خاله/ليش استاذ غيرت رأيك
امير/لا بس لابنيه لان قاصر وحالياً باعبار عمامها مسؤلين عليها مااكدر اعقد عليها محكمه اله بحضور وصي عليها يعني واحد من عمامها
خاله/هنا الدنيه ضاكت بعينها كالتله مْـإأڜْـي افكر واخابرك
من حجت وياي وكالت شراح يقنعهم
تذكرت واحد من عمامي مو هلكد صلح وياه البقيه وهمه عدهم نوع يحبون الماده اجتي فكره براسي
خاله اكو فكره اجتي براسي
خاله/شنو هي
شهد/عمو حسين يكدر يساعدنه
خاله/يمعوده متسكتين وين يقبل يساعدنه تعلميني بيهم
شهد/مو بلاش مقابيل فلوس
خاله/شلون يعني
شهد/حسين مو صلح وين اخوته البقيه وهمه كولهم يحبون الماده اذا عرضتي عليه مبلغ مقابيل يصير وصيي راح يوافق متاكده
خاله/يااا ريت علوواه شكد يريد انطي
شهد/فتحت فيس بحثت على حسابه لكيته راسلته كوتله دزلي رقمك عمو محتاجتك بشغله اخابرك
ورا نص ساعه لكيت منه رِســٰالـْــٌـه بيها الرقم
خابرته خاله كالتله شخص امكانيه وخوش انسان تقدم لشهد بس لازم وصي عليها واحد من عمامها لان قاصر وتعرف تخوانك ميقبلون وبصراحه متكدر تعيش وي اخوانك وتروح هيج قسمه زينه ويجوز هالشخص حته انت يفيدك بما انو راح يخبها منك ومقابيل هالشي راح انطيك كراميه شتكول
حسين/مااكدر اخوتي اذا درو يتبرون مني
خاله/مراح يدرون مراح ينذكر اسمك بالعقد مكرد تجيب جنسيتك وتكول اني عمها وموافق ووصي عليها وهاي هيه
حسين/هاا اذا ميدرون خووش بس شكد الكراميه
خاله/الي تريده
حسين /5 ملايين
خاله/صار ميخالف
حسين/جا څــِوش باجر الصبح اغبش عليكم
خاله/سدته. واثنينه فرحنه راساً اتصلت ب امير وفهمته كلها والله عفيه عليج شلون خطه حلووه هسه بس يجي نكدر نعقد باجر انشالله
ثاني يوم ب9 وصل حسين حضرت خاله الفلوس وشوفتهن اله كالتله بس نخلص العقد تاخذهن
رحنه عقدنه سيد وهو شاهد وولد صديق امير الشاهد الثاني وصدقنه العقد بالمحكمه وبحضوره بصفته عمي ووصي عليه وبموافقته تم كولشي على مايرام اخذ ال5 ملايين وراح رجع لبيته
هنا صار لازم نبلغ عمامي خابرت خاله على عمي الجبير وبلغته اني تزوجت
تخبل وشلون واله اسويها محاكم واله اكتلها وهاي عار علينه اجوي هو واخوته وامير وكف بوجهم كلهم مرتي شرعاً وقانوناً وشوفهم نسخه من العقد ومالكم حق بعد تحجون واني محامي بس تشتكون عليه افرها عليكم واذبكم بالسجن هنا ظلو يفرون باذنهم خلو وراحو واخيررررراً خلصت يربي فرررحانه احضن بخاله وابوس خاله شكرراً شكررراً ساعدتيني يااحلى خاله واطيب ام
خاله تضحك كالت الشكر والفضل كله الامير مو اليه
باوعت عليه وكولتله شكراً الك
امير/اباوع عليها شلون فرحانه وتكمز وتبوس بخالتها يربي جنها طفله او بلاحرى هي صدوك طفله
بعد يومين سفر خالتي هنا طلعتني للسوك اشترتلي كومه ملابس وشغلات اليه وعطور وحته مكياجات بس خفيفه كالت خاف تصيرلج مناسبه شي وتحتاجيهم وانتي صرتي شابه من حقج ونزعتني لاسود لان جنت حزينه ع بيبي لمينه الغراض اني وياها وهي حضرت جنطها البيت وصت عليه دلال يأجره والايجار سنوياً يدفع وقررت فلوس لايجار يروحن لدار لايتام مساعده بثواب بيبي لان بيته وخاله ممحتاجه
اجه امير بسيارته اخذني لبيته اني وخاله المنطقه حلووه راقيه وهادئه بيته تقريباً مساحته 150 متر بي حديقه كولش مرتبه حلووه وكراج وصاله كبيره وهول ومطبخ بارد وحار وفوك غرفتين نضام سويت وحده اله ووحده اليه مجهزها حته ميز دراسه مخليلي بيها طبينه اني وخاله نزل غراضي وبقت غراض خاله كعدنه ساعتين وصار لازم نوصل خاله للمطار هنا بجيت عليها كومه حضنتني وكالت انتي بمكان امين الحمدالله كدرت اامن عليج ومتاكده استاذ امير كد الامانه وانشالله كلهن سنتين واخذج يمي وراح ابقه على تواصل وياج مااعوفج حضنتها وباوستها ووصت امير عليه كلها بعيوني وراحت اباوع عليها لحد ماطبت للصاله مال مطار اختنكت بجيت حيل تعلقت بيها حسيت بيها ريحت امي وحنان امي وبس هي الي بقتلي بهالدنيه رجعنه والطريق كوله ابجي
امير/اشوفها شلون تودع خالتها عبالك طفل يودع امه وتكولها ماعندي غيرج بهالدنيه حيل انقهرت عليها رحعنه الطريق كوله تبجي على خالتها وصلنه طبينه للبيت هي شبه خايفه احسها
شهد/طبيت للبيت واني خايفه حيل شنو مصيري وي شخص غريب مشايفته غير مرتين بنفس البيت ووحدنه ياربي اوكف وياي حيل خايفه جنت مااعرف شنو المضموملي حٍيآتـَّـّيےُ كولها انكلبت
