وفي صباح يوم جديد مليء بالاحداث الجديده وبدايه جديده لجميع ابطالنا
في منزل لينا
لينا بتثاؤب: صباح الخير يا ماما اومال فين بابا صحيح
ام لينا: نزل يجيب شوية حجات وزمانه على وصول
ودق الباب وكان هو والد لينا
لينا: نورتتت يا حاج لسه بنجيب في سيرتك
ابو لينا: ويا ترى بتجيبو سيرتي ف اي
لينا بمرح: فكل خير يا بابا الا صحيح بقولك يا حاج
ابو لينا: قولي يا بنتي
لينا: بصراحه كده ومن غير كتر كلام امبارح في حد خبطني بالعربيه وانا بركنها بس انا روحت صلحتها متقلقش
ابو لينا: وتصلحيها لي يبنتي ما كنتي تقوليلي وانا اصلحها مكنش لازم تتعبي نفسك
لينا: خوفت تزعل يا بابا وتدايق مني او حاجه
ابو لينا: لا يبنتي عادي المهم انك جيتي قولتيلي ومخبتيش (والنبي يا عمو محمد انت طيوب على رأي روان😂)
لينا: واناا اقدر اخبي حاجه على حبيبي. برضو بقولك يا بابا انا هنزل كمان شويه رايحه الشركه
ابو لينا باستغراب: شركة اي يبنتي
لينا: اه مانا نسيت اقولك ان انا كنت من البنات الي اختاروهم للتدريب في العماره الجديده والمفجأه الكبيره ان العماره دي هي هياها الي هتتبني جنبنا
ابو لينا: مبروك يا حبيبتي عقبال اما اشوفك مهندسة ديكور قد الدنيا يلا روحي الشركه يا حبيبتي ولو عوزتي اي حاجه خديها معاكي
لينا: احم مش عارفه اجيبهالك ازاي بس ممكن اخد العربيه النهارده كمان عشان هعدي على روان اخدها ف طريقي
ابو لينا: ماشي يحبيبتي بس خلي بالك من نفسك اهم حاجه
لينا: والله انت راجل سكره يلا هروح البس عشان الحق المعاد
وذهبت لينا لترتدي ملابسها وكانت بنطال جينز وتيشيرت من النوع ال(اوڤر سايز) باللون الاسود والحقيبه باللون الابيض وكذلك الحذاء
اما عند روان في منزلها
روان: صبااح الخيررر يا احلى ماما فالدنيا
ام روان: يا عيني يا عيني عالناس الرايقه اي الروقان ده كله صباح النور يحبيبتي
روان: مقولكيش يا ماما متحمسه ازاي فأول يوم تدريب ليا حاسه بحماس رهيب
ام روان: ربنا يوفقك يا بنتي انتي وكل الي زيك يارب يلا بقاا روحي الحقي البسي
روان: صح هلبس بسرعه عشان لينا هتعدي تاخدني بالعربيه
ام روان: ماشي يحبيبتي يلا روحي البسي
وذهبت روان لترتدي ملابسها وكانت عباره عن فستان باللون الابيض والحزام باللون الجملي وحجاب وحقيبه وايضا الحذاء من نفس اللون مما جعلها في قمة الجمال
