شهد
كعدت نزلت تريكت عادي نفس الروتين ماكو شي جديد ام علي گـِْـِْلِْ سبت تجي تنضف واني اساعدها كعدت بالحديقه بدايه العاشر والجو طيب فتحت شعري ع الشمس شويه تضربه شمس اكلب بالفون انتبهت للتاريخ اليوم ميلادي عادي مااهمتم لان اخر ميلاد احتفلت بي من جانو اهلي عايشين جانو كل سنه يسولي حفله وبابا ياخذني للاستوديو ياخذلي صور هنا صار عمري17 بـٍْْـٍْ؏ـٍْْد سنه وحده واروح يم خاله طبعاً خاله كل يوميه تخابرني وجانت تسولفلي على حياتهم هناك وشلون راح تعيشني ووين راح تاخذني كولش جنت متشوقه
خاله. اكثر وقتها دوام بحكم عملها ممرضه بمستشفى كانت
لفيت شعري وطبيت اعزل ملابسي الصيفيه القديمات مولهن عفتهن بيت بيبي مااخذت شي بــَس الي اشترتلياهم خاله وشتائي ماعندي كولت عود اشتري دااستلم ايجارات البيت وحته مدا اصرف منه لان امسر كولشي دايجيبلي بس الملابس كولت مستحيل اله من فلوسي بقيت اعزل طلعت الي مااحتاجهم من تجي ام علي تاخذهن لبتها
صارت ساعه 1 اجه امير صاحني نزلت
امير/اليوم ميلاد شهد وقررت اسويلها مفاجئه حجزت باحد مطاعم بغداد بالمنصور طاوله وطلبت يزينوها بالون الاحمر لان شهد احسها تحب لاحمر اكثر لبسها لون احمر
ووصيتهم على كيكه حجزت ساعه5 مريت بطريقي لمحل ملابس نسائيه طبيت مااعرف اشتري اول مره اطب لمحل ملابس نسائيه افتريت اختاريت ثوب طوله ميديم لونه احمر وفوكاه ستره كابوي اسود موديله حلوو عجبني اخذته ومريت لصايغ اخذت زنجيل ناعم رفيع وبي فراشه صغيره وطلعت عفته بالسياره نزلت طبيت مامو شهد صحت عليها نزلت تغدينه خلصنه كولتلها ساعه 5 حضري روحج نتعشه بالمطعم اليوم عاجبني
شهد/تمام
بقينه نتفرج تلفزيون. ب4 امير طلع
ورا شويه طب وبيده علاكه كال يله تحضري ولبسي هذا
شهد/اتفاجئت كوتله عندي هواي ملابس ليش جبتلي
امير/هـًُّـيًُْـچ فتت من يم محل وشفته بالعارضه لابسته المليكانه وعجبني
شهد/تمام اشكرك نص ساعه واكون جاهزه
صعدت لغرفتي طلعته فستان مولش نازك وقياسي فت لبسته ورهمت وياه حذاء اسود كعب وعفت شعري مفتوح عجبني احرب مكياج. وياه اول مره اجرب خاله اشترتلي كالت اذا يعجبج تخلين
خليت باودر وكحل ورتبت حاجبي شويه وماسكاره وحمرا لون احمر ورشيت عطر وخليت ولبست تلى شعري طاك ناعم اسود بي شذر نزلت
امير لبست قميص ابيض وبنطلون قماش اسود وكعدت بالهول انتضرها تنزل وجان تنزل ياربي شنوو حوريه ونزلت من السمه
الملابس تجنن عليها واول مره اشوفها لابسه كعب ومخليه مكياج والحمره حمره لنوب تسطر والشعر عبالك عبايه كولتلها ياه جاهزه كالت اي
اخذتها وطلعنه وصلنه للمطعم كولتلها يله انزلي طبينه واحس الكل يباوعن عليها لزمتها من ايدها وصلنه للطاوله الي حاجزها
هنااا ظلت واكفه انصدمت تباوع. ع الطاوله وعليه
امير/كل عام وانتي بـﺨـيـﺮّ🌹 يا احلى شهوده
شهد/انصدمت وفرحت وتفاجئت معقوله هاي الترتيب كوله اليه يربي دمعت عيوني تقربت عليه ردت احضنه من الفرحه وتراجعت حس عليه
امير /شِفـٍـْْ👀ــٰٰتْ فرحه بعينها حسيت بنفسي مسوي انجاز عضيم من فرحت يتيمه من الفرحه تشكرتني رادت تحضني وراساً رجعت شغلو بالمطعم اغاني ميلاد مو وصيتهم شغل اغانيه عبدالمجيد عبدالله كعدنه قطعت الكيكه واكلنه. جان طلعت الهديه من جيبي فتحتها وخليتها كدامها كولتلها هديه بسيطه
شهد/لا هواي كلفت نفسك اليوم ولنوب جايبلي ذهب
امير/وشنو الذهب يغلى عليج
شهد/شكرا ربي يحفظك حيل فرحتني صار سنوات محد مفرحني بعيد ميلادي اخر ميلاد بابا وماما سوه اليه عمر12سنه
امير/طلبت عشه تعشينه. وطلعنه اخذتها للمول اتمشينه شربنه عصير واحس الناس كلهم عينهم عليه بديت اضوج كولتلها يله نوجع كالت ممكن تجيبني لهنا مره ثانيه اخذ ملابس شتائيه ماعندي وهم للمدرس ينرايدلي
امير/تـدللين اجيبج وبعد اخذج لاماكن احلى تشترين منها ملابس
وطلعنه وصلنه للبيت كلمن الغرفته نبدل
