كنت قريب من الانتقام

الحلقة الاخيرة(تعديل جديد)

_________يوم جديد_______

ناضو الابطال توعنا ناشطين و تلايمو فالطابلة بعد ما طلب منهم مراد يتلايمو وعندو هدرة معاهم

منبعد دخلت مرا ماهيش كبيرة و ماهيش صغيرة عينيها زروقة و بيضا و لامة شعرها و تبان شويا كبيرة على مرام ام اسيل

رحب بيها مراد و استقبلها باحسن استقبال و طلب منها يقعدو فالجنان و قعدو يهدرو هوما زوج

مراد:مرحبا بيك سندس عندنا مدة مشفناش بعضانا

سندس:ايه يا مراد راك عارف المشاكل تاع الشركة و الشغل وراني كبيرة على الشغل

مراد:ايه علابيها ناديتلك راني حاب قبل ما نروح نصلح كامل واش درت

سندس:بعيد الشر عليك

مراد:الموت ماراهيش شر بالعكس هي حق و كلنا راجعين عند ربي سبحانو و قبل ما نروح حبيت نصارحك وحد الشي علابالي بلي تزعفي مني و ممكن تشكي بيا و ماتزيديش تشوفي فيا بصح سمعيني

سندس:ايه مراد احكي و نتا كيما خويا علابلي ماتاذينيش

مراد:كيما تعرفي نتي بعدوك على عايلتك و بقيتي وحيدة بلا اب و بلا ام و حتى اختك لي فرقوك عليها

سندس طاحتلها دمعة و قعدت تتفكر فواش جاز عليها

تتفكر يوم لي داوها وخطفوها من امها و بابها و تتفكر لي قتلو والديها و هي كانت حاسبة اختها ماتت بصح بالعكس حية و بحثث عليها بصح مالقاتهاش

(راكم تقولو دروك واش القصة تاعهاا بصح لي قرا الكرو من اللولة يعرف)

سندس:حرموني من عايلتي وانا صغيرة

مراد:على هاذا طلبتك

قعد يعيط لاسيل و مرام و مروان

جاو منبعد طلب منهم يقعدو معاهم فالطابلة سندس قعد قلبها يضرب و ماهي فاهمة والو

اسيل:بابا شكوون هادي

مراد:هادي سندس كيما اختي

مرام مين سمعت قال سندس قلبها ضرب

اسيل:عرفنا عليها

مراد:بشوية ونفهمكم

مراد:هادي سندس عايشة في فرنسا مين كنت صغير جابها بابا "صلاح" للدار سقسيتو قالي هادي اعتابرها اختك انا مافهمتش مع لولة بصح مع السنين فهمت غايا سندس حرمها بابا من عايلتها كانت عايشة فرحانة هي و باباها و يماها و زيد اختها بصح صلاح كان ظالم كبير و قتلها والديها لي كان حاب يدي الاملاك تاع والديها و خصوصا لما كان يحب يماها، بصح هي ماتحبوش و تزوجت مع وحداخر و هاد الشي لي كان يجن جنونو وحد النهار كانو فالسيارة هي و والديها و اختها الصغيرة بصح صلاح خطف سندس و قعدو يحاوزو في اللوطو تاعه حتى تسبب في موت والديها