في صباح يوم جديد على كل ابطالنا مليء بالاحداث الجديده والجميله استيقظت مجنونتنا لينا
لينا: هحح صباح الخيررر
الام: صباح النورر
الاب: صباح النورر
لينا: عاملين اي النهارده
الاب: كويسين يا حبيبتي اي رايحه الشغل
لينا: اها و
قطع كلامها الاب بضحك: وهتاخدي العربيه خلاص انا روحت الصبح كتبتها بإسمك وبقت بتاعتك
لينا بفرحه: انت بتهزر يبابا مش كده
الاب: لا ولا بهزر ولا حاجه اعتبريها هدية عيد ميلادك يستي
لينا: هو عدى بس هو في احلى من دي هديه.... حبيبي انت يا حاج
الاب: بس خلي بالك على نفسك وانتي بتسوقيها انا ظبطلك الرخص وكل حاجه تمام
لينا: فعيني يا بابا فعيني كده
الام: وانا جبتلك الموبايل الي كنتي عايزاه
لينا: ماامااا بتهزرييي صحح
الام: لو مش مصدقاني هتلاقيه جوا عندك عالمكتب
لينا: جماعه انا لو هموت بكره قولولي
الام: بعيد للشر عليكي يا جزمه كل الحكايه اننا نسينا نجبلك هديه ف عيد ميلادك عشان كان عندك مشاكل فالجامعه فجبنهالك دلوقتي
لينا وهي تحضنهم وتقبلهم: بحبكوو قاااد البحر وسمكاته كده
الاب: احنا بنحبك اكتر
الام: ها هتروحي امتى بقا
لينا: هروح البس وانزل اعدي على روان وساره
الام: ماشي يحببتي تروحي وتيجي بالسلامه
وذهبت لينا لغرفتها
لينا: اوووف ده الفون الي كنت طالباه منهم الله عالجمال بجد
وفتحت لينا علبة الهاتف ونقلت شريحة الاتصالات من هاتفها القديم الى هاتفها الجديد ورنت على روان
لينا: اي يرورو عامله اي
روان: كويسه يحببتي انتي عامله اي
لينا: تمام الحمد لله ها هاجي اخدكوا بعربيتشي الجديده امتى
روان: انتي اشتريتي عربيه
لينا: لا بابا كتبلي عربيتو وظبط كل الورق بأسمي وعملي مفجأه وست الكل جابتلي موبايل جديد بكلمك منه
روان: بت يا لينو اوعي تكوني هتموتي قريب ولا حاجه
لينا: قولتلهم كده والله وقالولي لا ده عشان عيد ميلادك الي فات وكده
روان: اه صح انتي عيد ميلادك كان من قريب
لينا: ايوا انتي لحقتي تنسي
