قصه حقيقيه %100
صاحبه القصه
مرحبا
اسمي شهد
مواليد 2003
مواصفاتي
طولي 160
وزني 55
بشرتي بيضه
صاحبت عيون كبار لونهن اسود وحواجب ثخينه شعري لونه اسود فاحم طويل
احنه من سكنه منطقه السيديه
بدت قصتي
سنه 2015
جنت صف سادس ابتدائي هنا عٍـﻤـري 12
سنه جانت عندي امتحانات وماما وبابا رادو يروحون للزياره
شهد/ماما عندي امتحان مااكدر اروح وياكم وقيني يم بيبي
ماما/مْـإأڜْـي حبيبتي حضري غراضج اوديج وارجع نتحضر ونطلع اني وابوج
شهد /اخذت كتبي ورحت يم بيبي
ماما عدها بس اخت وحده عايشه ومتزوجه بالخراج وبيبي عايشه وحدها بيتها مسافه عن بيتنه جدو ميت من زمان
بابا
من مو من بغداد من غير محافضه
جان يدرس ابغداد وتعرف ع ماما بالكليه وحبو بعض
اهله اخوانه يرفضو يتزوجج بغداديه ويعيش وياها ابغداد
صارت مشاكل واخذ ماما غصب عنهم ومن زواجهم وهو قطع علاقته باخوانه واخواته اما ابوه وامه جانو متوفين
بعمري ماشفت اهل بابا ولايحجيلي عليهم كل الي اعرفه رفضو ماما وعايشين بغير محافضه
وصلتني ماما يم بيبي وباوستني ونطتني مصرف وكالت ديري بالج ع نفسج وراحت
بقيت اباوع ع ماما لحد مـا طلعت لفرع.
طبيت طلعت كتبي وبقيت ادرس بليل كولش كعدت على عياط بيبي فزيت بيبي شبيج ليش تعيطين
بيبي/ولج شهد امج وابوج مسوين حادث بالطريق مال الرجعه وبالمستشفى حالتهم خطره وتعيط وتبجي
هناا انهاريت صغيره حته مااعرف شنو الموت
اجرت بيبي سياره ورحنه للمستشفى بالمحموديه
جانت طبينه اني وبيبي نسال كالو بالعمليات ورا شويه طلع الدكتور كال الرجال توفه والمره بعدها تحت الخطر ادعولها
هنا نهاريت بجي على بابا وبيبي تحضن بيه وتبجي
بابا كولش يحبني روحه من الدنيه اني مدللني لابعد حدود هو وماما ورا ساعتين ماما توفت هنا حسيت الدنيه ضلمت بعيني انتهيت مابقالي احد بــَس بيبي
رجعنه للبيت اجوي اقارب بيبي من بعيد ووصل الخبر لاهل ابويه اخذو بابا دفنوه بمقبرتهم وماما دفنوها يم جدو تمنين. يدفنوهم سوه بس اهل بابا ماقبلو اجوي عباره عن رياجيل هوايه نصهم لابسين عكل ورا الفاتحه بقيت يم بيبي اجتي خاله يمنه بقت شهرين
بيبي تعبت على فراك ماما واني انكسرت جنت كل يوميه باليل اتذكر بابا وماما واتفرج صورهم وابجي بعد فتره نجحت وصرت صف اول متوسط صار عمري13 وبدت معالم الانوثه تبين عليه اندك لباب طلعت بيبي تشوف منو هنا اجوي اهل بابا على بيبي يريدون ياخذوني منها وصارت مشاكل هواي ومحاكم وكدرو ياخذوني اجوي 2 الي عمامي اخذوني غصب من بيبي شبعت بجي بيبي كولش حنينه عليه وتحبني ومدللتني رحت لمكان محهول مااعرف مصيري وين وصلت منطقه كولها زرع مزرعه كولش جبيره وبيها بيوت متفرقه عرفت هاي بيوت عمامي وعماتي جانو 3 عمام و7 عمات كولهم كبار بالعمر بابا اصغرهم جان وصلت طبيت واحد منهم عاط عليه طبي جوه خفت امشي ومااعرف احد وحده كالت تعالي بهاي الغرفه خلي ملابسج وي بناتي
اهل بابا كولهم بشرتهم سمره ماعدهم اخذ ابيض اني احس وفسي فاول ابينهم والكل تباوعلي بحقد زلم ونسوان بعدين عرفت هاي مرت عمي يمكن الوحيده الي كانت بوجهه رحمه وعاملتني بلطف اخذتني لصاله كولش جبيره عرفتني على عماتي وعمامي والكل يباوعلي بحقد يكرهوني ع كوه امي وخصوصاً آٌنـ'ـي نسخه من ماما اسمعهن وحده تكول للثانيه تشبه امها ويغلطن ع ماما كولتلهم ليش تغلطون عليها وهي ميته حرام عليكم
بالمختصر عشت بذل يمهم خلوني اشتغل وانضف ونضرات ولد عمي حيل نكسه رغم اعمارهم جبيره تركت دراستي بيبي مااعرف عليها شي تتواصل وياهم تريدين وميقبلون هنا بيبي تمرضت حيل من القهر وقدمت تقاريرها للمحكمه علمود تاخذني يمها بحجه مره كبيره ومالها احد يداريها واني الوحيده اقاربها هنا ورا مااخذوني عمامي ب6 اشهر وصللهم تبليغ اخذوني ورجعنه لبغداد اووووف حسيت ردت اليه روحي جانت عدهم محكمه وكدرت بيبي بكل الطرق وجان اخذتني يمها حضنت بيبي وبجيت هنا حسيت جنت بسجن وتحررت بيبي حيل تعبانه ورجعتني لدوامي داوم صف اول وثاني صار عمري 15 سنه بيبي تازمت حالتها حيل دخلت مستشفى اجتي خاله بقت يمنه تداريها لحد ما توفت بيبي هنا بدت معاناتي
...............
