تحضرت حته اروح اجيبهن
شهد رتبت البيت وبدلت وتحضرت
امير/وصلت للمطار انتظرتهم لحد ماطلعولي شكد جنت مشتاقلهم اجوي اختي شذى واختي هدى الثانيه مواليد 83 وابن شذى الجبير مواليده 99
وصلنه للبيت طبينه تلكتنه شهد
اخواتي تعجبن عليها يبوسن بيها ويكولن ولك امير شنو هالجمال ماشاء الله جنها غزاله
ابن اختي علي جانن يطوب الجنط جان يشوف شهد راساً صوفر وصاح لك خالي وين لكيت هالصاروخ ماتزوجنيها
كفخته على راسه واخواتي يضحكن حسيتهن شكد فرحانات بشهد الحمدالله
شهد/جنت حيل متوتره وخايفه ومستحيه متت بس من وصلن اخواته متوقعت شكد حبابات ولطيفات سبورتيات بسرعه حبني ويتشاقن ويضحكن كولت الحمدالله مو مثل ماجنت متخيله ارتاحن بالبيت اول يوم ثاني يوم من ٱڵـڝُـًْـُپًٍح رحنه كلنه للنجف اخذنه امير هنا يزورن اهلهن خطيه شكد بجن يم قبور اهلهن ولنوب امير اخذننه لاهلي بقيت ابجي واحجي وي ماما اكولها محتاجتج بهيج ايام كل ابنيه تحتاج امها بزواجها اله اني امي مو وياي
آٍجُـتـٍيِ اخته شذى كومتني كالتلي
حبيبتي اني بمقام امج انتي بعمر جهالي ويتيمه حالج من حالنه اعتبريني امج يكلبي لاا تبجين كافي وحضنتني وهدى غسلتلي وجهي حيل حنونات وياي رحنه زرنه ورجعنه للبيت
ثاني يوم صادف سبت امير كال الجمعه التجي العرس كدامنه اسبوع واحد يـعـنـي لازم خلال هالاسبوع نجهز كولشي امير نطه لاخته مليونين ونص بس للملابس والمكياج
بدينه نطلع ياخذني للمجمعات وللمولات نجهز النيشان ملابس ومكياجات وشغلات كومه اخذلي وذوقهن يجنن مخلن شي بنفسي كملنه الملابس
نطاها 5 ملايين للذهب اخذني اختاريت تخم يجنن فخم
وهنا اشتراي هدايه وحده محبس ووحده تراجي هديه العرس كولتلهن اني جايبه وياي فلوس وحابه اشتري حلقه لامير من فلوسي الخاصه كالن براحتج اختاريتله حلقه ذهب كولش حلوه ساده وحلقتي هم ساده صارن سيت وكولت للصايغ يحفر بداخلهم على حلقته اسمي وعلى حلقتي اسمه
كملنه الذهب طبينه لمطعم تغدينه ورجعنه للبيت بقن ينضفن لبيت مخلن فرش بردات حته الحياطين نضفنهن حته التخم جلفنه شكد نضيفات ومعدلات وغيرن شويه بديكور لبيت صار كولش مرتب البيت اخر طلعه النه رحنه نحجز صالون اخذلي لارقه مركز اختاريت بدله عرس تجنن طبعاً قررنه الحنه ابينه عاديه والعرس بقاعه.
اختاريت بدله العرس واختاريت بدله الحنه لون وردي وصخ موديله حيل نازك وحلوو
ورا يومين حنتي رحت للمركز وياي بس هدى حفلي وتنضبف بشره شعري مصبغته امير مقبل بقه اسود لونه الطبيعي ومكياج يجنن وعدسات واضافر سويت اكرلك
عزمت مها صديقتي واهلها طبعاً هنا مها حجت لاهلها قصتي كولها حته خالتها الي رادتني لابنها هم اجتي بحنتي وامير عزم زوجات اصدقائه واهلهم يـعـنـي بــَس بنات اجني وهدى وشذى عزمو اقارب اجوازهم يعني حمواتهن ونسوان حموينهن هنا عايشين لان هنا متزوجات اخوان واخواته حجزلي ملالي سوينه الحنه بالبيت وصارت على الطريقه التركيه كولش حلووه تجنن امير راح بيت صديقه عنده ديوان وبي حديقه جبيره سوله اصدقائه الحنه بيها اجه بليل شبه الناس كلها راحت قليلين الي بقو اجه حناني وبقه صافن عليه كل شويه يهمس باذني لج شطالعه اوويلي شيصبرني لباجر واني ميته خجل يربي
اخذنه صور كوومه
ثاني يوم
العرس هم اخذتني هدى وطلعت اجنن بفستان العرس الطرحه كولش طويله والتاج ناعم كولش نازك لبست سيت كرستال وي البدله وحذاء كعب عالي لان امير بهواي اطول مني واجه اخذني من الصالون كبل لجلسه التصوير جانت جلسه التصوير مالتنه داخل الزوراء ومن عدها وطلعنه للقاعه قاعه ملكيه تجنن طبينه والكل منتضرنه جان سولونه دخوليه تجنن
امير /رحت اخذها من الصالون شطالعه يربي لعابه باربي شراح اسوي بيج اليوم دوختيني خررررب
وهي تستحي خجلانه اووي يمه فديت بنيتي الخجلانه
وصلنه وطبينه للقاعه واحس الكل يباوعلها طبعاً اصدقائي. كلهم اجوي همه وعوائلهم صح بدلتها مستوره وحته ردن بيها بس متت من الكل يباوع عليها
صارت حفله تجنن طفو گـِْـِْلِْ اضواء القاعه بقه ضوه هادء علينه وموسيقى هادئه ونركص اني وياها شلتها وبقيت افتر بيها والكل بقه يصفك ويصوفر
خو ابن اختي خبصنه باتصفر مالته ويصيح هلا بخالي هلا
صارت حفله تجنن قطعنه الكيك ووكلتها. ووكلتني وصار نهايه الحفله لازم نطلع اخذتها وطلعنه للفندق سيارتي اسوق بيها وهي بصفي وخلي ايدي بايدها طول لطريق ومشغل اغاني شيرين لانن مطربتها المفضله
ويانه سياره وحده مال صديقي وياه زوجته واخواتي وابن اختي صاعدين وياه وصلونه للفندق اخواتي طبن وياها للغرفه
شهد/ حفلتي تجنن صارت كولشي بيها حلوو وهنا وصلنه للفندق طبيت للغرفه كعدت على التخم اجتي شذى وهدى طبن يمي جابلي الجنطه علمني شالبس وشسوي ومااخاف وشذى كالتلي ﯙيـه ملابس اكو وصله بيضه هاي كل عروس تجيب وياها لازم يصير بيها النيشان وعلمتني ﺸنـٌٍـٍوﯛ يـعـنـي
دمعت بجيت كولتلهم اتمنه ماما وياي هــًـًســًه
بقن يهدئن بيه وشذى باستني من راسي وحضنتني كالت يمه اني امج والله حبيتج مثل جهالي ماعندي ابنيه وحسبتج انتي بنتي تشكرت منهن وصني ادير بالي ع نفسي وباوسني وطلعن
امير بقيت انتضر صديقي كال اجيبلك عشه واجي من اقرب مطعم راح بسيارته وياه مرته جابلي اشكال وياه خطيه نزلن اخواتي سلمن عليه ووصني على شهد وراحن وي صديقي يوصلهم للبيت
صعدت لغرفتي طبيت ولكيت حّْــبّْہيبتي كاعده على التخم والبدله مفروشه ومدنكه راسها تلعب بالماسكه مال ورد
