امير/بقت سالفه الابنيه ابالي وحسب كلام خالتها شكد عانت منهم ضلم وعنف وهي طفله
اجتي ابالي فكره تلكه احد تزوجه الها حته متروح يم عمامها اتصلت على خالتها
امير/السلام عليكم
خاله/وعليكم السلام
امير/بخصوص موضوع الابنيه شهد تكدرين تجيني للمكتب العصر اكو حل بالكت يفيدكم واذا تكدرين جيبيهاوياج
خاله/ياريت والله لان حالتها بالويل العصر ساعه4 احنه يمك
هنا جنه بسنه 2019
ساعه 4 تحضرت لبست بنطلون اسود وقميص اسود وشعري سويته ضفيره وهو ثخين حيل واسود وطويل ضفيرتي واصله شويه فوك كبي
لان مومحجبه بس من رحت لبيت جدي حجبوني حته من جنت آنام حجابي براسي
وصلنه للمكتب طبينه سلمنه
وكعدنه
امير/اجتي خالتها ووياها ابنيه سبحان الخالق بيضه ثلج ولابسه اسود وعيونها سود كبار وضفيرتها شطولها كولت بس طفله هي وملامحها طفوليه
حجيت وي خالتها كولتلها
الحل الوحيد هو تزوج
شهد/من سمعته هيج كال راساً نزلت دموعي
باوعــت الخاله كولتلها لااا عفيه خاله اتزوج شنو بعدني صغيره واريد اكمل دراستي مستحيل وابجي ومخليه ايدي ع وجهي
امير/ استغربت من ردت فعلها ونفس الوقت انقهرت عليها
كولتلها لحد مايبلغ سنها القانوني وتكدرين تسفريها يمج
خاله/بس شهوده مو مال زواج استاذ مااكدر اجازف بحياتها وازوجها بعدها طفله مااويد ينعدم مستقبلها واني لوعندي ولد جبير اخذها اله بس ابني عمره 8 سنوات ولثاني 6 سنوات
امير/ زين شوفيلج واحد ثقه تكدرين تأمنيها يمه ويكون زواج ع ورق مجرد تبلغ ل18 ويطلقها واخذيها يمج
خاله/بقيت صافنه وين الكه الامين الي اكدر اامن هيج ؤرده يمه والله حرت حته اقارب بيهم حظ ماعدنه شلون دنكت وخلت ايدها ع راسها
امير / لعد تروح لعمامها ماكو بعد غير حل
شهد / بقيت ابجي واحجي وي خاله والله لواموت مستحيل والنبي انتحر واخلص ولاعيشتهم مااكدر ابقه دقيقه يمهم
امير/بقيت صافن عليها واجتي فكره ابالي
بقيت ادك بالقلم ع الميز ع كيف وكولت اني اتزوجها
خاله/راساً باوعت عليه
واني انصدمت شنووو هذا اكبر مني بهواي ردت احجي وهو راساً حجه قاطعني
امير/حسيت بيها ممقتنعه رادت تحجي ومخليتها راساً حجيت
راح يكون ع الورق فقط وتكونين امانه يمي لحد ماا تصيرين 18 واني بيدي اوصلج الخالتج واذا تحبين تكملين دراستج اني اساعدج
خاله / حسيتها ارتاحت وفرحت باوعت عليه وكالت ها بنتي شتكولين
بقيت صافنه ماادري كولتلها خلي افكر
خاله كالت على راحتج بنتي اطلعي شويه بره انتضريني عندي حجي سويه وي الاستاذ واجيج
كولتلها تمٌــام وطلعت
بس صار عندي فضول اسمع الحجي شنو الي تريد تكوله اله
خاله/استاذ امير زين اذا وافقت شهد عــائلتك شلون
امير/اني ممتزوج وماعندي عائله بس اخوات اثنين وعايشات بالخارج وتواصلي وياهم كولش قليل
خاله/ استاذ اني بقيت بحيره بشهد لااكدر اخذها ولااكدر اخليها يم عمامها واقتراحك اذا الحل الوحيد ماعندي احد اامن بي وانت مبين انسان طيب ومثقف متاكد مراح تضرها بشي
امير / طبعاً شهديمي راح تكون بامان واطمني حته لو على ذمتي هي مستحيل دتنه نفسي عليها اول وتالي هي طفله وبخصوص دراستها راح ترجع تكمل واني اساعدها بالدراسه
خاله/ وشهد عدها وارد شهري 500 بالشهر مال ايجار بيت اهلها يعني ميحتاج تصرف عليها يكفنها وزياده
امير/ سهله هاي اني آلـْ ح ـمـِْدِّ اللّـٰھ متمكن الفلوس اخر همي
خاله/ استاذ شهد امانه يمك وهي يتيمه ومالها احد اريدك تصون الامانه واني جداً ممنونه منك
امير/لتهتمين بعيوني
شهد سمعت كل الحجي اطمنت شويه خصوصاً موضوع الدراسه حيل حابه اكمل دراستي
طلعت خاله ورجعنه للبيت
بقيت الليل كوله افكر وقررت لازم اوافق اتحمل هالسنتين واروح يم خاله
الصبح نطيت موافقتي الخاله كولش فرحات
كالت اني حيل مطمنه من هالشخص كلبي بارد انشالله يحافظ عليج وابقه ع تواصل وياج وبس يبلغ عمرج السن القانوني اوعدج اخذج يمي وباستني وحضنتني
خابرت ماما على امير وكالتله شهد موافقه واتفق وياها العصر نعقد سيد والباجر نصدقه بالمحكمه
ورا سـَـــاعْـه اتصل امير ع خاله وكلها مراح اكدر اعقد عليها
