" شتان ما بيننا
أنت بردٌ صاقعٌ
وأنا مهما بردت
حريق "..
-------------------------
غرفة 901...
الحلقة الخامسة
قراءة ممتعة 🤎
فزيت من سمعت صوت صرخته وهو يتوجع :-شبيك علي بس احجي...
جاوب وهو يلهث:-لج مثانتي مدري شبيها
- شنو شنو شبيها وين الالم
- صرخ :- خرببب لججج روحااااييي
راستً سديت الخط بوجهة ونمت للصبح ثاني يوم
كعدت شفت ماما ملامحها شوية احسن من البارحة حجيت بعد ما صبحت عليها :-اليوم احسن حبيبتي شخبار بابا
حجت بفرح:- راح يطلعونه فدوا لعمرة
- ركَضت غليها وحضنتها:- اوي ببابا حبيبي الله يحفظة يارب والف الحمدالله ...
تريكت ورجعت اقرة لحد ساعة هدعش بدلت واكلت مرة لخ وطلعت للدوام
كمل اليوم بسلام ورجعت للبيت وشفت بابا
اوي رحت حضنته وبوستة من كل مكان بوجهة
راسة وجبينة وعيونه وخشمة وخدودة اخذت ايدة بستهم اثنينهم وخليتهم ع وجهي اشم بيهن
- ياروحي انت حيل اشتاقيتلك هيج كالوها حبيبي !
ليش هيج سويت بينا !
خوفتني عليك بكد الدنيا ياروحي
- بنياتي ' شمسي اوف بنيتي ضوة روحي انتي
هواي مشتاقلج
باوع بوجهي وتمعن بتفاصيل شكلي :- ليش هيج جوة عيونج باباتي
- حبيبي ليضل بالك هاي من القلق عليك وسهر دراسة
تركته يرتاح ورحت بدلت وارتاحيت
توالت الايام بين الدراسة والخطار ع ابوية والانتباه ع صحته واكله جانت اللحظات المفضلة عندي العصرية اطلعة للحديقة بعد مااارش الزرع ونكعد ع الطاولة هو يشرب جاي ويقرة جريدة واني اقرة دروسي
ايام من عمري ماااتتعوض ' ولا حكَدر اعوضها
علي تركته بعد ماصرخ عليه او بالاحرى تجاهلته وشغلت نفسي اغلب وقتي تليفوني صامت حتى مارد عليه ..
ورة ما خلصت امتحانات نصف السنة رحنا لبيت جدو بالعمارة خلصنا هناك اسبوع بين الاقارب والجمعات اللطيفة جنا كاعدين بالحوش مثل ماتسمي بيبي
بيبي :- تغاي لية حبوبة شمسة
- ها بيبي
- كولي جدة شني بيبي
- عادي اكَلج جدودة !
- شنهاي حلوة وجديدة علي ' ضلي كليلي بيها
اخذت ايدها وبستها :- صار من عيوني
- اوي حبوبة غديتلج فدوا
- اوي اني اروح فدوا الج
- شوف شوف شلون تاخذ العكَل بهلحجوات النويعمة
تعصرنا ورحت تمددت يم البنات بنات عمي راضي
هيج خلصنا اسبوع ورجعنا للبيت ولكينا نسرين وية وقائد صايرة بيناتهم مشكلة بس طبعا مايبينوها كدامنا بكَد مااني قريبة ع نسرين وتحجيلي !
اخذتها لغرفتي ورحت
- ليش هاي الاثار بوجهج يروحي
-اني نضربت بالباب
- بروح ابوج يعني مو قائد ضاربج
- ياريت ضاربني ولا هيج يسوي ويتجاهلني روحي داتفُور شمس روحي من الداخل تعبت شذنبي اني هيج اتوسل بس اريد طفل ' اريد اروح للدكتورة اشوف وضعي
أنت تقرأ
غرفة901..
Mystery / Thrillerمصلحتج فوك كلشي وانت حارمني من كلشي ! مصلحتي فوك كلشي وهو يكص جناحي ويكُلي طيري! مصلحتي!! محد يدور غير مصلحتة! محد يفهم ولا راح يفهم دور الغباء صار يلعب نفسي يارب العوض الهج بيها ، وداخلي يصرخ يارب عجل العوض ، كسر ورة كسر حرمان ورة حرمان ، خنا...
