10 Textos, Si Sé Contar (Libro Experimental)

Texto 6

Galego reintegrado:
Meu amor, di-me ti, se sererias capaz de dar-me un pequeninho beijo na fronte? Meu querido, confesa-mo tudo. Se tam só puidera ler o que sintes, se tam só puidera tranquilizar esses pensamentos .
Eu non quero destapar os teus segredos, soamente poder acougar-te en tudo o que a min respecta.
Di-me, meu rei, por que te quero tanto? Por que nom hai día no que nom poida cavilar no que é um abraço teu?
Pregunto-me se ti algum dia capaz serias de esquecer-te de min, de nom voltar saber que existo. De apagar-me da túa memória.
Assim que, achega-te a min, e di-me, cos teus braços a rodear o meu corpo, que me queres, que me amas, que pensas en mim tudas as noites frias, tal e como fago eu.
Di-me que nom há quem saiba nada, mas que em verdade, eu sou quem habita o teu cálido e amável coraçom.

Galego normativo:
Perdín a conta, mais, de que a perdín? Síntome baleiro, sen nada. Uns arames invadenme, unha nube negra e grande remata por pousarse con certa delicadeza enriba miña. Non vexo luz, penso que quedei cego. Inspiro amargura, que me mata por dentro e non me deixa ser quen son. Horrorízome, pero sen resultado. Voltarás por min? Iraste de min? Arrepíntome cada segundo que se me bota ás costas que eu che abrira porta, que che dera entrada a que te convertiras na miña debilidade. Que che fixen eu? Que queres que faga? Axeonllado, suplícocho. Déixame en paz, ambos seremos ben felices así. Cando sairá a derradeira bágoa? Cando me dirás que todo xa rematou? Que todo xa está tranquilo? Dime que esta puta guerra xa rematou. Que non debo estar á garda todo o rato. Que me quero, e que me dea conta, de que todo o que pasou, foi mental. Que nunca existiu. Porque ti en verdade, es eu. Formas parte de min, pero non para sempre. Vou acabar contigo dun golpe seco. Quero vivir.