ام الافاعي..( بوليصه التأمين)
الحلقه الحادية عشر
#مثيره_للكبار🔞
.....
عندما عرفت عنايات كل تفاصيل علاقه زوجها بفردوس
و جمعت جميع الخيوط..
وقتها نزعت عبد الرحمن من حياتها كانت تخطط بكل الطرق ان يخرج من حياتها..
و لن يكون اي خروج...
خروج مثل ما دخل حياتها بملابسه القديمه بدون اي شئ مثل ما دخل يخرج..
لكنها لن تصل لغرضها بالمواجهه مع عبد الرحمن لابد ان يشعر عبد الرحمن بالامان...
و هي تتابعه من بعيد و تخطط للخلاص منه..
جلست مع منير و لمياء...
قالت لهم كل ما دار بينها و بين عادل و كل ماعرفته...
و وضعتهم امام خيارين ابوهم او المستوي الذي يعيشون فيه
في حاله اختيار ابوهم لا سيارات ولا فيلا و فسح ولا احدث موبايلات و افخم ملابس...
عنايات..( بتحدي) نعمل ايه؟ الموضوع مش محتاج لا عواطف ولا مفوضات..
لمياء.. معقول بابا يعمل كده..
عنايات... ااه يا حبيبتي بابا عمل كده و هيعمل اكتر من كده..
منير... طيب احنا نعمل ايه
عنايات... لازم نسيطر علي كل حاجه لازم بابا يبعد خالص..
لمياء... يعني نعمل ايه..
عنايات.. يدخل السجن..
لمياء... بابا.. لا لا مش لدرجه دي
منير... لمياء... مش وقت تمثيل.. انت عايزه المستوي و العيشه دي ولا عايزه ايه؟ انتي مش عارفه حاجه انا عارف كل حاجه...
احنا دلوقتي مديونين الفيلا دي بالكتير سنه و يتحجز عليها و الشركه... ابوكي واخد قروض و مش عارفين هنسددها ازاي...
عنايات... ابوكي هيروح امريكا يعيش مع الغندوره و يسيبنا احنا ناكل خرره ابوكي مش بيفكر دلوقتي غير في نفسه...
عايزه نعمل له ايه... بعد ما خلاص حطنا كلنا قدام القطر..
مافيش حل قدمنا دلوقتي غير ان نشوف نبعد ابوكي عن اي فلوس ازاي...
منير... طيب نعمل ايه..
عنايات...( تنظر الي منير) اصبر انا هشوف نعمل ايه...
بس المهم دلوقتي كلنا نعامل عبد الرحمن عادي و كأن مافيش حاجه... لحد ما اشوف هنعمل ايه
........
كان عبد الرحمن يخطط للزواج من فردوس لم يتبقي الا خطوات قليله و لاتمام الزواج..
لكن لصعوبه اتمام الزواج رسمي
اتفقوا ان يكون الزواج عرفي
و علي ان تتم كل الامور في امريكا و عمل شهر عسل هناك
كان لا يفكر عبد الرحمن سوي في الزواج من فردوس لا يهمه ولا يخطط لشئ سوي ان يري فردوس بين احضانه..
بعدها سوف يدبر الامر القروض و كل شئ...
من انشغاله لم يكن يدري م يخطط له رغم وضوح الكثير منها..
بدايه سيطره منير علي الكثير من الامور.
تدخل عنايات في اشياء لم تكن تهمها.
اسئله عادل المتكرره عن خطواته القادمه..
اسئلته التفصليه عن فردوس و عن مكانها هنا و في امريكا..
اين يحتفظ ب ايصلات الامانه..
......
دخلت فتحيه علي لمياء في غرفتها...
لمياء...( و هي قي حاله اكتئاب و لم تهتم بشكلها ولا ملابسها و كأنها لم تمشط شعرها منذ ايام) في ايه؟
فتحيه... الانسه منال تحت
( قبل ان ترد لمياء تدخل منال و تقتحم الغرفه و بكل ثقه)
منال... انزلي انتي يا فتحيه
فتحيه... بغضب ( ايه ده)
لمياء... خلاص يا فتحيه انزلي و اقفلي الباب
منال...( بكبرياء) عايزه قهوه مظبوطه
فتحيه...( تنظر لها بغضب) حاضر
( و تخرج و تغلق الباب)
منال...( تجلس علي السرير امام لمياء تمسك يدها برفق و كأنها حيه) ايه حبيبتي مابترديش علي تليفوناتي ليه؟
لمياء... مصدعه و تعبانه بس شويه..
منال...( بتمثيل) ااااه لا الف سلامه عليكي... طيب تيجي ننزل نروح لدكتور..
لمياء... لا مش مستاهله...
منال... انا بتصل بيكي بس عشان اطمن عليكي... اوعي تكوني فاكره اني عايزه حاجه
لمياء... ماشي...
منال... ايه.. مش عايزه تبصي في وشي ليه..
لمياء... يا منال انا تعبت جدا... بجد انا بفكر اني انتحر...
منال... ليه؟ يا حبيبتي..
لمياء... مش عارفه ليه؟
منال... ليه بس... مش عارفه طبعا
لمياء... من ضغوطك كل شويه عايزه فلوس... عايزه الساعه.. عايزه.. الخاتم... خلاص انا تعبت منك
منال... طيب انتي عايزة تستريحي من ضغوطي..
لمياء... بجد نفسي.. انا عايزه اغمض و افتح الاقي الفيديوهات اللي عندك دي مش موجوده..
منال... ماشي... انا ممكن اعمل كده و انتي تستريحي من وجودي في حياتك خالص...
لمياء... يا ريت انا تعبت..
منال... انا عايزه 200 الف جنيه عايزه اجيب عربيه..
لمياء... 200 الف؟ اجيبهم منين دول.. انتي بتتكلمي ازاي...
منال.. 200 الف و هتخدي الموبايل و امسحي بإيدك انتي الفيديوهات.. و اوعدك مش هتشوفي وشي تاني...
لمياء...( تفكر 200 الف امام راحتها ليس بالمبلغ الكبير ممكن تضغط علي منير حتي لو تنتزلت عن اي جزء، من ميراثها او تبيع سيارتها) مش عارفه اتصرف ازاي
منال..( تقوم و تحمل شنطها علي، كتفها) عموما انا هعطيكي فرصه تفكري..
لمياء... ماشي.... ماشي
تجرج منال متجهه الي الخارج...
......
كانت لمياء تخاف ان تقول لعنايات تفاصيل تهديدات منال لانها تخاف ان تري الفيديو..
كانت لمياء تعرف جدا ان عنايات لا يهمها سوي شكلها امام الناس، هي لا تهتم سوي بنفسها
لمياء كانت لا تثق في عنايات و قرارتها...
عنايات عنيفه ممكن ان تحرض علي قتل منال..
او تحبس لمياء في مكان مهجور، مثل ما فعلت مع ابوها...
كانت تفكر لمياء.. كيف تدبر المبلغ من اين تأتي بهم..
بدون تردد قامت الي امها..
( كانت امها تجلس في بلكونه غرفتها.. دخلت عليها و جلست امامها...)
لمياء... ماما.. انا عايزه فلوس
عنايات... ايه يا بنتي هو انتي مابتفتكرنيش الا عشان الفلوس بس..
لمياء... ماما.. انا محتاجه فلوس باي طريقه مش وقته كلامك ده
عنايات... بأي طريقه؟ ايه يا لمياء؟ انتي ماكنتيش، كده
لمياء... يوووووه..
عنايات... انتي بتتاعطي حاجه..
لمياء... اتعاطي ايه؟
عنايات... شكلك مش عجبني خالص... مش مهتمه بنفسك ولا بشكلك.. ولا حتي بتخرجي زي الاول...
لمياء... ماما... انا محتاجه 200 الف جنيه باي طريقه
عنايات... 200 الف ليه؟
لمياء... مشكله كبيره و مش عارفه اتصرف ازاي..
عنايات.. مشكله ايه؟
لمياء... استلفت ساعه من واحده صاحبتي و انا في اوربا و ضاعت مني هناك
عنايات... تستلفي ساعه انتي ناقصه ساعات...
لمياء... اعمل ايه..؟ حظي كده..
عنايات... مين البنت دي و انا اكلم مامتها او بابها..
لمياء... دي مشكلتي انا و انا اللي هحلها..
عنايات... يا بنتي هو انتي عايزة 200 جنيه؟ دي 200 الف..
مش نعرف ده فعلاً تمن الساعه ولا لاء مش يمكن تكون ساعه كوبي ماتسويش 100 جنيه و هي بتضحك عليكي
لمياء.. ماما انتي عارفه اني بفهم في الساعات. دي، فصوص الماظ، حر و دهب و بلاتين... و انا مش عايزة اعملها مشاكل مع خطيبها عشان دي كانت شبكتها..
و انا فعلاً تعبانه نفسا و مضغوطه ( و بكت بكاء شديد)
عنايات...( عندما يأست من لمياء)
طيب قولي لاخوكي...
لمياء... هو من ساعه ما جيت و هو مش بيكلمني...
مش عارفه ليه؟
عنايات... بالتأكيد فيه حاجه... يمكن انتي قولتي له حاجه قبل السفر زعلته
لمياء... بالعكس ده وصلني و كان بيضحك و مبسوط
عنايات... و العمل.. دلوقتي
لمياء.. تقولي له انتي
عنايات.... لا انا و انتي لما يجي بليل...
لمياء... خلاص ماشي
.........
بعد ذلك اليوم تعلقت عنايات بسليم جدا..
و لكنها لم تعطي له اي انطباع ايجابي بالعكس كانت تقسو عليه و بشده و كانت تنهره حتي لا تفقد اي مساحه بينهم...
هي تريده ان يعرف انه ليس سوي سائق للست هانم..
لا تريد تبدي له اي تعاطف هو فقط خادمها المطيع و كلبها الوفي لا تريده ان يصل لاكثر من ذلك...
و هي تعرف جيدا انه لا يريد اكثر من انه خادمها و فقط...
كانت عنايات تقدر علي قياده اي شخص بسهوله هي كانت تقرئهم ثم تقودهم و كأنهم مسحورين هي تأمر و الجميع يطيع..
....
لم يمر اقل من اسبوع و اشتاقت عنايات لتلك التجربه مره اخري
كانت تركب السياره مع سليم..
عنايات... سليم... انا عايزك انهارده في الفيلا بليل
سليم... تحت امرك يا هانم.. هنروح فين...
عنايات... انت بتسئل ليه؟ انا بقولك تعالي.. تيجي و انت ساكت
سليم... تحت امرك... قصدي لو هنروح فرح ولا حاجه البس بدله
عنايات... اااه... لا مش هنروح فرح... بس تيجي برضه لابس كويس و نضيف كده...
سليم... تحت امرك.. الساعه كام كده...
عنايات... 12... عشان عايزك تعملي ملح و خردل...
سليم...(يشعر بالفرح جدا) حاضر
عنايات...( تبتسم ابتسامه الزهو عندما تري الفرحه في عيون سليم و تنظر من الشباك علي الشارع) يلا بسرعه عشان مستعجله علي النادي
......
(نبيل و فتحيه يجلسو امام مدخل الفيلا و كان عم نبيل في حاله بكاء شديد)
فتحيه... خلاص بقي يا عم نبيل ما تقطعش قلبي...
نبيل... تعبت قوي فتحيه.. عمري راح في تربيتهم..
فتحيه... يا سيدي هو الواد غلط و هيجي يبوس علي رجلك بس ما تعملش في نفسك كده
نبيل... ده انا زي اللي بدور في ساقيه سواق بالنهار و بليل قاعد في المحل واحد غيري كان زمانه بياخد معاشه و نايم في البيت
فتحيه... ما انت كبرتهم و خليتهم رجاله... بس انت برضه ضربته و هو مش صغير
نبيل.. يقوم يقولي... مش عايز اشوفك...
فتحيه.. لحظه غضب بس...
نبيل... انا مش هدخل البيت ده تاني لما يشوفوا هيعيشوا من غيري ازاي..
فتحيه... عندك الحق... المفروض تبعد شويه عشان يعرفوا قمتك.. بس هتروح فين؟
نبيل... هتصرف... ده انا هبات في العربيه...
( تدخل عنايات عليهم)
ايه القاعده دي؟
فتحيه... لا اصل نبيل فيه شويه مشاكل في البيت...
عنايات...( لا تهتم) طيب روحي انهارده و انت يا نبيل وصلها و ماتجيش غير لما اتصل بيك..
نبيل...( يريد ان يقول لها اجي ابات في اوضه الجنايني) طيب ينفع يا مدام
عنايات...( تتركه دون ان يكمل حديثه) يلا يا نبيل بلاش رغي
........
في فترة انشغال عبد الرحمن بزواجه من فردوس كان منير يحاول ان يسيطر علي مفاصل الشغل..
و يحاول ان يكون هو الرجل الاول و في نفس الوقت كان يحاول ان يعرف كل اسرار العمل و اماكن المشاريع...
و حجم القرض و كيفيه السداد ظهرت له مفاجأة...
قد تغير كل الخطط التي كانت في رأسه هو و عنايات...
كانت المفاجأة هي...
ان مصاحب للقرض و ثيقه تأمين
هذا معناه انه في حاله موت عبد الرحمن... سقط القرض بكامله الورثه لن تدفع قيمه القرض..
هل يكون الحل هو قتل عبد الرحمن....
و الفوز بكل شئ...
لكن هذا ليس قرار منير فقط قرار عنايات و لمياء ايضا..
هي مركب و الجميع يركبها
.....
....
عمك شيكوو
