وحل الصباح على ابطالنا جميعا وبدايه جديده لكلاهم
في بيت لينا
ام لينا: إصحاااااااي كل ده نوم يلا إنتي متأخره على الكليه الساعه بقت 10 ونص(وطبعا عزيزي القارئ الساعه 7 ونص عادي بس ام لينا شبه امهاتنا كلنا😂)
لينا بنعاس: يا ماما سيبيني انام شويه كمان
ام لينا: يبنتي بقولككك الساعه 10 ونصص
لينا بصدمه وهي تنظر في الساعه: يا ماما حرام عليكي دي الساعه لسه 7 ونص خضتيني
ام لينا: ما علينا يلا عشان تلحقي تفطري وتنزلي عشان متتاخريش
لينا بنوم: طيب طيب هقوم اهو
(وطبعاا عزيزي القارئ لينا زيها زي اي حد فالعالم كملت نومها عادي😂)
بعد نصف ساعه
ام لينا: هو انااا بكلم نفسييي قوميي يا زفتههه ياللي اسمك ليناااا
لينا: بسم الله الرحمن الرحيم في اي يا ماما مكنوش نص ساعههه يعنيي
ام لينا: قوميييي يا بنتيي هتتاخريي كدههه
لينا: حاضررر اهو قومت اومال فين الحاج صحيح يا ست الكل
ام لينا: قاعد فالصاله برا
لينا: اما اقوم اسلم عليه عشان مشوفتوش امبارح اما رجعت من الجامعه
لينا بمرح: ابو الحجاجيج وحشنا والله
ابو لينا بضحك: تعالي يحبيبة بابا عامله اي فكُليتك ودراستك
لينا: زهقونا والله يا بابا بس اهو ماشي الحال كل ده بس عشان اطلع مهندسة ديكور قد الدنيا واشرفكوا
ابو لينا: حبيبتي انشاء الله تبقي احسن مهندسة ديكور. انتي رايحه الكليه امتى
لينا: المفروض اقوم البس عشان بيقولوا النهارده في اختيار 3 بنات مننا يروحوا كتنظيم ديكورات في عماره لسه هتتبني ادعي اكون من البنات دي يا بابا
ابو لينا: يارب يبنتي يوفقك وتكوني منهم طب يلا بقا عشان معطلكيش قومي البسي وانزلي
وذهبت لينا لترتدي ملابسها وكانت عباره عن فستان باللون الاسود وكان يتزين بالورود الجميله وحزام باللون الابيض على خصرها فكانت كما اميرات ديزني
اما عند مروان
استيقظ من النوم على منبهه كعادته باكراً لانه لا يحب التاخير ويحب الاستيقاظ مبكراً
رن هاتف مروان وكان المتصل هو زياد
مروان: الوووو
زياد: اي يا مارو صباح الخير
مروان: صباح النور يا زيزو
زياد: اسكت مش الخبر بتاع العماره اللي هتتبني في المهندسين طلع صح واتدبسنا يا كبير
مروان: قولتلك انا كنت حاسس انها حقيقه ومش إشاعه متعرفش مين اللي اترشحوا
زياد: انا وانت وعبد الرحمن اترشحنا كمشرفين على المهندسين اللي هيبنوا العماره
مروان: يا الله يعني الواحد كان هياخد اسبوع راحه تجيلي عماره هتتبني من حيث لا ترى
زياد: يلا معلش اه صح في خبر تاني
مروان: اخبارك يا اخ زياد قووول
زياد: بيقولوا هياخدوا بنات من كُلية اختك ساره كمتدربين لتنظيم الديكورات في العماره ومنهم 3 بنات هيترشحوا معانا
مروان: طب ع كده بقا متعرفش مين البنات دي
زياد: اممم لا هم كلفوك انت تروح تشوف اكفئ الطالبات والاحسن منهم تجيبهم لأنهم عرفوا إن ساره موجوده في الكليه دي
مروان بشك: ومين قالهم إن ساره أختي بتدرس هناك واصلا محدش يعرف غيري أنا وأنت
زياد بتوتر: ااا ا بصراحه انا اللي قولتلهم عشان مروحش وانا معرفش حاجه هناك
مروان بغضب من تصرف صاحبه: اهههه يا حيواااان مكنت تقولي كنت هعرفك تروح ازاي
زياد: اللي فات مات بقى يا صاحبي يلا مش هطول عليك روح انت الجامعه وانا مستنيك في المكتب ياماروو
مروان: اقفل يا زفتتتتت
واتجه مروان ليرتدي ملابسه وكانت بنطال باللون الاسود وقميص باللون الابيض والحذاء والساعه ليتجه الى الجامهه
اما عند روان
ام روان: روااااااان اصحى الوقت اتااخررر
روان ببعض النوم: الساعه كام يا ماما
ام روان:9 ونص
روان بصدمه: يلهوي المعاد 10ونص انا ازاي نسيتوو
ام روان بإستغراب: معاد ايه
روان: النهارده هيختاروا 3 متدربات تنظيم ديكورات في عماره هتتبني في المهندسين
ام روان: طب فزييي قومييي هتتأخري يا أخرة صبرييي
رنت روان على صديقتها لينا
روان : الوووو
لينا: ايه يا بنتي فينك مش جايه النهارده ولا ايه
روان: لا لا جايه بس صحيت متاخر راحت عليا نومه
لينا: طب يلا قومي البسي وانا هاخد عربية بابا النهارده واروح الجامعه وحصليني عشان متاخرين
روان: تمام تمام يلا باي
واتجهت روان لترتدي ملابسها وكان بنطال (بوي فريند) وعليه تيشرت باللون الاسود والجاكيت الابيض والحجاب الاسود
واتجهت الى الجامعه وكذلك لينا التي اخذت سياره ابيها لتلتحق بالجامعه
عند مروان
مروان: كان لاازم يعنيييي سسيي زفتت زياد يدبسني فالطلعه دي يارب اليوم ده يعدي على خيررر
وكانت ساره تخرج من المنزل لتلتحق بالجامعه
ساره
اخت مروان الصغيره تدرس بجامعة الفنون الجميله قسم هندسة ديكور انها الفتاه اللطيفه ذات البشره البيضاء والعيون الخضراء والشعر الطويل تبلغ من العمر 20 عاماً وتتميز بلطفها ومرحها وطفولتها
مروان بسرعه وصوت مرتفع: سوسوووو استنيي
ساره: اي يا مارو في حاجه ولا اي
مروان: كنت رايح النهارده الكليه بتاعتك
ساره باستغراب: ايدا لي في حاجه ولا اي
مروان: لا حاجه تبع شغلي كده
ساره بنفس الاستغراب: مروان انت هندسه معماريه وانا فكلية فنون جميله اي الي جاب ده لدهه
مروان: انا كنت فاكرك عارفه النهارده يبنتي في اختيار 3 متدربات ك تنظيم ديكورات ف عماره هنبنيها فالمهندسين وكلفوني اني اختار البنات دي وقولت اوصلك ف السكه معايا
ساره بتذكر: اه اه صح كنت ناسيه طب كويس اهو بدل ماروح لوحدي اجي معاك يلا بينا
مروان: يلا
وذهبا مروان وساره الى الجامعه
عند لينا في طريقها الى الجامعه وكانت تسير بالسياره بسرعه كبيره جداا
لينا: يلهويييي مينننن الحماااار دههههه
ونزلت لينا من السياره بسرعه ووهيي غاضبه
لينا ببكاء: احيههه بابا مش هيدخلنيي البيت العربيه باااظتتت
وكان اللذي خبطها هو مروان
مروان: اناا متأسف جداااا
احم احم يارب يعجبكم البارت يحلويننن😂❤❤
