هنا بده الدوام
اول يوم دوام كعدت ب6 ونص بدلت وحضرت جنطتي سويت شعري ضفيره لبست صدريتي رصاصي جان لون الزي وقميص ابيض ولبست بوتين ابيض وجنطه بيضه على الضهر ونزلت لكيت امير بالمطبخ يسوي ريوك
امير/اليوم اول يوم دوام لشهد كعدت من وقت حته اوصلها لان كولشي متندل ولاتعرف شي عبالك مسجلي طالبه صف اول ابتدائي
دا احضر الريوك. وطبتلي شهد بزي المدرسه والجنطه والضفيره لااردين ضحكت بصوت.
شهد/صباح الخير عمو
شو شافني وخرب ضحك ضحكت على ضحكته
امير/يعيون عمو فدووه لبنيتي الشطوره اريدج تطلعين من الاوائل
شهد/تماام انشالله كعدت تريكنه. وهو جان مبدل متحضر للدوام لابس قاط اسود وقميص ابيض جان نازع الشتره ع صفحه كملنه ريوك
امير/بنيتي اسويلج لفه تاخذيها وياج ويضحك
شهد/لـ❌ـلا عاد كافي تصنف عليه 😿
امير/يله ماشي ماشي خلي نروح
طلعنه بالسياره كلي شهوده اريدج تركزين بدراستج ولتنطين اي معلومه تخص حياتج والي يسالج وين عايشه كوليلهم ابيت خالي واهلي مسافرين تمام
شهد /تمام
بسرعه. وصلنه كال يله انزلي اطوبج واوصي عليج المدرسات
طبيت هو يمشي واني وراه بخطوه واباوع ع المدرسه جبيره حلووه بس كولشي مااعرف عبالك طابه لغير عالم طبينه للاداره. المدريه كامت تلكته اهلاً بلاستاذ وتفضل والمدرسات. يباوعن عليه انخبصن عليه استاذ واستاذ
كولت بكلبي شنو وزير التربيه جايكم لو لان شافنه قاطه ومرتب وجنطه المحاماة بيده
امير/ست هاي شهوده بنت اختي
مثل ماكوتلج اهلها مسافرين وامانه عندي وهسه اامنج عليها شهوده كلش فقيره وبصراحه. خايف عليها هم ياريت توصين المدرسات عليها عينهن عليها شويه واكون ممنون الج
المديره/ ميحتاج توصي بعيوني بنيتنه بعد صارت
وكالت للمعاونه ست وصليها الصفها
رحت امشي ورا المعاونه درت. وجهي على امير يباوع عليه ابتسلملي اشرت بيدي بااي
هو غمزلي وابتسم رحت صعدت فوك جانو بادين بالعربي اول موضوع دا تشرحلهم المدرسه
طبيت سلمت الطالبات كولهن يباوعن عليه المعاونه كالتلها ست هاي طالبه جديده من طرف معارف المديره
كالتلي تفضلي ماما اشرتلي اكعد ثاني رحله بالسره النص ابنيه كاعده وحدها وكعدت بصفها كالت شنو اسمج كولتلها شهد علي
من يامنطقه جايه
من السيديه
اهلا وسهلا بيج وانشالله الطالبات هنا اخواتج
وصديقاتج
شكراً ست
كملت شرح الدرس وصار الدرس الثاني اجتي ام التاريخ من شرحتلنه. صارت فرصه مااندل واستحي مااعرف احد بقيت بمكاني الابنيه الي بصفي
مرحبا اني اسمي
مها
شهد/اهلا حبيبتي تشرفت
مها/اهلاً بيج تعالي تطلعين وياي للساحه
شهد/مْـإأڜْـي اكو هنا يبيعون شي
مها/اي اكو خاله ام احمد تبيع مولشي عدها محل بالمدرسه امشي اخذج عليها
نزلت وياها واني اباوع على الطالبات احس مكان فريب عليه ووحشه
وصلنه لام احمد اشتريت منها نساتل وعصاير و اكو مسطبات كعدنه ان ومها عليهن
مها/يامواليد انتي
شهد/2003
واتتي
مها/اني 2001 لان عايده هواي
شهد/ اني سنه وحده تركت
بقينه نسولف سوالف ع الدراسه لحد ما دك الجرص وبالفرصه الثانيه هم طلعت وي مها وخلص الدوام طلعت لكيت امير طابك سيارته اباب المدرسه ومنتجي عليها والبنات والمدرسات كلهن عينهن عليه وصلت يمه
شهد/هلوو عمو
امير/هلا شهوده شلون جان يومج
شهد/الحمدالله زين حلوو جان وتعرفت على صديقه كولش حبابه اسمها مها
امير/تمام يله صعدي
صعدت ورجعنه للبيت تغدينه العصر طلع. بقيت اقره شويه رجع بليل تعشينه ونمنه كل يوميه يمشي هيج روتينه والسبت تجي ام علي تنضف واساعدها
بقه اسبوع يوديني ويجيبني لحد مااتعودت اروح وارجع وحدي هي اصلاً جانت قريبه علينه
مر شهر على الدوام وبدت امتحانات شهر الاول باجر عندي وياضيات اكو مواضيع شويه مفاهمتهن صافنه ع الكتاب جان يطب امير
امير/ها شهوده شدا تسوين
شهد/دااقره امتحان باجر اول امتحان رياضيات
امير/ وشبيج صافنه
شهد/اكو مواضيع مداافتهمهن
امير/ شو انطيني
شِفـٍـْْ👀ــٰٰتْ الموضوع سهل بقيت اشرحلها وهي مركزه. وياي وصافنه عليه من اشرح. هاا هــًـًســًه فهمتي لو اعيده
شهد/يشرح بكل هدوء ويكتب خطه يجنن عبالك خطاط طريقته بالشرح كولش حلووه كلي فهمتي
ايي فهمت اصلاً طلع كولش سهل
امير/ يله كملي دراسه اخذي راحتج.
نزل
كعدت كملت لميت كتبي ونمت
ثاني يوم رحت احان اول سوال الي شرحلياه امير
حاوبته. كوله مضبوط ومها وياي صارت صديقتي المقربه والوحيده. خلص لدوام طلعت الجو شته پہآردهہ اتمشه وصلت للباب جان يطبك ولد بسياره. نزل ويباوع. عليه بنضرات غريبه من فوك ليجوه
............
