحيل حد يتصور انك هنا.... و لو فرضنا ان حد شافك... هيقول لمين انه شافك..
لمياء... لماما او منير...
منال... و هيقول لهم شافك فين؟
و هو جه هنا ليه؟
يا بنتي ده لو حد شافك فعلاً زمانه هو اللي مرعوب انك انتي اللي تفضحيه..
لمياء... تصدقي ممكن
منال... هو لو فعلاً حد شافك كان جه و سلم عليكي و ثبت حضوره صح؟
لمياء... اه صح
منال... انتي بس اللي تقلتي في الشرب....
لمياء.... انا خايفه بس من منير...
منال... لا اخوكي منير ما يتخافش، منه...
لمياء... لا ده لما بيتعصب بيبقي صعب و كمان هو اللي معاه فلوسي كلها...
منال...( تضحك) لما يتعصب عليكي قولي لي و انا هعرف اخليه يسكت
لمياء... ليه بقي
منال... مش قولت لك انا الصندوق الاسود
لمياء... حتي لمنير..
منال... حتي لمنير...
لمياء... و تعرفي ايه بقي عنه..
منال... فاكره لما قولت لك انا عايزة اتجوز منير...
لمياء... اه و وقتها عرفتك عليه و خرجتوا مع بعض كتير
منال.... اه و بعدين...
لمياء... شهر بالكتير و انتي و منير قولتو لي ان انتوا اخوات و صعب تتجوزوا...
منال....(؛ بسخريه) كنا فعلاً هنبقي اخوات...
لمياء.... مش فاهمه....
منال ( تعدل في جلستها): افهمك يا ستي،
........
......
يستعيد عبد الرحمن ذكرياته
تجلس فردوس بجواره في سيارته...
عبد الرحمن... يعني برضه يا فردوس عايزة تسبيني تاني
فردوس... خلاص بقي احنا كبرنا و انت عندك عروسه و عريس و انا عندي حفيده...
عبد الرحمن... انا لو لسه قدامي ساعه و اموت عايز اعيشها و انتي معايا
فردوس... بلاش الكلام ده يا عبد الرحمن.... احنا مش صغيرين لكلام المرهقين ده
عبد الرحمن... هو الحب... بقي كلام مرهقين.. انا عشت عمري كله مش ليا عشته لناس تانيه.. انا معاكي اول مره هعيش لنفسي
فردوس... يعني ايه.. مش فاهمه انت عايز ايه؟
عبد الرحمن... نتجوز...
فردوس...( بدهشه) انت بتقول ايه
عبد الرحمن... اه نتجوز.. و ايه المشكله...
فردوس... يا عبد الرحمن انت بتقول ايه؟
عبد الرحمن... هو الجواز حرام انت ست ارمله و انا محتاجك... انا عشيت عمري مستنيكي و ربنا جمعنا تاني...
فردوس... بس انا خلاص مش هينفع اعيش، هنا...
عبد الرحمن.... ليه يعني... ما انتي بنتك متجوزه... نتجوز و روحي لها زي ما تحبي و هي تجيلك
فردوس...( تنهيده طةيله) انت مش عارف حاجه عبد الرحمن
عبد الرحمن... ما تعرفيني....
فردوس... و انا جايه بعد العمر ده اشيلك همي و هموم حياتي
عبد الرحمن... يا ستي ده اجمل حاجه اني اسمعك احكي
فردوس.. يا سيدي.. انت طلعت لي منين بس
عبد الرحمن... زعلانه اننا اتقابلنا
فردوس... لا و الله.. بس كنت في عالم تاني خالص.. جيت انت رجعتني لعالم نسيته...
عبد الرحمن... انتي نستيه انا عمري ما نسيته
فردوس... يا عبد الرحمن انا مانستكش و الله بس عندي مشاكل كتير بعد وفاه جوزي تنسيني نفسي
عبد الرحمن... ما تقولي ايه المشكله
فردوس... انا جايه عايزة ابيع الشقه بتاعتي هنا و فيه شقه في اسكندريه عايزة ابيعها..
عبد الرحمن... ليه.. ما تخليهم عشان لو عايزه تيجي اجازه
فردوس... لا احنا علينا فلوس كتير هناك...
عبد الرحمن... فلوس ايه
فردوس... قروض عقاريه عليا و علي نور
عبد الرحمن... كام يعني؟
فردوس... كتير.. كتير
عبد الرحمن... يعني كام..
فردوس.. 300 الف دولار..
عبد الرحمن.. يعني كام بالمصري
فردوس... 5 مليون جنيه
عبد الرحمن... يااااه كتير و شقتك هنا و اسكندريه تجيب 5 مليون
فردوس...( بسخريه) لا طبعا الشقتين مليون بالعافيه و بالعفش كمان...
عبد الرحمن... طيب خلاص ما تحمليش هم حاجه...
فردوس... سهله قوي عندك..
عبد الرحمن... اااه سهله...
فردوس... يعني انت شايف ايه...
عبد الرحمن... انا هدفع الديون دي
فردوس...( بغضب) انا مش بقولك عشان عايزك تدفع لي مشاكل
عبد الرحمن... انا بساعدك...و اعتبريه دين...
فردوس... طيب انت مقدرتك تساعدني بكام...
عبد الرحمن... المبلغ كله..
فردوس...( بدهشه) 5 مليون ..?
عبد الرحمن.. ااه
فردوس... بجد... انت تقدر.. ده مبلغ كبير
عبد الرحمن... هقدر ان شاء الله ما تقلاقيش...
فردوس... انا مش عارفه اقولك ايه؟
عبد الرحمن... ما تقوليش حاجه خالص...
فردوس....
.........
منير يصعد الي غرفته و يغلق خلفه الباب بإحكام..
يجلس علي، طرف سريره و هو يمسك تليفونه و هو متردد و كأنه بين ان يتصل او لا...
لكنه يحسم امره و يتصل بسرعه حتي لا يربح تردده و يرجع عن اتصاله...
منير... الو.... ده مركز الدكتور الامل
الطرف الاخر... اااه يا فندم
منير... طيب كنت عايز اكلم الدكتور خيري..
الطرف الاخر... الدكتور خيري بيجي يوم السبت و الاتنين حضرتك ممكن تيجي..
منير... انا عايز اكلمه بصفه شخصيه...
الطرف الاخر... احنا هنا... بنحجز فقط للكشف... و ممنوع نعطي ارقام شخصيه لحد...
منير... طيب انا هجي يوم السبت بس عايز... احجز.. حجز اليوم
الطرف الاخر... حجز يوم؟؟ ازاي
منير... مش عايز حد غيري اليوم ده...
الطرف الاخر... اااااه فهمت مش عايز حد يشوفك يعني
منير... ايوه كده...
الطرف الاخر... طيب.. حضرتك ممكن تيجي يوم الثلاث الساعه عشره الصبح؟
منير... ااه مافيش مشكله... بس انت بتقول ان الدكتور بيجي سبت و اتنين...
الطرف الاخر... ااه بس الدكتور ساكن في نفس البرج بينزل يوم الثلاث للحالات اللي زي حضرتك
منير... زي حضرتي؟؟
الطرف الاخر... اللي مش عايزه حد يشوفها.. المشاهير... رجال اعمال... كده.. بس طبعا الكشف بيبقي غالي شويه
منير.... اااااه... لا مش مشكله الكشف خالص...
منير... ماشي... عشره بالظبط هكون عندك...
الطرف الاخر... و انا لو حصل جديد هكلمك...
منير... يا ريت مش عايز حد..
الطرف الاخر... لا ما تقلقش من الموضوع ده نهائي... هتدخل و تخرج. و محدش هيشوفك
منير... تمام...
يغلق منير الهاتف يجد رساله علي الواتس من صديق طفوله اسمه زياد...
محتوي الرساله...( بكلمك كتير مشغول لما تخلص كلمني انا في الخارج )
منير... يا تري عايز ايه ده؟؟
يتصل به منير...
زياد... الو يا منير باشا ايه يا عم ما تتصلش غير لما اتصل انا...
منير... و الله مخنوق يا زياد و معنديش طاقه اكلم حد
زياد... ليه يا حبيب اخوك مالك
منير... شويه حاجات في الشغل علي مشاكل صحيه...
زياد... مشاكل صحيه؟ ايه طمني
منير... لسه هكشف و اقولك انت اخويا يا زياد ده انت عشره عمر
زياد... طيب لو محتاجه اي حاجه قولي انا دلوقتي في فرنسا لو احتاجت حاجه قولي...
منير... طبعا لو احتجت حاجه هقولك... انا لسه هروح للدكتور يوم التلات... لو قالي محتاج علاج من عندك طبعا هقولك
زياد... ماشي... طمني طنط عامله ايه...
منير... تمام و الله كويسه...
زياد... و لمياء؟
منير... كويسه...
زياد... هي عندك...
منير... لا... هي في مسافره
زياد... فين؟
منير... اوربا...
زياد... يبقي هي بقي.
منير... هي ايه؟
زياد.... اصل.... فيه حاجه كده مش عارف...
منير... حاجه ايه... لمياء جري لها حاجه...
زياد... لا هي كويسه بس انا شوفتها في مكان مش كويس
منير... مكان ايه؟ بار خمور و كده
زياد.... يعني حاجه شبه كده
منير... ما تقول يا ابني انا اعصابي مش مستحمله...
زياد... انا لو اعرف انك تعبان و الله ما كنت اتكلمت.. بس انا شوفت لمياء في نادي للرجال العراه و هي كانت مخموره جدا و بترقص معاهم... وووو
منير. و ايه؟
زياد... و كل حاجه... مش، لازم اوضح....
منير... هي شافتك..
زياد... عيني جت في عينها بس هي كانت في حاله مش قادر اعرف هي عرفتني ولا لاء
منير.. كان معاها رجاله
زياد... ما افتكرش.. النوادي دي اللي بيدخلها ستات بس.. انا كنت هناك عشان
منير..( يقاطعه) انا مش عايز اعرف انت كنت هناك ليه؟
و .. ينهار... و يغلق الهاتف...
.......
عمك شيكوو
