مشت لايام واحس روحي يوم يوم اتقرب الشهد اكثر صارت روحي بيها
صار موعد امتحانات امتحنت الحمدالله طلعت درجات زينه طبعاً بمساعدتي ماخليتها تعتمد على الالكتروني
مابقه شي ويصير عمرها 18 لازم بس تعبر ل18 افاتحها بموضوع الزواج
مشت لايام انشال الحضر وصار عيد ميلادها سويناه ابينه اني وياها
شهد/ممكن اطلب منك طلب
امير/بكلبي حته عمو صايره متكلي بس بنفس الوقت متصيحلي باسمي
تفضلي كولي
شهد/لاسبوع الجاي عرس صديقتي مها وحابه اخذلها هديه محبس تكدر تاخذني للصايغ تشتريلها
امير/ميخالف باجر نروح
شهد/تمام شكراً
ثاني يوم اخذني امير للصايغ واختاريت محبس ناعم ونازك تستاهل مها هي مو بس صديقتي اختي هم
مشينه فتنه من محل مال فساتين طلبت منه اختار فستان للحنه طبينه الفساتين تجنن حرت شاخذ اخر شي طلبت هو يختارلي ع ذوقه
اختارلي فستان لونه ذهبي طويل ومقسم على الجسم وبي حفره بصدره والاسقي مالته تنزل على الزند فيكه يجنن كوتله امممممم يجنن حبيته عاش ذوقك اخذته واخذ وياه حذاء كعب اوف وايت وبي لمعه
بيوم الحنه لبسته وخليت مكياج قوي وركبت اضافر ورموش وعدسات لون. عسلي ولبست ذهبي كله وشعري فتحته ع طوله وسويت بي تسريحه بسيطه خليت بيدي البشت ونزلت كولت لااعثر الفستان طويل جوه البسه
فتحت باب غرفتي ولكيت امير بوجهي واكف بقه يباوع عليه من فوك ليجوه
امير/بكلبي دخيل ربيج شطالعه هسه مال احصرها بالغرفه هم احد يكلي ليش اووووف يكلبي شيصبرك الجسم البياض خررررب عشيرتج
خوما هـًُّـيًُْـچ تطلعين
شهد/طبعاً لا هذا بشت البسه بس خلي انزل
نزل واني وراه ابايه انزل دست ع الفستان وعثرت راساً اندار ومعت بحضنه همزين لزمني جان وكعنه اثنينه
امير/اسم الله شبيج
شهد/ واني اباوع لعيونه ووجهي قريب ع وجهه ماادري دست ع الفستان
امير لزمني من ايدي ونزلنه لبست لبشت وصعدت وياه بالسياره يوصلني وصلت لبيت مها قبل لاا نرل باوع عليه
امير/شهد خوما اخوتها بالبيت
شهد/لا محد بالبيت بس بنات
امير/ تمام بس ديري بالج ع نفسج لتخلين اخد يصورج ولتطلعين اله اجي اني اخذج عود من تخلصين اتصلي بيه
شهد/ مااشي
نزلت طبيت للحفله وجانت الحفله تجنن كولش تونست وهواي ﺑنات ونسوان
طبعاً محد يعرف بسالفتي حته اهل مها ممسولفه الهم مها يدرون امير خالي يصير
خلصت لحفله ونطيتها الهديه كولش فرحت وخابرت امير اجه اخذني بالسياره نزعت لكعب
شهد/اووووف رجلي موتتني
امير/ليش لازم ركصتي هواي
شهد/ابتسمت وكوتله
اذا بعرس اقرب صديقه اليه مااركص وافرح لعد شوكت ممكن اركص وافرح
امير/اممممم بعرسج مثلاً وباوعت عليها ورفعت تك حاجب
شهد/باوعــت عليه ونضراته غريبه معرفت شاكوله بــَس دنكت وسكتت
وصلنه شلت حذائي بيدي ونزلت كولتله
ابدل وانزل
صعدت اباوع ع نفسي وبقيت اخذ سنابات قبل لا ابدل نسيت روحي لحد مـℳαـآ سمعت امير يصيح
شهد وينج شنوو نمتي
شهد/ بس اسبح وانزل ع السريع
طبيت سبحت لفيت شعري بالمنشفه رشيت عطر ونزلت
تعشينه وكملنه بقينه نتفرج تلفزيون وامشط بشعري جان بي سبريه هواي ضوجتي بالتمشيط ظليت اكطع بي
امير/شبيج وي شعرج ع كيفج
شهد/ ضوجني مدا يتمشط افففف اله اكصه واخلص منه
امير/شنووو ديررري بالج تكصينه والله العب بيج لعب
شهد/تفاجئت وعقدت حاجبي وليش ادير بالي واذا كصيته
امير/اممممم قصدي حلوو حرامات الابنيه شعرها طويل حلووو
زين ع كيفج وياه انطيني المشط
اخذت المشط وبقيت امشط بي ع ميفي خصله خصله وريحته طخت بخشمي وعطرها صطرني صطر بكلبي خررب عشيرتج منين طلعتيلي انتي
كملت تمشيط
امير/هاج المشط وبعد ع كيفج وياه مو عركه هي
شهد/ههههههه تمام
ثاني يوم
رحت للعرس بــَس مكدرت اروح للزفه امير مقبل
بس وياها بالصالون ورجعتها للبيت قبل لتجي لدفه سلمت عليها ورجعت للبيت
امير/بعد زواج مها صديقة شهد ب3 ايام جنت واكف بالباب ارشه واجتي ام مها جايبه غراض لشهد جانن يم مها
ام مها/شلونك خاله امير شخبارك
امير/هلا بيج خاله تفضلي
ام مها/لاخاله مستعجله بس هاي الغراض انطيهن الشهوده دزتهن مها
امير/اخذتهن منها
انـ شـاء الـلّه خاله
مشت خطوطتين ورجعتلي
ام مها/ڝٍُـًْدك خاله مادام شفتك بعد رايدتك بموضوع ضروري
امير/ايي كولي خاله شنو توقت موضوع يخص شغلي بالقانون
بس هنا جان الشي الي ممتوقعه ابد الصدمني وحسيت انضربت ع راسي حيل
....................
توقعاتكم شنو الموضوع الي طلبته ام مها من امير
