ام الافاعي..
الحلقه الثانيه
( التمهيد الثاني)
#مثيره_للكبار 🔞
......
عندما سمع الرجل طرق الباب انكمش في مكانه و شعر بخوف رهيب..
لم يطرق بابه احد منذ خمس سنوات و شهر و ثلاثه ايام...
نعم هو يحسبهم بالدقيقه كل دقيقه تمر عليه يعرفها جيدا كل يوم يمر عليه شعر بكل ثانيه فيه كانت اسعد اوقاته عندما ينام و يحلم بأي شئ حتي لو كان يحلم بكابوس لا يوجد شئ اعنف ولا اقسي مما هو فيه طول الوقت هو في كابوس...
من يا تري الذي يطرق الباب...
هل المنير؟
منير معه المفتاح...
حتي هو ليس معه مفتاح هذا الباب منير دائما يغلق الباب من الخارج جيدا خوفا عليه من محاوله الخروج...
من يا تري....
.......
تدخل فتحيه الي غرفه النوم بعد سمعها صراخ عنايات و من خلفها نبيل..
فتحيه..( بخوف شديد) فيه ايه؟ في ايه...
عنايات...( و هي ترتدي روب اسود) الواد الحيوان ده لازم يخرج بره..
تنظر فتحيه الي الولد ( يقف الولد و هو خائف جدا و وجه احمر و من وارأه يقف الفني)
فتحيه... هو عمل ايه بس يا مدام
عنايات...( تنظر للولد) قول لها عملت ايه؟
الولد.. خلاص و نبي يا هانم
الفني..( يخرج من خيبه التليفون و يقوم) خلاص يا هانم انا هكلم الشركه دلوقتي عشان تفصله..
عنايات... شركة ايه؟ انا هكلم الشرطه الاشكال دي عايزة لازم تدخل السجن
الولد...( ينزل علي قدم عنايات و يقبلها) ابوس رجلك يا هانم ابوس رجلك بلاش بوليس ده امي تموت فيها...
هنا عنايات ( تشعر بنشوه كبيره و هي تري الولد منحني علي قدمها و يقبلها)
شعرت بنبض بداخلها و كأن ذلك الولد طرق باب لم يطرقه احد من قبل
كسر هذه النشوه صوت نبيل و هو منقض علي الولد يرفعه من ملابسه
نبيل.. قوم يا ابن الكللب أنت عملت ايه يا ووسخ..
الولد... و الله معملت حاجه..
عنايات... ( تدور في رأسها فكره شيطانيه و هي تنظر لذلك الشاب الريفي ) ما عملتش حاجه يا حيوان ( بتهديد و خبث) انت اللي زيك مصيره السجن اتصل بالمحامي يا نبيل خليه يشوف صرفه مع الولد ده
نبيل... حاضر
الولد.... لا لا و حياه اغلي حاجه عندك...
( في هذا الوقت يتصل الفني بالهاتف و يدخل الي البلكونه ليشرح الموقف للشركه)
فتحيه...( بطيبه) خلاص بقي يا هانم سمحيه الواد شكله غلبان
عنايات... اخرسي يا بهيمه انتي عارفه هو عمل ايه؟
فتحيه... هيكون عمل ايه يعني؟
عنايات... الاستاذ واقف يبص عليا و و و وو ( و كأنها تشعر بخجل.) و بيطلع لي...
فتحيه... يا حيوان وووسخ
نبيل... ده انت نهارك مش فايت ده انت لو رحت القسم مش، طالع الا بعد عشر سنين ده تحرش و هتك عرض
الواد... و النبي انا عايزة اروح انا مش عايز اجي البلد دي تاني
( يخرج الفني من البلكونه)
الفني... يعني دلوقتي حضرك يرضيكي ايه؟ الشركه بتقول لحضرتك اللي يرضيكي هما هيعملوا
عنايات... انا مش عايزه حاجه من الشركه الولد ده لازم ياخد جزأه
الفني.. يعني حضرتك عايزة ايه
عنايات...( لنبيل) انزل المكتب هات دفتر وصلات الامانه
( يقف الجميع في حاله زهول و يظهر عليهم علامه الاستفهام)
عنايات...( لنبيل بعنف) بقولك انزل هات دفتر وصلات الامانه
( ينزل نبيل بسرعه)
......
(تجلس لمياء مع منال في غرفتها و يبدو ان لمياء متردده و خائفه)
منال... لمياء انا عارفه ان اللي هقوله ده صعب بس مافيش حل تاني
لمياء... ايه يا منال
منال... هاتي الساعه...
لمياء... انتي مجنونه ساعه ايه اللي اخدها...
منال.. انا عارفه كويس انك مش محتاجه الساعه و عندك اغلا منها و اشيك
لمياء... قولي لنفسك يا ستي
منال... لمياء احنا مش اصحاب بس احنا نعرف عن بعض اللي ماحدش يعرفه و عملنا مع بعض كل حاجه يعني انا عرفاكي اكتر من نفسك
لمياء... يعني انتي عارفه اني انا حراميه يا منال
منال... لأ انتي مش حراميه.. بس انتي.....
لمياء... انا ايه؟
منال...(بمباشره شديده) انتي مريضه بمرض السرقه
لمياء... لا لا لا
منال... لمياء انا عندي برضه امراض نفسيه و انتي بتسعديني اعديها او ادريها قدام النااس
لمياء.. بس انااااا
منال.. لمياء.. الموضوع مش بسيط لو ساره قالت لامن الفندق و فعلاً فرغوا الكاميرات هيشفوا مين دخل و مين خرج و الموضوع مش هيبقي سهل و احنا جايين ننبسط و مش طالبه عكننه يعني يا لمياء
لمياء...( هو تشعر بالخجل) يعني هتعملي ايه؟
منال...( بحماس ) انتي مالكيش دعوه هاتي بس انتي الساعه و انا هتصرف
لمياء...( بخوف) انا مش عايز حد يعرف
منال... يا بت ماتخافيش انا هقول لها اني كنت بهزر معاها عشان كده اول ما تكلمت غمزتها و قولت لها انا عارفه مين
لمياء.. يعني مش هتحس بحاجه
منال... انتي مالك بقي
لمياء...( تنهض و تسير و تحمل كرسي حتي تصل الي اسفل التكيف و تقف علي الكرسي و تمد يدها و تخرج كيس من فوق التكيف و تخرج منه الساعه)
منال... هاتيها ( و تخرج مسرعه من باب الغرفه متجهه الي غرفه ساره)
.......
تمر ثواني علي الرجل و كأنها دهر..
يكسر كل هذا القلق صوت استداره المفتاح في كالون الباب و يدخل منير...
شاب ملابسه رخيصه يبدو انه فقير للغايه يحمل في يده بعض الاكياس يدخلها الشقه و يخرج يحمل كرتونه مياه...
الرجل.... يااااااه انا دمي نشف يا ابني
منير... ليه بس يا بابا
الرجل.. انت بتخبط ليه؟ انا قولت حد غريب
منير... ماخبطش ده عشان الدنيا ضلمه مش شايف مكان المفتاح و جركن المياه خبط في الباب
الرجل... تعالي هات حضن يا ابني وحشتني
منير..( يحضن والده)
الرجل... ايه الغيبه دي
منير... معلش يا بابا الظروف صعبه يدوب علي ماعرفت ادبر فلوس الاكل و السجاير و العلاج
الرجل... معلش يا ابني انا بضغط عليك و مشيلك حمل فوق طاقتك اللي في سنك زمانه متجوز و مخلف دلوقتي
منير.. ولا يهمك يا بابا ما انت تعبت عشنا كتير..
الرجل.. و امك عامله ايه و اختك
منير... امي تعبانه قوي و لمياء اشتغلت في مكتبه جنب البيت و صاحب المطبعه عايز يتجوزها
الرجل... يااااه لمياء كبرت و بقت عروسه... جبت لها صوره؟
منير... لا نسيت خالص..
الرجل... نفسي اشوفها و اسمع صوتها.. ما تكلمها من تليفونك
منير.. لا خطر.. التلفون بتاعي متراقب و ممكن يوصلوا لمكانك ده انا بقالي 10 ساعات بلف عشان لو حد ماشي ورايا مايعرفش يوصلك..
الرجل... هما لسه..
منير... انت عليك حكم اعدام يا بابا غير اهل القتيل اللي حالفين يقتلوك..
الرجل... عمري راح... و انا مظلوم
نفسي اخرج و اشوف الدنيا
منير...( بحزم) بابا اوعي تفكر تخرج لو خرجت انت عارف ايه هيحصلك و يحصل لنا؟
الرجل.. عارف... عارف... انا بفضفض معاك بس...
و الراجل اللي عايز يتجوز لمياء ده عنده كام سنه.. معاه تعليم ايه..
منير... عنده يجي 35 سنه بس كان متجوز قبل كده و مطلق
الرجل... ياااه ده كبير قوي عليها يا ابني
منير... مش هتفرق المهم اهو يتحمل مصاريفها و خلاص
الرجل..( بخيبه امل) ماشي بس المهم اسئلو طلق مراته ليه يمكن يكون كان بيضربها و يهينها
منير... احنا هنقي يا بابا اهو اي حد يسترها..
الرجل... يا منير الراجل القاسي مايتعشرش القسوه وحشه قوي،
لما تيجي تختار الشخص اللي هيشاركك الباقي من عمرك ، اوعي تختار شخص قاسي مهما كنت بتحبه ومتعلق بيه .. دور ديما على صفة " الحنية " ، الشخص الحنين اللي يهوّن عليك صعوبة الحياة ومشاكلها وضغطها ، الشخص اللي بيعرف يطبطب ويداوي ويحتوي ويحس بيك ويراضيك ، الشخص اللي لما تُقع تلاقي ايده ممدودة ليك ، ميدكش فرصه تدور علي ايد حد غيره عشان تسندك وتقوم .. كل حاجه ممكن تهون وتتعوض .. الفلوس بتروح وتيجي ، والشكل بيتغير وبنكبر ، ومش بيبقي غير القلب الصادق الحنين ، مش بيبقي غير الحب والاحتواء والحنان والرحمة والونس والدفىء .. وهما دول أهم حاجة في العلاقات.
منير.... حاضر... هبقي اسئل عليه و اشوف.. لما اقوم امشي بقي
الرجل... بسرعه كده مالحقتش اشبع منك
منير... لازم امشي خايف يعرفوا مكاني لو اتأخرت اكتر من كده
الرجل... ماشي ابقي سلم علي امك و اختك و خلي بالك من نفسك....
.......
......
الولد... انتي بس عايزه تعملي ايه يا هانم
عنايات.. اخرس خالص و هات بطاقتك...
الولد...( بخوف) قولي بس هتعملي ايه
عنايات.. هتسمع الكلام ولا ابلغ الشرطه
الولد...( يخرج من جيبه البطاقه) اهي يا هانم
عنايات...( تاخذها منه و تصورها بهاتفها) اسمك سليم.... ماشي يا سي سليم
هنا يدخل نبيل بدفتر الايصالات
نبيل خدي يا هانم...
عنايات... يلا كله يخرج بره مش عايزه مخلوق هنا...
( الجميع يخرج و ينظر لهم الولد و كأنه يحاول ان يستنجد بهم و يشد الفني كي ينتظر)
الفني... استني يا مدام
عنايات... كله بره...
يخرج الفني و فتحيه و نبيل...
تجلس عنايات و تضع ايصال الامانه امامها و تدون فيه بيانات و تعطي للولد القلم و تقول للولد تعالي امضي..
سليم .. امضي علي ايه...
عنايات... وصل امانه بألف جنيه
سليم ... ليه؟ هو انا معايا الف قرش
عنايات... امضي و انا هعطيك ال 1000 جنيه دلوقتي
سليم ... و انا امضي ليه؟
عنايات... عشان انا هسئل عليك في الشركه لو بقيت محترم هعطيك الوصل لو بقيت قليل الادب هقدم الوصل للنيابه
سليم ... يعني انتي هتعطي لي دلوقتي 1000 جنيه و انا همضي علي 1000 جنيه
عنايات... ااه
سليم ..( يحدث نفسه هي هبله ولا ايه ما انا كده اللي كسبان هاخد 1000 جنيه من الهوا) ماشي يا مدام امضي
عنايات... شاطر ( و تعد 1000 جنيه و تعطيها للولد) تعالي امضي بقي
سليم ...(ينظر الي الايصال يجد مكتوب 1000 جنيه) و يمضي و هو يشعر و كأنه منتصر
عنايات...( بتهديد) عارف لو حد عرف باللي حصل
سليم... طيب لو حد سئلني انتي جايبه دفتر الوصلات ليه اقول لهم ايه؟
عنايات... قول لهم كانت بتهددني وخلاص
سليم... طيب ما الشركه هترفدني ما هي عرفت كل اللي حصل
عنايات... انا هكلمهم و هقول لهم يسامحوك و انا فهمت غلط..
سليم ... يعني هما هيسمعوا كلامك
عنايات... طبعا.. الجيم بتاعنا و كل تجيهزاته هما المسؤلين عنها
ما يقدروش يقولي لاء
سليم ...( يشعر بالارتياح) ربنا يسترك...
عنايات... هات رقم تليفونك
سليم... يعطي لها رقم هاتفه...
عنايات.. يلا اخرج...
بعد خروج سليم..
تغلق عنايات الباب...
و تضيف صفرين للايصال و تكتب في السطر الفارغ مائه الف جنيه مصري لا غير...
عنايات استغلت جهل سليم و فرحته بالاف جنيه و نجاته من التهمه و هي تعلم جيدا انه يريد ان يخرج من هذا الموقف بأسرع وقت...
عنايات كانت تعلم جيدا ماذا تفعل و كيف تصل الي هدفها..
لكن ماهو هو هدفها؟
ماذا تريد من شاب لا يملك اي شئ؟
........
يجلس وليد و هشام اصدقاء لمياء علي بار في احدي الفنادق الفاخره و هم في حاله سُكر..
وليد... لمياء دي غريبه جدا
هشام... ليه يعني...
وليد.. عايزه كل حاجه و مش عايزه تخسر او تضحي باي حاجه
هشام... يا ليدو الدنيا عايزه انك تستمتع بيها بكل لحظه مش عايزه قيود
وليد... يعني مش عايزه تتجوز و تخلف و تفقد مشاعر الامومه عشان حريه و كلام فاضي
هشام... الامومه و الكلام ، ده في مجتمعتنا بس بيضحكوا علينا عشان نفضل متخلفين
وليد... هي سنه الحياه تخلف
هشام... و مين قالك ان الحريه مش سنه حياه..
وليد... يعني القلع و الجنس و الشورب و الشذوذ
هشام...( يقاطعه بحده) مافيش، حاجه اسمها شذوذ
وليد... يعني راجل عايز يناام مع راجل دي اسمها ايه
هشام... اسمها مثليه.. و انا فاهم انت عايز تقول ايه كويس..
ااااه يا وليد انا مثلي،...
وليد... بس انا اعرفك من سنين عمرك ما قولت لي،...
هشام... عشان مجتمعنا انا هنا بحريتي اقدر اقولك و اصرح للناس كلها....
وليد... بس انت كده من امتي..
هشام... من زمان جدا...
وليد... انا علي فكره كنت حاسس
هشام... عارف... و كنت بشوف في عنيك اسئله كتير بس كان مستحيل اقولك
وليد.. بس ده مرض... مش حاجه صح مافيش انسان سوي يقبل انه يعمل كده او يشوف كده دي حاجه مقرفه جدا...
هشام... انا برضه بقرف لما اشوف ست او مجرد التفكير اني اشوف اعضاء ست....
وليد... ده اكبر دليل انك مريض يا هشام...
هشام.... و انت مش مريض
وليد...( بإستغراب) مريض؟!!! ليه...
هشام..(؛ يضحك بصوت عالي) انت مش عارف ليه؟ انت فاكر نفسك الواد المثالي اللي مابغلطش،.... انت علي فكره مفضوح جدا يا وليد...
وليد... مفضوح ليه؟
هشام... عشان انا عارف...
وليد... عارف ايه؟.
هشام... عشقك للستات الكبيره
وليد...... ايه؟
هشام.... انت ناسي ام عماد
وليد......
عمك شيكوو
يهمني رايكم جدا في التعليقات
........
