كُنت أريد أن أُخبرك بكُل شيء ولكنك حتى الآن لم تسألني كيف حالك .
__________________________________
متحملت بجيت بقهر !
لان عرفت علي صديقة المقرب ! ضلت دموعي تنزل ع وجناتي وتحرك وجهي حرك التفت عليه قائد متفاجئ :- شبيج يعمري ليش تبجين منو وياج
- م مابية شي
درت وجهي وتمشيت اجتي وراية نسرين وكفت كبالي تمسح بعيوني :- شبيج كَلبي
- مادري طلع صديق قائد ماادري والله
- خلص كافي قائد انتبه عليج حيل تعرفي نبه كلش لا تضلين تبجين راح اكلة نقهرت ع حالته ومن نرجع تفاهمي وياه
هزيت راسي بدون جواب تسالم قائد وياه وطلعنا نتمشي بشارع الامام كلسا اسحب النفس احسة يشكَ صدري ' وصلنا للكراج وصعدنا بسيلرة انطلقنا نتعشى بالكرادة ' ورة مكملنا عشى رجعلنا للبيت بالطريق قائد استرالنا جبس بُتيته وببسي
ضميري اذاني حيل ! وكسر واهسي من الدنيا
اني اشوفة يتعب ويحاول يسعدني
بكل وسيلة هو اهلي
واني اسوي علاقة وية صديقة!
ااه تطلع من صدري تكسر خاطر الناس
وصلنا للبيت راستةٌ نزلت من لسيارة وصعدت للغرفة سبحت وبدلت وكعدت '
صفنه تاخذني وصفنه تجيبني
اخذت تليفوني وكتبت الة
- جنت تعرف اني اخت صديقك!
توترت وكمت اطكطك باصابعي ' بخوف جانت ساعة بحدود الـ 12 ونص بليل
تمددت ع السرير وبديت اخذ انفاس متتالية واضحة ع شكل شهيق وزفير 'حتى بس اهدء
سمعت رجة الفون معلن عن قدوم رسالة فتحتها
- اي
رديت عليه
- من شوكت ! وليش سكتت وبقيت تحجي وياي
- من اول مرة جيتج وعرفت منطقتكم
ومن عرفت اسم ابوج تاكد هالشي
- ليش بقيت تحاجيني! من عرفتني
- لان حبيتج
-مو سبب هذا
- شداتحجين انتي ' حبيتج وماكدرت اصارحج ولا كدرت اعوفج ولا اكدرت اخطي خطوة وحدة تجاهج ' ماردت تعارفنه يصير هيج بس جان لازم تجي اللحظة الحقيقة .
- بس مو تصدمني هيج وانت بهذا وضعك
- ماكدرت اوجهج كلمرة اشوفج فرحانه ومرتاحة مينطيني كلبي اجي اكلج اني صديق اخوج واني غدرته وحبيت اخته!
- يا نذالتك ياخي ' شكد كرهتك لدرجة لو اشوفك كدامي تحترك وبيدي ماي مانطي الك '
- براحتج بعد النقاط صارت ع الحروف وانتي اي قرار تاخذي اني وياج .
- اطلع من حياتي ولتراسلني وانسى شي يوم شفتني ' ولتاذيني
- انتِ روحي اكو واحد ياذي روحة !
- لا لتخاف اذيتني بگد مچنتٓ خايفة عليك وحابتك
اخذت نفس عميق وحضرته
من جهات الاتصال
من الفيس بوك
من الانستا
والتلي
والواتس
اي جنا مستوطنين كل البرامج اذا زعلت منه بالانستا نتراسل بالفيس كانُ مصاير شي ' دست على كلبي ومشاعري وروحي ' حذفت كلشي يخصة بكد القوة الى اجتني واني احذف كلشي ' بكد ما تندمت
أنت تقرأ
غرفة901..
Mystery / Thrillerمصلحتج فوك كلشي وانت حارمني من كلشي ! مصلحتي فوك كلشي وهو يكص جناحي ويكُلي طيري! مصلحتي!! محد يدور غير مصلحتة! محد يفهم ولا راح يفهم دور الغباء صار يلعب نفسي يارب العوض الهج بيها ، وداخلي يصرخ يارب عجل العوض ، كسر ورة كسر حرمان ورة حرمان ، خنا...
