◇|حلقة 38الجزء الثاني
◇| متابعة للحساب وتصويت
◇| قرأة ممتعة
وكعت ع ركبي كدامه وخليت ايدي ع حلكيَ :- لااا
كعد لمستواية لزمني من زندي :- اشش اهدي عادي اجيبلج غيرة
دفعته بقسوة وصرخت :- شتجججيب هااا شتجيب
خزرني : صوتجججج
تقربتلة اشرت ع صدرة يايدي:- انت انت وكعته بالمي َ ايي انت
:- كتلج نسيته بلة لغوة زايدة
ضربته باثنين ايدية ع صدرة ارتد ليورة بخطوات ؛تهسترت اعصابي عقلي جان خيط وهذا الخيط نكطع :- بس كلي ليش ! اذيتك بشي
تكتف وهو يباوعلي بخزرة:- ها ماذيتك بشي صوري وياه ها بس للجاي باقيلي منه صورة صورة ماذيتك لوما هو اخوك ليش هيج تحب اذيتي جنت جنت عايشة ع الصور ليش تاذيني بااعز شي عندي
حجة وهو يتقرب:- كافي اسكتي
حاول يلزم ايدي دفعته بكل قسوة :- اكرهك اكرهكككك
ابتسم ويباوعلي بكل برود ركضت دفعته واصرخ:- اكككرهكك ياحقيررر ياچلب لك لك انت شنو من مله هااا
ماحسيت الا سحبني عليه وجهي صار كبال وجهة نفسة الحار يضرب بوجهي :- منو چلب هااا منووو
سحب بية وية كل كلمه يحجيها خشمي طخ خشمه بقيت فاتحة عيوني بقوة همست بوجهة :- اخبث خلق الله
:-واحقرهم
ماحسيت الا وخشمي ينفر دمٓ واذاني بيها صوت
طلعت خالتي وعمو ع صياحنه يفازعون بينه هو شفت عمو عبالك شفت ابوية
ركضت صرت ورة ولزمت بملابسة طببني عمو للمطبخ وبقى واكف يمه مادري شيحجي وياه اثنينهم يمه رحت كعدت بالصالة اهز برجلي ، الدم يسيل ع حلكي وملابسي ممهتمة الة بكد حرگة كلبي وكسر خاطري طب عمو اخذ كلينس من العلبة الى بصف التخم كعد يمسح وجهي :- ليش هيج بابا ليش تاذين روحج
اخذت الكلينس من ايدة :- عمو هو ضربني
:- اكسر ايدة الى يمدها عليج والله طردته من البيت
:- اريد اروح لاهلي ماابقى
طب يمشي وراه خالتي تمشي :- بس تعتبين باب البيت اكسر رجلج مستصغرتني حضرتج
:- اطلع وروح ابوية اطلع
حجيتها وصوتي رجفت والشكهة شكت كلبي
:- واكفلج هنا داشوف شلون تطلعين
كمت وكفت :- لو رجال امنعني
نصدم من حجايتي عيونه صارت تطفر شرار وغضب رجفت حسيت روحي جفصت وتسرعة مااحس الة عمو وخالتي صاروا كدامي يفازعون وهو ايدة تنشمر من كل مكان بس يريد يلوحني الصياح والصريخ وهوسة ولخبطة ماحس الا خالتي سحبتني وطببتني لغرفتها وكفت ورة الباب ارجف وجسمي يوجعني من العصبية
والرجفة ملازمتني
سمعت صوت خالتي:- يمه سايمه الله ومحمد وعلي عليك كافي يبست ريگي كافي راح اموت
صياح عمو برة يطرد بي :- ماعرفت اربي تمد ايدك ع مرة ضعيفة
أنت تقرأ
غرفة901..
Misterio / Suspensoمصلحتج فوك كلشي وانت حارمني من كلشي ! مصلحتي فوك كلشي وهو يكص جناحي ويكُلي طيري! مصلحتي!! محد يدور غير مصلحتة! محد يفهم ولا راح يفهم دور الغباء صار يلعب نفسي يارب العوض الهج بيها ، وداخلي يصرخ يارب عجل العوض ، كسر ورة كسر حرمان ورة حرمان ، خنا...
