غرفة901..

20

●|الحلقة العشرون
○|لا تنسون التصويت والاظافة
●|قراءة ممتعة

‏لگيت إِسميّ وَطن مَهجور
بَي اخر رسَاله مِن التعب لِلرب
‏بعد ما بيَه حيّل انحَب.

طلعنا سوينا تحليل الدم وبقى السونار للمعدة والجهاز الهضمي كلة هم لزمنة سرة ساعة ونص لحد مراح حيلنا
طلعت النتائج ورجعنا للدكتور جانو يمه ناس بقينا برة العيادة طلعت باكيت الجكاير اخذت وحدة قربتها لشفتي لكيته يباوع عليه

-شبيك

- والله وكت كمت تشتري جكَاير

-ههه اي شفت جنت كله اخمط منك

اجتي السكرتيرة وصاحتلنا تباوع من جوة الجو الحواجب تاتو والحلك حمرة وردية والبس قصير شمرت الجكَارة بلكاع وطفيتها برجلي دخلنا للدكتور قرة التحاليل والسونار

الدكتور:- بابا علي عندك جرثومه بالمعدة هي الى مسببتلك اذية وقياء والشهية مقطوعة

- سهلة  هاي ماكو شي ثاني مو

- بس يرادلة شوية عناية باكلة وراح اكتبلة علاج فموي  ياخذة قبل الاكل حبابة وبعد الاكل هالشراب وان شاءالله عندك العافية

تشكرنا منه وطلعنا صعدته بالسيارة ورجعت جبت العلاج من الصيدلية شوفته للدكتور وطلعت قبل لا اطلع من العيادة صاحتني السكرتيرة باوعتلها باستغراب
رجعت عليها رفعتلي ورقة مطوية :- هاي الورقة وكعت منك استاذ

-اني !
اشرت على نفسي ، هزت راسها بلا كلام وابتسمت ابتسامة مستفزة اخذتها من ايدها وطلعت اضحك صدت بلسيارة :- اخوك ترقم ول خالي

-هههه صدك

نطيته الورقة مكتوب بيها رقمها  رجعلي الورقة وضحك اخذتها شككتها وشمرتها :- ليش يولو جان طكطكت بيها جِم وقت

- متسوة يخوي متسوة واني بلكوة جارع روحي نوب اروح اجرع علاقة ستوها بادية وتعال شتشتغل وشتسوي

- مالك خلك مو

- حيلل مالي خلك ،اكلك اخذلك حباية حتى اسويلك اكل بس نوصل

- ماكو مي

- كَ...... ي جا هاي المحلات التارسة الشارع

- اف اشوفة بلة

-شنوة

باوعلي بنظرة جانبية :- ك...... ههههه اشوفة

-عداك محمود

وكفت السيارة ونزلت اجيب شدة مال مي كل مرة اشتري وخلي بيها شدة مال مي رجعت فتحتلة البطل ونطيتها شرب الحباية ورجع راسة ليورة  جانت دنيا مغرب شغلت قران وسقت لحد ما وصلت للبيت طبكت السيارة بالباب لكيت امي منتظرتنه ضلت اسئل بية ع وضعة سوتلة اكل صحي بدون دهن  طبيت لغرفتي بدلت وطلعت كعدت يمهم